المساعد الشخصي الرقمي

مشاهدة النسخة كاملة : ثلاث سنين


بوعلي
14-04-2007, 10:36 PM
ثلاث سنين انا اخطط لهذا اليوم يابوسعود
تيسر حالي وجاهز اوفي وعدي بوقته
وفجأه جتني تتعذر تقول تأخرت لوعود
وانا مستغرب واسمع وكأني وعدها خنته
حسبت انها تمازحني وتتصنع جفا وصدوود
ضحكت بوجهها من قلب معنها بايخه النكته
وقالت ارضى بالواقع قلبي ماهو المعهود
تغير كل شي صوبك نصيبي ما اظن انته
كنت بيوم محبوبي ولاكن ما اظن نعود
وصل من قبل ما توصل وانا ذاك الصبر عفته
ولاكن تكفى صدقني ويشهد ربي المعبود
ترى ما خنتك بغفله ولاكلمته وشفته
صراحه اهلي قالولي بأنه ولد اصل وجود
وجتني امه بصوره وبكلمات المدح اخته
سكت وقلت هي فرصه مادام الجود في الموجود
وقالو كل من حولي علامات الرضى سكته
وانا فكرت دام امه واخته ما عليهم زود
اكيد اني براضيهم اذا وافقت وخترته
وراضي اهلي وخواني مدام انه الفرح مقصود
عطيت الناس انا كلمه وماعاهم وقتي حددته
ولا اقدر اغيرها ترى عند العرب منقود
اوافق واعتذر باجر وقول الراي غيرته
تبي تشرحلي المنقود تصدق عاد يابوسعود
تبيني اقتنع وارضى بحال ٍ عمري ماعشته
انا ماني بقايلها عسى يفرش ثراها ورود
بعد ماحطمت قلبي وطعم الموت جربته
عسى فستانها اشواك وفي ثوبه عقارب سود
ونار ٍ تحرق الكوشه وتحرق بيتهم حتى
وموت بليله الدخله يبرد حرتي ياكود
ولا احس انها بحظنه يلامس خد لامسته
علي اهون اذا ماتوا ولا بنفس السرير رقود
ترى صعب ٍ علي اتخيل الي ما تخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنت عديم الذات تلوع حتى كبد الدود
ومن خان العهود ومات تعافى حتى مقبرته
عسى ربي يجازيهم بحبل ٍ من مسد ممدود
يعلقهم من اطرافه ونارٍ وفوقه وتحته
انا ماني حقود وشين ولاني من نسل نمرود
ومن حط نفسه بوضعي بيقول الي انا قلته
مدام الفعل له رده فعل والله بشري بردود
بدعي دامني حي ٍ وبغرس لدعى نبته
وبسقيها نزيف القلب ودمعن ٍ مارحم لخدود
وتكبر والثمر ثاري من الي خانني وصنته
انا نذرٍ علي اكتب وفجر هالقصيد رعود
وسمع كل بشر صوتي عجبته ولا زعلته
وردد للذي يسمعني اذا حبيت حط حدود
انا حبيت من دون حدود وشوف الي تكبته
ثلاث سنين انا ابني وجت صوره بكل برود
خذت مني شقى عمري وحلم ٍ قلت حققته
ثلاث سنين انا اخطط لهذا اليوم يابوسعود
توافق من كلام اخته وصوره اربعه في سته

‏فّـٍ ـاَلأحُِلأمٌـِ ـاًرسِْ
14-04-2007, 10:44 PM
روعه
مشكوور أخوي بو علي
^ـ^
ــــــــــــــ

زهرةالصبار
14-04-2007, 11:00 PM
مافهمت يعني هو تزوج عليها

ولا ايش

الشقردي
14-04-2007, 11:43 PM
صح لسان قايلها

بس تراه يخليها في حالها ابرك

ومن عافنا عفناه يابوعلي

بوعلي
15-04-2007, 03:54 PM
حياك الله ملك روما

بوعلي
15-04-2007, 03:55 PM
اقول زهرة الصبار ...
كيف الحال ؟؟ :d

لا ماتزوج عليها ...
ثلاث سنين وهو يخطط يتقدم لها
جاته فجأه قالت له انها بتاخذ غيره

بوعلي
15-04-2007, 03:56 PM
صح كلك يالشقردي
وصدقت ,,, من عافنا عفناه

عتيج
15-04-2007, 05:18 PM
ثلاث سنين انا ابني وجت صوره بكل برود
خذت مني شقى عمري وحلم ٍ قلت حققته
ثلاث سنين انا اخطط لهذا اليوم يابوسعود
توافق من كلام اخته وصوره اربعه في سته

الله الله ......

دروب الحزن
15-04-2007, 07:19 PM
الله واااااايد حلوه هالقصيده أنا عندي مسموعه ترى هالقصيده رهيبه من الخاطر ..

مشكور أخوي بوعلي ..

الجوهرة
16-04-2007, 10:58 AM
يااااا ويل قلبي عليه اشهد انه تحطم من قلب....!!!

اخوي بو علي

تسلم على اختيارك للقصيدة الرووعة ....!!!

زهرةالصبار
16-04-2007, 02:17 PM
عسى فستانها اشواك وفي ثوبه عقارب سود
ونار ٍ تحرق الكوشه وتحرق بيتهم حتى
وموت بليله الدخله يبرد حرتي ياكود



حرام عليه ماتوصل للحقد وتمني الموت

معليش بوعلي تراني قريتها بآخر الليل وفيني النوم فما فهمت

ويوم صحصحت فهمت

بوعلي
16-04-2007, 04:48 PM
الله عليييييييك يابوسلمان ...

بوعلي
16-04-2007, 04:49 PM
اتحفينا بالصوتيه يادروب الحزن وسمعينا اياها معاج دامها عندج .. ماعليج امر الغاليه

بوعلي
16-04-2007, 04:51 PM
العفو يالجوهره
حياج الله الغاليه

بوعلي
16-04-2007, 04:52 PM
حرام عليه ماتوصل للحقد وتمني الموت

معليش بوعلي تراني قريتها بآخر الليل وفيني النوم فما فهمت

ويوم صحصحت فهمت



مب منه من حرقة قلبه شيسوي لازم يطلع حرته شوي

زين اذا في عينج النوم مره ثانيه قولي لي انادي لج الشقردي يصب لج قهوه تصحصحج :p

ام الزري
17-04-2007, 10:44 PM
عساك على القوة ..

بوعلي
19-04-2007, 06:45 AM
يقويج ام الزري

Send
19-04-2007, 09:18 PM
لاهنت بوعلي

بوعلي
20-04-2007, 11:00 PM
تسلم ياسيند ..

ري المطر
06-12-2010, 08:38 PM
قصيدة غريبة عجيبة وقووووووووية ,,,,:4s2j9s (36):

سراب البيد
06-12-2010, 08:51 PM
:5_asmilies-com:ثلاث سنين انا اخطط لهذا اليوم يابو سعود
وتوافق من كلام اخته..وصوره (4 فــ 6 )

تسلم على القصيدة

على الرغم من جراءة الشاعر

في الكلمات الا انه ارتاح من كثر

الدعاء عليهم مسكين بو سعود هذا

حال الدنيا

دام عزك ياوطن
07-12-2010, 02:34 PM
قصيدة فالصميم
ومشكور

حكآآية أنتظآآر
10-12-2010, 07:45 PM
قصيده قووويه وحزييينه بعد
مرت علي قبل ...

تسلم على الاختياار