المساعد الشخصي الرقمي

مشاهدة النسخة كاملة : عهدي بها مـن قبـل تلبـس عبايـه


بوعلي
16-05-2007, 11:52 PM
عهدي بها مـن قبـل تلبـس عبايـه
وأنا بعد قبل البس شماغ وعقـال !!

طفليـن نتهجّـى حـروف البدايـه
الله ياماأجمل سواليـف الاطفـال !!

كانت لنا فـي كـل شـارع حكايـه
وكنّا نقول علـوم ماهيـب تنقـال!!

وكنـت اتقاسـم مامعاهـا معـايـه
من(عسكريم) التوت,للعلك ابوريال !!

وكانت بعكسي شاطره فـي القرايـه
تقرأ جزء عـمّ وطـه والانفـال !!

وأنا لـك الله مـن مـواري غبايـه
مدري ابو نقطه هو الـذال او دال !!

وكانت لابويه تشتكـي مـن شقايـه
وتعلّمه كيف اربط البـاب بحبـال !!

ياما على ظهري كسر مـن عصايـه
يقول لي:خلّك وأنا ابـوك رجّـال!!

وامـي تقـول:ادع لولـدك الهدايـه
خوفي تصيبه كثرة الضرب بهبال !!

لاشفتهـا مـع اول الـدرب جايـه
مدري أنا اللي ملت ولاّ الوطا مال!!

احسّ قلبـي يرتجـف فـي حشايـه
ماكنّه الاّ الضيف لاهـزّ فنجـال !!

يامـا من"السعلـو" تخبّـت ورايـه
لاخوفوها فيه ثم شافـت ظـلال !!

تقول:خـلّـك ياحبيـبـي معـايـه
واسّتأنس العب عندها دور الابطال !!

وآغار حتّى مـن عيـون اصدقايـه
لاطالعوهـا قلت:تكفـون ياعيـال!!

مبيووووقه ...

عتيج
17-05-2007, 09:27 PM
وكنـت اتقاسـم مامعاهـا معـايـه
من(عسكريم) التوت,للعلك ابوريال !!

ليش تذكرني يابوعلي ,, ليش


:dancing:

كحيلان
18-05-2007, 02:25 AM
[b]وأغار حتى من عيـون أصدقايـة
لا طالعوها قلت :تكفوووون يعيـال


صح الله لسانك ولسان شاعرها

وتسلم لنا هالانامل على النقل المتميز

والله يعطيك الف عافية على هالاختيار

ام الزري
18-05-2007, 04:46 AM
الله يعطيك العافية على القصيدة ..

ابراهيم بن حسين
18-05-2007, 07:01 AM
لاشفتهـا مـع اول الـدرب جايـه
مدري أنا اللي ملت ولاّ الوطا مال!!

احسّ قلبـي يرتجـف فـي حشايـه
ماكنّه الاّ الضيف لاهـزّ فنجـال !!

الله عليك والله ابدعت نقل موفق
وتسلم اوخوي بوعلي
والى الامام دائما،،،

بوعلي
18-05-2007, 07:59 PM
ليش تذكرني يابوعلي ,, ليش


:dancing:


:9-94: :9-94: :9-94:

شنسوي يابوسلمان ....

امل منسي
18-05-2007, 08:20 PM
كانت لنا فـي كـل شـارع حكايـه
وكنّا نقول علـوم ماهيـب تنقـال!!

خاطري اعرف شتقولون

بوعلي
18-05-2007, 11:57 PM
يعافيك ربي ويخليك اخوي كحيلان ...

بوعلي
18-05-2007, 11:57 PM
الله يعافيج يام الزري ....

بوعلي
18-05-2007, 11:58 PM
يسلم غاليك ومغليك يابن حسين ...
منورني بردك يالغالي ...

بوعلي
19-05-2007, 12:00 AM
خاطري اعرف شتقولون



اكيد سوالف يهال ... :4s2j9s (26):


منوره يالغاليه ...

الجوهرة
19-05-2007, 02:17 AM
ما شاء الله عليك على الاختيار الرااائع .....!!!!

تسلم يمناك.....!!!

الشقردي
19-05-2007, 02:22 AM
كلمات بدون تصنع

قصيدة حلوة

احساس الدوحة
19-05-2007, 03:06 AM
مادري ليش تذكرت فريجنا القديم

وتخيلت فلان بن فلان

يقول القصيده فيني

كنا اطفال وببراءه نحب بعض

واركب الباص وهو ينطرني

ولو اشوفه اليوم ماعرفه ههههههههه

قصيده رااااااااااائعه يالغلا

‏فّـٍ ـاَلأحُِلأمٌـِ ـاًرسِْ
21-05-2007, 10:11 PM
روعه
مشكوور اخوي بو علي
وعساك على القوة
^ـ^
ـــــــــــــــ

بوعلي
25-05-2007, 05:37 PM
يسلم غاليج ومغليج الشيخه اليوهره ...
منوره الغاليه ...

بوعلي
25-05-2007, 05:37 PM
تسلم يالشقردي ...
منور يالغالي ...

بوعلي
25-05-2007, 05:38 PM
في اي فريج كنتي ساكنه احساس ...
يمكن اعرفه ...

بوعلي
25-05-2007, 05:39 PM
الله يقويك ياملك ....

زهرةالصبار
25-05-2007, 05:39 PM
روعة من روائعك يابو علي

وكلمة روعة قليلة بحقها

يعطيك العافيه

بوعلي
25-05-2007, 05:43 PM
يعافيج ربي يا زه زه ...
الروعه في ردج اللي يرد الروح ...