المساعد الشخصي الرقمي

مشاهدة النسخة كاملة : عطني .. امـــــــــــــل


بوعلي
18-04-2007, 07:45 PM
عطني أمل في رجعتك لي على خير
لا.. لا تقول انك على الصد صامل

انا تعبت وصار لك في تأثير..
وقلبي على قربك.. ولاماك آمل

يا صعبها الفرقا.. ولا فيه تبرير..
ما فيه داعي حاول انك تجامل

ان كان قصدك عذر جتك المعاذير..
آسف على كثر الخطا.. والتعامل

يمكن خطاي اني من اعماقي اغير..
والكامل الله.. ما سوى الله كامل

من دافع احساسي.. ومن خوفة تطير..
ومن حبي اللي فالعروق يتنامل

لو هي بكيفي من على الأرض ما تسير..
حطيت لك كفي عن الأرض حامل

حبك ذبحني ذبح.. وانساني الغير..
وملكتني بالحب.. والملك شامل

قلبي هوالك هوية الدلو فالبير..
واصبحت تلعبّه بروس الانامل

اذكرك لا صحّى الصباح العصافير..
ويسبق تناهيدي.. من الدمع هامل

واذكرك لا هبت شماليه عصير..
واقبل غروب الشمس.. والليل خامل

واذكرك يا عمري بكل المشاوير..
والحزن يسكني.. وأنا الحال سامل

صار الذي في يوم ماتوقع يصير..
واصبحت في عز له عن الناس هامل

واشيل حملٍ كبر ابانات والنير..
وعطيت دربٍ فيه مالي مزامل

اما تجي وتقول راجع على خير..
ولا على شاني طلبتك تجامل

حاول تنسيني على اقل تقدير..
دامك على فرقاي من جد صامل..


مبيوووق ..

الشقردي
18-04-2007, 07:48 PM
خوش تشبيه بالدلو والبير


سلمت يمناك على النقل المميز

دروب الحزن
18-04-2007, 07:57 PM
قصيده رووعه يعطيك العافيه أخوي بوعلي ..

عتيج
18-04-2007, 08:49 PM
من اروع ماقريت

سلمت لنا بوعلي

بوعلي
18-04-2007, 09:14 PM
يعطيك العافيه الشقردي ع الرد ...

بوعلي
18-04-2007, 09:18 PM
يعافيج الغاليه دروب ..

امل منسي
18-04-2007, 09:32 PM
حد ناداني ؟

بوعلي
18-04-2007, 09:39 PM
اهم شي عجبتج النقوه يابوسلمان ...

بوعلي
18-04-2007, 09:42 PM
حد ناداني ؟


http://www.jaralqamr.com/smiles/smile_files/smile1_data/02.gif http://www.jaralqamr.com/smiles/smile_files/smile1_data/02.gif http://www.jaralqamr.com/smiles/smile_files/smile1_data/02.gif http://www.jaralqamr.com/smiles/smile_files/smile1_data/02.gif

زهرةالصبار
18-04-2007, 11:11 PM
قلبي هوالك هوية الدلو فالبير..


كل هالمدح وبالأخير الدلو والبير

جا يكحلها عماها

بوعلي
18-04-2007, 11:15 PM
زهرة الصبار .... لا تدققين عاد ...
خلي هالبيت على صوب ...

الجوهرة
19-04-2007, 09:51 AM
حبك ذبحني ذبح.. وانساني الغير..
وملكتني بالحب.. والملك شامل


بصراحة قصيدة في قمة الروووعة ....!!!

يعطيك العافية بو علي على البوقة الحلوة...!!!!

بوعلي
19-04-2007, 05:04 PM
يعافيج اختي الجوهره .....

Send
19-04-2007, 09:16 PM
رووعه القصيدة

بس من شاعرها ..؟

بوعلي
20-04-2007, 11:01 PM
ماعرفه والله ..
بس عجبتني ونقلتها ...

ام الزري
25-04-2007, 04:08 PM
روعة القصيدة ..

بوعلي
25-04-2007, 05:55 PM
تسلمين ام الزري ...

‏فّـٍ ـاَلأحُِلأمٌـِ ـاًرسِْ
26-04-2007, 03:46 PM
مشكوور اخوي بو علي على القصيده
يسلمووو
وعساك على القوة
^ـ^
ــــــــــــــ

بوعلي
26-04-2007, 11:06 PM
يقويك ربي ياملك ..
ويسلم غاليك ومغليك ....

الشقاوي
28-04-2007, 04:42 AM
حاول تنسيني على اقل تقدير..
دامك على فرقاي من جد صامل..

تحياتي لك اخي بو علي

على هذه التألق في نقل القصيد الرائع

الف شكر اخي الكريم

بوعلي
28-04-2007, 01:54 PM
العفو اخوي الشقاوي ..
منور الغالي ...

احساس الدوحة
28-04-2007, 01:56 PM
قصيده تحمل المعاناة بين سطورها

والامل في قلب الحبيب

يدعوه للمزيد من الشوق ..

تسلم عالنقل الموفق

بوعلي
28-04-2007, 02:07 PM
العفو الغاليه احساس ...
نورتيني ..