المساعد الشخصي الرقمي

مشاهدة النسخة كاملة : قصة مهسترة من جد وفيها عبرة


مهستر@الله يستر
20-05-2007, 11:22 PM
هذي القصة سمعتها من كذى شخص


وفوق هذا قريتها في منتدى قبل فترة


لكن تراني نسيت كل الاسمي اللي في القصة


ولذلك ........... باحط لكم اسامي من عندي

والعبرة في القصة مب في الاسامي

صح ولا انا غلطان؟؟؟؟؟؟؟:ranting2:

نجي للقصة


يقول الضابط المناوب في احد مراكز الشرطة في الرياض

وان ماكنت غلطان ان اسمه النقيب عبدالله



ان جاه بلاغ عن حادث دهس مقابل معرض سيارات البي ام اللي بالرياض


ولما وصل موقع الحادث .. شاف واحد مرمى على الارض وعمره في منتصف الثلاثينات

ولقاه متوفي من قوة الضربة وسرعة السيارة وخصوصاً لأن هذاك الخط يعتبر خط سريع

ولقى سايق السيارة شاب في العشرينات


المهم ان الضابط فتش في جيب الرجال المصدوم ولقى محفظته وهويته واغراضه وتحفظ عليهم

يمكن حد يجي ويسأل عنه من قرايبه ويسلمه الأغراض

واخذ السايق معاه للمركز عشان يكمل معاه الاجرائات


ومر يوم ويومين وثلاث ومحد جي يسأل عن مفقود او اي شي من هالقبيل

فالنقيب عبدالله الله يوفقه

جاب هوية الرجال المصدوم وبحث له عن رقم تليفون إلى لما لقاه

واتصل بالبيت ... ردت وحده قال لها هذا بيت فلان الفلاني

قالت له اي هذا بيته آمر في شي

قال لها هو وين ؟؟

قالت ظهر من البيت من ثلاث ايام راح يدور شغل وللحين مارجع

فقال لها ممكن تعطيني عنوان بيتكم عندي امانه ابغي اوصلها لكم

فعطته عنوان البيت وعلى طوووول راح لهم


ولما وصل لقى بيت متوضع جداً متهالك الاطراف

دق الباب فتح له الباب ولد عمره حول التسع سنين

قال له هذا بيت فلان قال له نعم

قال له وانت من ؟

رد الولد : انا ولده

فسأله الضابط : عندك اخوان اكبر منك

رد الولد : لا

فقال له : الوالدة موجودة

قال له اي موجودة

فقال له نادها لو سمحت؟


اصابعي عوروني باريح شوي وباكمل لكم الجزء الثاني

معليش استحملوني اشوي

مهستر@الله يستر
20-05-2007, 11:40 PM
(( ملخص الجزء الاول ))


اقروا المكتوب فوق ... القصة وانا تعبان على كتابتها وبعد تبغوني ألخص:ranting2:

الجزء الثاني

وبعد ما طلب انه ينادي الوالدة

جات الحرمة وأول ما شافت ضابط ومعاه عساكر

طار قلبها .. قالت خير اخوي في شي صاير شي ولا زوجي مسوي شي ولا حد من الديانه مشتكين علينا؟؟

قال لها يا اختي احتسبي الاجر في فلان واطلبي له الغفران

فالمره انهارت وجلست تبكي

والضابط ما قصر جلس يهديها وطق الباب على الجيران وطلب منهم ان كان عندهم حريم يجون ويكونون بجنب المره

ولما اوصلوا الحريم وهدوا المره قال لها الضابط سامحينا احنا لازم ناخذ بعض البيانات ونسأل بعض الاسئلة

فسئلوها وجاوبت عن كل الاسئله

وسئلها عن قرايبهم فقالت ان مالهم قرايب في الرياض


واسئلوها عن العيال وقالت ان عندها 5 عيال اكبرهم ولد عمره 9 سنين

واصغرهم بنت عمرها شهرين

وقالت لهم ان زوجها صار له فتره عاطل عن العمل وطلع في ذاك اليوم اللي طلع فيه

وبسبب ضيق العيشة وصعوبة الحياة قال باروح ادور شغل وسبحان الله راح وما رجع

قال لها الضابط كله خير وربج بييسر اموركم والسايق موجود في الحجز وفي محكمة وان شاء الله بتحكم لكم بالدية

رجع الضابط وخلص أوراق المتوفي


وتصريح الدفن

وقام بالواجب ودفن الرجال

والمحكمة احكمت بالدية للمتوفى

لكن ... السايق قدم أوراق انه معسر وان ماعنده فلوس وان راتبه ما يكفية

فالمحكمة وافقت انها تقسط الدية

ودفع قسط او قسطين او بالكثير ثلاث واختفى

والضابط بقى يطارده من صوب ومن صوب ثاني ينتخي اهل الخير

ويجمع مساعدات للمرة والأيتام


اكمل بعد شوي

احساس الدوحة
20-05-2007, 11:44 PM
بسرعه عاد

متشوقه اعرف شنو النهايه

مهستر@الله يستر
21-05-2007, 12:23 AM
الجزء الثالث والأخير

إلحقواااااااااااا ........... الحلقة الأخيرة


ومرت الأيام والاشهور ومر بالضبط سنه

والنقيب عبدالله مداوم إلا يجي له بلاغ عن حادث دهس


أول ما تلقى البلاغ توجه النقيب عبدالله والافراد اللي وياه للموقع

وإلا المفاجئة الكبرى ان المدهوس هالمرة ماغيره

نفس الشاب السايق اللي دعم ابو العيال قبل سنه

والأعجب من هذا كله ان الموقع

نفس المكان بالضبط قدام وكالة البي ام

ولما النقيب عبدالله تحفظ على أغراضه وأوراقه

لقى معاه ظرف كبير فيه مبلغ 150000 الف ريال

مئة وخمسون الف ريال

وكان موجود وحاضر وشاهد على الحادث موظف من البي ام

وقال للنقيب عبدالله ان هذا الشاب حاجز سيارة عنده وقيمتها شيء وشويات

وكان جاي لأجل يجيب الدفعة الاولى ويتمم الاجرائات وصار الحادث


وسبحان الله


فالنقيب عبدالله حول هالقضية للمحكمة

والمحكمة حكمت ان المبلغ كامل يدفع للأيتام وامهم بدل الدية اللي كان يماطل فيها


فشفتوا كيف ربكم ........ الواحد الاحد كان له بالمرصاد

وكيف ما يضيع الحق عند ....... رب من اسمائه انه هو الحق

مهستر@الله يستر
21-05-2007, 12:25 AM
نستخلص من القصة.... الفائدة التـــالية


ان سيارات البي ام دبليو

ما وراها إلا المشاكل

اما وكالاتها فمصيبة المصايب

زهرةالصبار
21-05-2007, 10:42 PM
سبحان الله بس كيف قدر يجيب اوراق تثبت إنه معسر

وهوميسور سبحان الله حتى بهذي لقا واسطات

حسبنا الله ونعم الوكيل

مهستر@الله يستر
21-05-2007, 11:04 PM
زهرةالصبار

اشكر لج مرورج


على فكرة

90% من اللي تشوفينهم عندهم اوراق انهم معسرين

ويدورون في الاسواق ويقولون قصص عجيبة جابوا الورقة اللي جابها هذا الولد

‏فّـٍ ـاَلأحُِلأمٌـِ ـاًرسِْ
21-05-2007, 11:11 PM
شغل واسطه
يسلموو اخوي مهستر
وعساك على القوة
^ـ^"
ــــــــــــــ

الشقردي
22-05-2007, 12:15 AM
نستخلص من القصة.... الفائدة التـــالية


ان سيارات البي ام دبليو

ما وراها إلا المشاكل

اما وكالاتها فمصيبة المصايب

اها

يعني هذي هي الفايدة من القصة

أمواج
22-05-2007, 10:50 AM
قصه غريبه مشكور اخوي على القصه ..

بنت قطر
23-05-2007, 12:04 AM
الف شكر لك على القصه المعبره

ابراهيم بن حسين
31-05-2007, 07:53 AM
والله مايندرى عنك يمهستر السالفه صج ولا خرابيط

بس فعلا أهم شي العبره للي في القصه

مهستر@الله يستر
01-06-2007, 09:54 PM
أشكر الجميع على المرور


ومثل ما قال اخوي ابراهيم بن حسين


اهم شي العبرة

بوعلي
10-06-2007, 09:17 PM
قصه محزنه ... وكما تدين تدان ...
تسبب في موت انسان ... ومع ذلك يماطل في دفع دراهم قليله ...
ماتساوي شي جنب روح الانسان اللي ازهقها ...
لا حول ولا قوة إلا بالله ...
الله يمهل ولا يهمل ...

بريق العيون
10-06-2007, 10:42 PM
خربـوووووووطة القصة

خخخخخخخخ ,,,

على العموم مشكور ويعطيك العافية.!!

مهستر@الله يستر
18-06-2007, 05:14 AM
بوعلي

أفعل ما شئت كما تدين تدان

اشكر لك مرورك

يالغالي

مهستر@الله يستر
18-06-2007, 05:15 AM
بريق العيون

بعد كل هالتعب


وعشرتعش ساعه وانا اكتب

واعصر ذاكرتي


وآخرتها خربوطه


:a85:

الوعــ نور ـــد
18-06-2007, 07:19 AM
قصه رائعه اخوي .. وقريتها قبل..

وسبحان الله ..

ربك فوق كل واسطه.. وجاب الحق للمره وعيالها ولو بعد مرور سنه ..

الي اعرفه انه الحادث صار باليوم والساعه والموقع نفسه الي دهس فيه الابو .. بعد مرور سنه بالضبط ..