المساعد الشخصي الرقمي

مشاهدة النسخة كاملة : صدمة نتج عنها هذه القصيدة ؟؟


حنونـــــــه
23-06-2008, 01:03 AM
السلام عليكم ورحمة الله وبركاته


قصيده على لسان سيدة وحيده ترقد في احد المستشفيات منذ سنوات ..

قصتها مؤلمه للغايه :cry:

تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره ورجعت للبيت مسرورة وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير اخ لها زارها كم مره وبعدين بطل لما طالت المدة ..

وبقية القصه تجدونها في هذه الأبيات المؤلمه :sad:

تكفين ياطيور حرار افزعيلي =ابي عن اديار الاهل منك الاخبار
تكفين حومي فوقهم وارجعي لي =والا ان حصل لك حومة داخل الدار
تكفين حول ابيوتهم دوري لي =سبعة فروخ يوم اخليهم صغار
شوفي ضناي وعودي وانكفي لي =وشلونهم ياعلهم صارواكبار
نسيوادفاي ونومهم في شليلي =وش علمهم ياعلهم طول الاعمار
قولي لهم أن امكـم له عويلي =خمسـة سنين دمعها دوم مدرار
وقولي لهم اني على طول ليلي =انوح ولياقرب الصبح انهــار
وقولي عيونه دايم له هميلي =تبكي لياشافت من الناس زوار
كل يوم اقول اغدي حديهم يجي لي =راحت سنين مابهم واحد زار
وانا اللي من سبة سوات الحليلي =حالي تردت كل ماله وتنهار
وفرقى ضناي اللي تردت بحيلي =كني على شوفتهم اصلى على نار
ياويلي كان الله عجل رحيلي =وانالي سنين ابي لوهي اخبار
ياعونة الله الله من يبي يتكي لي =جارت علي بامرالولي كل الاقدار
تنكروا من يدخلون الدخيلي =واللي بوسط ديارهم يامن الجار
قولي لهم ياطيور قلبي عليلي =الله يكافي قلوبهم صارت احجار
وانا اللي لبراق الخيال استخيلي =واقول ياعل (......) للامطار
.تكفين وسط ديارهم صوتي لي =شوفي عسى لاسمي مع الناس تذكـار
وقولي لمن نسيانهم يستحيلي =يااللي نسيتوها ترى الوقت دوار
ياهيه ياللي بالسمالك هديلي =ردي خبر تكفين يكفيني امرار
شوفي اكااللي نومهم في شليلي =من اذانه المغرب الى وقت الاسحار
شوفي اكااللي مااهتني في مقيلي =الا بمقيل معهم كباروصغار
وقولي لهم ان كان حملي ثقيلي =مره يجون وعقبها شي ماصار
وانا يتـولاني كريم جليلي =ياعلني في جنته وسط الابرار

والعهدة على الراوي :4s2j9s (2)::0006[1]:

أمواج
23-06-2008, 11:13 AM
ياويلي كان الله عجل رحيلي =وانالي سنين ابي لوهي اخبار
ياعونة الله الله من يبي يتكي لي =جارت علي بامرالولي كل الاقدار
تنكروا من يدخلون الدخيلي =واللي بوسط ديارهم يامن الجار
قولي لهم ياطيور قلبي عليلي =الله يكافي قلوبهم صارت احجار
وانا اللي لبراق الخيال استخيلي =واقول ياعل (......) للامطار
.تكفين وسط ديارهم صوتي لي =شوفي عسى لاسمي مع الناس تذكـار

أبيات مؤثرة ومؤلمه


تسلمين على الأختيار الرائع حنونه

حنونـــــــه
25-06-2008, 02:47 PM
الله يسلمك حبيبتي أمواج

أشكرك من أعماق قلبي على المرور الجميل

الشقردي
27-06-2008, 02:10 PM
تكسر الخاطر


لكن هجر الناس لها ليش

اكيد في سر

حنونـــــــه
29-06-2008, 12:44 AM
تكسر الخاطر


لكن هجر الناس لها ليش

اكيد في سر

سؤال وجيهـ بس لو كان في غير زمنا هذا كان يمكن فيه سبب

أما الآن لاتستغرب شي اخوي هذا آخر الزمان

شكرا" لمرورك الرائع