المساعد الشخصي الرقمي

مشاهدة النسخة كاملة : تدري وش سوَّى غيابك ؟!


بوعلي
27-05-2007, 11:45 PM
قصيده اعجبني فيها التنسيق .. قبل الكلمات ...
نقلتها لكم مثل ماهي ... عسى تعجبكم ...

http://graphicz.jeeran.com/tdre.jpg

تدري وش سوَّى غيابك ؟!
مـوَّت غيابك سوالف ..!


ما يخوِّفني زماني
بس من فرقاك خايف ..!



فجأه أصحـى ومـا أشوفك ..
لا تهددني ... ظروفك


إعتبرني .. حلم / واقع
وإلاَّ ظلٍ ما يطوفـك


ظاميٍ عطشان .. جيتك
لا يعشمني سرابك ..!



تسمح بكلمه ؟! بغيتك
قبل لا تبدي غيابك ..!
.
.
.

http://el9ane3.jeeran.com/wwe.jpg

تدْري وشْ معْنى غيابكْ ؟
يعْني :
أسْوَءْ شيْ شفْتَهْـ طولْ عمري !!

تبْدي ضحْكاتي هلابكْ
وفي وداعكْ
ما ينامْ الجَرحْ بدْري

وإنتْ ْ
شوفْ وشْ ناوي عليـه

هاكْ قلبي وهاكْ سيفكْ
وسوْ فيني اللــي تبيه!

لا تحاتيْ
صفّحْ بْ جروحي

وإشْطبْ آمالي وطموحي
وإعْتبرْ قلبي كتابكْ !!
.
.
.
http://el9ane3.jeeran.com/jhhh.jpg

تدري وشْ حطّم غيابكْ
مرْكَبْ بداخلْ شعوري

منْ نسى قلبكْ .. حضوره
قلبي ما واجَهْ / شعوره
عندي ما بـه شي ضروري
فاقد إحساسْ الأماني
لا مراسي لا مواني

وصارتْ الدنيـا / قسى !!
وصار دوري..
أعشق أنواعْ الأَرَقْ ..
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر

منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا

يا حبيبي في .. غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني

والسؤال اللي ذبحني :
- صج اهو فعلاً نسى ؟
راح وأهداني الأسى!
وما وصلتْ إلا لـ حقيقهـ :
الجفـا أسْهَلْ طريقـهـ
للقسى..!
.
.
.

http://el9ane3.jeeran.com/OOO333.jpg

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ياللي مِن غيرك حياتي/
ما لها داعي ومعنى !
صار قلبي ما يحاتي:
بعد ما تخليت عنـه !

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي

عشت وافي لدنيتك
وبموت وافي ..

ما اخونك لو تجافي
ما هو آنا اللي إن ضاقت
علي الدنيا / خنت
.
.
.
للشاعر المبدع .. احمد الصانع

امل منسي
27-05-2007, 11:50 PM
ما يخوِّفني زماني
بس من فرقاك خايف ..!



فجأه أصحـى ومـا أشوفك ..
لا تهددني ... ظروفك

http://www.saifqatar.com/vb/images/ssmilies/cry.gif http://www.saifqatar.com/vb/images/ssmilies/cry.gif

اختيار جميل يا ببوعلي بس الصراحه كلماتها تحز بخاطر الواحد

الجوهرة
27-05-2007, 11:57 PM
تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك!
هنت عنده أو ما هنت؟

ماشاء الله عليك يا بوعلي اختيارك دووم مميز....!!!

تسلم يمناك على هذا النقل الرااائع.....!!! :ANSmile06:

لمسة عطر
28-05-2007, 12:11 AM
أكيد اعجبتنيــ .. وأكثر عجبنيــ ها الابياتــ

إيه كل الناس عندي
بس مابيهـم بدونك ..!!
تدري يا عمري بأنك..
عندي كل الناس إنت !
ومهما تجرحني / مسامح
وكِل طعناتي / عوافي



تسلمـ ابو عليـ ع النقلـ

أبيات روعهـ .. ومضمونها أروعـ ..
لا عدمناك يالطيبـ

الشقردي
28-05-2007, 12:11 AM
بوعلي

نقل مميز لقصيدة تلامس الوجدان

زهرةالصبار
28-05-2007, 01:45 AM
روعه يابوعلي بس فيه أحيانا ناس تتمنى غيابهم

ومايغيبون يقعدون عله عالقلب

بوعلي
28-05-2007, 10:37 PM
http://www.saifqatar.com/vb/images/ssmilies/cry.gif http://www.saifqatar.com/vb/images/ssmilies/cry.gif

اختيار جميل يا ببوعلي بس الصراحه كلماتها تحز بخاطر الواحد

كله ولا خاطرج يالغاليه ...

سعيد ان الاختيار اعجبج ...

وبعض الناس لي غابوا يوم .. جنهم غايبين دهر ...

بوعلي
28-05-2007, 10:38 PM
يسلم غاليج ومغليج ياليوهره ...
منوره الغاليه ...

بوعلي
28-05-2007, 11:19 PM
يسلم غاليج ومغليج الفراشه ...
منوره الغاليه

‏فّـٍ ـاَلأحُِلأمٌـِ ـاًرسِْ
28-05-2007, 11:52 PM
خطيره
والله بو علي منتب سهل ابد
ارفق علينا يازلمه .. ^^"
يسلموو
وعساك على القوة
^ـ^
ـــــــــــــــ

عتيج
28-05-2007, 11:57 PM
تعبت و انا ادور كلام اكتبه لك و يعبر عن اعجابي الشديد بأختيارك لهذه القصيده

قصيده من القمه و نقل يحسب لك يابوعلي

ام الزري
01-06-2007, 11:39 PM
الف الف شكر على القصيدة ..
http://www.majaless.com/up/uploads/5d25651eec.gif (http://www.majaless.com/up)

بوعلي
02-06-2007, 02:29 AM
تسلم يالشقردي ع الرد الطيب ...

بوعلي
02-06-2007, 02:30 AM
خخخخخخخخخخخخخخ
هالنوعيه مشكله يازه زه ...
مالج إلا تعطينهم ع راسهم ....
وتحقرينهم ... ذيك الساعه بيملون ...
ويروحون فدربهم ...

بوعلي
02-06-2007, 02:33 AM
:010: :010: :010: اعجبك ياملك ...

بوعلي
02-06-2007, 02:33 AM
تسلم يابو سلمان ع هالرد الطيب ...
كلامك وطيبك ع راسي والله يالغالي ...

بوعلي
02-06-2007, 02:34 AM
العفو ام الزري ....
شفيها البنت ويهها احترق ؟؟؟