المساعد الشخصي الرقمي

مشاهدة النسخة كاملة : تخيــــــــــــلوا البنات يخطبـــــــــون الشباب !!؟


الفرفشيه
30-05-2007, 02:07 PM
تخيــــــــــــلوا البنات يخطبـــــــــون أولاد!!؟

لا يفوتكم بتموووتون من الضحك

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض.. :4s2j9s (21):

> الا و امك داخلة عليك و توها جايه من بيت الجيران

و تقولك: يا ولدي ودي اكلمك في موضوع. .

> ترد انت بكل خوف : خير يمه؟ ....

> تقول امك: ترى جارتنا ام خالد تبي تخطبك لبنتها. وانت ماشاءالله كبرت وحلويت وكلن يبيك.
ها وش رايك ؟

> ثم تنزل انت راسك في الارض و تلعب باصبعك في شعرك (او شنبك)و ترد و انت مستحي
و خدودك حمرة (هذا اذا كنت محلق اللحية)

و تقول: ....

> الراي رايك والشور شورك يايمه..

> تقول امك: انا بصراحة ما اشوف في البنت شي. .

> ماشاء الله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..

> ولا عندها سوالف السفر و الخربطة و ما تشرب ولاتدخن و لا تروح لاستراحات البنات.
يعني بنت ما عليها كلام . .

> تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)

> تقول امك: هي شافتك و انت نازل من باص المدرسة ( الله واكبر يالروز رايز )...

> بس .. وسألت عنك و قالوا لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)

> و تراها هي و امها جايين يوم الخميس علشان يشوفونك..

> تسال انت: طيب يا يمه ابوي وش رايه؟

> تقول امك: ابوك ما يدري خليه حايس في المطبخ الله يعينه..

> تقول انت :اللي تشوفينه يمه. .وتطلع امك من الغرفة

> وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك
و شنبك بدلع (ياعمري) :santa_1:

> و تقول : اه اخيرا حسَت و خطبتني. ( لا لا لا والله ما يصير بس بكمل)

> و قبل يوم الخميس تروح انت للكوافيير (رجالي) و تكون مسوي حجز و تقعد و تصبغ شعرك
(هاي لايت) و تزين حواجبك و تشيل شعر يدك و رجلك و تطلع زي فلقة القمر

> وتجي البيت و تلبس الثوب اللي فصلته عند المصمم( عبده شولق ) لثياب الاعراس و الحفلات واللي فيه فتحة من عند الساق و فتحه في الظهر وسيور << حلوه السيور خخخخخ؟؟
و ذاك المكياج وذاك العطر اللي يشق الخشم و تنزل للصالة .

> ويقولك ابوك : يالله دخل العصير على خطيبتك ترى امك ذبحتنا تسال عنك

> تقول انت بكل خجل: واي واي يا يبه انا استحي

> ابوك يقولك وهو يطق على كتفك و يضحك يا ولد روح لعروسك إهئ إهئ

> تقول انت: يا يبه دايما تحرجني انت واي واي

> و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول
بصوت ناعم: احم احم الس سسسلام عليكم(صاير حكيم على غفلة)

> ترد هي بعد ما وقفت و عليكم السلام ( و هي تطالع فيك و في كل قطعة فيك) ...

> و تقولها تفضلي....

> تقول هي: وش الاحلى العصير الاحمر وإلا الاصفر؟ يزعم تبي تلطف الجو ماعك <...تتلصق.

:p

> تقول انت: كله حلو

> تقول هي: اكيد كله حلو لانك انت اللي مسويه

> بعدين تحط الصينية بسرعة و يدك على حلجك و تضحك و تروح داخل بسرعة

> ياربييييييييييييييه

> الا اخوانك يستنونك و يقولون: ها وشلون شكلها

>تقول انت: واي واي تهبل تهبل حلوة و دمها خفيف و ذوق اهههههااي

> الا ابوك من المطبخ يلولش (يزغرط بالمصري)

> لللللللوووولللللوووووشششششششش مبروك يا ولدي

> الا بدخلة اختك من بره و حاطه عبايتها على كتفها و تقول : خير وش فيه !!

> يقوله ابوك : قصري صوتك في وحده داخل خطبت اخوك ..

> تقول اختك: وهي وين شافت اخوي علشان تخطبه هاه ؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

> الا بدخلة امك و تسطر اختك كف و تطلع اختك بالسيارة وتحفص و تروح للاستراحة البنات<<تخيلوا عاد

> و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك
بالسيارة تتمشون و تحاول انها تمسك ايدك و انت مستحي ( ومن هناك ودك وبتموت) و شوي تحاول تبوسك و انت تقول لا لا عيب احد يشوفنا ( يعني لو ماحد يشوفنا ترى عادي)

> و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة

> وشوي الا العفسة قايمة : ترى العروس جايه

> و ينطون الشباب كلن يلبس غترته و يتلطم ..

> و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك
و ترفع الطرحة (طرحة البسام بصمة خمسة) و تقولك: الله صاير مثل القمر

> ثم تلف وجهك وانت مستحي

> و يتم الزواج و بعد تسعة شهور الا انت تصرخ في الليل فيك الطلق

> و يودونك المستشفى و تولد و تجيب توأم

>وتطلع من المستشفى الى بيت اهلك علشان النفاس <....حركات

> و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

>و ترجع لبيتك تربي عيالك و تطبخ الغدا لزوجتك

> وتتخانقون ساعات و تنام و دمعتك على شنبك

> ويزيد حدة الخلاف و تاخذ غترتك و عيالك و تروح لبيت اهلك

> و تصلح امك ما بينكم و ترجع الحياة مثل اول




خخخخخخخخخخ

فكره حلوه صح :winner_first_h4h_al

السموحه اذا فيه شي يزعل :79_asmilies-com: كل قصدي ان احنا نضحك مع بعض ...

تخيلو فعلا هالشي يصير؟

الجوهرة
30-05-2007, 02:37 PM
ههههههه هههههههااااااااي ما اتخيل .......!!!

شي ما يدخل المخ والله......!!!!

بس صج سالفة تضحك من قلب.....!!!

الفرفشيه
30-05-2007, 02:42 PM
ههههههه هههههههااااااااي ما اتخيل .......!!!

شي ما يدخل المخ والله......!!!!

بس صج سالفة تضحك من قلب.....!!!


تسلم لي هالضحكه والله

ولا تستبعدين هالشي ترى يمكن يصير :4s2j9s (39):

ابراهيم بن حسين
30-05-2007, 04:28 PM
أقول الفرفشيه شفيج يمه خرفتي
صج ما عندج سالفه

الشقردي
30-05-2007, 04:34 PM
:rocket:

احساس الدوحة
30-05-2007, 06:06 PM
و يودونك المستشفى و تولد و تجيب توأم


الا هاذي ...

ما يقدرون

والله

والله

والله

هاذي ما يجيبها الا رجالها

اللي هم احنا ههههه

ام الزري
30-05-2007, 10:45 PM
هههههاااااااي
هههههههاااااي
ههههههااااي
ههههههااااااي
والله تخليوا بعد يصلي الاستخارة ويرد بعد اسبوعين ..
ههههههااااااي
فكرة

الفرفشيه
31-05-2007, 12:01 PM
أقول الفرفشيه شفيج يمه خرفتي
صج ما عندج سالفه

انا قلت تخيلوا << يعني ما خرفت يا بوحسين :tease:

الفرفشيه
31-05-2007, 12:04 PM
:rocket:

:rofl1:

الفرفشيه
31-05-2007, 12:05 PM
و يودونك المستشفى و تولد و تجيب توأم


الا هاذي ...

ما يقدرون

والله

والله

والله

هاذي ما يجيبها الا رجالها

اللي هم احنا ههههه



اي والله هذي السالفه محد يجيبها الا احنااااا

الفرفشيه
31-05-2007, 12:07 PM
هههههاااااااي
هههههههاااااي
ههههههااااي
ههههههااااااي
والله تخليوا بعد يصلي الاستخارة ويرد بعد اسبوعين ..
ههههههااااااي
فكرة

:4s2j9s (34):