المساعد الشخصي الرقمي

مشاهدة النسخة كاملة : ~¸~ روايــة المجــــــالس ~¸~


قوارير
20-10-2008, 06:31 PM
السلام عليكم ورحمة الله وبركاته

http://www.tgareed.com/vb/images/usersimages/13400_1130274932.gif

يت على بالي فكره ان شاءالله تعيبكم

الفكرة عبارة عن قصة نحن اعضاء المجالس بنكتبها بيدنا وبافكارنا مب شرط نكون متمرسين بالكتابه وهذا حلات الموضوع يعني بخربشاتنا وتخبيصنا بنكتب لنا قصة وبنشوف في النهاية كيف بتظهر ان ما تراكضوا علينا دور النشر واترجونا انهم ينشرون قصتنا ما اكون انا قوارير...<واثقة ههه بس طبعا حقوق النشر محفوظة لمنتدانا الغالي(مجالس اهل الكرم ) :em03:

*·~-.¸¸,.-~*وبنسميها قصة المجالس *·~-.¸¸,.-~*

البداية بتكون عند اختي قلم رصاص هي الي بتذكر شخصيات القصة وبتبين معالمها وبتحط النقاط عل الحروف

عاد بعدين الدور بيكون عليكم والي بتختاره قلم رصاص هو الي بيكمل القصة و عليه انه يكتب على قد ما يروم يعني لا يكثر وايمصخهاولا يقلل وايخربها وبعدما ينتهي يرشح عضو ثاني عشان يكمل وبهذي الطريقة يمشي الدور

ملاحظة : والي يبا يكتب ومحد اختاره يقول لا يستحي والي يبا يشارك مرتين او اكثر يا مرحبا به

المهم توصل القصة للنهاية مب تخلونها تخيس وما ينعرف اولها من تاليها

وبتنكتب القصة باللهجة الخليجية واقصد
باللهجة البيضاء
يعني لا ندخل فيها مفردات خاصة ببلد معين عشان تكون مفهومة لليميع

يللا نترياج قلومتناااا

أمة الرحمن
21-10-2008, 09:44 AM
الفكرة ما مرت علي من قبل

فكرة يديدة واول مرة اشوفها بعالم المنتديات

عجبتني السالفة >>>ان ما خبصت لج القصة ما اكون انا امتوووه خخخخخ

المهم اذا القصة فيها هوشات وشد شعر خلوا علي... انا قدها خخخخخخ

يعطيج العافية قوارير على الفكرة الحلوة ونتريا قلومة شو بتبدع لنا

بس عاد عطونا وقت عسب نكتب لكم شي محترم

حنونـــــــه
21-10-2008, 10:25 AM
إنتظرت قلم رصاص وما إكتبت شي

ولا بغيت أرد وأخرب الموضوع علشان يكون منظم

ودآم إنها أختي أمة الرحمن ردت قررت أرد

أولا" الفكرة رائعة وحلوة

ثانيا" يعطيكم العافية على الموضوع الجميل

وأعتقد بيكون فيه الكثير من المرح والوناسه

قلم رصاص
25-10-2008, 08:17 PM
قعدت وعيونهاهايمة بالفراغ

أكثر من ثلاث سنين مرت على زواجها مابين شد وجذب ومد وجزر

لحظات تحملها الذكريات لمحطات السعادة

وساعات وأيام تبحر في بحور الألم

ما درى هو ولا درت هي ان الشتات اللي عاشه في صغره بيلتصق فيه مثل العلقه بكل لحظه

صرخت فيها آلامها

لحد متى

لمت راسها بين كفوفها وفركت عيونها تخلصها من الدموع المتحجرة فيها

"حنااااااااااان "

ردت من غير ما تلتفت عشان ما يشوف الاحمرار بعيونها " ها حبيبي "

" توج ما جهزتي ... يالله حبيبتي بنتأخر على أمي "

وهي بعد معطته ظهرها :" حبيبي خلاص بس أسكر الشنطه " وسكرتها

لفت وشاف عيونها المحمره " تصيحين ؟؟ "

حنان بابتسامة " لا حبيبي أبد بس كنت انفض جلال الصلاه ودش طرفها بعيني "

" وحده دش فيها طرف الجلال والثانيه شنو السجاده ؟؟ "

حنان " هههههههههههههههههه""
جاسم " من هالمرة مرة أبوي والا مرة أخوي " "

حنان " لا حبيبي لا ذي ولا ذي "

"جاسم جاسم أبوي يقول بتطلعنا اليوم " كان هذا صوت أخوه الصغير خالد من ورى الباب

" لا أنا اليوم رايح أزور أمي "

ضيق انتاب حنان من هالخاطر

اسبوع عند امه وشهر عند ابوه

مره هنا ومره هناك

وفكل مرة تصير مشكلة بينه وبين امه يطلع ويا ربعه عمر وأحمد وخلي زوجته تواجه غضب أمه اللي ماتخلي زين أوشين الا وقالته

وطول ماهو عند ابوه برضو تاركها وما تقدر تطلع وياه بروحهم لأن مافي سياره غير سيارته والكل ينطر الطلعه

ومعاملة ماهي ذاك الزود تلقاها ان كانت عند امه أو عند أبوه اللي ما غلط عليها لكنه تارك الحبل عالغارب لأهل البيت وكل واحد منهم مايقصر

تلميحات على حملها

وحرمان حتى من الخصوصية يوم اكتشف من كلام مرة اخوه بالصدفة وبزلة لسان ان غرفتها تنفتح بغيابها

حتى عمتها مسوية رصد لها عن طريق التلفون وتسأل وين طلعوا ووش قالوا ووش سووا

حاولة كذا مرة تكلم زوجها لكن رد ان هذي سوالف حريم ومايتدخل بينهم رجته يخليها تتصرف بس قال انه مب مستعد يخلي شي يهز علاقته بعايلته

اترك المجال للباقين يتصورون شكل حياة هذي الانسانه

باقي الشخصيات

محمد الاب
علي وخالد وناصر اخوان جاسم من ابوه

ساميه وسهام شقيقات جاسم وساميه متزوجة لا يهشون ولا ينشون ومرة ابوهم ذالتهم

حامد شقيقه اصغر منه ومتزوج وعنده ولد

حسن شقيقه وعمره 15 عايش مع امه المطلقة ومصايب الدنيا مسويها

نورة مرة اخوه وهدى زوجة ابوه

التالي أتمنى يكون عتيج والا بس شاطر يتطنز عاللي ماينزلون صور

قوارير
25-10-2008, 09:24 PM
الفكرة ما مرت علي من قبل

فكرة يديدة واول مرة اشوفها بعالم المنتديات

عجبتني السالفة >>>ان ما خبصت لج القصة ما اكون انا امتوووه خخخخخ

المهم اذا القصة فيها هوشات وشد شعر خلوا علي... انا قدها خخخخخخ

يعطيج العافية قوارير على الفكرة الحلوة ونتريا قلومة شو بتبدع لنا

بس عاد عطونا وقت عسب نكتب لكم شي محترم

تسلمين على التفاعل اختيه الغالية

هيه عيل لقينا من يمسك الهوشات :4s2j9s (34):

تخبيصاتج اكييد بتكون حلوة بس شدي حيلج

وهالموضوع منكم واليكم >>>على قولت احساس :4s2j9s (18):

قوارير
25-10-2008, 09:27 PM
إنتظرت قلم رصاص وما إكتبت شي

ولا بغيت أرد وأخرب الموضوع علشان يكون منظم

ودآم إنها أختي أمة الرحمن ردت قررت أرد

أولا" الفكرة رائعة وحلوة

ثانيا" يعطيكم العافية على الموضوع الجميل

وأعتقد بيكون فيه الكثير من المرح والوناسه

لا عادي التفاعل
نفس القصص الثانية ..الردود مع القصة ..يعني خذي راحتج يا الغاليه

و سعيدة لانه الفكرة نالت على اعجابج

قوارير
25-10-2008, 09:34 PM
واخيرا يا قلومة

البداية روعة وباين انها بتكون قصة عجيبة و فيها المتعة

مسكينة حنان تكسر الخاطر قهرتني حرمة اخو ريلها وام ريلها

ناطرين عتيج شو بيبدع لنا

قلومة سويتيها حزن في حزن

وعتيج اتوقع بيقلبها فرح ههههههه

عتيج
25-10-2008, 11:38 PM
حاولة كذا مرة تكلم زوجها لكن رد ان هذي سوالف حريم ومايتدخل بينهم رجته يخليها تتصرف بس قال انه مب مستعد يخلي شي يهز علاقته بعايلته


قررت حنان كسر حاله الصمت و تغيير حاله السلبيه الي انتهجها زوجها جاسم

و تمت تفكر في وسيله تغير فيها هلحياه الي عايشتها

و كان قدامها حلين ,,


اما تكسبهم في صفها ,, و هذا شي صعب تحقيقه


او انها تغير من اطباعها و تصير انسانه ثانيه ,, تفرض احترامها على الجميع













------------------------------------------------------------



و الي يكمل بعدي ,,,,


حنونه خل نشوف شنهو الدرب الي بتختاره لبطلتنا

حنونـــــــه
27-10-2008, 12:13 AM
حركآت ياعتيج منت بسيط يابو شوق :ANSmile06:

وانتظروني شوي وبنزل التكملة

بداية قلومه رائعه وتتكلم عن واقع يعشنه كثير من الزوجآت

يعطيكم العافية ويآرب أوفق بتكملتها :sweatingbullets:

عتيج
27-10-2008, 12:28 AM
حنونه ,, لاداعي للاطراء


<<< اصلا انا فاشل في القصص و لا اقدر فهمها

و قريتها 5 مرات عشان اطلع بهلسطرين خخخخخ


خل نشوف وين بتودينا انتي

حنونـــــــه
27-10-2008, 12:46 AM
بالعكس اخوي عتيج ماشاء الله عليك تكملتك متميزة جدا

عندك أسلوب رائع لجعل القصة أكثر إثارة ولإعطاء من بعدك حرية التصرف

والأجمل أنك بطريقتك أوضحت طريقان لحل مشكلة حنان إحداهما صعب

مما يعطي لمن يكتب بعدك سهولة إختيار الحل الأفضل :4s2j9s (1):

أنصحك تكتب قصص صدقني بتكون كاتب ناجح :icon30:

وبالنسبة للتكملة سامحوني باكتبها الصبح بإذن الله على رواقه

تعرفونا حنا النسوان مانعرف شي إسمه مختصر مفيد لازم نهذر واجد :oops:

وتصبحون على ألف خير :4s2j9s (17):

حنونـــــــه
27-10-2008, 03:03 AM
ماجاني النوم قلت أكمل القصة أحسن دام لي خآطر :helela:

بعد معاناة مريرة مع مرة أخو زوجها وزوجة ابوه وصمت زوجها المطبق إزاء ذلك

قررت حنان وبكل شجاعة إنها تضع النقاط على الحروف وتوقف كل واحد عند حده

فبدت بتغيير نفسها .. بدل ماكآنت تستسلم للحزن والألم وتتجرعه كل يوم

تحدت نفسها أن تتخلص من تلك العقد وتنفك عنها وتنطلق إلى عالم راحة البال

أول أمر فعلته أخبرت زوجها بقراراتها الجديدة وأنها مصرة على تطبيقها

وأنه يجب أن يساعدها على تطبيق هذه القرارت لأنها لصالح راحتهما الزوجية

أقنعته بأسلوب لبق وجميل ووافق مع عدم رضآه عن بعض النقاط

ولكن قوتها في إبداء رأيها والمطالبة بحقوقها وبشكل مقنع أجبرته على الموافقة

كانت قرارت حنان كالتالي ...


1_بدأت بحفظ القرآن الكريم ومنه إرتشفت طعم السعادة وعرفت طريقها
وبدأت برسم باقي القرارت بعد هذا القرار الشامخ ..

2_ بدأت تهتم بهواياتها القديمة والتي أهملتها بعد الزواج وأبدعت فيها
لأنها تخرجها من عالم الحزن والتدقيق في كل صغيرة وكبيرة مما يثير المشاكل دائما"

3_ صارت تتعآمل مع الجميع بمرونة أكثر يعني إذا ضايقوها عمدا"
تمتص الغضب وتواجههم بإبتسامة النصر وكلها صبر وثقة وتحاول تآخذ الأمور ببساطة ..

4_ جعلت شعآرها في الحياة رضى ربي ثم زوجي وإرضاء نفسي بتطويرها للأفضل دائما" ..

5_ لم تعد تكترث لكل كلمة تقال بل تضعها خلف ظهرها وتمضي بكل رضى وسعادة ..

6_ ألزمت كل شخص أن يقف عند حد معين عند تعامله معها أي يقف عندما يبدأ بالخطأ بحقها ..

7_ قررت أن تكون قوية وتبقى قوية مهما قست الظروف ..

بدأت متوكلة على الله بتطبيق تلك القرارت ..

ولكن هل كآنت قد كلمتها وتجاوزت مايعرقل طريقها من صعوبآت بنجاح ؟؟

أم عادت لحزنها وإستسلمت لجرآحها وآلامها من جديد ؟؟














أتمنى مابعدت عن هدف القصة والمراد منها أحس قلومة كتابتها حوارية وأنا سرد :4s2j9s (18):

والآن أختآر بعدي عمدتنا الشقردي :santa_1:

خلنا نوهقه شوي ونشوف إبداعه وسلامتكم :all2:

قوارير
27-10-2008, 03:14 PM
كشخــهـ ..يعطيكم العافيه

يللا متشوقه بنشوف شو بتسوي حنانا هع


ونتريااا الشقردي ^^

أمواج
27-10-2008, 06:54 PM
مرحباااا

من بداية القصة كنت راح أرد


بس قلت أنتظر شوية وأشوف قلومة شنو بتكتب


لكن أمتوه ردت وكنت برد لكن قلنا بعد صبر شوية

الحمد لله بدأت قلومة الدبة

وعتيج ما شاء الله عليه بعد

وحنونه كملتي البقية

وننتظر أخونا الشقردي

القصة روعه من بدايتها

وإن شاء الله الكل يبدع فيها

ننتظر البقية

قوارير
30-10-2008, 10:15 PM
هيه ماشاءالله عليهم ابدعوا

ونتريا دورج موجتنا ^.^


...............................................

بانتظار اخونا الشقردي ^^

الشقردي
01-11-2008, 05:24 PM
اعجبتني الفكرة


وانتظروني الليلة <<< خف علينا

الشقردي
02-11-2008, 12:11 AM
وقفت السيارة عند بيت امه

جاسم : انزلي دقايق وبرجع لج
حنان : لا تتأخر كالعادة لا تخليني بروحي
جاسم : اللي يسمعج كاني قاطج بالشارع نزلي


*********************


تدخل حنان للبيت تقترب من الغرفة ... الباب مفتوح وأصوات بالغرفة .... ترددت قليلا .... قررت الدخول وكانت المفاجأة أم جاسم بغرفتها تقلب سريرها


حنان : خير يا أم جاسم في شي تدورين شي
ام جاسم : بسم الله الرحمن الرحيم انتي متى وصلتي جذي يدشون العالم
حنان : اعتقد اني داشة غرفتي والا حد يستأذن وهو داش غرفته
ام جاسم : وصار لج لسان بعد قومي طقيني بعد
حنان : اخلاقي ما تسمح لي
ام جاسم : خفي علينا يا ام الاخلاق ولا نقول يا ام العيال
حنان : وبعدين مع هالسالفة
ام جاسم : لو فيج خير جيبي على الاقل ولد عقب تحجي
حنان : هذا شي مب بيدي بيد الله سبحانه وتعالى
ام جاسم : اكيد مب بايدج شكلج مب ويه عيال
حنان : انا للحين محترمة وجودج بغرفتي وانج ام جاسم ولا كان لي تصرف ثاني معاج
ام جاسم : هذا اللي قاصر بعد تطولين لسانج علي
حنان : اعتقد من حقي ادافع عن نفسي ولا تبغيني اسكت واتحمل ولين متى ترة بنفجر
ام جاسم : انفجري بس بعيد عني
حنان : اذا انفجرت بدمر كل شي حولي وانتي الضحية الاولى خلاص ما عاد فيني اتحمل اكثر كل يوم نفس الحجي خلاص لو سمحتي طلعي من غرفتي ابغي ارتاح
ام جاسم : وبعد تطرديني صج انج ما تستحين
حنان : احترمي نفسج واطلعي برع اطلعي برع


حنااااااااااااااااااااان
يدخل جاسم في الوقت هذا وبصوت عال

جاسم : حنان من متى ترفعين صوتج على امي
ام جاسم : من متى انا اللي صابرة ومتحملة زين انك وصلت ولا كانت ذبحتني ولا حد درى عني
حنان : انتي تكذبين عمري ما رفعت صوتي عليج
جاسم : وتكذبين امي بعد
ام جاسم : ما استقوت الا منك شوف ايش قايل لها عني
حنان : هي اللي تقط علي حجي كل يوم وانا متحملة
ام جاسم : الحمدلله انك سمعت وشفت بنفسك بخليك معاها يمكن ما ترضى عليها
جاسم : شوفي يا حنان هذااخر تحذير لج ان فكرتي بيوم ترفعين صوتج على امي لا تشوفين شي ما يسرج
حنان : جاسم الحين صرت انا الغلطانة بدل ما توقف معاي
جاسم : تغلطين على امي واوقف معاج الا بكسر راسج .. انا طالع ما ادري ليش رديت يمكن الله رايد اني افضحج يا حرمنا المصون


*******************

يخرج للصالة يشاهد امه وهي تتصنع البكاء

جاسم : خلاص يا يمه ما صار الا كل خير
ام جاسم : مبين انه خير ... زوجتك شوي وبتطقني وانت ساكت هذي لو تجيب لك عيال ايش سوت فينا
جاسم : ما عاش من يمد ايده عليج يمه
ام جاسم : انت اليوم جيت وتلاحقت علي تخيل بيوم انت بعيد عن البيت ايش اسوي انا من بينفعني
جاسم : انا حذرتها يمه وبنشوف
ام جاسم : وانت ليش ما تطيع شوري فكر في كلامي حرمة ما تجيب لك عيال طلقها وخذ غيرها انت بس قرر وانا اخطب لك من باجر اللي تسواها
جاسم ك يمه سدي السالفة سدي السالفة
ام جاسم : على راحتك أهم شي تفكر بعقلك وتفكر انك للحين من غير عيال
جاسم : خير يمه


******************************


ضاقت بي السبل
فمن لي سواك الهي
يرحم حالي وينصرني
رباه ان تخلى عني اقرب الناس
فلن ايأس من رحمتك يا رب



دموع وآهات لن تجدي في هذا الوضع .... قامت حنان وبدأت في ترتيب الغرفة واثناء ترتيب السرير وقعت عيناها على شيء غريب ..............






كتبت ما كتبت ولا احب ان اطيل اكثر


واترك التتمة من بعدي لاختنا مرهفة احساس

أم سارة
02-11-2008, 03:22 AM
قوارير: حبيبتي قارورة يعطييج الف عاافية على هذه الفكرة الأرووع ..

قلم رصاص : دائما مبدعة يالغااليه بدااية جميلة و رائعة ..

عتيج: حلو انك غيرت من الحزن و الكئابة الى العزيمة و التغيير الى الاحسن من قاال انك فااشل

ترااك والله قلبت القصه من الرائعة الى الأروع ..

حنونة : ماشاءالله تبارك الله ابدعتي يالغاالية و القراارات اللي غيرتيها في حناان

كششخه بمعنى الكلمة ..^^

الشقردي : انت عااد خلك بروحك ماداني الحريم كلش عااد عدل االفت القصة و قلبتهاا..

بس الصرااحة ابدعت ..^^

.....................

و يالله بأنتظار رهووفة الأموورة ..

بأنتظار قلمج العطر يمر من حولنا ويعطرنا بعبيرة يالغالية ..

حنونـــــــه
02-11-2008, 09:47 AM
الشقردي مبــــــــــــــــــــــدع وش ذا الإبداع :ANSmile06:

حرام عليك نبيك تكتب لنا قصة خاصة وحصريا" للمجالس :sweatingbullets:

وياليت تسمح لي أعطيك نقاط عن فكرة القصة وتبدأ تكتبها والله أسلوبك في الحوار رااااااائع

وبعدين مرهفتوه من بيجيبها تلقاها الحين تكتب معلقات ماشاء الله عليها :4s2j9s (14):

فديتها والله بخبرها على كل حال ولاتشيلون هم بخليها تاجل كتابة المعلقات بعدين

حبيبتي أم سارة تسلمين ياعمري على كلامك الطيب هذا من طيب أصلك فدديتك :4s2j9s (26):

الطواش
02-11-2008, 08:46 PM
الصراااحة فكرة رووووووعة

وانطر مرهفة احسااااس بشغف وانطر تكملة القصة ..

قلم رصاص
02-11-2008, 09:01 PM
اللي بعدوو


تذكرت وصايف


عتيج : اسلوب عملي وحلو وتغيير مفاجئ وحريه مطلقة للغير ومهما وصفته مدري وش ممكن اقول عنه عجزت بس تهقى حنان بتقدر تواجه والا تربيتها وحياءها ومراعاتها لزوجها وسلبيته بيوقفون عقبه


حنونه : اسلوبج سردي جميل والحلول أكثر من رائعة ... مب دايم الحوار أساسي المهم اسلوب الكتابه يشوق ويحفز

بس في ملاحظه : لو جينا لتسلسل الاحداث ممكن يكون البارت اللي كتبتيه تسلسله يجي بعد بارت الشقردي عشان هي تبدأ بهالحلول بعد حادثتها مع ام جاسم وعشان الفترة الزمنيه اللي راح تكون بين مشوارهم من بيت ابو جاسم لبيت امه ما بيكفيها تسوي هالحلول كلها
الترتيب ما يقلل من روعة كتابتج وفعلاً حلول ناجحه والله يعين حناني


الشقردي : توقعت ان ردك يتميز بأحداث ساخنه وفعلاً حسيت انه شوي وبيتطقاقون الحريم هههههه
تكمله فيها الكثير من الاكشن والروعة بس مسكينه حنان اش بتسوي الحين


ما اقول الا الله يعينج حناني ويهديك يا جاسم


انتظر انامل مرهفة الذهبية وابداعها ممكن مرهفة تساعدها شوي !!

الطواش
02-11-2008, 09:06 PM
الصراااحة لحد الحين كل اللي كتب اشهد انه فنااان

لأن الصرااحة لحد الحين اللي كتبتوه شي جميل ورائع ويبين ان في اعضاااء فـ المنتدى مبدعين ومنتظريم مرهفه وبنشووف وش بيصير فـ حنان اللي كاسره خاطريـ ..

خجل
02-11-2008, 10:40 PM
فكرة حلووووووووه واول مرة اشوفها في المنتديات

أمواج
03-11-2008, 01:02 AM
أخوي الشقردي

تكملتك للقصة رهيبة

وصدقت حنونه نبيك تألف لنا قصه


ما شاء الله عليك ابدعت


وننتظر رهوفة على احر من الجمر

حنونـــــــه
03-11-2008, 09:23 AM
فديتك قلم رصاص

مشكورة على الكلام الجميل

وبإنتظار مرهفة تراني ماكلمتها ياليت أحد يخبرها تكفون << سودانية مع احترامي لكل السودانيين

الطيب عنواني
03-11-2008, 11:04 PM
اسمحوا لي أشارك معاكم بالقصة ,,,,,,,,,



طلع جاسم من البيت وراح عند ربعه

اما حنان فراحت تشوف الشي الي لقته

وسمت باسم الله وتعوذت من الشيطان الرجيم

ما توقعت تلاقي شي بها البشاعة ..

لقت ورقة مليانة طلاسم ورسوم أشكال وعليها اسمها واسم جاسم

صكت على فمها واكتمت انفاسها خافت تطلع منها صرخة مخنوقة من اللي لقته

جلست على حافة سريرها وتهي تمسح دموعها وتدور على شي ثاني تلاقيه

حاست بالغرفة وقلبتها فوق تحت يمكن تلاقي شي ثاني بس ما لقت غير اللي بيدها



أتصلت على أختها وكاتمة أسرارها

حنان .. السلام عليكم

نورة .. هلا حنان وعليكم السلام اشفيج صوت متغير ؟؟ ليكون ام جاسم والإ وحدة من العقارب اللي عندج

حنان .. لا يانورة شي أكبر

نورة .. شنو خرعتيني

حنان .. اسمعي ايش لقيت (( حنان تصف لنورة ما وجدت

نورة .. بس بس لا تكملين ألحين أجيج ونروح حق شيخ دين يشوف اللي لقيتيه

حنان .. بس أخاف جاسم ما يرضى أطلع من وراه

نورة .. ايش فيج اللي توصفينه شي ما ينسكت عليه ..يالله أجهزي ربع ساعة وأنا عندج

حنان واقفة تفكر أيش تسوي وإيش تقول لجاسم ,,,, وجاتها فكرة

ارفعت السماعة واتصلت على جاسم ,,,,,,,,,,,,,,,,,,,,,,,,,,,,,,,,,,,,,

مرهفة إحساس
04-11-2008, 02:49 PM
فكره في قمة الروعه

قوارير = قلومه :)

//

اسفه لتاخري عليكم هذا اولا

عطيتوني عين هههههههه

معلقه ومعلقه هههههههه

//

ثانيا مشكور يالشقردي لاختيارك

اعذرني كتبت وكملت بس اسبقتني قبل اضافتها اختنا الطيب عنواني
ماقصرت الطيبه ومراحب بك بينا :)
//

بكمل عليها

واسمحولي بنص ساعه طلع مني هالشي ههههههههه

ومن غير مانقح واراجع اللي كتبته لانه ادري ماراح يعجبني هههه

مابغيت اتاخر عليكم

رغم انه كان عندي افكار غير

ومسار غير للقصه بمخيلتي

بس يالله قدامنا الايام هههههه ننخل حنان وزوجها نخل

وترى اول مره اكتب قصه ههههههههههههه


الا ماخبرتوني نوره هي اختها والا زوجه اخو جاسم ؟

المهم كملت على اختنا الطيب وماحطيبت لها حوار كبير :)


يالله شوفوا وش هذريت فيه بنص ساعه
وشوفوا ابداعي القصصي الفطري ( فيس رافع خشمه غرورا هههههه)

مرهفة إحساس
04-11-2008, 03:04 PM
ماأشدها من مرارة على النفس
أن يعلم الإنسان أنه غير مطلوب لذاته

//
في هالوقت جاسم طلع بعدم مبالاة الى احدى المقاهي
تعب من افلانه قالت وافلانه بتقول
جالس مع اصدقائه والجلسه المعتاده لهم
ويسمع سالفه لعمر
وفجاه رن التلفون
المتصل كل الغلا يو هالحين هذا اما تصيح او وينك وماتخلص مابي ارد عليها انا هاج منهم)

عمر : وليه ماترد يارجال
جاسم : مالي خلق
عمر : بسخريه اكيد الاهل ....اجل خله صامت دامك مانت راد ازعجنا
جاسم : هالحين اللي يسمعه يقول الجوال يدق عند اذنه
أحمد :وش فيهم الناس متكدره
عمر : هالحين يقولك ابوي امي زوجتي هالرجال همه اكبر منه من عرفناه وهذا حاله
جاسم : وباستظراف الله يقطع ابليسكم دامكم عارفين ليه تسالون
أحمد : أقولك جاسم مالك نيه تغير رايك واتخاوينا للبحرين يومين اتريح شوي
جاسم : والله مدري بس شكلي بمشي معكم ..متى ناوين
عمر : اذا لله اراد المغرب
:
:
في هذه الاثناء في مكان حُزن ...وحـرارةُ هـم ...ومـوجُ بكـاء مُـرهق
:
:
حنان : هذا ليش مايرد علي وهو اصلا كيف طلع من غير مايمر علي في الغرفه
يالله على انانيته
اجل باتصل على نوره واقولها لاتجي
نوره : الو هلا حنان اعذريني تاخرت عليك بس شوي واكون عندك
حنان : هلا نوره خلاص يالطيبه مانبي نطلع
نوره : كيف وش تقولين لازم احد يشوف اللي لقيته
حنان : جاسم مارد علي ومابي اطلع من غير شوره
نوره : الله يكون بعونك طيب تبيني اجي لك
حنان : لاتكفين ام جاسم هالحين بتسويلي سالفه لو شافتك ومابيها تقط كلام عليك
نوره : خلاص يالغاليه لو بغيتني بشي اتصلي علي
حنان : ابشري

حنان الان تقبع بصمتها وخوفها وهدوء المكان الذي لاتطيقه الا بوجود زوجها

في زاويه اخرى من البيت
أم جاسم : يالله معقوله هالحين تشك بشي وتفتش سريرها
انا دفعت دم قلبي على هالعمل ....ابي ولدي لي وبس
يكفي مابقالي بهالدنيا غيره واخاف احد يغير راسه علي

وهي منغمسه في تفكيرها
باب غرفتها يفتح بقوه
حسن : يمه
أم جاسم : وصمه ان شاء الله هالحين كم مره قلت لك لاتدخل كذا
حسن : يو عاد خلاص دخلنا هالحين
أم جاسم : خير رغم انه مايجي من وراك الا الهم
حسن : اقول يمه ابي دباب
أم جاسم : ابشر متى تبيه
حسن : يمه لاتتريقين علي كل اخوياي معهم هالحين لو بطلب منكم سياره وش تقولون
أم جاسم : رح لابوك واطلب منه او لاجاء اخوك جاسم اطلبه انا من وين لي



فهالوقت جاسم يدخل البيت ....


:

إحساس الدوحه وينك تعالي كملي وقولي لنا

بمخيلتك وش يصير بين جاسم وامه وزوجته :)

قوارير
04-11-2008, 03:46 PM
روعه التكمله

الشقردي والطيب عناوني ..ورهوفه ^^

ماشاءالله عليكم ..


مرهفه جان كملتي مافيني صبر هع


......................

بانتظار اختنا احساس ^^

احساس الدوحة
04-11-2008, 04:25 PM
اعذريني اختي مرهفه احساس

لم اتابع الموضوع من البدايه

اعطي المجال لابداعاتكم

سامحوني حبايبي

اتابعكم ..

الطواش
04-11-2008, 10:00 PM
يلا نبي احد يكملـ ..

أم سارة
05-11-2008, 02:16 AM
اللي بعدو

^
^
على قولة قلومه على قولة وصايف ..هع هع

الطواش
05-11-2008, 03:40 PM
يلا يا احسااااااسـ ..

مرهفة إحساس
06-11-2008, 10:11 PM
مرحباااا

احساسوه الدبيه ماعليه انمشيها لك هههه :)

//

اممممممممم

طيب اختار قلومه مره ثانيه

نبيها تحط مسار لبعض الشخصيات حسب تصورهاا

علشان نمشي عليها :)

أمواج
07-11-2008, 09:37 AM
تكملة رائعه منكم خواتي الطيب عنواني ومرهفة إحساس


ننتظر قلومة الدبة

الطواش
08-11-2008, 08:48 AM
يلا يا قلم رصاص

:
:
:

قلم رصاص
14-11-2008, 11:31 PM
السموحة على التأخير بس كنت مشغولة

وهذا البارت


" السلام عليكم ورحمة الله وبركاته " ... وحب جاسم راس امه


امه : وعليكم .. اسمع يا جاسم ارد وأقول لك ترى ما يسوي علي اللي تسويه مرتك فيني هذا وانا قاعده ارتب غرفتكم !!


حسن : جاسم ابي دباب


جاسم بسخرية : ابشر ... إن شاء الله عمي .. على هالخشم باجر الصبح يكون عند باب البيت ... طلبات ثانية ؟؟ _ وارتفعت نبرة صوته _ قبل لا تطلب صير ريال يا سواد الويه .... من زينك والا من زين فعايلك اجيب لك الدباب ؟؟ لا دراسه ناجح فيها ولا راضي تنعدل فشي ليه اجيب لك دباب عشان الصيع الل مخاويهم ؟؟


وطلع وهو حده معصب


أم جاسم : وانت حتى طلب مثل الناس ما تعرف تطلب ؟؟!!


حسن : يمه مب ناقصج انتي بعد يكفي جاسم .... وان كنت صايع فهذا نتيجة قراراتكم فالحياة وأنانيتكم وتحملوا ما جا بسبتكم (( مع انه شخصية حسن ممكن تحمل مساوئ الدنيا الا انه يكسر خاطري لانه الطفل الأخير بين امه وابوه وأكثر واحد جنى ثمار العلقم لهالطلاق ))



وقف جاسم قدام باب الغرفة ... فرك جبهته بيده ومسح ويهه وأخذ نفس عميق وهو يقول في نفسه الله يجيبج يا طولة البال



فتح الباب ودش لقى حنان تصلي قعد على السرير ونزل شماغه وحطه حذاه ... سلمت حنان ورفعت ايدينها تدعي ومسحت ويها .... " آمين " قال جاسم يأمن ورى دعاها اللي ماسمع منه شي ابتسمت حنان ابتسامه باهته وهي تلم سجادتها وتداري ويها منه عشان ما يشوف حالتها شلون صايره


حطت سجادتها داخل الكبت تحاول تتناسى الكلام اللي صار بينها وبين ريلها وأمه وهي تقول : شلونك حبيبي <<< هالكلمه اللي ما تفارق شفاتها وهي تكلمه حتى وان كانت في قمة غضبها أو ألمها أو حتى هواشها وياه


جاسم : الحمدلله


حنان : عسى استانست ويا ربعك


جاسم : ايه



حنان حست من نبرة صوته انت متضايق وهالنبرة حسستها بالتردد في الكلام اللي تبي تقوله ....



كملت مشيها برى الغرفة وهي تقوله : دقيقه حبيبي وراده



جاسم : وين ؟؟


حنان : الحمام بس ثواني ... وراحت للحمام اللي كان الوحيد في البيت


غسلت ويها عدل تشيل آثار الدموع


ورجعت تجفف ويها وسكرت الباب .. شالت جلال الصلاه من على راسها وفردت شعرها وطلعت له لبس عشان يبدل وبعد ما بدل ملابسه قعدت حذاه ومسكت ويهه بيدينها وعيونها بعيونه بس بعد ايدينها وقال بنبرة غضب : شلون تحاجين أمي بهالطريقة ؟؟ هذا اللي تعلمتيه بالمدارس يا متعلمه ؟؟ هذي التربيه اللي تربيتيها تراددين مره كبر امج وتطولين لسانج عليها ؟؟ هذا .... وقاطعته حنان بنبرة هدوء وثقة وحزم : لو سمحت جاسم .. هلي اللي هم عمك ومرته ربوني احسن تربية وأظن هذا شي واضح وما يبيله برهان .. ممكن اتحمل منك اي شي الا انك تجيب طاري هلي وتربيتهم لي وأنا ما كلمت أمك بها الطريقة الا لأني مليت وخلاص ماعاد فيني أتحمل أكثر .. ما احب حد يدخل غرفتي ويحوسها بغيابي ولا يتعبث بأغراضي ولا .... وقاطعها جاسم بنبرة كلها غضب وعيونه تقدح شرار : هذا جزى تجازينه للي يرتبون لج غرفتج ويسنعونها لج ؟؟


حنان ما عاد فيها تتحمل أكثر قامت للكبت واتعوذت وبسملت وتناولت الورقة اللي حصلتها ومدتها له : أظن ان هذا هو اللي تسميه ترتيب مو ؟؟


جاسم اللي بحياته ما عرف هالسوالف ولا شافها تناول الورقة : شنو ذيه ؟؟ شهالطلاسم والشخابيط ؟؟


حنان : لقيت هالورقة فنفس المكان اللي كانت امك تنبش فيه ... هذا سحر ... واذا مب مصدق... روح لعمتي واطلب تفسير منها لهالورقة


جاسم : الحين بناديها


وقام بس حنان مسكت يده وخذت نفس عميق : لا .. اصبر شوي .. اذا بتواجها لا تحطني معاكم في المواجهه ولا تقول انه انا اللي لقيت الورقة واسألها بينك وبينها وافهم منها ليه ...


تعبت دورج قوارير شدعوه راعية الموضوع وما شفنا منج نقطة حبر !!

أمواج
15-11-2008, 03:04 AM
يعطيج العافية قلومة



ما أعتقد ببتعرف أمه بهالشيء


ننتظر قوارير


والبقية

أم سارة
16-11-2008, 04:10 AM
راااااااااائعة التكملة يا قلووومه الأمووورة ..

يالله يا قواارير شدي حليلج نتريا التكملة ..

الطواش
17-11-2008, 06:51 PM
يلا يا قوارير

بدأت الاثااارة تزييييد ..

الطيب عنواني
17-11-2008, 09:36 PM
.
.
.
.
.
.
.
.

ياللـــــــــــــــــــــــــــه

زهرةالصبار
17-11-2008, 11:25 PM
حركات من ورانا يا أهل المجالس

بس بصراحة مبدعين

حتى عتيج اللي قلت ماله في القصص والخرابيط طلع خطير

قلم رصاص اكتشفت موهبتك

حنونه والشقردي توقعت منكم الابداع وفعلا ابدعتوا

ومن بعد نسيت لي عوده

قوارير
05-12-2008, 01:09 PM
السموحة على التأخير ..وهذي مشاركتي البسيطة

جاسم راح صوب أمه وهو مفول ..قبل مايوصل سمع صوت أمه وهي اتكلم عمرها بس مافهم شي من كلامها ..

بس سمع آخر جملة اتقولها :الله يستر

راح جاسم ويلس عند أمه وظاهرة على ملامحة العصبية

أم جاسم ارتبكت :بلاك ولديه شو سوت فيك بعد

جاسم :أميه حنان ماسوت شي بس "وعطى امه الورقة ..

أم جاسم فزت من مكانها :شووووو ها ..منوه ها اللي مسونه مايخاف ربه

:اميه يعني ماتدرين منوه مسونه

أم جاسم تدعي انها اتصيح :افا ياولدي افا ..في أم بتسوي لولدها هالخرابيط

جاسم :أميه فديتج انا ماقلت انج انتي مسوتنه .. بروحج قلتي ..

:هات الورقة ..وسير لحرمتك تترياك ..

جاسم عطاها الورقة واتنهد ..ويقول فخاطره "لازم اعرف منوه حاط هالورقة ..
فديت اميه كله من حنان زعلتها .. ..

أم جاسم ابتسمت وأونها اتمش دموعها ..وقالت فخاطرها براويج يا حنانو انا

اعرف كيف أظهرج من بيتي وأييب الحرمة السنعة اللي تسواج وتسوى طوايفج



بنسير صوب بيت أهل حنان

نورة ذكرناها من قبل .. 23 سنة ..حليوه وطيبة ..وفنفس الوقت ماتسكت عن حقها ..وتدرس في الجامعة وتخصصها شريعة ..وسالم 21 سنة ..وسيم ..تخصص هندسة "هذا سهام اخت جاسم ميتة عليه وهو مب معبرنها .." ووضحى 17 سنة ..هادية وطيوبة ..آخر سنة لها في المدرسة .. ريم أصغر خواتها ..4 سنين ..فديتها هذي كتكوتة ..ووايد متعلقة بحنان


والتكلمله على الغالية أمواج :ح

الطواش
05-12-2008, 01:11 PM
تكملة حلوة منج قوارير

يلا ننطر امواج ..

أمة الرحمن
05-12-2008, 10:26 PM
ماشاء الله كلكم ابدعتوا

وهذا الموضوع اخرج لنا مبدعين في عالم القصص والروايات

بانتظار التكملة وبالتوفيق للجميع

أمواج
06-12-2008, 02:07 AM
أحس القصة من البداية جدية وما فيها ضحك وتدور في محور المشاكل


لي عودة مع الجزء وشوية فرفشة


..
..

تكملتج رائعة قوارير

أمواج
06-12-2008, 02:51 AM
في بيت أبو حنان


نوره تنادي : يمااااه يمااااه
أم حنان وهي تطلع من المطبخ : بلاج تصارخين
نوره : يمة ما لقيت قميصي الازرق أمس عطيتة الخدامة تغسلة وتكوية راح أتأخر عن الجامعة (وحطت يدينها على خصرها)
أم حنان : إيه غسلتة أمس بتلاقينة بغرفتج في الخزانة
نورة وهي مفتحة عيونها وأشرت : لا يكون هي اللي فتحت الخزانة ياويلها
أم حنان : لااا وبعدين مو تقولين بتتأخرين روحي إخلصي
نوره وهي رايحة : الحمد لله
ظهرت ريم تفرك عيونها : ماما أبي هم
أم حنان : تعالي حبيبتي أغسلج وبعطيج هم
ريم وهي تجري تحظن أمها : يالله يالله حمام وبعدين همممممم
أم حنان : ههههههههه يالله حبيبتي
.
.
بعد نص ساعة وفي بيت أبو حنان أيضاً ، في المطبخ



أم حنان : يالله حبيبتي همم
ريم وهي تتكتف : ماما تحبيني
أم حنان وهي تنزل السندويش : إيوه أحبك أنتي قلبي
ريم : شلون قد المطبخ ؟
أم حنان : ههههههه لا أكبر قد السماء
ريم : ليــــــــــــــــــــش ؟
أم حنان : عشان أنتي حلوه
ريم : ليش أنا حلوه عشان أنتي حلوه
أم حنان وهي ترفع السندويش لفم ريم : هههههههه أكلي أول
ريم هي تنط من على الطاولة للأرض : لا لا لا أنتي تحبيني ؟
أم حنان : هههه إيه أحبك تعالي إكلي هم
ريم : ليش تحبيني عشان أنا حلوه ؟
أم حنان : أول كلي هم عشان تصيرين حلوه
ريم وهي تهز راسها بشرح :هم بيعطيني حلوه ونورة مو حلوه ما تاكل هم
نورة وهي مبققة عيونها : يالمفعوصة من وين تجيبين هالكلام
ريم وهي تنخش ورى أمها وصارت تأشر على فمها : هنا في كلام عشان أنا حلوه
نورة وهي تضرب كفوفها ببعض : من وين لج الحلاه يالشيفة
ريم ببرائة : شيبة جدووو أنا حلووووووه (وصارت تعدل شعرها)
أم حنان : خلاص نوره روحي شوفي من بيوصلج
نورة : لحظة يمـــــة
نورة : ريموووه من قال أنج حلوه أنتي مش حلوه (وصارت تحرك حواجبها)
ريم : ماماااا أنا حلوووووه
أم حنان : أنتي حبيبتي حلوووووووووووووووه
أم حنان : نوروه خلي أختج بحالها
نورة صارت تغني وتسوي حركة أنها تعزف : ريم مش حلوه لا لا لا ريم مش حلوه لا لا لا
ريم وبانت في ملامحها بدء البكاء : ماما شوفي نورة دبــة تقول أنا مش حلوه
أم حنان : نورة إقصري الشر بتبكينها وبتروحين لدراستج وتخلينها تبكي على راسي
نورة : خلاص خلاص أنتي حلوه (وسوت لها انننننن تمط لسانها )
ريم وهي مغمضة عيونها وتصارخ من العصبية : أنتي دبة كبيرة ما أحبج انننننننن أنا حلوه ماما حلوه


شيء على السريع

إن شاء الله وفقت في الكتابة

أختار من بعدي أخوي الطواش ما شاء الله علية متابع معنا


ننتظر البقية

الطواش
06-12-2008, 02:02 PM
اترك التكملة لكم مادري حاس اني ماقدر اكمل

اسمحوااا لي ...

قوارير
06-12-2008, 02:44 PM
اترك التكملة لكم مادري حاس اني ماقدر اكمل

اسمحوااا لي ...



لاااااا ماااشي ..لاتحاول

كمل لنااا ..حتى انا قلت ماعرف ..بس عصرت مخي وكتبت خرابيط:mad:

يللا عندك واايد وقت

الطواش
06-12-2008, 06:30 PM
^_^

اممم بحاول بس صبروا شوي عليـ ..

الطواش
07-12-2008, 12:36 PM
نورة : من زينج الحين زين مني قاعد الاعبج

ريم وهي اتصيح : اهيييييي ماما شوفيها

ام حنان : خلاص عاد يا نورة لا تحطين عقلج بعقل ياهل

وبعد ساعة وفي نفس البيت

رن الجرس

ام حنان : مييييييييررريييي ميييييييييرررييييي

ميري : نعم ماما

ام حنان : روحي بطلي الباب

ميري : انزين ماما

بطلت ميري الباب واذا بأم جاسم عند الباب

دشت ام جاسم وقالت : ياهلا والله بأهل البيت

رحبت بها ام حنان : هلا هلا والله ها وش تشربين ؟؟

ام جاسم وهي معصبة : انا مب ياية اشرب انا جايه اقول لج كلمتين واطلع

ام حنان : عسى ما شر وش صاير ياختي ؟

ام جاسم وفـ يدها ورقة مخربطه فيها: شوفي بنتج شو مسوية فـ ولدي لا بارك الله فيها تسوي له سحر

واترك البقية للاخت مهندسة كيفي

قوارير
07-12-2008, 09:37 PM
روووعه التكملة يالطواش ..

كشخة أكشن ....

هذي أم جاسم خبيثه ><"

أم سارة
08-12-2008, 01:13 AM
اختي قوارير روووعه التكملة ..

و اختي امواج تكملتج طرييفة ..

و اخوي الطواش تسلم علـ التكملة..

مهندسة كيفي
09-12-2008, 12:15 PM
السلام عليكم ..

عيدكم مبارك .. فالكم طيب بكتب البقية .. بس اصبروا علينا امخ مخ شوية .. خبركم أزمة عيد ..

مهندسة كيفي
10-12-2008, 11:38 PM
أم حنان : تفضلي حياج .. هدي يا ا م جاسم .. افا عليج بس ..

أم جاسم : شفيج يا ام حنان شو الي هدي .. طاعي بنتيج ام الطبوب والسحور شو مسوية بولدي ..

ام حنان : طبوب .. سحور ..!!! بنتي !!

ام جاسم : هيه بنتج هاي الي كنت اظنها الحبوبة .. العاقله .. الرزينة ...من خذت ولديه ما شاف معاها ألا الضيم .. ما يسد انها ما يابت له ياهل نبرق به العين ..


أم حنان : أم جاسم بلاج على بنتي .. أذكر يوم انكم خذيتوا بنتي خذتوها من بيتي معززة مكرمة ..

وما قصرت مع ولدج .. وجان ع العيال .. تراها قسمة ونصيب من رب العالمين .. وهالورقة الي عندج تراها مستحيل ابدن مب من عند بنتي ..


:


:



السموحة عاد هذا الي قدرت اكتبه ..


واترك التكملة للاخت أمواج ..

الطواش
10-12-2008, 11:47 PM
^_^

تكملة حلوة

يلا يا امواجـ ..

قوارير
13-12-2008, 01:41 PM
مهندسي وكيفي ..^^

مشكوره على التكمله الحلوه

يعطيج العافيه


ونترياااا أموااج

أمواج
13-12-2008, 07:50 PM
السلام عليكم


السموحة ع التأخير


.
.



أم جاسم : شلون يعني ، أنا كذابة وأتبلى على بنتج
أم حنان : ما قلت أنج كذابة بس مثل هالأشياء ما تطلع من بنتي اللي تعرف ربها
أم جاسم : بنتج بنفسها عطت جاسم هالورقة تظن أنها تبي تتحكم فيه وتاخذة بصفها عنا
أم حنان : شنو هالكلام يا أم جاسم بنتي عمرها ما قصرت معكم وعمرها ما اشتكت منكم الحين هذا جزاها
أم جاسم : ما اشتكت لاننا ما سوينا لها شيء وهي عايشة معززة مكرمة لكن عقب اللي سوتة لا يمكن نسامحها
أم حنان وهي ماسكة نفسها لجل ما تخرب بيت بنتها : لا حول ولا قوة الا بالله أنا متأكدة من بنتي شوفوا من مسويها يمكن الخدامة ولا حد ثاني
أم جاسم : لا ثاني ولا ثالث (وقامت وهي تلم عبايتها من العصبية عليها) أنا قلت لج وأحذرج أنتي وبنتج لو صار لولدي شيء ما تلومون الا نفسكم وقريب بخطب له
أم حنان بصدمة : يخطب
أم جاسم وهي تكذب : إيه هو قايل لي بنفسة أبي أخطب يمكن يجيه ولد من غير حنان
أم حنان بعصبية : إسمعي يا أم جاسم أنا محترمتج لانج في بيتي الحين وساكتة من البداية بنتي حنان تسواج وتسوى طوايفج وما توصلون لظفر من أظافرها وإذا يبي يخطب جاسم خل يخطب حلال عليه لكن بنتي ترد بيت أبوها معززة مكرمة ما بيقصر عليها شيء في بيتها
أم جاسم ومفتعلة العصبية : هذا كلامج بدال ما تعقلين بنتج لكن صج لا قالو البنت على أمها مو بعيد تكون فكرتج هالفكرة يالسوسة
أم حنان : شكراً ، (وفتحت الباب ) مع السلامة
أم جاسم وهي تأشر على نفسها : تطرديني من بيتك ، لكن هين إن ما طلعت بنتج وخليت ولدي يطلقها ما أكون أم جاسم
.
.
طلعت أم جاسم وركبت لها سيارة أجرة وإتجهت للبيت تجهز وترتب كلامها أثناء الطريق
.
.
دخلت أم جاسم البيت وشافت جاسم وبدأت تطلع دموع التماسيح : إهئ الله يسامحج يا أم حنان
جاسم شاف أمه تبكي وإستغرب : يمة بلاج تبكين صاير لج شيء
أم جاسم : هااااه مافي شيء ياولدي
جاسم : شلون ، وهالدموع من وشو ؟
أم جاسم وزادت الدموع وصوت البكاء وتجمع كل أهل البيت حولها : رحت لأم مرتك وهزأتني وطردتني من بيتها ليش أني سألتها عن الورقة
جاسم بصدمة وعصبية : شنووووو سألتيها عن الورقة وطردتج
أم جاسم : هذا اللي صار وقالت أننا ما نسوى ظفر من أظافر بنتها أنت وش رايك بهالكلام يا جاسم أهانتنا عاد أنا ما سكت لها
جاسم وهو يمسك راسة اللي بدأ يوجعة
أم جاسم : قلت لها أنك تبي تخطب عاد وأنا عند كلمتي ما بثنيها بتخطب ياجاسم بتخطب
جاسم بذهول : شلوووووووون
أم جاسم : مرتك حنان هي السبب في كل شيء يصير محد قال لها تسوي طبوب لك تاخذك عنا لانها ما تجيب عيال
حنان : بــــــــس ، شنو هالكلام يا خالتي أمي ما تغلط على أحد مني والدرب وإذا علي أنا متأكدة أني ما سويت هالشيء وقبل كل هذا ربي يعرف أني ما سويتة قاعدة تتبيلين علينا (ما خلصت كلامها الا ويجيها كف قدام كل أهل البيت )
أم جاسم وهي فرحانة باللي يصير : إهئ الله يسامحج يا حنان
جاسم : إمشي الغرفة إمشي قداااااامي
حنان بذهول ودموع في عيونها : تضربني يا جاسم بلا ذنب
جاسم : جب ولا كلمة ويالله عالغرفة أشوف
.
.

أختار من بعدي زهرة الصبار

قوارير
14-12-2008, 06:03 PM
حررراااااااااام ..والله تكسر الخاطر حنان :(

........×........

هههههههههههههه في شي ضحكني

7

7
(وفتحت الباب ) مع السلامة

اتخيل شكل ام جاسم ..احسها قفطت

....

تسلمين يا أمواج ..

روعه ^^

الطواش
14-12-2008, 11:48 PM
تكملة ولا اروع من امواج

يلا يا زهرة ..

قلم رصاص
15-12-2008, 07:43 AM
حرام علييييييييييكم



قطعتوا قلبي على حناني :asd:



شوي شوي عليها :4s2j9s (5): ..... حد يوقف جنبها يا ناس .... حد يعقل جسوم الدب



ننتظرج زهورة

بنوته
17-12-2008, 11:15 AM
ويـــنج زهرة

متحمسين للقصة

ننتظرج ..

زهرةالصبار
18-12-2008, 03:01 PM
هلا اسمحوا لي مادريت


بداية

اشكر امواج على اختياري

وينوته على اخباري



اعطوني فرصه امخمخ شوي


واقرا اللي فاتني


واقلب لكم السالفه فوق تحت خخخخخخخ

قوارير
18-12-2008, 11:01 PM
هههههههه

مخمخي على راحتج ..^.^

بحور
19-12-2008, 12:06 PM
الصراحه الموضوع رووووووووووعه


(قلومه .. الطواش .. مرهفة إحساس .. الشقردي .. عتيج .. قوارير .. حنوني)



طريقتكم في سر أحداث القصه جداً رائعه وحلوه



ربي يعطيكم الصحه والعافيه



الله يعطيج العافيه غلاتي قوارير على الفكره الحلوه



وفي إنتظار زهوره

رائحه الخزامى
19-12-2008, 06:08 PM
شكرا على هذه القصة التي بأقلام متعدده

اذا قام سوقها من اللي بيؤخذ الارباح

شكرا لكم جميعاَ متابعه

الطواش
19-12-2008, 06:42 PM
الصراحه الموضوع رووووووووووعه


(قلومه .. الطواش .. مرهفة إحساس .. الشقردي .. عتيج .. قوارير .. حنوني)



طريقتكم في سر أحداث القصه جداً رائعه وحلوه



ربي يعطيكم الصحه والعافيه




الله يعافيج

وشكرج لنا يعتبر وسام على صدورنا ..

زهرةالصبار
21-12-2008, 05:38 PM
دخلت حنان غرفتها والدنيا تدور فيها

معقولة هذي آخرتها جاسم اللي حبيته وضحيت وتحملت كل شي عشانه يسوي فيني كذا

هذي آخرتها يضربني قدام أمه

أنا اللي حاربت الكل وأخذته يسوي فيني كذا

وايش اللي مصبرني حب !! أي حب وأي خرابيط

أنا كرامتي بالدنيا أنا صبرت كثير وتحملت كثير لكن توصل للطق لا ياجاسم لا

أنا حنان بنت عبدالله انطق وقدام هالنسره امك

موكافي مكرها وحقدها وأستغفر الله باعت دينها بالسحر ويصدقها ويكذبني

هين ياجاسم هين جا الوقت اللي لازم تتعلم فيه إنت وأمك وتعرفون زين

إنه فعلا إتقي شر الحليم إذا غضب

لازم تتأدب إنت وأمك لازم

و بدت تلم عفشها واغراضها والدموع بعينوها تبكي على سنين عمرها اللي راحت في مشاكل وهم وغم


جاسم عرف إنه لو دخل الغرفه بتقوم الحرب العالميه وكالعادة اختار الهروب

واتصل بخويه وطلع من البيت

حنان خلصت ترتيب أغراضها وفكرت هل لازم تنتظر جاسم يوديها ولا تروح لحالها

وفكرت إنه امه ممكن تستغل هالشي ضدها

بعدين قالت أصلا هي خاربه خاربه لمتى بسوي له هو وامه حساب

خلاص مليت من بروده وضعفه وقوة امه

واتصلت عالسواق يجهز السياره عند الباب

ونادته الشغاله تشيل معاها الشنطه وخذت لها بيدها شنطه صغيره

ومرت من قدام أمه اللي طارت من الفرح يوم شافتها شايله الشنطه بس حاولت تغطي وجهها بالشيله وهي تضحك

حنان تدري إنه امه فرحانه بس قالت البيت اللي ما أعيش فيه محترمه ما أبيه لو عندي عشرين طفل

ومرت من قدامها وقالت ام جاسم مسويه نفسها ناصحه بتطلعين ورجلك مو فيه عيب عليك

حنان عطتها نظرة احتقار عمرها ماعطتها مثلها ولفت ظهرها بتمشي

وأم جاسم طالعت مذهوله ومقهوره وقالت عشتوا بنات آخر زمن لا حيا ولا حشيمه

انقهرت حنان وقالت تركت الحيا والحشيمه لك يام جاسم اشبعي بولدك

وطلعت وصكت الباب بقوة ارتج لها البيت


في المقهى

سالم: وش فيك ياجاسم وجهك مقلوب وشكلك منت على بعضك
جاسم: مافيني شي حبيت أغير جو وأشوفك حرام يعني
سالم : تلعب على مين ياحبيبي حنا أكثر من اخوان صاير شي جديد
جاسم أخذ نفس وقال: ضربتها
سالم: هاااااه أشلون منهي حنان أشهد إنك منت صاحي
جاسم : إيه قدام امي بعد
سالم : لا منت الاولي ياجاسم منت الاولي عقدت السالفه الله يهداك والحين وش بتسوي
جاسم مدري ياسالم مدري مو قادر احط عيني بعينها أدري عن امي دايم تهول الأمور
لكن حنان طولت لسانها عليها وأنا ماتحملت نظرات أمي
سالم: واخترت الهروب كالعاده
جاسم يطالع فيه بحقد: سلوم وبعدين معاك احترمني شوي
سالم أوف الحين تلقاها ببيت أهلها يالحبيب
جاسم: اشلوووووووووون لا حنان ماتسويها
سالم : ليش؟ تتوقع بعد ما طقيتها قدام امك بتقعد ما اظن
جاسم قام واخذ مفاتيحه وقال عن إذنك



ببيت ام حنان

الجرس يدق بشكل متواصل
وام حنان تنادي الشغاله بس محد راضي يرد عليها عشان يفتح الباب





واترك التكملة لأختي بنت قطر


والسموحة عالتأخير

بحور
21-12-2008, 06:59 PM
شكرا على هذه القصة التي بأقلام متعدده

اذا قام سوقها من اللي بيؤخذ الارباح

شكرا لكم جميعاَ متابعه

أنا باخذ الأرباح خخخخخخخ :002:


لحد يسمعنا بس


:4s2j9s (18):

بحور
21-12-2008, 07:05 PM
زهوره .. يالدووووبه ليش ماكملتي شوي هههههههههه ..


والله كاسره خاطري هالحنان ..


بنت قطر في إنتظارج بفارغ الصبر ..

قوارير
21-12-2008, 07:11 PM
لا بعد جسموو مايستحي على ويهه ايقول لربيعه ضربتها ><"


زين سوت حنان انها سارت بيت اهلها .والا بيتعود على الضرب :(

والله روعه التكمله D:

نتريا الغاليــة بنت قطر

×

زهرةالصبار
21-12-2008, 09:06 PM
زهوره .. يالدووووبه ليش ماكملتي شوي هههههههههه ..


والله كاسره خاطري هالحنان ..


..

خفت اكمل أصدق نفسي وماعاد اوقف :wave:

رائحه الخزامى
22-12-2008, 06:51 PM
مدري ليش


انا كاسر خاطري جاسم متمشكل مع امه وزوجته مايدري من يراضي !!!



زهرة مشكوره على التكملة الابداعية

منتظرين بنت قطر

متابعة

الشقردي
22-12-2008, 10:39 PM
جاسم طلع بلا شخصية


يخاف من المواجهة


حنان تجرأت على طبيعتها الهادئة


وام جاسم مكشوفة للكل كيف ينخدع فيها جاسم

بنت قطر
23-12-2008, 08:23 PM
تقوم أم حنان وتفتح الباب وتشوف بنتها منهاره وجايه

ومعاها شنطة أغراضها

عرفت ان بنتها أخيرا انفجرت وماقدرت تستحمل ام جاسم هالشريه

وجاسم عديم الشخصيه

حاولت تهدي بنتها وتخفف عنها

وقالت لها لاتسويين بنفسج جذيه مافي شي يستاهل كل اللي تسوينه بنفسج

ومااعتقد جاسم يستاهل ان تنزل دمعه من عيونج بسبته

خلاص حبيبتي الزم ماعلينا صحتج وراحتج خليه يولي وخلي امه هالشريه تنفعه

في بيت ام جاسم .....

جاسم يرجع البيت .... يروح لغرفته يدور عن حنان وماحصلها بالغرفه

قام ينادي حنان .... حنان

تقابله أمه بالصاله

أم جاسم : تدور على حنان ؟ تعتقد انها مسوية لك اعتبار اصلا

جاسم : ليش وينها وين راحت ؟

أم جاسم : تعال استريح ولاتعب نفسك

جاسم : راحت بيت أبوها صح ؟

أم جاسم : لو هي سنعه ماتطلع من البيت من غير شورك

هذا غير الحجي اللي قطته وهي طالعه

جاسم : ايش قالت ؟

أم جاسم : خلك منها واسمع اللي باقوله لك

جاسم : خير يمه

أم جاسم : حنان استحملناها برغم كل عيوبها ووصلت فيها المواصيل للسحر

ومايندرى باجر ايش بتسوي من وراك

جاسم : ايش تعتقدين يمه

أم جاسم :انت فهيم وتعرف الحرمه اللي تطلع من البيت من غير شور ريلها ايش ممكن تسوي

جاسم ( بعصبيه ) : أنا باعلمها الادب

أم جاسم : طلقها




اترك التكمله لاختي الغاليه أمة الرحمن

أمة الرحمن
24-12-2008, 10:55 AM
اوووه القصة تطورت وصار فيها اكشن

بصراحة كلكم ما قصرتوا عيبتني طريقة التسلسل الي ما شين فيها

والله يوفقني وتطلع التكملة قد المستوى ^^

طبعا من الحينة بقولكم تكملتي بتكون طويلة لاني هذارة خخخخخخ

أمواج
24-12-2008, 11:07 AM
تكملة رائعة جداً


يعطيكم العافية زهورة وبنت قطر


وننتظر أمة الرحمن

أمة الرحمن
24-12-2008, 11:30 AM
هناك في تلك الزاوية تقبع انسانه كلها جروج ..امتدت يدها للسماء لتدعوا ربها أن يريح بالها
ويزيح جبال الهموم الجاثية على صدرها وأن يجعل لها من امرها يسرى ..
كان البكاء انيسها الوحيد ..لا تعلم هل هي على صواب ام على خطأ في ما ارتكبته ..
أحست بالاعياء من شدة البكاء و....

طوت سيادة صلاتها ومسحت دموعها وتمددت على الشبرية ويلست تفكر بينها وبين نفسها ..
ياربي هل الي سويته صح ..بعد 4 سنوات من تحمل الضيم والقهر ..معقولة انهي كل شي بهذا الوقت ..وين حبي لجاسم ؟؟..وين الوعد الي قطعته على نفسي اني اتحمل كل شي منه واوقف معاه على الحلوة والمرة ..كل هذا بس عشاني أحبه ..وادري انه قلبه طيب وحنون..وواثقة بانه يعزني ويحبني ..بس كله الا الضرب ..كيف تمد ايدك علي يا جاسم
وجدام كل الي في البيت ..شو فايدة الحب اذا كان الاحترام معدوم ..الضرب له ألمين ألم جسدي
ومع الايام يزول وألم ثاني يسبب جرح عميق و انكسار من الداخل وصعب علي اني انساه ...

وعلى ضوء هذه الافكارالتي كانت تراودها... اخيراً حنان استسلمت للنوم من شدة الارق
لكن هناك في مكان آخر عيون سهرت تلوم نفسها و تندبها و ..

جاسم يمرر ايده في شعره ويتنهد بحسرة وألم ..ليش يا جاسم كيف قلبك طاوعك تضربها جدام كل الي في البيت وخاصة امك ..عيل وين حبك لها ..نسيت ايام ما كنت تتمنى تعطيك نظرة.. وما صدقت انها توافق عليك ..
ليش كل شي تغير؟؟ ..ما وعدتها انك بتكون لها كل شي وبتحيطها بحنانك وحبك ..كيف قدرت تنسى كل هذا وهي الي عمرها ما رفعت صوتها عليك ودووم كانت تحرجك بتعاملها الطيب واحترامها ..كيف قدرت تنسى كل هذا ؟؟ ..كيف بلحظة شكيت انها ممكن تبيع دينها وهي الانسانه الملتزمة الي من تزوجتها ما شفت منها الا السنع والاخلاق الطيبة ؟؟
وين عقلك وقتها ؟؟..معقولة امي الي سوت كل هذا ؟؟..لا ما اقدر اتهم امي بشي هذي امي الي ربتني ..وبنفس الوقت ما اقدر اصدق انه حنان الي سوت السحر ..يارب ..يا رب ساعدني اطلع من هذي المصيبة
،،،،،،،،،،،،،،،،،،،،،

في صباح اليوم الثاني في بيت بو حنان

ريم : ماما خلاص حنان بتم عندنا
ام حنان بألم على حال بنتها : الله كريم يا ابنيتي ممكن اتم وممكن لا !
ريم : ماما قوليييييي بتمممممم
ام حنان : ليش تبين اقول بتم
ريم : عسان انا واااايد احبها ..عسان هي تحبني واااايد وتقول عني اني وااايد حلوة ...مو مثل نورة الدبة
ام حنان وهي تبتسم : اهم شي الحينه اذا تبينها اتم لا تأذينها وتسندرينها باللعب
ريم وهي تحط ايدها على حلجها : خلاص ما بقول سي ..ما بسوي سي
ام حنان بابتسامة عريضة على حركات ريم : تعالي يا روح امج ..وحضنتها

وبهذي اللحظة يرن نلفون البيت
ام حنان : نعم
ام عدنان ( زوجة عم حنان ) : السلام عليكم
ام حنان بابتسامة : وعليكم السلام والرحمة ..هلا باوخيتي ام عدنان
ام عدنان : هلا فيج يالغالية.. اخباركم من زمان عنكم يا ام حنان ما تزورون ولا تتصلون ..خير شو صاير
ام حنان وهي تتنهد : فعلا يا ام عدنان نحن مقصرين وايد معاكم اتمنى تعذرونا ..بس لا تلومينا يا اوخيتي المصايب تتحذف علينا من كل صوب ..
ام عدنان : مصااايب ؟؟؟خير يا ام حنان صاير شي؟؟ ..اذا في شي نقدر نساعدكم فيه قولي يا اوخيتي ما يردج الا السانج نحن اهل ..
ام حنان بتنهيدة طويلة : ما شي يا اوخيتي بنتي حنان حالها يغمضني ..من يوم ما تزوجت وهي حياتها مب مستقرة وكله بسبة ام جاسم الشرية ..تصدقين وصلت المواصيل فيها انها تسوي سحر ويوم بنتي كشفتها ..حطت الوم على بنتي وقالت انها هي الي مسوية لجاسم سحر عشان تعلقه فيها ..ودخلت بيتي وغلطت علي... وبسبة هذا الشي جاسم رفع ايده على بنتي و ضربها جدام اهل البيت كلهم ..
ام عدنان : حسبي الله عليها من حرمة هذي بنت ابليس ..حشة هذي مب آدمية ..زين حنان شو سوت ؟؟
ام حنان : بعد شو ممكن تسوي هالمسكينه لمت اغراضها ورجعت بيت ابوها ..ان ما كان لها حشيمة هناك ليش تقعد عندهم
ام عدنان : زين ما سوت والله صدقتي يا اوخيتي ..يتحسبون ان بنات الناس لعبة بيدهم المهم لا تكدرين نفسج والله ايريح بالكم وايسر امور حنان ويكتب لها الخير وين ما كان

ام حنان : تسلمين يا اوخيتي اسمحي لي غثيتج بسالفتنا
ام عدنان : لا تقولين جذه يا ام حنان انا مثل اختج واذا ما وقفت معاج بهذا الوقت ما اصلح اكون اخت لج
ام حنان : يزاج الله خير يا اوخيتي فيج الخير والله
ام عدنان : زين يا الغالية عيل اخليج الحينه.. وان شاء الله قريب بنزوركم
ام حنان : حياكم الله باي وقت
ام عدنان : الله يحيج ويبقيج ..مع السلامة
ام حنان : مع السلامة

بعد ما ام عدنان سكرت السماعة ... كانت بنتها سامية قاعدة حذالها
سامية : ها يمة شو صاير شو السالفة تتحسبين على منوه ..؟
ام عدنان : يا ربي على اللقافة وانتي شو يخصج
سامية : افا يا ام عدنان تخشين على بنتج حبيبتج
ام عدنان : حركات الواته ما تمشي عندي
سامية : تكفين يماااه قوليلي شو صاير
ام عدنان بتنهيدة خبرت سامية بكل شي
وسامية ما صدقت خبر سيده على غرفة اخوها عدنان: فج الباب ليش قافل الباب
عدنان من ورا الباب : كيفي ما ابيج تدخلين
سامية : عدنان تكفى فج الباب عندي لك خبر يسوى ملايين
عدنان : اخبارج بايته ما اباا اسمع شي
سامية: واذا قلت لك الخبر يخص حنان
ما مرت ثواني الا والباب انفتح
سامية : اسفة غيرت رايي ما بقول شي
عدنان : عن الحركات عاد وقولي
سامية : ايدك على 500
عدنان : حشه نصابة ..
سامية : قلت لك الخبريسوى ملايين انت بلاك
عدنان : ما عندي 500 تبين 200 بعطيج
سامية : من يومك زطي خلاص ايبها وامرنا لله
عدنان ضرب سامية على راسها وقال مفلستني والله وحط ال200 بايدها : يلا قولي يا ويهج
سامية :تدري شو صار بحنان مسكينة تكسر الخاطر يقولون زوجها ضربها
عدنان بعصبية : شووووووووووه
سامية : هيه والله وهي الحينه بيت عمي شكلهم بيطلقون
عدنان: قوليلي السالفة بتفصيل يا ويهج شو صار بالضبط
سامية قالت له السالفة بالكامل
عدنان ويهه احمر من العصبية ووقف : ما عاش من يرفع ايده على حنان اذا كان ما يعرف الاصول انا اعرف اسنعه بطريقتي
سامية : عدال يا روميو وانت شو يخصك ..اهم شي الحينه ان اخيرا يا عدنان بيتحقق حلمك وممكن تزوج حنان بعد ما تطلق
عدنان صحيح ان هذا الخبر يسعده لكن قلبه يعوره على حنان وعلى ظروفها وما يتمنا يفرح على حساب مصيبتها ..
يا ترى شو ممكن يكون مصير حنان وهل بتتطلق من جاسم ؟؟..وشو بيسوي جاسم عشان يرجّع حنان ؟؟
وهل بالنهاية حنان بتكون من نصيب جاسم والا عدنان ؟؟

اترك التكملة لاختي بحور

أمواج
24-12-2008, 11:41 AM
وااااااااااو



أمتووووه القصة تغيرت من قلب الحين



تسلمين وننتظر الدبة بحور

قوارير
24-12-2008, 07:34 PM
روعه التكمله ..بنت قطــر &أمة الرحمن

يعطيكم العافيه

إمممممم ..مادري عدنان باين ان يحب حنان ..وجسمو بعد يحبها ..

اتمنى جسوووم يصطلب ..!

زهرةالصبار
26-12-2008, 12:19 AM
ياخطيره يا امتوه

تكمله رائعه ومن يوم طريتي عدنان

توقعت انه يحبها

بصراحة جاسم ولد امه مايستاهلها ردوها لعدنان احسن لكم

وننتظر بحور ونشوف وش تسوي بهم

الطواش
28-12-2008, 08:21 PM
امة الرحمن تكملتج اكثر من رائعة

يلا

بإنتظار بحوور ..

رائحه الخزامى
29-12-2008, 05:06 PM
ما شاء الله عليك يا امة الرحمن بصراحة شكلك كاتبة روايات

حلو حلو

بحور ننتظرك ورينا الابداع اللي عندك

متابعة

الشقردي
31-12-2008, 12:20 PM
اضافة جديدة اختي امة الرحمن


وين هالمواهب من زمان


ونا اقول ايش اللي اشغلج عن الاشراف

nightstar
31-12-2008, 01:59 PM
يالا عاد وين التكمله

ايه والله ذكرتونى بوحده اعرفها وافكر اكتب عنها لان صج سالفتها تستحق الكتابه

والله عورت قلبي حنان والله انكم ذكرتونى بقصه ربيعتى الى عمرها ما غابت عن بالى

الله كريم و يسهل الامور ان شاءالله

نترياج بحور لا تطولين و قولى ايش صار عقب

عاد لا تتأخرين علينا

بحور
31-12-2008, 05:48 PM
أسمحولي على التأخير وبكره إن شاء الله بنزل لكم التكمله

قوارير
03-01-2009, 06:57 PM
نتـــرياج يالغاليه :)

بحور
03-01-2009, 09:35 PM
أسمحولي على التأخير بس كان عندي ظرف خاص



........................................


يأذن الفجر ويقوم جاسم يناظر صورة حنان

يسأل نفسه ليه وصلت حياته لهذه المواصيل

ومن إلي له يد إنه يسوي له سحر

دخل الحمام تسبح وطلع للمسجد .. أول مادخل السجد شاف بو زايديقرأ القرأن سلم عليه وقعد حذاه

أبو زايد : صدق الله العظيم .. شحالك ياخوي جاسم

جاسم: تنهد بقوه.. الحمد لله بخير

أبو زايد: عسى ماشر صار لك فتره مختفي عن المسجد والكل كان يسأل عنك


جاسم:ظروف خاصه أشغلتني

أبو زايد :هذا ماهو بعذر .. المفروض مافي شي يشغلك عن عبادتك .. حاول أنك تفرق بين عبادتك وبين مشاكلك وظروفك ..

وشكلك ياخوي مايطمن .. عسى ماشر صاير شي .. وفجأه قطع كلامهم الإقامه..

وأول ماخلص جاسم صلاته طلع من المسجد وركب سيارته ..وهو ماشي بالطريق مالقى نفسه إلا هو واصل عند باب بيت حنان ..


جاسم : أعوذ بالله أنا وش إلي جابني هنا .. وظل يناظر البيت ..

جاسم أنت هنا .. ألتفت جاسم ولقى عمه أبو حنان جاي صوبه

نزل جاسم من السياره .. هلا عمي شخبارك ..


لا هلا ولا مسهلا .. هذا عشمنا فيك ياولدي وهذا وعدك لنا لما طلبت بنتنا

جاسم : عمي أنت مب فاهم الموضوع ..

وقطع كلامه أبوحنان : وش إلي بقى مافهمته .. دخلت أمك بيتنا وأهانتنا وبلعناها .. لكن تجي فيك المواصيل وترفع يدك على حنان وتضربها لا بالله هذه ماراح أغفرها لك ..

حاسم : عمي إسمعني أنت سمعت من طرف واحد .. عطني فرصه أوضح لك الموضوع .. بنتك أغلطت على أمي وأرفعت صوتها عليها
ما أعتقد أنك ترضاها لي .. ومهما يصير هذه أمي

أبوحنان : وشلون أنت رضيت بالغلط على مرتك ..

تدري من الأخر .. مالك شي عندنا .. وأنتظر ورقة بنتي منك هاليومين

جاسم : عمي .. أنا أحب حنان ومستحيل أطلقها ..

أبو حنان: إلي يحب مايهين إلي يحبه .. وغلطتك مع حنان مستحيل أسامحك عليها ..

جاسم : بس عمي ..

وقطع كلامه ابو حنان : ما أبغى أسمع منك كلمه ثانيه..

والله يحفظك ويرزقك بنت الحلا إلي ترضى عنها أمك وتكون على هواها..

يقوم جاسم على صوت قرع على دريشة السياره ..

وكان عامل النظافه ..

بابا في شي إنت بخير .. مافي أي مشكل .. أنت في زين ..

جاسم : هاااه إيه أنا بخير .. شكراً

وشغل سيارته ومشى ..

أعوذ بالله من هالحلم .. الله يستر من إلي جاي

.................................................. .................................

بعد العصر صوت جرس بيت أم حنان ..

فتح الباب أبو حنان : هلا والله بولدي عدنان يالله حيا ..

تفضلي ياوخيتي أم عدنان أم حنان تنتظرج بالصاله ..

هلا بوخيتي أم عدنان شحالج عساج بخير وشحال عدنان وساميه ..

أم عدنان : هلا والله فيج ياوخيتي والله أحنا بخير دامكم بخير ..

أم حنان : وين ساميه ما أشوفها وياج ..

أم عدنان .. تدرين عندها أمتحانات .. والله كان ودها تجي عند البنات وتستانس وياهم .. بس بكره أول يوم بأمتحاناتها .. وهذه أخر سنه لها بالجامعه وتبي تجيب مجموع ..

أم حنان :الله يوفقها ..

نوره : حنوني .. دام ام عدنان عندنا أعرفي أن سالفتج بكره بتنتشر بالفريج خخخخخخخخ

حنان : أشششششش أستحي على وجهج ألحين الحرمه بتسمعج .. وبعدين أم عدنان مره طيبه وعاقله وأمي تعتبرها حسبة أختها وماعندها هالسوالف

أم عدنان تطالع حنان وتقول : جعل إدينه الكسر إلي تمتد عليج يده ..

حنان : هلا خالتي .. وترد بقلها .. بعيد الشر عليه الله يحفظه من كل سوء

ثلونث هالتي ..

أم عدنان : ريومه الحلوه .. أنا بخير حبيبتي أنتي شخبارج

ريم : أنا بخيل هالتي ..

تلف أم عدنان عند نوره : أخبارج ويا الجامعه

نوره الحمد لله زينه خالتي .. تفضلي

أم عدنان : زاد فضلكم..

تعالي يمه حنان وقعدي حذاي وقولي لي وش صار ..

نوره : خخخخخخ المحقق كونان يبغي يعرف أخر تفاضيل الحادثه

فرصت حنان نوره وقامت وقعدت أحذا أم عدنان ..

ريم : هالتي هالتي ثوفي نولوه تقول عنث كونان

نوره ترفس ريم وترد : لا خالتي معليج منها ريم تحب تمزح .. أنا قلت لها شوفي المحقق كونان ألحين حاطينه على سبيستون .. أحسن من قعدتها عند الكبار .. وتضغظ نوره على ضروسها بس شكل ريوم تبي تشوف البث المباشر هههههههههه

.................................................. .......................

أبو حنان: هلا فيك ياولدي شحالكم عساكم بخير

عدنان :أحنا بخير دامكم بخير ياعمي ..

يدق جرس الباب .. ويستأذن أبو حنان ..

أبو حنان : جاسم

جاسم :عمي ممكن أكلم حنان وأتفاهم وياها

أبو حنان : لا مب ممكن ..

جاسم : أنا أسف ياعمي ماكنت أقصد ..

قطع كلامه أبو حنان وقال له: مب وقته ألحين في ضيوف عندنا ..

أدخل وبعدين نتكلم بالموضوع ويصير خير ..

جاسم أول مادخل وشاف عدنان صار شعر راسه بالجو .. ويسأل نفسه ؟ هذا وش جابه هنا ..


جاسم السلام عليكم ..

عدنان : يطلعه بنظره .. وعليكم السلام ..هلا

جاسم : هلا فيك

عدنان : وهذا له وجه يجي هنا ..

أبوحنان : شتقول يبه عدنان ..

عدنان :لا عمي سلامتك

وطول الوقت عدنان وجاسم يطالعون ببعض والود ودهم يقومون ويكفخون ببعض


والحمد لله مر الوقت على خير

.................................................. .........................

يالله ياوخيتي أم حنان أحنا ماشين ..

أم حنان : قعدوا عندنا شوي ..

أم عدنان : لا فديتج تأخرنا على ساميه ..

أم حنان : سلمي عليها وايد ..

أم عدنان : الله يسلمج .. سمعيني يابنيتي حنان .. لازم الموضوع ينحل
ومدام السالفه وصلت للطق لازم تاخذين حقج كامل
حنان : لا خالتي أنا وجاسم متفاهمين .. بس أمه واايد صعبه ومزاجيه .. مب عارفه أشلون أرضيها .. الله يهديها

أم عدنان : إلي يكتبه لج رب العالمين هو إلي راح يصير .. يالله فأمان الله وحفظه .. وحاسبوا على عمركم ..

أم حنان .. فأمان الرحمن .. الله يحفظكم

حنان : يمه تأمريني بشي أنا بطلع غرفتي

أم حنان : لا يمه ما يأمر عليج عدو ولا ظالم روحي أرتاحي فديتج ..

وتوها تطلع أول درجتين إلا إبوها يناديها ..


حناان .. وين رايجه يبه ..

بروح أنام تأمرني على شي ..

أبو حنان : جاسم بالمجلس يبغى يكلمج و يتفاهم وياج ..

بس يبه .. أنا ألحين ما أقدر أتكلم وياه .. محتاجه وقت أعيد فيها حساباتي ..

أبو حنان : ما أقدر أرد الرجال وهو من العصر بالمجلس .. ألحين تعالي أنتي وأمج وأسمعي إلي عنده وبعدين يصير خير ..

حنان : على أمرك يبه ..

دخلت حنان المجلس وينتابها شعور بأن هذه الإنسان إلي واقف قدامها غريب وأول مره تحس إنها ماتعرفه وماتقدر تفهمه ..

وأترك التكمله لإختي ( رائحة الخزامى )

nightstar
04-01-2009, 02:38 PM
أم عدنان : الله يسلمج .. سمعيني يابنيتي حنان .. لازم الموضوع ينحل
ومدام السالفه وصلت للطق لازم تاخذين حقج كامل
حنان : لا خالتي أنا وجاسم متفاهمين .. بس أمه واايد صعبه ومزاجيه .. مب عارفه أشلون أرضيها .. الله يهديها
أم عدنان : إلي يكتبه لج رب العالمين هو إلي راح يصير .. يالله فأمان الله وحفظه .. وحاسبوا على عمركم ..


ما يصير ترجع له الى يمد يده مره ممكن يمدها الف مره حتى لو تعهد انه ما يعيدها مره ثانيه

رائحه الخزامى اين انتى

و اين التكمله

بالانتظار

يعطيكم العافيه

قوارير
04-01-2009, 05:14 PM
فن التكمله

......

وانقهرت يوم ظهر حلم ههههههه <<كنت مندمجه مع الاحداث

وآآآآآيد متشوقه ..اباعرف شو علثة جاسم على ان ضرب حناني :(

تسلمين فديتج على التكمله الحلوه

ونتريا رائحة خزامى^__*

رائحه الخزامى
04-01-2009, 05:36 PM
شكرا لاختي بحور على التكمله الطيبه والاحداث اللي ابدعتي فيها خليتي القصة شيقة


وعلى اختياري بصراحه ما توقعت اكتب لان ما لي في هذي الامور:em20: احب اقرأ بس بحاول توني الحين اعرف انها اختارتني من الاخت قوارير جتني رساله منها ياللا الحين انا توهقت مشكلتي اني ما احفظ الشخصيات والقرابه اللي بينهم علشان كذا نتظروني بكرة

وشوفوا الابداع هههههه

الله يستر :4s2j9s (18):

أمة الرحمن
04-01-2009, 07:18 PM
تكملة رائعة اختي بحور و صرت متشوقة لمعرفة النهاية

بانتظارج يا رائحة الخزامي

زهرةالصبار
04-01-2009, 07:37 PM
أبدعتي بحور

ويعطيك العافيه

وننتظر رائحة الخزامى وبقية الأحداث

رائحه الخزامى
05-01-2009, 04:07 PM
دخلت حنان وسلمت عليه وهي تحاول تتماسك وتنسى مشاعرها واللي شافته منه مهب قليل وسلبيته وهروبه هذا اللي يذبحها , واول ما شافها قام صوبها هلا حنان هلا والله حيا الله هالطله
حنان يا عمري وشلونك ربك ابخيروالله مشتاق لك مووت يا قلبي لو تعرفي وش كثر افتقدتك ياللا بشريني عنك وهي ساكته اطالعه, جاسم: وشلون سويت كذا كيف مديت ايدي عليك ؟ وحنان قاعده تتامل وجهه وتشوف ملامح الندم باين عليه حست بمشاعر ماعاد تعرف وشهي, حنان في نفسها (( ليش يصير فينا كذا كل ماهي وتكبر مشاكلنا ))

جاسم : افا والله ماتوقعت هالشئ منك تروحي وتخليني وانا اللي ظنيت انك اكبر من كذا.
حنان: جاسم ارجوك انا ماعاد فيني اتحمل بس كافي انت وش اتشوفني قدامك وبعدين انت وش اللي سويته لي ياللا قول أي شئ تقوله امك هو الصح وانا دائم الغلطانه ,..انا مليت تعبت فاهم..
جاسم : سلامتك من التعب طيب طيب وش رائك نبدا من جديد
حنان : أي جديد الله يهديك خلاص لكل شئ نهايه وبصراحه انا مليت مليت اقولك شوف حياتك وربي يوفقك وخلني اعتقني
جاسم : انت وش قاعده تقولين انتي حياتي افا وهون عليك نسيتي العشره
حنان : أي عشره الله يسلمك لا عشرة ولا شئ ويا ليت انسى كل شئ بس ما اقول الا الله يوفقك وقبل ما اتقوم صبر خلينا نتفاهم ومسك يدها التفتت له وناظرته ..مسك ايدها بقوه وكان يضغط عليها حنان حنان أأأأأأأأأأأأأأأأه اتنهد تنهيده طويله كنه شايل هموم العالم فوق راسه رجع راسه للورى وخذ يضرب راسه ضربات متتالية على الجدار وشوي الا اخذ يقوي الضرب حطت حنان ايده على الجدار تبي تحمي راسه من هالضرب بس يا جاسم الله يخليك ليش تعذبني طالعها وعيونه مليانه حزن وقال حنان انا مهب سعيد والله انا مهب سعيد انا متضايق حياتي شقا اه احس بضيق احس اني اختنق , انتي ادرى بحالتي انتي حياتي لا تخليني انا اعترف لك اني ماكنت مثل ما تبين بس ....وضغط على يدها بقوه وسكت كانت حنان في اللحظة ما تدري وش اتسوي او اتقول له مشاعرها مضطربه حاولت حنان تسحب ايدها حاولت انها ماتشوفه جمعت قوتها وتماسكت وسحبت ايدها بقوة ووقامت تبي تطلع قام وياها وحال بينها وبين الباب انا نادم ما في بيت يخلوا من المشاكل
حنان وش تبي فيني انا عقيم انا راعية مشاكل والاهم اني ما اعجب امك
جاسم : انتي تعجبيني انا, طيب اللي تبينه بسويه تعالي اسمعيني مسك يدها وجلسها عنده ..كانت تحبه اللحين ما قدرت تخليه....
ابو حنان : الى الحين جاسم جالس ويا حنان
ام حنان : ايييه
ابوحنان : طيب وانتي ليش مادشيتي عندهم
ام حنان: وليش ادش هذا رجال وزوجته خلهم يمكن ربي يوفقهم ويردوا لبعض
دخلت حنان عليهم وهي ساكته وراحة غرفتها وهي سرحانه
دخلت كانت مستانسه في داخلها قطت نفسها على السرير اعجبها كلامه جلست حنان وحطت ابهامها داخل حلقها وعظت عليه وابتسمت اه يا جاسم عذبتني وياك وشكثر كلامك افرحني تن تن تن اتروعت وش ذا ؟!
قطع عليها تفكيرها طالعت جوالها مسج كان وسائط عباره عن قلب يخفق بكلمة احبك طالعت المرسل منهو منه ..المرسل جاسم ابتسمت حطت الجوال على صدرها ...
-------------

واترك التكمله لاختي قوارير

غــزل
06-01-2009, 01:47 AM
هذا الكلام الي يسر الخــــــاطر

الحمدلله بدأت العلاقات تـــــرد مثل اول

يلا مشتاقه للتكمله ياقوارير

nightstar
06-01-2009, 01:50 AM
امووووووووووووووووت و اعرف ايش بيصير

يالا عاد لا تتأخرون علينا


يالا يا قوارير

وينك

زهرةالصبار
07-01-2009, 01:59 AM
تكلمة حلوه ومبدعه بس ماكنت اتمنى انها تميل لجاسم مره ثانيه

وننتظر قوارير وش تسوي بابطالنا

أمواج
07-01-2009, 04:51 AM
رائعة التكملة منج بحوروه


ورائحة الخزامى تكملتج غيرت مسار القصة


بس معقول ترد حنان ؟


ننتظر قوارير ونشوف وش يصير

قوارير
07-01-2009, 03:00 PM
حلوه تكملتج اختيه خزامى .. يحليلها حنان ..كلمتين وينقص عليها <<قصدي ترضى هع :em03:

..........

تسلمين على اختياري فديتج ^.^

....

ان شاءالله عقب ماخلص امتحاناتي بكمل القصة <<اشويه باقي عليه ..بس 3 :dance:

قوارير
17-01-2009, 12:24 PM
السموحه على التأخير

دشت عليها نورة وهي مستغربة من حركاتها :الحمدلله والشكر بلاج جي مستخفة
قامت حنان وهي تبتسم
نورة :قولي ليش فرحانه
حنان :ليش ممنوع ..حرام
نورة :أعوذ بالله ..بسير عند أميــه أحسن
نورة أول ماسارت الصالة شافت سالم يالس حذال أمه
يلست نورة من الصوب الثاني عند أمها
نورة :أميه حنان ليش هاجي فرحانه ..أحسها غير
الأم ابتسمت :جاسم يه واعتذر منها
نورة :أووونــــــه ..وركضت عند حنان
سالم :متى هالخبل يه ..؟
أم سالم:ها ريل اختك مب خبل
سالم :ريل اختي الخبل ..هههه الحين أوكي ..؟
أم سالم قامت وهي اتحرك ايدها وتبتسم على هبال ولدها :انت ماتيوز عن سوالفك
سالم :أفا يأم سالم وين سايرة ..؟
الأم :الحين بيي ..بسير اشوف ريم وينها ..وانت لاتظهر .. أدريبك ماتستكن
سالم وهو منحرج :هههههههه أميه يمكن أظهر الحين
الأم :قول أكيد بظهر ..ليش اتقول يمكن .. اصلا انت متى تميت في البيت ..بس وقت الارقاد تيي
سالم:ههههههه خلاص برد من وقت ..رن مبايله ..شاف المتصل سيف العرب
سالم :أميــه هذو سيف دق ..ورد عليه :هلا بوالشباب ..
سيف :أهليـــن وسهلين ..
سالم :اشحالك .؟
سيف :عن العبط ..توي من اشويه داق عليك
سالم :ماعرفنا لك ..مره توه ..ومره من اشويه
سيف:أوووهوو ..عاد انت يوم تتفيج ..اتلوع بجبد الواحد
سالم :هههههههههه ..خلاص انزين ..وين انت ..؟
سيف :قريب بيتكم
سالم :أوكي الحين بظهر .. وسكر

سار يدور أمه ..دورها في الحجره مالقاها ..على طول سار صوب المطبخ ..شافها هناك ..

سالم:أميه ما تبين شي من برع
الأم :سلامتك ..بس لاتتأخر
سالم ابتسم :ان شاءالله ..
وسار صوب باب الصالة ..وظهر أول مافتح باب الحوي ..جان ايشوف بنت ..واشويه بعيد عنها سيارة ..باين انه أخوها ..الولد أول ماشاف حد ظاهر ..هرّن لأخته .. أشرت له ان خلاص خله يروح ..وهي مقهورة منـه ..ليش مانزل وسلم ..وعقب اتذكرت انّ مول مايداني هالسالم .. وسالم فخاطره "أكيــد هاي سهام ..أخوها خالد دوم يشرد "
البنت مب طايعه تتحرك من مكانها ..فقال لها : اتفضلي
البنت بدلع :دام فضلك
سالم بدون مايحس بعمره كشر :يللا فمان الله
البنت :سالم اتريه اشويه
سالم مبهت .. :آمري
البنت :أنا سهام يايه أزور حنان ..هي موجوده ..
سالم استانس ان تخمينه طلع عدل " يسسس ..توي قلت انها سهام .." "ماعرف شويقول ..وسوه عمره متفاجئ .. :انتي سهاااام ..

سهام ماصدقت :هيه انا سهام اخت جاسم
سالم فخاطره "خير ياطير "
سالم :حنان داخل اتفضلي ..جان يسمع صوت الهرن ..أشر لسيف ان يتريه ..ومشى قبلها ..سيييده سار حجرة نورة اللي فيها حنان ..

سهام اترمس عمرها بصوت خافت "اوهوو انا غبيه ..ليش سويت جذه ..جيه بروحي ماروم ادش "

سالم بصوت واطي :حنان ..سهام اخت جاسم يايه
نورة:أووونه ..شويايبنها هالساحرة ..
سالم :هههه ..هيه والله صدقج ..ويهها الوان
حنان :وانت اشحقة اتبحلق فالبنت ..
سالم :ههههههههههه .. سيرن البنت تترياكن
ظهر سالم من الحجرة شاف سهام يالسه روحها ..نزل راسه وظهر
حنان :والله غريبه .. سهام أول مره اتيي ..
نورة :ماعليج يايه عشان سالم ههههههه
..

ظهرت نورة وسلمت عليها :: هلا والله بسهاموو
ابتسمت سهام :هلابج زود ..اشحالج ..؟
نورة :الحمدلله بخير .. وانتي اعلومج ..
سهام :والله كل خير ..هااا ماتبينين في الجامعه
نوره : هع انابعد ولا مره شفتج
نورة مابغت اتخلي فخاطرها وقالت لها في الويه :شحقه مسويه جي فعمرج ..؟
سهام اشويه وبتصيح : ليـــش شكلي مب حلو ..؟
نورة تدري ان سهام ..ماخذه سالفة حنان علثه لها عسب اتيي واتشوف سالم ..
نورة :يعني أوكي .. بس مب وآآيد ..جنج سايره عرس
سهام بـــوزت


أتــــرك التكمله ..لأختيه أم سارة ..

أم سارة
18-01-2009, 01:51 AM
ماشاءالله ابدعتو في الأضافه و خصوصا اختي امة الرحمن ماشاءالله صرتي كاتبة روايات ..

و الله يهدييج يا قوارير ما بغيتي الا انا , بس بحاول و اتريوني اشوي امخمخ و برجع لكم بكم سطر هع ..

أم سارة
23-01-2009, 05:05 PM
حنان تنزل من فوق السلام عليكم ياحيالله من يانا ..

سهام :وعليكم السلام هلا والله بحرمة اخويه

وقامت بتسلم عليها ..

حنان :اشحالج سهام ..؟

سهام : الحمدلله تمام يسرج الحال ..

حنان : يعله مديم ..ومن صوبج ..؟

سهام :الحمدلله بخير

سهام : وينها وضحه و شعلومها ..

نورة :تمااام والله يسرج حالها هذي ما تطلع من غرفتها مسكره عليها هالباب و ما عنده سالفه غيرعن الدراسة ..

سهاام : هههههه هيه هالشاطره مب نحن كنا نعق الشنطه على الغنفه و نشيلها يوم الثاني نفس ما هي ..

نورة : من فضلج لا تجمعين ..اتكلمي عن عمرج ..

سهام : اللي يسمعج يقول ماكله الكتب اكل ..

حنان : يالله بس عاد عن المناجره و قوليله شخباركم و شحال امج و اخوانج .سهام : الحمدلله كلهم

طيبين .... بس والله لج وحشه ياحناان ..صح اني ما ايي بيتكم وآآيد ..بس يوم اسير هناك

وماشوفج ..جي احس غير ..مكانج فاضي

حنان: معليه سحابة صيف وتعدي ..

*~~~~~~~~~~~~~~~~~~~~~~~~~~*

جاسم و هو داخل البيت .. ام جاسم : يمه جاسم جاسم تعال اهنيه ..

جاسم هلا يمه امري . ام جاسم :تعال ابيك بسالفة ..

قعد جاسم حذال امه خير يا يمه امريني .. ام جاسم : يمه اشرايك اخطب لك هالبنت .. (تراويه صورة

بنت ) بنت حلوة و صغيرة و اليي بتييب لك الاعيال و بتحترم امك ..

جاسم : يمه شوقاعده تقولين و من هالبنت اللي تبيني اخذها ..

ام جاسم : هاي بنت اعرفها واعرف اهلها ناس زينين و عندهم خير ..

جاسم: يمه من فضلج سكري السالفة قلت لج انا حنان ما بطلقها و انا احبها ..

ام جاسم : خلها تولي زين و جاسم يقاطع امه لو سمحتي يمه لا تسبين حنان قدامي تراها مازالت

مرتي و بتظل مرتي وانا مارضى عليها ..

ام جاسم : يا يمه انت اسمع كلامي بس ..

جاسم :يمه لا تظنين انه في يوم بطلق حنان و الا بتزوج عليها و شو يضمن لج انه هالبنت اللي تبين

تعطيني اياها بتييب لي اعيال و يمكن الله يعاقبني ما يرزقني مره ثانيه اعيال لاني طلقت حنان عسب

شي هو كاتبه لنا لكن نحن نعترض على القدر

جاسم يروح صوب امه : دخيلج أميـه لا تفتحين هالسالفة مرة ثانيه .. باس راس امه و راح حجرته

هاللي طلع مني السموحه ادري مب مثل ابداعكم لكن يالله طوفوها ..

و اللي بعدي اختي الغاليه ام الزري ..

زهرةالصبار
27-01-2009, 04:17 PM
أخيرا اخترتوا ام الزري كنت ناوية اوهقها لو احد عطاني المايك خخخخخ

يالله يام الزوز أدري تكرهين هالقسم بس ما علينا نبي تأليف


بقرأ اضافتك يا ام سوسو وراجعه

رائحه الخزامى
27-01-2009, 06:26 PM
رائع مدهشات ياللا اخرجوا اللؤلؤ متخبي

يمكن بعد فترة انصير كاتبات خخخخخخخ

ننتظر ام الزري ونشوف ابداعها

الطواش
31-01-2009, 08:02 PM
الصرااحة ابدعتوووا

يلا يا ام الزوووز ..

ام الزري
05-02-2009, 08:00 AM
اسمحولي ماعندي ميول ادبية( تاليف قصص) وافكاري كلها محصورة في عالم السيارات ..
ولكم حرية اختيار العضو اللي بعدي .. وعساكم على القوة

قوارير
05-02-2009, 04:19 PM
:(

يعني خلآص ..

..
ان شاءالله مره ثانيه ..
..

أم سارة نتريآج ..وتكملتج للروآيه عسل ^^

أم سارة
06-02-2009, 03:37 AM
تسلمين حبيبتي رائحة الخزامي ..

و خوي الطواش تسلم ..

و اختي قوارير فديتج تسلمين ..

بس لييييش يا ام الزوووز كنت ابيج تحاولين ..

هالمره بنطوفها لكنمره ثانيه مابنطوفها ..

ومدام الغاليه ام الزووز اعتذرت أعطي القلم لأخوي الشقردي يكمل لنا القصه ..

ي

الشقردي
07-02-2009, 09:12 PM
عودة من جديد لهذه الرواية الممتعة


واشكر من اختارني هنا للتكملة


واليكم هذه التكملة على عجالة


*****************************




غليان وغضب عند ام جاسم

هل يعقل ان ينقلب السحر على الساحر ؟؟؟

هل ستستلم بهذه السهولة ؟؟


هل ستترك جاسم ليحقق امنية حنان بالعودة لحياتهم الطبيعية


لااااااااااااااااااااااااا


صرخة مدوية في اعماق ام جاسم


صرخت بكل قوة وهي تنوي الشر لتقضي على حنان نهائيا




*******


في بيت والد حنان

الاب : الحين جاسم يبغي حنان وهي تحبه وتبغيه ليش كلن عايش في حاله ؟؟ يمكن يجينا اليوم عاد مب حلوة كل يوم رايح وجاي على بيتنا يبغيها ياخذها

الام : يعني هو ما جا يرجعها كل اللي صار كلام في كلام ومب حلوة ناخذ بنتنا ونقطها عليهم كأنه نبغيها من الله

الاب : ننتظر ونشوف وعسى ربي يكتب اللي فيه الخير

الام : لكن قلبي مهب مرتاح هذي ما بتخلي بنتي في حالها

الاب : مهما يكون هذي امه ايش بيدنا يعني

الام : بيدنا نحافظ على بنتنا .. اذا رجع جاسم مرة ثانية لازم تشترط عليه

الاب : اشترط عليه ... ايش في بالج

الام : بيت لحالها ... مستحيل بنتي ترجع للنار مرة ثانية

الاب : لكن جاسم مب مقتدر من وين بيجيب لها بيت لحالها

الام : بيت شقة غرفة المهم تكون عايشة لحالها مستقرة بعيد عن مشاكل امه

الاب : احس اني اضغط عليه وما راح يقدر ينفذ هالطلب

الام : اهم شي راحة بنتك وانت بعد شاورها وشوف

الاب : الله يكتب اللي فيه الخير




****************


جاسم يكشخ ويغني فرحا ... اليوم قرر ان يعيد حنان للبيت

جاسم : برجعها اليوم وكل اللي تبغيه بيصير وامي بترضى بكلمتين حلوين

يخرج من غرفته وهو يغني .. فرحا

ام جاسم : (( ما ان احست بخروجه من غرفته الا وبدأت تتصنع البكاء ))

: يا رب توفقه للخير ويرتاح باله ... مب مهم امه انا عشت حياتي ... كلها كم سنة وبموت المهم ولدي يرتاح .. يا رب سامح حنان على كل اللي سوته وتغفر لها ... لو يدري جاسم انها تاخذ حبوب منع الحمل كان ذبحها ... يا رب استر عليها علشان حياة ولدي تكون مستقرة ... ما ابغي ولدي يكون متضايق بيوم .... شر حنان ولا زعل ولدي ... الله يستر بس لا تحمل وهني بتكون المصيبة .... جاسم بيفرح انهم عياله وهم .... يا رب تستر عليها وتريح بال ولدي ....



نزلت الكلمات كالصاعقة على جاسم ... تراجع للوراء قليلا .... عاد لغرفته ... معقولة حنان تخدعني .... عدم الحمل سببه انها تبغي تكون على راحتها .... لكن هي عايشة معاي في بيت واحد مستحيل هالشي يصير .... لو تبغي هالشي كان طلبت بيت بروحها تاخذ راحتها فيه ..... هي متدينة كل ما ادخل عليها القاها تصلي وووو ... معقولة تخدعني .... يمكن امي تقصد وحدة غيرها .... بروح لابوها بس ايش اقول له ... جتني الفكرة .... ارجعها واراقبها وهني بتبين الحقيقة



ومن بعدي اختار الكاتبة العالمية امتوه :1aa:

قوارير
08-02-2009, 06:42 PM
يــــــــآسلام عليك ..تكمله ولا أروع ..


خــآطريه اذبح هالسعلوه أم جاسم ><" .. والله حقيــره ..

......

منو قدج أمتوه :arf2:

يللا حبوبه نتريـآ تكملتج ^^

قلم رصاص
08-02-2009, 08:54 PM
أم ساره أبدعتي



الشقردي تكملتك قوييييييييييه



حرام



احس اني بصيح



شنو هالمره ماتحس



ياويلها من ربي


امتوه واللي يعافيج ربيها وبردي حرتي منها

الشقردي
09-02-2009, 03:28 AM
يــــــــآسلام عليك ..تكمله ولا أروع ..


خــآطريه اذبح هالسعلوه أم جاسم ><" .. والله حقيــره ..

......

منو قدج أمتوه :arf2:

يللا حبوبه نتريـآ تكملتج ^^

عندها مهلة يومين تكمل


ولا بنلغي الرواية


:ANSmile26:

أم سارة
09-02-2009, 11:40 PM
تسلمين قلوومه قلبي انتي..

*
*

اخووي الشقردي مآآآآشآآءالله ابدعت والله ..

تكمله جدا راائعه ومشوقه ..

يالله يا امتووه تعالي و بردي جبدي في هاااي ام جاااسم ..

قوارير
12-02-2009, 01:16 AM
عندها مهلة يومين تكمل


ولا بنلغي الرواية


:ANSmile26:

مآلكم خص بموضوعي :frown(1):

الغ روايتهااللي خاست ولا ضافت البارت :oops:

أمة الرحمن
01-03-2009, 07:39 AM
عندها مهلة يومين تكمل


ولا بنلغي الرواية


:ANSmile26:

:mad(1):

أمة الرحمن
01-03-2009, 09:11 AM
اخبركم من الحينه التكملةوايد طويلة ما اعرف اكمل تكملة قصيرة :0121:




الابتسامة لم تفارق محياها كان وجهها يشع سرورا وفرحا خرجت من بيت الزوجية بسبب تلك الصفعة التي تلقتها من جاسم لكن الايام التي قضتها وهي بعيدة عنه.. ادركت يقينا انها لا تقوى العيش بعيدا عن من احبه قلبها كل شي يهون في سبيل حبها لجاسم استطاعت ان تسامحه وتغفر له زلته ...وتتناسى كل الامور التي تنقص عليها عيشتها في ذلك البيت الذي كل ما فيه يكتم على انفاسها فهي تريد المحافظة على زواجها لانها تؤمن بأن الزواج الاصل فيه الديمومة ولن تسمح لاهل الفتن والمكائد النيل منها ومن زواجها وحبها الكبير لجاسم ...

(بيت بوحنان )

الساعة 5 العصر حنان كانت تجهز اغراضها لان جاسم دق عليها
وخبرها انه بيمر ياخذها بعد ساعة تقريبا ...
وهي مشغولة بترتيب اغراضها سمعت طرقات خفيفة على الباب

حنان : تفضل
الاب فتح الباب : السلام عليكم ..
حنان : وعليكم السلام ..هلا يبه تفضل ادخل
الاب بابتسامة : اشوفج فرحانه وتجهزين اغراضج ..خلاص مليتي منا
حنان بادلته الابتسامة وبدلع : يبه انا امل منكم؟؟ مستحيل بتجوف ان ما كل ساعة طايحه عندكم ما بفكم وهذا وعد
الاب : الله يسعدج ويهنيج يا بنتي .( رفع حواجبه للتأكييد ).انتي بنتي العاقلة وانا افتخر ببنت مثلج تحكم عقلها وتحاول المحافظة على حياتها الزوجيه... وقرار رجعتج لزوجج احترمة..
الاب نزل راسه لتحت..( لحظة صمت ) : .. بس كنت ابي اشاورج في شي انا و امج نجوف هذا الشي بيكون لمصلحتج يالغالية
حنان بتمعن : تفضل يبه
الاب بهدوءه المعتاد : حنان يا ابنيتي انتي عشتي تقريبا اربع سنوات من عمرج مع جاسم في بيت اهله وشفتي وذقتي اصناف العذاب من امه وتدخلها اللا محدود بحياتكم ومهما نحن تكلمنا وقلنا اكييد الصورة عندج اوضح من كلامنا لانج جربتي ..وانا وامج بصراحة صرنا نخاف عليج وايد وقلبنا مب مرتاح خاصة بعد السحر اللي سوته لج .. واي ام وابو في هذي الدنيه يتمنون سعادة اعيالهم وراحتهم انتي ما بتكونين مرتاحة بالعيشة معاهم ولو انكرتي ..فقررت اكلم جاسم واطلب منه يوفر لج سكن خاص بعيد عن امه وبلاويها لانكم تحبون بعض بس امه امنقصه عليكم عيشتكم وانا اشوف الابتعاد عنها هو السبيل الافضل لتجنب المشاكل بينج وبين جاسم هذا اذا كنتي حابه تستمر حياتج الزوجية من غير مشاكل

حنان بحزن على حالها : يبه معاك حق بكل اللي قلته بس انت تعرف ان جاسم مب مقتدر ولا يقدر يفتح بيت ثاني وتدري انه هو اللي يصرف على اهله وقايم بطلباتهم وانا ما ابي احمله فوق طاقته

الاب : حنان بداية زواجج قلنا هذا الكلام وايدناج وما حبينا نضغط على الريال بس بعد ما عرفنا امه عدل اعتقد ما في حل ثاني غير الابتعاد عنها واذا كان يبيج ايهيئ لج العيشة الكريمة والمريحة بعيد عن عقد امه

حنان تعلقت الدمعة باهدابها وبصوت مكتوم : يبه بس جاسم ما يقدر وانا اكثر وحدة ادرى بظروفه

الاب هز راسه وتنهد تنهيدة طويلة : زين انا بسكت و بايدج بس يا ترى امه بتفكج فكري فيها يا حنان صعب العيشة ويا امه
حنان نزلت راسها تحت تفكر بحالها وبصعوبة التعامل مع ام جاسم وبحزن : خلاص يبه سو اللي تبيه
الاب : خلاص انا بفاتحه بالموضوع وبعطيه مهلة يدبر حاله
حنان : يعني خلاص لا ارجع معاه لين ما ايهيئ لي السكن
الاب بابتسامة : ما عليه ارجعي ادري فيج مستعيلة بس خل يحط هذا الشي بباله من اليوم وكثر ما صبرنا عليه ما نقدر نصبر لانه سعادة بنتنا اهم من اي شي ثاني
حنان بادلت ابوها الابتسامة وقامت وباسته فوق راسه : الله لا يحرمني منك يالغالي
الاب بابتسامة ماكرة : كل هذا بس عشان قلت لج ارجعي معاه الحين
حنان وهي منحرجة : ههههههههه يبـــــــه !
الاب وهو يهز راسه بابتسامة : ...خلاص عيل بقوم انا بسير الميلس قرب يوصل جاسم
حنان :انزين وانا بكمل شغلي

بعد ربع ساعة وصل جاسم دخل البيت وبعده يحس بشي جاثم على صدره بسبب الكلام اللي سمعه من امه كانت خطوااته متثاقلة دخل الميلس اول ما فتح الباب شاف بو حنان قاعد بالميلس

جاسم : السلام عليكم

الاب : وعليكم السلام ورحمة الله ..هلا هلا بوليدي جاسم ..تفضل استريح

جاسم : هلا فيك عمي

الاب : استريح يا اوليدي .. (لحظة صمت )
الاب : جاسم ...!
جاسم : هلا !
الاب : قبل لا تاخذ حنان كنت ابي افاتحك بموضوع مهم

جاسم اختار المكان المناسب ويلس وبدت الحيرة عليه : خير تفضل قول يا عمي

الاب بهدوء : شوف يا جاسم انت حسبة ولدنا والله الشاهد على معزتك بقلوبنا والا ما كنت عطيتك اعز بنت على قلبي وهي حنان ..بس ياوليدي فكرنا بالموضوع عدل في بداية حياتكم ما حبينا نضغط عليك ونطلب منك طلبات تعجيزية بس بعد اللي صار لبنتنا انا كأب ابي اطمن وارتاح على بنتي .. اسمح لي على هذي الصراحة بس المشاكل زادت وانا بصراحة صرت ما اقدر اطمن على بنتي ..وانا اتمنى تعيشون حياة هادية بعيده عن المشاكل والتدابير ..واحسن حل انك توفر لبنتي سكن خاص ، لو حتى مكان اصغير وبسيط .. ما ابي اضغط عليك ادري انه الموضوع صعب بس هذي الطريقة الوحيدة اللي بقدر اطمن على بنتي

جاسم يسمع كلام بوحنان و يحس كلامه مثل الزيت اللي ينصب على النار ... تذكر كلام امه وقال في خاطره يعني بديتي تلعبين بذيلج يا حنان وعشان ترتاحين بللي قاعدة تسوينه من وراي تبين بيت مستقل وبدى التوتر يتضح على ويهه قاطع بو حنان : عمي حنان اللي طلبت هذا الطلب ؟؟

الاب استغرب من طريقة سؤال جاسم وتوتره الواضح وقال : في البداية انا وامها قررنا نطلب منك هذا الطلب عشان نطمن على بنتنا ..بس لا تفكر اني قاعد اقولك هذا الكلام من غير ما هي تعرف انا فاتحتها وهي قالت لي سو اللي تشوفه صح

جاسم رفع راسه لفوق : اهاااه ..زين خير يا عمي حنان تستاهل كل خير بحاول ادبر لها سكن مستقل لو انه صعب علي وانت ادرى بحالتي المادية ..يعني عطوني فرصة ...
بوحنان : طبعا بنعطيك فرصة يا جاسم
جاسم : على خير ان شاء الله ... الحين اقدر اخذ حرمتي ؟؟

الاب بعده مستغرب من طريقة كلام جاسم ونبرة صوته : هيه يا اوليدي تقدر تاخذها بس عسى ما ضايقتك بطلبي ؟

جاسم : لا افا عليك يا عمي حنان تستاهل ..ولو بيدي من اليوم اوفر لها سكن ..لكن الله المستعان ..زين عمي اذا ما عليك امر ممكن تزقر حنان

الاب : ان شاء الله دقايق بس

بعد دقايق دخلت حنان وهي شاقة الضحكة

حنان : السلام عليكم
جاسم بجدية : وعليكم السلام

حنان استغربت من جمود جاسم و الجدية الواضحة بكلامه

جاسم : خلاص جهزتي اغراضج نقدر نسير ؟؟

حنان بهدوء : هيه انا جاهزة
جاسم : وين اغراضج ؟
حنان : خليت الشغالة تحطهم عند باب البيت
جاسم : خلاص عيل سيري البسي عباتج وانا بترياج في السيارة ..وطلع من الميلس من غير ما يضيف اي كلمة
حنان منبهرة من طريقة معاملة جاسم الجافه لها ( بخاطرها قالت يعني كل هذا عشان بس ابوي طلب منك توفر لي سكن خاص فيني ياليتني ما رضيت) بوزت وسارت تلبس عباتها وبعد دقايق ركبت السيارة ..وطول الطريج ساد الصمت بينهم ومحد نطق بكلمة

وصلوا البيت دخلت حنان مع جاسم واستقبلتهم ام جاسم بفرح مصطنع لكن طبعا ما عادت تخفى هالحركات على حنان ..سلمت عليها ودخلت حنان لغرفتها واتريت جاسم اييب باقي اغراضها من السيارة وبعد دقايق دخل وهو شايل شنطة الملابس معاه

حنان بابتسامة : جاسم انت زعلان مني ؟؟
جاسم : لا ..ليش بزعل
حنان : اكييد مب زعلان من السالفة اللي ابوي كلمك عنها ؟؟
جاسم بالحظة حس ان دمه بدى يفور : وبعصبية قال لحنان ليش تبين بيت ابروحج ؟؟ يعني تسوين نفسج ما تعرفين بوضعي المادي ؟؟

حنان تجمدت من حركة جاسم وحست بالخوف منه وقالت : ادري والله ادري انه صعب عليك توفر لي بيت مستقل بس والله حياتنا صارت جحيم كل يوم مشاكل واصراخ وبدت ادموعها تسيل وكملت انا خلاص تعبت وما عاد فيني اتحمل اكثر من جذي

جاسم ضوق اعيونه وقعد يطالع حنان بنظرات وبخاطرة يقول يعني مصرة نطلع ببيت بروحنا يا حنان ...

جاسم : خلاص لا تصيحين يصير خير والله كريم ..بشوف شو اقدر اسويه
حنان : .........
جاسم : خلاص عاد بسج اصياح انا آسف
انتهت الليلة على جذي بس قلب جاسم بعده مشتعل نيران وقرر يراقب كل تحركات حنان من هاللحظة

،،،،،،،،،،،،،،،،،،،،،،

ام جاسم تتكلم بالتيلفون

ام جاسم : سمعيني زين المرة اللي فاتت دفعت دم قلبي على السحر اللي سويتي لي وما استفدت شي لانه الينيه اللي عندي كشفت السحر وراحت علي افلوسي ..الحين اللي ابيه منج ادورين لي شباب احليوين ما يطلبون وايد
ام ناصر : بااااال يوزي يا حرمة بعد الشباب لشو تبينهم ؟؟
ام جاسم : انتي ما يخصج نفذي اللي اقولج عليه ..اذا صار اللي في بالي ومشت الخطة عدل يوم المنى بيكون عندي
ام ناصر : زين بدورلج بس كم واحد تبين
ام جاسم : اثنين او خليهم ثلاثة اكفاية .ابيهم باجر يكونون جاهزين..وبقولج شو ابي منهم وابيج تفهمينهم شو المطلوب منهم عشان لا يخربون علي الخطة .
ام ناصربتمعن : يلا قولي انا اسمعج

،،،،،،،،،،،،،،،،،
يوم الثاني وتحديدا

بغرفة جاسم وحنان

حنان : جاسم ما بتسير اليوم الشغل ؟؟

جاسم باستغراب : شو فيج يا حنان اليوم اجازة

حنان : وييييييييييه والله نسيت وراح عن بالي

جاسم بخاطره وهو يطالع حنان بنظرات : شكلج تبين الفكة مني عشان تلعبين لعبتج ..بس والله يا حنان ان صدقت ظنوني ..بتجوفين شي ما جفتي بحياتج

حنان : جاسم اشفيك ليش جي قاعد اطالعني

جاسم : ابد ما فيه شي

حنان كانت بتقول شي بس رنة جوالها قطعت عليها الكلام
شافت المتصل لقته رقم غريب رجعت الجوال مكانه من غير ما ترد

جاسم : ليش ما رديتي ؟؟

حنان : رقم غريب ما اعرفه

جاسم بنبرة استهزاء : ردي يمكن حد تعرفينه وناسية

حنان : جااااسم لو كنت اعرفه كنت بسجل اسمه هذا شكله واحد غلطان بالرقم

جاسم وهو معقد الحواجب : شو دراج انه واحد مب وحدة ؟؟

حنان : جاسم انت اشفيك واقف لي على الكلمة زين لا تزعل وحدة

جاسم بخاطره :: يعني بعد بينكم اتصالات وتبيني اطلع عشان تاخذين راحتج ..هين يا حنانووو !!!

بعد دقايق بسيطة رجع الجوال يرن ورقم غريب ثاني

جاسم بنظرات خبث : شكلهم اليوم المعجبين ما بيفجون

حنان : والله قلعتهم يدقون لين ما يملون ما برد عليهم

جاسم بصوت غاضب : عطيني جوالج انا برد عليهم

حنان : جاسم خلهم عنك وشتبي فيهم آخرتهم بيملون

جاسم بخاطرة : ما تبيني اعرف بفضيحتج وعمايلج

جاسم بصوت مرتفع : قلت لج عطيني جوالج برد عليهم

حنان : زين انت ليش امعصب خذ حلالك رد عليهم وعطته الجوال عشان يرد
جاسم : الو ..الو ..منو معاي ...؟؟
المتصل : ........فصل الخط
جاسم : الخسيس سكر التيلفون ..لا وبعد يتصل من هاتف عمومي
حنان هزت راسها : قلت لك خلك منهم ما اطيع شوري

جاسم بخاطرة : هيه اكييد ما ترضين عليهم

حنان : انا ما ادري ليش جذي امعصب ..كذا مرة صارت هذي السالفة ويوم ما رديت عليهم ملوا وبطلوا بروحهم

جاسم : كذا مرة صارت ؟؟؟...وليش ما قلتي لي؟؟
حنان : ما عطيت الموضوع اي اهميه
جاسم : مرة ثانية يا هانم اي شي بيصير معاج المفروض انج اتقولين لي ..مفهوم

حنان مستغربة من تصرفات جاسم الغريبة واللي مب قادرة تلاقي لها اي تفسير منطقي
جاسم غير ملابسة وبغى يطلع

حنان : مب توك تقول عندك اجازة وين بتطلع وبتخليني
جاسم : بطلع عندي شغل ..انتي جابلي معجبينج
حنان : جاسم شو هالكلام
جاسم : خلاص عاد لا تسوينها الحين سالفة ...سلام
طلع وسكر الباب وراه وخلى حنان بحيرة

طلع جاسم وهموم العالم جاثمة على صدرة ..ركب السيارة وتنهد تنهيدة طويلة وحط راسه فوق السكان ...دقايق ورن جواله ..شاف جواله لقى رقم غريب رد عليه بسرعة

جاسم: الو من معاي ؟؟
المتصل : هلا ..انت الاخ جاسم
جاسم : هيه نعم ..منو معاي
المتصل : .الحينه مب مهم منو اللي معاك...بغيت اقولك افتح اعيونك عدل و الحق حرمتك باجر
جاسم للحظة انصدم من الكلام اللي قاعد يسمعه : شوه .....!!!! ... اشقاعد تقول انت
المتصل : اقولك اللي سمعته حرمتك تخونك بغيابك والموعد باجر بوقت اللي تطلع ويا ارباعتك وتسير القهوة ..ويا غافلين لكم الله
جاسم نبرة صوته ارتفعت ووضح عليه التوتر والعصبية : انت من وين يايب هالمعلومات ؟؟
المتصل : ........( فصل الخط )

جاسم : : الو ...الو ..
شل الجوال من على اذنه وقعد يطالعه ويهز راسه و يقول حسبنا الله ونعم الوكيل ..
ليش يا حنان بعد كل اللي كان بينا آخر شي تخونيني ...اعوذ بالله من الشيطان الرجيم انا بعدي ما شفت شي وباجر كل شي بيتضح ...اتمنى كل ظنوني تخيب ..يارب.. يارب هون علي ..

حس ان راسه اشوي وبينفجر من الصداع ...حس بضيقة فتح ازرار كندورته عشان يتنفس بسهولة اكثر شغل السيارة وهو مب داري وين وجهته همه كبير وما يدري اشقايل يتصرف مع حرمته و شريكة حياته وحبيبته اللي آخر شي توقعه منها انها تخونه وهي البنت المدينة والفاهمه ...وكان يهز راسه و يكرر بينه وبين نفسه لا حول ولا قوة الا بالله
كان يتنقل من مكان لين مكان من غير هدف طلع الظهر وما رجع الا آخر الليل ..وحنان حرقت جواله من كثر ما دقت عليه ولا رد عليها ..حنان كان قلبها يحاتيه ومب عارفه كيف تتصرف

حنان : ياربي هذا ليش ما ايرد ..اخاف صار له شي ..ليش ما اترد يا جاسم حرام عليك اتسوي فيني جذي
جربت ادق عليه لاخر مرة وكانت امقرره اذا هالمرة ما رد تخبر اخوها سالم عشان يسأل عنه ويشوف اذا كان صاير فيه شي
حنان شلت جوالها واتصلت بجاسم وهي مرتبكة وتهز اريولها باضطراب واضح وتقول : شله يا جاسم وطمن قلبي عليك بعد ثواني ياها الرد
جااسم بصوت منهك : نعم
حنان قلبها اشوي لا يطير من الفرح : جاااسم انت وينك والله قلبي انشغل عليك ليش ما ترد علي حرام عليك كنت بموت من كثر ما احاتيك
جاسم ببتسامة باهته : انا موجود دقايق وبرجع البيت ..مع السلامة وقطع الخط
حنان وهي مصدومة : ياربي اشفيه هالريال مب طبيعي الحين كل هالوقت يغيب وانا اشوي لا استخف اخر شي يرد علي بكل برود
وصل جاسم البيت وتردد يدخل لانه مب عارف كيف يتصرف مع حنان ..او كيف يسيطر على مشاعره ويسكت وينتظر لباجر ...في النهاية توكل على الله و قرر يدخل
دخل الغرفة ولقى حنان باين عليها التعب وهي قاعدة تترياه

جاسم : السلام عليكم
حنان : وعليكم السلام ..جاسم انت وينك كالهالوقت ..حرام عليك تخليني جذي احاتيك
جاسم بابتسامة باردة : هذا انا جدامج ما صار لي شي ..كان لازم ترقدين ولا تتريني ..انا تعبان الحين وابي ارقد ...فصخ غترته وبدل ملابسه بوسط نظرات حنان المستغربة من تصرفات وبرود جاسم اللي ما تعودت عليها
جاسم نهى هذا اليوم الشاق بكلمة : تصبحين على خير
حنان خلاص ما قدرت تتمالك نفسها قعدت بزاوية في الغرفة وانهمرت دموعها من غير ما تحس وعشان ما تضايق جاسم بصوتها حاولت تكتم صوتها ..كانت مستغربة من برود جاسم اتجاهها بدت تحس ان جاسم خلاص تغير و الحب اللي بينهم بدى يتلاشى مع المشاكل اللي طرت على حياتهم ... كانت تحس انه شخص ثاني ما تعرفه... صارغريب عليها ..هذا اللي جدامها ممكن اي شخص يكون الا جاسم اللي تعرفه ومن غير ما تدري غفت بنفس المكان
وعى جاسم لصلاة الفير ولاحظ ان حنان راقدة بالزاوية طالعها بنظرات شفقة
وقال بخاطرة : يعني معقولة يا حنان انتي يطلع منج كل هذا ..بس اذا كنتي مظلومة بكون قسيت عليج وايد وانتي ما تستاهلين ..وبالحظة تذكر مكالمة الشخص المجهول حس بانه ضغطه ارتفع وبصوت اقرب للصراخ
جاسم : حنان قومي صلي الفير
حنان زيغت من صوت جاسم وهو يوعيها
وقامت وهي مفزوعة : خير يا جاسم صاير شي؟؟
جاسم : لاا بس قومي صلي
حنان : الله ايهداك يا جاسم زين زيغتني ليش اتصارخ ؟؟
جاسم : انا ما صارخت يلا قومي بلا دلع

قامت حنان اتصلي و صارت تتجنب الكلام مع جاسم وكان جاسم يعاملها بالمثل
مرت ساعات من غير ما ينطقون بكلمة لبس جاسم ملابسة
وطلع للشغل من غير ما يكلم حنان بكلمة وحدة كان بيطلع قبل وقته المعتاد
حنان ما هان عليها يطلع من غير ما يتريق

حنان : جاسم صبر ما تبااا تتريق ؟؟
جاسم : لا ما اشتهي اكل شي
حنان : زين جاسم متى بترجع ؟؟
جاسم : لا تتريني اليوم ما برجع الا آخر الليل ..ومن غير ما ينتظر يسمع ردة فعلها طلع وسكر الباب وراه
حنان خلاص اشوي لا تنهار من تصرفات جاسم معاها ..لكن اختارت كالعادة تصيح بصمت

::::::::::::::::::::

الساعة تشير للتاسعة ليلا قضت حنان معظم وقتها في غرفتها تجنبا لام جاسم ..فيكفيها ما تعانيه من جاسم ...،،،،،،،،،،،

ام جاسم تتكلم بالتيلفون : هاااه يا ام ناصر وين الشباب تاخروا وايد ابيهم الحين ايون انا بفتح لهم الباب بنفسي ابي الخطة تتنفذ من غير اي اخطاء لانه اي خطأ بيكلفني الكثير سمعتي
ام ناصر : لا اتحاتين الشباب عارفين شغلهم زين وهم جاهزين ..انتي بس لا اتحاتين كل شي تمام
ام جاسم بتنهيدة رضى : خوش عيل متى بيوصلون؟؟
ام ناصر : بعد عشر دقايق بالضبط افتحي الباب ..يلا بخليج الحين مع السلامة

ام جاسم بابتسامة مكر :: الله ايسلمج

،،،،،،،،،،،،،،،،،،،،،،،،،،

بعد عشر دقايق بالضبط ام جاسم فتحت باب الحوي لقت شاب لاف ويهه بغتره

ام جاسم : انت من صوب ام ناصر ؟؟

الشاب : هيه وانتي اكييد ام جاسم

ام جاسم : هيه انا هي ..وين اربيعك ؟؟


الشاب : خليته بالسيارة يترياني ..

ام جاسم : زين عيل ...شوف حطيت لك طاولة من ورا عشان من تسمع صوت سيارة ولدي جاسم اطنت من على الايدار وخل رفيجك يترياك بالسيارة من ورا البيت
الشاب : لا اتحاتين يا ام جاسم الخطة مدروسة عدل ..تطمني
ام جاسم : ايه ابيكم اتبيضون الويه وان شاء الله ما بقصر معاكم
الشاب : افا عليج نحن بالخدمة
بعد دقايق الشاب الثاني اللي بالسيارة دق على رفيجه الثالث
الشاب : هااا حمود وينك انت وصلت للهاتف العمومي
محمد: هيه صبر الحين بنزل من السيارة
الشاب :يلا ابسرعة دق على الريال وقوله اللي قلت لك عليه
محمد : ابشر
وصل محمد للهاتف العمومي ودق على جاسم
جاسم : الو ..من معاي
محمد : انا فاعل الخير اللي دقيت عليك من قبل
جاسم : نعم
محمد :: وشفيك مالك نفس ..المهم حبيت اقولك اذا تبي تعرف حقيقة زوجتك سير الحين البيت بتلاقيها مع حبيب القلب
جاسم : جب يالخسيس .. زوجتي اشرف منك ومن اشكالك وانا واثق من حرمتي
محمد : زين يا بو ثقة ليش اتضيع وقتك معاي سير واتاكد بنفسك وشوف حرمتك الشريفة شو قاعدة اتسوي من وراك ههههههاااااااي........وقطع الخط
جاسم بعصبية : الو ..الو ...ايا الـــ.....صح كلامك ليش اضيع وقتي معاك الحين بسير البيت وبشوف الحقيقة
وبسرعة ركب السيارة واتجه صوب بيتهم بعد ربع ساعة تقريبا وصل البيت

ام جاسم اول ما سمعت صوت سيارة ولدها جاسم دقت على الشاب وقالت له شوف شغلك جاسم وصل
جاسم نزل من السيارة بسرعة وفتح باب الحوي اول ما فتح باب الحوي لقى شاب متلثم بالغترة يركض صوب الطوفة ..
جاسم من الصدمة للحظة وقف مكانه لكن بسرعة انتبه لنفسه ولحق الشاب وقال:..تعال يالخسيس داخل بيتي شو اتسوي ؟؟
لكن الشاب بسرعة ركب فوق الطاولة و على طول شب من فوق الايدار ونزل من الصوب الثاني و اول ما نزل ركب السيارة اللي كانت تترياه ..وربيعه شغل السيارة وعلى طول ابتعدوا من المكان ركب جاسم فوق الطوفة لكن للاسف ما لحق عليهم
جاسم كان وده يموت ولا يشوف كل هذا بعده منصدم ومب امصدق اللي شافه جدامه دخل الصالة وشاف امه قاعدة تدعي انها متوترة ورافعه ايدها للسماء واتقول : يالله بالستر ..يالله تعدي هالليلة على خير
جاسم بصوت اقرب للصراخ : يمه منو هذا اللي كان داخل ؟؟
ام جاسم : انا ما يخصني يا اوليدي ..طلعني من هالسالفة
جاسم : يعني تشوفين المنكر وتسكتين عنه
ام جاسم : لا حشى ما اسكت عن المنكر ..بس ياما حاولت المح لك بس انت ما تصدق الا حرمتك ..على فكرة هذي مب اول مرة ..بس عاد انا المسكينة منو اللي بيصدق كلامي ..لكن الله راد انك تكشفها وهي متلبسه

جاسم ما قدر يسمع باقي الكلام وعلى طول اتجه صوب غرفته واول ما فتح الباب لقى حنان فوق سيادتها خلصت صلاتها واول ما التفتت صوب الباب لقت جاسم ويهه محمر ...والشرار يطاير من اعيونه

جاسم : ايا الوصخة ..اتسوين نفسج ملتزمة وعشان تخبين سواد ويهج من عرفتي اني رجعت البيت قعدتي على سيادة الصلاة عشان تكملين التمثيلة ..هذه السيادة اطهر من وحده نجسه مثلج تقعد عليها ...لكن خلاص جاسم اللي خدعتيه طول هالسنين اخيرا كشفج
حنان وهي مب مستوعبة ولا كلمة من حجي جاسم : جاسم انت اشقاعد تقول ..شو هالكلام
جاسم وصل لحنان رفع ايده وعطاها كف بكل قوته وطيحها على الارض .
جاسم :.وبعد لج ويه تتحجين وتدعين البراءة يالخايسة ..عمري ما توقعتج بهذي الحقارة ..ادخلين ريال غريب البيت وتخونيني في بيتي معاه
وبدى بكل قوته يرفسها وهي طايحه على الارض وسط اصراخها وترجيها له لكن جاسم الغضب والنار اللي كانت تشتعل بيوفه اكبر من صراخها مسكها من شعرها
جاسم : قومي اطلعي من هالبيت ما ابي اشوف رقعة ويهج بهذا البيت ...يرها من شعرها بكل قوة
حنان وهي تصيح وتترجى جاسم يهدها : حرام عليك يا جاسم ارحمني والله اني مظلومة والله كل اللي قاعد تقوله ما صار شي منه ..ربي شاهد علي
جاسم : جب ولا كلمه ..كل شي شفته بعيني ..اكرهج ..اكرهج يالخاينة ولا يشرفني وحدة وصخة مثلج تكون زوجتي ..
شل عباتها وحطاها فوق راسها وبدى يدزها لباب الحوي مر بالصالة
حنان اول ما شافت ام جاسم سارت صوبها وقالت لها : تحجي يا عمتي ولدج يتهمني اني دخلت ريال بيته ..انتي الشاهده الوحيدة تكفين قوليله ان ما في حد دخل عندي قوليله اني بريئة
ام جاسم وهي تتصنع التأثر : حرام عليج يا حنان ..كم مرة نصحتج وقلت لج ان جاسم لازم بيوم بيكشفج واذا ما اتخافين من جاسم على الاقل خافي من ربج ..وهذي هي النتيجة لاصرارج على الغلط ..انا الحين ما بيدي شي اسويه لج ..
حنان مصدومة من الكلام اللي تسمعه : عيل كله هذا من تدابيرج ..حرام عليج ..الا انج تتهميني بعرضي ..حرام عليج ..حسبي الله ونعم الوكيل ..والله اني مظلومة
جاسم ما كان يتحمل كلمة ازيادة من حنان ييه صوبها وعطاها كف ثاني على ويهها : وبعد تعقين قذارتج على امي .. اطلعي من هالبيت ما ابي اشوفج ..اطلعي انتي طالق
حنان وهي تصيح : لااااااااااا ..حرام عليك ..حرام عليك والله اني ما سويت شي ..
جاسم : فتح باب الحوي ودزها برع البيت بكل قوته وطاحت على الرمل ..وسكر الباب وراها
قعد ورا الباب وهو يمسح ويهه من الارهاق والتعب ..ويسب ويلعن فيها ...حسبي الله عليج من مرة ..الله لا يوفقج
ام جاسم كانت بطير من الفرح لانه خطتها نجحت وكانت اشوي لا اتيبب يوم سمعت جاسم يقول لحنان انتي طالق
حنان تعورت يوم دزها جاسم على الارض بالغصب قامت من على الارض وهي تمسح دموعها وتتاوه من الضرب اللي ضربها جاسم ...الدنيا ليل ما تدري وين اتسير والا وين تتجه ..بدت تمسح ادموعها وبدت اجر نفسها لين ما وصلت عند باب بيت جارتهم ام علي ترددت قبل لا ادق الباب ..بس مالها مفر وين بتسير بهذا الوقت ما كان عندها تيلفون ولا شي ..دقت الجررس واتريت الرد
سمعت صوت ريال خافت بغت تشرد لكن الباب بسرعة انفتح
علي: نعم
حنان : حاولت تسيطر على نفسها وتحاول تخلي صوتها طبيعي ..آسفة على الازعاج الوالدة موجودة ؟
علي : نعم لحظة بشوفها لج
بعد دقايق ام علي وصلت اول ما شافت حالة حنان دخلتها من غير ما تسالها عن شي
ام علي: دخلي يا ابنيتي فتحت لها باب الغرفة اللي بالملحق
دخلت حنان وهي اتجر خطواتها واتصيح بهدوء ..دخلت وقعدت وكشفت عن ويهها
ام علي اول ما شافت ويهها قالت : لا حول ولا قوة الا بالله منو اللي ما ايخاف الله امسوي فيج جذي ...خشمج ينزف وويهج متورم ..ادخلي الحمام غسلي ويهج يا ابنيتي بسير ايب لج كمادات تحطينهم على ويهج
حنان مسكت ام علي من ايدها : لا تكفين يا خالتي ما ابي شي بس اذا ما عليج امر ابي تيلفون اكلم اهلي ايون يشلوني من عندج
ام علي : لا حول ولا قوة الا بالله ما احب ادخل بمشاكل الناس بس ان ما خاب ظني ..عمتج هي السبب بكل هذا صح ؟
حنان اهني انفجرت من الصياح ..وقعدت تبجي من غير ما تنتبه لنفسها وتقول والله اني مظلومة يا خالتي والله انهم يفترون علي شي ما سويته ..جاسم طلقني ..يا خالتي ..ومن كثر الصياح ما قدرت تكمل
ام علي قربت منها وحضنتها : بس خلاص لا تبجين قطعتي قلبي يا ابنيتي الله ياخذ حقج منهم ..اعرفي ان الله مب غافل عن شي ..وان كنتي مظلومة ربي بياخذ حقج ..انا اللي كافيه خيري من شري عنها ..ما خلتني بحالي بس يا ويلها من الله ...الحين يا ابنيتي ريحي ولباجر الله كريم
حنان : لا يا خالتي ارجوج ابي ادق على اهلي ايون ياخذوني ..
ام علي: بهالوقت بتزيغينهم عليج ..ما عليه استريحي الحين والصباح رباح
حنان : تكفين يا خالتي ..ما ابي اقعد دقيقة بمكان قريب من بيتهم ..ابي اسير بيت هلي وارتاح اهناك
ام علي : على راحتج يا بنتي ..دقايق بس بسير اييب لج الجوال
بعد دقايق دخلت ام علي وبيدها الجوال عطته لحنان عشان تدق على اهلها وهي طلعت من الغرفة عشان تاخذ حنان راحتها
حنان دقت على اخوها سالم
سالم : الو
حنان وهي تصيح : سالم انا حنان ..ممكن اتي تاخذني ..بس تكفى ما ابي احد يدري من البيت اني دقيت عليك لين ما اوصل بروحي
سالم : حنان اشفيج يا اختي ليش اتصيحين؟؟
حنان : تعال شلني وبقولك كل شي ..انا بالبيت اللي قريب من بيت جاسم ..باب الحوي لونه ابيض متى ما وصلت سو لي رنة على هذا الرقم عشان اطلع لك
سالم : زين فهميني شو السالفة
حنان : بتفهم شو السالفة بس الحين لا تتاخر علي تكفى يا سالم
سالم : خلاص ابشري يالغالية دقايق وبكون عندج
وبعد دقايق وصل سالم ودق على حنان ..حنان شكرت ام علي على كل شي وودعتها
طلعت من بيت ام علي والتفتت صوب بيت جاسم قعدت دقايق اطالع البيت اللي شافت اصناف العذاب فيه اربع اسنين عقب ما تحملت كل شي ينتهي فيها المطاف ان زوجها الشخص اللي حبته واخلصت له بكل وفاء يرميها في الشارع بنصايف الليل ويتهمها بعرضها .. تردد على مسامعها كلامه الجارح و كلمة الطلاق اللي نطق فيها ادموعها صارت تسيل من غير ما تحس وهي متحسفة على اسنين عمرها اللي عاشته في هذا البيت
سالم يوم شاف اخته واقفه بنفس المكان وما تتحرك نزل من السيارة وقرب منها يوم وصل لها عرف ان الموضوع جايد لانه عمره ما شاف اخته بهذي الحاله مسكها بهدوء من ايدها وبدا يمشيها لين ما وصلها للسيارة فتح لها باب السيارة وبعد ما ركبت سكر الباب ..ورجع ركب السيارة ومشى السيارة وابتعد من هذا المكان لكن حنان ما شلت اعوينها من على بيت جاسم وكانت تصيح تشاهق بكل الم ومرارة..وسالم ما تجرأ ينطق بكلمه اختار يخليها تصيح من غير ما يثقل عليها بالاسئلة ....لين ما وصلوا البيت ...



اختار بعدي الاشهب مدامه يقول ابتاع كلووو

قلنا نوهقه ونشوف ابداعه بعالم الروايات :em05:

غــزل
01-03-2009, 10:25 AM
حراااااااام عليــــج امتوووووووووووووه

قويه قويــــــــــــه ربي لايوفقها :asd:

متأكده انه هذي عمه :eek(1):

أمة الرحمن
01-03-2009, 11:31 AM
حراااااااام عليــــج امتوووووووووووووه

قويه قويــــــــــــه ربي لايوفقها :asd:

متأكده انه هذي عمه :eek(1):



بعدج ما شفتي شي الزين عند الاشهب :crazy:

الطواش
01-03-2009, 09:04 PM
تكملة رائعة اختي امة الرحمن

منتظرين الاشهبـ ..

بنت قطر
01-03-2009, 10:44 PM
ياسلام على هالتكمله اختي امة الرحمن

بس عورتي قلوبنا حرام عليج

الله يستر من الأشهب أكيد بيقلب الروايه لمأساة

في انتظار تكملتك أخوي الأشهب أكيد راح تكون مميزه

الشقردي
04-03-2009, 10:05 PM
تكملة في محلها

ننتظر الجديد من اخونا الاشهب

رائحه الخزامى
05-03-2009, 02:52 PM
ما شاء الله عليكم

جميعا مدهشون فعلا

الشقردي اضافة مميزة

امة الرحمن تكمله ولا اروع


ما شاء الله الظاهر عندنا كتاب كبار

ننتظر الاشهب

زهرةالصبار
10-03-2009, 05:25 PM
ماشاء الله تبارك الله كلكم أبدعتوا

وننتظر الأشهب

قوارير
12-03-2009, 01:42 AM
والله صحت :(

دبة وحدة

بس بيني وبينج روعة التكملة.. ما شاء الله عليج

ونتريا تكملة الاشهب =)

الأشهب
13-03-2009, 12:35 AM
الاشهب مهب صوبكم

لازم اقرى القصة من البدايه

وماعندي موهبة في التأليف القصصي

اكره هالسوالف

اعتذر ، شوفوا غيري

أمة الرحمن
14-03-2009, 02:39 AM
الاشهب مهب صوبكم

لازم اقرى القصة من البدايه

وماعندي موهبة في التأليف القصصي

اكره هالسوالف

اعتذر ، شوفوا غيري

للاسف اخوي الاشهب كنت اتمنى اشوف اضافتك لهذي الرواية :(


بس على راحتك

اختار اللي تكمل بعدي اختي بحور :)

أم سارة
17-03-2009, 03:32 AM
مااشاءالله علييج يا امة كاتبه ولا ارووع ..

والله خوووش تكمله احداثها مشوقه و حزينه :( ..

يالله يا بحوور نتريااج يالغاليه ..

أمة الرحمن
23-04-2009, 09:32 AM
للاسف اختنا بحور تعتذر عن التكملة

بنحيل القضية لاختنا امواج وفكرها الاجرامي هع

وبنشووف شو بيطلع معاها

خلاص عقدوني هذي ثالث مرة اختار :(

أمواج
28-04-2009, 09:05 PM
وقف سالم السيارة جنب البيت وحنان بعدها ما وقفت بكي وعلى طول نزلت تركض ودخلت من باب الشارع للحوش وعقب للصالة وهي تركض ركبت الدرج وهي تبكي وتهذي بكلمات غير مفهومة : والله مظلومة حرام أنا ما سويت شيء ليش يتهموني ....

وقفت أمها بخوف وصدمة وهي تشوف حنان تركض على الدرج وتركب بسرعة : حناااااان

سالم دش وهو يمشي بسرعة وسأل أمة : وينها حنان

أم سالم : سالم شفيها أختك

سالم منزل راسة وهو يهزة والعصبية ظاهرة بعيونة وويهه المحمر : مثل كل مره لكن هالمره ما بعديها له بعرف السالفة ووالله ما تطلع من هنا أجل أخذها من بيت جيرانهم في نصايف الليل

أم سالم شهقت : شنو بيت جيرانهم

سالم ترك أمه وراح يركض يركب الدرج درجتين درجتين وصل لغرفة حنان وصار يطق الباب عليها : حناااان حنااااان بطلي الباب

أم سالم ركبت الدرج تلحق بنتها وولدها وتعرف شنو السالفة وشافت سالم حاط اذنة على الباب ويكلم أختة : حنان فديتج لا تبكين يالغالية بطلي الباب ووالله أن أخذ لج حقة وهالدموع ما تروح هدر

أم حنان وهي تحاول تبطل الباب : يمة حنان بطلي الباب

حنان صارت تصارخ بهستيرية : يتهموني يتهموني بشرفي والله مظلومة حرام عليهم

سالم انصدم وتجمد في مكانة من هالكلام أختة العفيفة الشريفة اللي ما تفوت فرض وقيام الليل ما تتركة الا بالنادر يتهمونها بشرفها

أم حنان ما كان حالها أحسن من سالم شهقت وما قدرت توقف على رجولها وصارت تبكي وهي تحاول تطق الباب على حنان : حنان يمة بطلي الباب حنااااان يا أمج بطلي لي الباب

حنان وهي جالسة بزاوية غرفتها : خلوني بروحي ما أبي أكلم أحد

سالم ويحس في جوفة نار وعيونة مفتوحة على أخرها قال بهدوء : يمة خليها وبكرة نعرف السالفة وتحرك لغرفتة

أم حنان ضلت عند غرفة بنتها لكن شافت أنها ما بتبطل لها وقفت بصعوبة ومشت لغرفتها تبكي على حظ بنتها اللي رماها عند هالناس اللي ما ترحم

.
.

جاسم وهو جالس على سريرة في غرفتة وحاط راسة بين يدينة صار يكلم نفسة : الخسيسة الخاينة آآآآه أجل تجيبين واحد لبيتي يالـ..........

وقف وهو يحس نفسة مخنوق شاف السرير وقام يحاول ينزع عن الفراش الفرش ماله رمى البطانية على الأرض وصار يطيح المخدات وكل شيء : خسيسة خاينة وهذه كلها قذارة من بعدج

وقف قدام طاولة الزينة شال غرشة عطر ورماها بكل قوة على المراية وكسر كل العطور وكل الأغراض اللي عليها إتجه نحو الخزانة فتحها ونثر الملابس وصار يشقق فيها من القهر والعصبية : الملابس هذي أشرف من أنها تكون عليج يالوصخة

أم جاسم وهي تسمعه وشوية وتطير من الفرح وسوت نفسها قلبها على ولدها : جاسم يا أمك بطل لي الباب ولا تقهر عمرك على وحده خسيسة جاسم جاااسم

لكن جاسم ما رد عليها وهو يحطم ويكسر بكل الغرفة اللي فيها لمساتها بكل زاوية إلا بجملة وحده أشبة بالصراخ : آآآآآآآآآآآىىه ليه ياحنان لييييه قتلتي كل شيء

.
.

سالم في غرفتة رايح جاي وهو يحس بنار تكوية كوي من داخلة ويفرك يدينة في بعض وصار يكلم نفسة : اشلون ياحنان يتهمج اشلون ليتني أفهم السالفة والله لو يكون كلامج صج أنه متهمج في شرفج والله ما يردني شيء

وتوجة ناحية خزانتة ودور بين ملابسة ولقى قطعة القماش الزرقاء وشالها وفتحها يتلمس اللي فيها كان فيها سلاح : والله أن كان هالكلام صج أن هالرصاص ما يكفيني فيه

رجع السلاح مكانة وسكر الخزانة وقعد على كرسية الهزاز وصار يهز عمره بتوتر وسرعة وهو يفكر

وصل أبو سالم البيت على الساعة وحده ونص بعد ما خلص الشغل اللي كان متراكم عليه وقرر يخلصة بهاليوم ركب الدرج ورإتجه لغرفتة فتح الباب ودخل وإنصدم من زوجتة تبكي وعيونها حمر ركضت ناحيتة وهي تشد من ثوبة وتشكي له : حنااان يا أبو سالم حناااان مدري وش فيها وصارت تسحبة من يدة جهة غرفة حنان
أبو سالم بصدمة من حالة زوجتة لكنة سأل : وش فيها حنان

أم سالم ودموعها ما وقفت : رجعها سالم من شوية جايبها من بيت جيران جاسم ودخلت وسكرت باب غرفتها تبكي السالفة شكلها كبيرة ما تردد الا كلمة يتهموني

أبو سالم وتوسعت عيونة بصدمة : شنوووو

صار أبو سالم يمشي بسرعة وقف عند الباب وهو يسمع أنين وبكاء مكتوم وتأوه لبنتة حنان : حناااااان حناااااان

لكن حنان ما ردت عليهم وهي تأن وتبكي وتتأوه

أبو سالم بخوف : حنان يا أبوج ردي علي حناااااان

أم حنان : يا ويلي على بنتي بتموت حنااااااان بطلي الباب

سالم طلع على صراخ أمة وأبوه وسمع صوت أختة تأن وتتأوه وبكلمة وحده : إبعدوا عن الباب

صار يرفس الباب بقوة المره الأولى ما انفتح والثانية والثالثة لكن المره الرابعة انكسر الباب ودخلو شافوا حنان طايحة بالزاوية وتأن وتبكي شالها سالم وهي لسى بعبايتها ولحقة أبوه للسيارة وأمها شالت عبايتها من غرفتها وصارت تمشي بسرعة وتلبس العباية متجهه للسيارة وما انتبهت أنها لبستها مقلوبة

سالم وهو يحط حنان بالسيت اللي ورى في سيارة أبوه التفت لأبوه وسحب المفتاح بدون أي كلام من إيد أبوه وشغل السيارة دخل أبو حنان قدام جنب سالم وأم حنان ورى جنب حنان وهي تبكي على حالة بنتها اللي وصلت له وشخط سالم بالسيارة على المستشفى

.
.

أختار من بعدي


أختي مرهفة إحساس

.
.

أمة الرحمن
06-05-2009, 01:18 PM
يا سلام على التكملة يا امواج وينج من زمان ^^

ربي يوفقج يالغالية

وبانتظار الزعيمة مرهفة احساس هع

قوارير
12-05-2009, 08:08 PM
يآآخطيــرة يآ اموآج .. ~ ْ}{ ..

الصرآحهـ تكملهـ ولآ اروع ..~

جآسمـ ..:.. ان شاءالله بيعرف الحقيقةـ

حنآن .. :.. والله حآلتهآ اتعور القلبــ ..

سآلمـ .:.تقريباً اكثــر وآحد بآن فهالتكملهـ .. مآعرف شخصيتهـ عدل ..~{~}


متحمسهـ لتكملة رهوفهـ ^_*

مرهفة إحساس
02-06-2009, 01:25 AM
يو نسيتكم :(

العذر والسموحه منكم
:
:

افضل تختارون احد غيري

ذهني موب صافي كلش هالفتره

للكتابه :(

:
:
اعطي قوارير او امواج حريه اختيار البديل :)

الشقردي
06-06-2009, 07:22 PM
افا يا مرهفة


حتى انتي تعتذرين


كملي ولو بسطرين


ما يصير الكل يعتذر

قوارير
11-06-2009, 12:15 AM
يالله يآ رهووفه .. نسيتي ونحن نتريآج .. ="(

بس مآعليه مآدآمج مآرمتي ..بالحل غنآتيهـ ..

قوارير
27-06-2009, 12:27 AM
اخترت ختيهـ { السآريهـ ..

^__^ ..

وهي وآفقتـ ..

السآريهـ >> { الغآليهـ نتريآ تكملتج الحلوة .. ^_^ ..

nightstar
27-06-2009, 03:33 AM
:asd::asd::asd::asd::asd::asd:

حرام عليكم يالا كملو ما فينى صبر

ااااااااااااااااااااااااااااابي التكمله

قصه ولا الواقع نفس القصص الواقعيه

ما شا الله عليكم ابدعتوا

بس عااااد كملوا جميلكم بارك الله فيكم

وعطونا التكمله

السارية
27-06-2009, 07:54 AM
أعتذرلكم عن التأخيرلأني كنت اقرأالقصه واشوف وش السالفه طلعت القصه قويه ومن قلب
بعد...كنت متردده في المشاركه لكن عشان خاطركم اكمل بشيء بسيط وسامحوني على
التقصيرلانه أول مره واللهجه القطرية جميله وفي بعض الكلمات ماأعرف معناها؟؟؟



كانت ام جاسم جالسه بالصاله اسمعت صوت ارتطام قويه راحت تركض تجاه الدرج تأكدت الصوت جاي من
صوب غرفة جاسم طقت الباب ماحد ردعليهاجاسم ردعلي يبه مافيه أي ردأوحركه راحت تنادي سهام
سهام افتحي الباب ماسمعتي الضربه القويه؟لايمه ماسعت ..ام جاسم:اطق على جاسم الباب ماحد
والصوت جاي صوب غرفته حاولوايفتحون الباب ماقدروامسكت سهام الجوال ودقت على علي أخوهم
سهام:الوعلي تكفى تعال بسرعه
علي:شصايرهدي شوي خليني أفهم السالفه
سهام:سمعناصوت قوي صوب غرفة جاسم ونطق الباب ماحديردعلينا
علي:أناجاي في الطريق
جاءعلي دفواالباب بكل قوتهم وأخيراانفتح شافواجاسم طايح على الارض والتسريحه فوق راسه والدم ينزف ومغمى عليه
شلوه بسرعه للمستشفى.
ابوسالم وام سالم وسالم وحنان
ام جاسم وعلي وسهام وصلواالمستشفى في نفس اللحضه
حنان صدمه عصبيه تنويم لمدة يومين
جاسم ضربه قويه على الراس خياطه ورباط وتنويم ايضالمدة يومين

ام حنان تبكي عندبنتهاماتعرف وش اللي صار
ام جاسم عند ولدها
سالم:يمه لازم تروحين البيت ترتاحين إن شاءالله الممرضات مايقصرون
ام حنان:لاياوليدي مقدراخلي اختك بروحها
روح انت وابوك ارتاحواواناخلوني عندها
انزين يمه تبغين شي؟
ام حنان:سلامتك ياولدي بس ديربالك على ريم
سالم:ان شاءالله يمه مع السلامه نمركم العصر
ام حنان تطالع بنتهاوالله ماتستاهلين كل هذا بس اعرف وش السالفه ودموعهاعلى خدها
طلعت تشم هوى الا تشوف ام جاسم في الغرفه اللي قبالهم
ام حنان:هذي هني شجايبها؟
طبعا ماحديعرف السالفه الاالحيه ام جاسم


خلاص تعبت كملي حبيبتي أمــــــــــواج

أمواج
27-06-2009, 12:45 PM
السارية أبدعتي عزيزتي تطورات حلوه


وإنتظروني اليوم بإذن الله مع التكملة

قوارير
27-06-2009, 02:32 PM
جآسمـ ,, خيبه شو مسوي بعمره اللي يتهـ ضربه قويهـ جي @_@ ..

لهالدرجه مأثـ{ـ{ـــر عليه غيآب حنآن ..

....

يعطيج العآفيه يالسآريهـ ع التكمله الحلوة ^__^

السارية
27-06-2009, 04:01 PM
السارية أبدعتي عزيزتي تطورات حلوه


وإنتظروني اليوم بإذن الله مع التكملة

الله يخليك أختي امواج والله توقعت تقولوا خربت الروايه عليناهاي:sweatingbullets:

السارية
27-06-2009, 04:02 PM
جآسمـ ,, خيبه شو مسوي بعمره اللي يتهـ ضربه قويهـ جي @_@ ..

لهالدرجه مأثـ{ـ{ـــر عليه غيآب حنآن ..

....

يعطيج العآفيه يالسآريهـ ع التكمله الحلوة ^__^

الله يعافيك يارب :0051:

أمواج
03-07-2009, 10:59 AM
مرحبا

آسفة على التأخير بسبب ظرف خارج عن أرادتي وهذي التكملة

بما أن في بعض الشخصيات مظلومة في القصة وما خذت حقها في الذكر فحبيت أني أغير شوية ونذكر الشخصيات اللي ما انذكرت والبعض نسى هذه الشخصيات بسبب مشاكل حنان وجاسم والأكشن اللي يصير

.
.

اسبوع مر وجاسم ما هو مبين ولا يجي منه اتصال ولا حتى يرد على الأتصالات قرر يروح بيتة ويشوف يمكن صاير شيء لكن أول حاول يتصل كذا مره لعل وعسى يرد لكن مافي فايده شال مفتاح سيارته وركبها ومشى صوب بيت أم جاسم ..
.. عمر ..
كان هذا هو الصديق الوفي اللي يشيل هم أصدقائه كأنه همه ، وهو في الطريج خذته الأفكار يمين ويسار ويحط احتمالات لغيابة لكن ولا واحد تقبلة عقلة ، وقف عند باب بيت أم جاسم وشاف الساعة وانصدم ما باقي على صلاة الفجر الا نص ساعة اشلون ما انتبه أن الوقت مب مناسب يمكن بسبب التفكير ما لاحظ الوقت ، قرر يقعد في السيارة لين يطلع جاسم يروح المسجد ويفاجأه ويروحون سوى المسجد ..
.
.
علووووي رااااااقد ؟
علي وهو مغمض عيونه : ايه راقد
هههههههه راقد وتتكلم يالكذاب ؟
علي : انطم وخلني ارقد
زييييين ، بس ليش جاسم ما خذنا الخميس مثل كل مره يطلعنا
علي : مااااا أعرف
نتصل عليه اليوم ونشلخ عليه نقول له ابوي يقول لك طلعنا ويطلعنا وش رايك ؟
علي وهو يلتفت : خلووود من وين لك هالفكرة العجيبة ؟
خالد : أنا خالد أبو العجايب أعجبك
علي وهو يضحك : والله فكره من زمان ما طلعنا وأمي تخرب علينا الطلعة مع جاسم لو درت
خالد : ايه بنقول لها بنروح نلعب كورة مع عيال الفريج ونطلع مع جاسم
ناصر توه صاحي من النوم على سوالف علي وخالد وضحكهم : ليش تضحكون ؟
علي : بنقول لك السالفة عقب الحين لازم ننام عشان لا تسوي لنا سالفة أمي عقب ..
.
.
انتهى أذان الفجر وسمع عمر صوت فتح باب بيت أم جاسم وشاف جاسم طالع وشلته الصدمة متغير 180 درجة ، بسرعة طلع من السيارة ولحق جاسم ومسكة من يدة اليمين والتفت جاسم بفزع للي ماسكة ..
عمر : جاسم وينك يا ابن الحلال وليش شكلك كذا ؟
جاسم بصوت كئيب : هلا عمر ، وسلم عليه سلام حار سلام مشتاق لصديق عمره بعد ما كان ما يمر يوم أو يومين الا وشافوا بعض صار لهم اسبوع ما شاف حد الثاني
عمر : وش صار لك يا جاسم ؟
جاسم : عقب الصلاة يا عمر يصير خير
عمر وهو يشد يد جاسم : أجل مشينا للمسجد وما بتركك الا وأنت قايل لي وش مسوي فيك كذا
.
.
سهاموه ووجع قومي أكيد سهرانة عشان كذا مب قادرة تقومين ، ومدت يدها لكوب الماي وكتته كله على وجهها وشهقت بفزع لكن ما قامت وغمضت عيونها بقوة وتغطت بالبطانية وهي ترتجف ومنكمشة على نفسها
قامت سامية وبصوت عالي : خيييييييييير أخت هدى من صباح الله خير جاية تصارخين ما تشوفين ضوء الشمس ما طلع حتى
هدى : وع ما باقي الا أنتي تصيرين أختي ، ومدت يدها تضرب سهام من على البطانية ، قومي يا بقرة سوي لي شيء أكلة
مشت سامية بشعرها المنكش وعيونها المنفخة من النوم وهي تشوف أختها ترتجف ودزت خالتها هدى بقوة ورفعت البطانية من عند راس سهام اللي شهقت يوم ارتفعت البطانية من على راسها وحطت يدها على جبهت سهام وحسته حار وايد ووجها أحمر
كردة فعل من هدى مثل كل مره مدت يدها وشدت شعر سامية وصارت سامية ترجع على ورى والتفتت وعضت يد خالتها الشريرة وتركت هدى شعر سامية وهي تصرخ وصارت سامية تدزها بقوة على برى وسكرت الباب بالمفتاح وصارت تتفل وتمسح حلجها : وع لحمها مر هههههههههه
عصبت هدى وصارت تضرب بالباب : افتحي والله لا أربيج يا قليلة الأدب
سامية : اذلفي ارقدي يالدبة ، كانت سامية تدري أن هدى تكرة كلمة دبة وتستعملها أحيان لو عصبت كثير وهي تدري عاقبة هالكلمة
هدى بعصبية أكبر وهي ترفس باب الغرفة : والله لا تندمين على هالكلمة يا ساميوة وقولي هدى قالت
سامية : أعلى ما في خيلج إركبية يالدبة
كانت هدى متينة لدرجة أنها لين تركب الدرج تقعد تلهث من التعب بعكس سامية وسهام الضعاف بسبب قسوة مرة أبوهم وكثرة الهموم وكثرة الحركة في البيت شغل وتنظيف وما يرتاحون الا وقت النوم في الليل متأخر ..
.
.
مسك قنينة البترول وصار يصبة على المنشفة الصغيرة الخاصة بالمطبخ لدرجة أن البترول صار ينقط على الأرض من على المنشفة راح وصار يثبتة ورى الفرن عدل ، يدري أن هذا هو وقت الخدامة تقوم تسوي فطور وتصحي أمة ، ضحك ضحكة شيطانية وهو يتخيل المنظر اللي راح يصير وسمع حس يقرب من المطبخ وطلع من الباب اللي يطل على الحوش واتجه يدخل من باب الصالة بس انتبة ان قنينة البترول بعدها في يدة ورجع يخبيها في مكان في الحوش محد يوصلة ..
بدت الخدامة تطلع البيض من الثلاجة والخبز وبعض الأشياء وإتجهت فتحت الغاز وشغلت الفرن وحطت الجدر على النار وفيه الماي والبيض وخلتة ينسلق وراحت تصحي أم جاسم ما وصلت نص الصالة الا والمطبخ ينفجر وصار يطلع دخان أسود وبانت النار شهقت بقوة وركضت لغرفة أم جاسم تصحيها بخوف وهي تصرخ : ماما ماما قووووووم حريك حريييك
أم جاسم بفزع : شنووووو
الخدامة : مافي معلوم حريييك
أم جاسم شالت الجوال والشيلة وركضت تمر بالصالة وصارت تصارخ وطلعت برى البيت وهي تصرخ ولدي ولدي حسااااان
حسن بخبث يمثل الخوف : يمة أنا هنا ، وصار يحضن أمة بخوف مصطنع
أم جاسم راحت وضمتة : الحمد لله ، واتصلت على المطافي ، سكرت منهم وصارت تصرخ في الخدامة وتضربها ، أنتي السبب يالـ .... حرقتي البيت وردت تتصل على ولدها حامد اللي كان بهذا اليوم هو ومرتة بايتين في بيت أهلها كالعادة في نهاية الأسبوع
وصلت المطافي وأخمدوا النار وزين انها ما انتشرت كثير أكثر الخسارة كانت بالمطبخ فقط وأجزاء من الصالة ..
وصل حامد وأخذ أمة والخدامة لبيت خالته وحسن لبيت أبوه فترة لحد ما يشوفون صرفة لموضوع الحريق اللي صار في البيت ..
.
.
أبو جاسم : دش يا حسن داخل عند إخوانك
ناظر حسن أبوه بنظرة ما تتفسر ودخل وإتجه للصالة شاف إخوانة يلعبون أونو مشى ورفس الورق وخرب عليهم اللعبة وإتجة سيدة للمطبخ يشوف خواتة المكان اللي اعتاد يشوفهم فيه ..
سامية بتفاجأ : حسووووون فديتك اشتقت لك
حسن وهو يضم أختة : كذابة لو مشتاقة كان جيتي وقعدتي عندنا
سامية بحزن : لو أقدر والله بجي بس ما أقدر ، المهم خلنا من هالسالفة شخبارك ؟
حسن : تمام
سامية : طيب روح فوق غرفتنا أنا وسهام ولا تصحيها لانها تعبانة وبجي لكم عقب شوية
قام حسن توه بيطلع الا ويدشون علي وخالد وناصر : ليش تخرب علينا اللعب
سامية : شفيكم علووي ؟
علي : حسون خرب علينا اللعب
حسن : هيييييييييييه إسمي حسن قولة عدل لا يجيك شيء ما يعجبك
سامية ناظرتة لكن بحنان : ليش حسون كذا ؟
حسن : بس ، ومشى لغرفة خواتة
سامية : ما عليه حبايبي روحو العبو وأنا بكلمة ما يخرب عليكم مره ثانية
علي : كل مره تقولين كذا ، ومشى وهو زعلان ، ولحقوه خالد وناصر
.
.

جزء طويل أتمنى يعجبكم


وأعتذر مره ثانية على التأخير


وأختار من بعدي nightstar


متابعة رائعة معانا نبي نشوف إبداعها

الشقردي
04-07-2009, 11:25 AM
يعطيج العافية اختي السارية


يعطيج العافية امواج


وبانتظار نايت ستار



حسون يبط الجبد

السارية
05-07-2009, 04:12 AM
ياسلام عليك ياأمواج ويله اللي بعدو

قوارير
09-07-2009, 04:09 PM
والله انج خطيـــ{ــره يآ أموآج ..
ليــِش وقفتي خخ ..



جلبـــ حسآنوو .. ><"
مآمعورة قلبــ]ــي الا البشكآرة .. بيحطون عليــهآ ..
كششخه سويتي اكشن هع ..


مشكورة فديييتج ع التكمــــله الغآويــه =)

nightstar
28-07-2009, 02:16 AM
مشكوره يا قلبي ع هالثقه بس عطونى شوى امخمخ وارجع لكم @@@@


ما راح اطول ان شا الله ^_^

أمواج
28-07-2009, 06:02 PM
مشكوره يا قلبي ع هالثقه بس عطونى شوى امخمخ وارجع لكم @@@@


ما راح اطول ان شا الله ^_^


ننتظرج يالغالية


:003:

السامر
19-08-2009, 10:30 AM
تعاون حلو ...

أمة الرحمن
15-11-2009, 09:30 AM
شكلها الاخت nightstar نست السالفة

يلا تبرعوا وكملوا القصة خلونا نقول اهل المجالس كتبوا رواية :)

>>>>خاطرها توهق حد ..بس يمكن يطلعون لنا متبرعين بالدقيقة التسعين :wheelchair:

قطوف دانية
01-05-2010, 05:23 PM
رائع هذا التواصل هنا


لماذا التوقف ؟


أشكركم