المساعد الشخصي الرقمي

مشاهدة النسخة كاملة : مجلة جريئة ..!!


فارس الكلمة
30-05-2007, 10:53 PM
مجلة قطرية تصدر من الدوحة .. أحتوت على مواضيع

تدخل في العلاقات الجنسية الصريحة بين الرجل و المرأة و بكل جرأة .. و التي يخجل من أن يقرأها الإنسان بين عائلته ..!!

هل وصلت الجرأة لهذا الحد ..؟!! :baaa2:

زهرةالصبار
30-05-2007, 11:04 PM
ماعاد فيه شيء غريب بهالزمن

الشقردي
30-05-2007, 11:05 PM
اي مجلة هذي اخوي فارس

الأشهب
30-05-2007, 11:12 PM
إن أول مما أدرك الناس من كلام النبوة إن لم تستحي فأصنع ما شئت

[ رواه الإمام البخاري ]

الجوهرة
31-05-2007, 12:10 AM
مشكور اخوي على التنبيه.....!!!

بس ايش اسم المجلة.....!!!؟؟؟

ابراهيم بن حسين
31-05-2007, 02:46 AM
بس إيش إسم المجله

فارس الكلمة
31-05-2007, 11:57 AM
ذابحكم أسم المجلة .. هههه

ما راح أعلم ..

عفواً حتى لا يكون ذلك دعاية و نشراً لأمور قد لا تكون مرغوبة ..

الموضوع طرح في هذه الصيغة .. هل من حق هذه المجلات مناقشة مثل هذه القضايا الجنسية و مشاكل غرف النوم ..؟

دلــ قطر ــوعة
31-05-2007, 12:54 PM
انت تقصد مجلة جميله

هذي تنشر عن هالامور من اول اصدار لها

مب من اليوم

ولاحد عقب او قال لها عيب وومنوع وفي حدود وضوابط

بس على فكره مواضيعها فعلا جريئة بس اغلبها مهمة ومفيده

يعني يستفيدون منها المتزوجين

واذا عندك مراهقين تقدر تبعد هالمجله عن انظارهم

تقبل ودي

الــفــيــصــل
31-05-2007, 01:06 PM
بالضبط اعتقد هى المجله ... بس دلوعه شلون نبعدها عنهم وهى للراي العام كله

بالعقل يعنى

عتيج
31-05-2007, 01:43 PM
عادي فارس الكلمه ,,

بالنسبه للي قاعدين نشوفه في الديره و حوالينا ,, و الي لو تقارنه بكم سنه قبل ,, بتحس انك في ديره ثانيه ,,

انا شخصيا اتوقع ان المجله في اعدادها عقب سنتين او ثلاث ,, بتنزل بالصور التوضيحيه


الله يستر علينا و على عيالنا

الفرفشيه
31-05-2007, 01:46 PM
مابي اعلق << معصبه

بس الله يعينا على اللي جاي

احساس الدوحة
31-05-2007, 06:17 PM
اخوي فارس الكلمه

اعذرني على هالمداخله

الحين اغلب حالات الطلاق تصير

من جهل الزوجه لمتطلبات الزوج ورغباته

ومب عيب لو يوضحون الاطباء وعلماء النفس

اساسيات نجاح العلاقه الزوجيه

واولها الجنسيه وفي غرفه النوم

صدقني لو الزوج ارتاح جنسيا مع زوجته

راح يكون سعيد ويتغاضى عن باقي الزلات

وكذلك الزوجه ..

هناك رجال لا يتذكر متى اخر مره قال لزوجته

احبج ..

وبالنسبه لخوفنا على عيالنا من هالمجلات

بصراحه بصراحه

الاهالي حاطين كمبيوتر ونت في غرف عيالهم

واليهال سهرانين

وهم خبر خير

لا يعرفون شنو المواقع اللي يدخلونها

ولا يعملون شات مع من

::

::

اشجع هذه المجلات

التي تسعى لنشر الثقافه الجنسيه

ولكن في حدود الذوق العام

وتقريبا كل اللي نقراه في المجلات والجرايد

مر علينا في عالم النت والفضائيات

يعني ماقالوا شي جديد

نستحي نقراه او نستنكره ..

::

::

اختلاف الراي لا يفسد للود قضيه

دمت بخير اخي الكريم

ام الزري
01-06-2007, 03:36 PM
http://www.majaless.com/up/uploads/3b163825c7.gif (http://www.majaless.com/up)

بنت قطر
01-06-2007, 04:09 PM
والله ان الجرأه والوقاحه موجوده في كل مكان مو بس في المجلات

وسبحان الله احنا عايشين في زمن قل الحيا فيه وياخوفي بعد كم سنه مايكون في شي اسمه

الحيا

زوجة شهم
01-06-2007, 04:22 PM
ابشركم انا ما اقرأ مجلات غير مجله ( ماجد) وشنو ثقافه جنسية هاذي قله ادب اسمها اشلون اهلنا قبل عشرين سنة ما عندهم ثقافه جنسية والله اول الريال تحصلين عنده عشرين ولد ولا يقرأ مجلات ثقافته في هيبتة .. ( عندي سبعه اطفال بدون ثقافه) هههههههههههههههههههه
ابدأ كل سنه منزله واحد مافيه فرصه نتثقف

تقبلو خالص حبي ولاحد يفهمني غلط

وجــدان الدوحــة
01-06-2007, 05:29 PM
هلا بكـ أخوي فارسـ الكلمهـ

قاعد تتكلمـ في موضوعـ ماأشوفـ إنهـ فيهـ شيء منـ الغرابهـ !

هالمجلهـ قاعدهـ تطرحـ موضوعـ أسري بطريقهـ علميّهـ وتربويّهـ

ولاعيبـ في العلمـ !


يعني ألحينـ المجلهـ تطرحـ مواضيعـ جريئهـ وسويتها سالفهـ ..

عيلـ ليشـ تشاركـ بمنتدياتـ تشاركـ بمواضيعـ جريئهـ وأعضائها شبابـ وبناتـ ؟؟

لاتناقضـ نفسكـ ..ولانناقضـ أنفسنا وندعي المثاليّهـ !

وياريتـ تنسخـ لي محتوى الموضوعـ بإختصار !

بإنتظاركـ


\

/


دو مو يوم
وجـدان

فارس الكلمة
01-06-2007, 11:10 PM
دلــ قطر ــوعة

يبدو أن لك اطلاع جميل و واسع في المجال الثقافي ..

تحية لك ..

^^^^^^^^^^^^^^^^^

فارس الكلمة
01-06-2007, 11:11 PM
الفيصل ..

كلامك صحيح .. و هي توزع مع الجرائد المحلية .. و مجانا بعد ..

^^^^^^^^^^^

فارس الكلمة
01-06-2007, 11:12 PM
بوسلمان ..

الحين كل شى صادر عادي .. و ما عاد أحد يستنكر أي شى للأسف ..
^^^^^^^^^

فارس الكلمة
01-06-2007, 11:13 PM
الفرفشة ..

هونيها و بتهون إن شاء الله ..

^^^^^^^^^^^^^^^

فارس الكلمة
01-06-2007, 11:14 PM
أحساس الدوحة ..

بالفعل .. أختلاف الرأي لا يفسد في ( الود ) قضية ..
^^^^^^^^^^^

فارس الكلمة
01-06-2007, 11:14 PM
أم الزري ..

حيك الله .. و سعيد بتواجدك ..
^^^^^^^^^^^^^^

فارس الكلمة
01-06-2007, 11:21 PM
بنت قطر ..

وسبحان الله احنا عايشين في زمن قل الحيا فيه وياخوفي بعد كم سنه مايكون في شي اسمه

الحيا

الحيا موجود .. لكنه قليل .. و بعض الناس فيهم خير و بركة ..

تحية لتواجدك ..
^^^^^^^^^^^^^^^^^^^^^

فارس الكلمة
01-06-2007, 11:22 PM
زوجة شهم ..

الله يخليج لهم .. و يطرح البركة فيهم ..

شكرا لتشريفك ..
^^^^^^^^^^^^^^^^

فارس الكلمة
01-06-2007, 11:22 PM
وجدان الدوحة ..

يا هلا فيج ..

الحين صار الموضوع ما فيه شي من الغرابة .. ؟!!

يجوز .. سعيد بتواجدك ..