المساعد الشخصي الرقمي

مشاهدة النسخة كاملة : القــــــاااار


وحــ كشخه ــده
03-06-2007, 12:48 AM
http://www.majaless.com/up/uploads/9ae72a0250.jpg (http://www.majaless.com/up)








الـــقـــار



على ذاك الرصيف اسهر و اناجي بكل الجنون ( القار )=اكلم شارع ٍ خالي سواده من سواد الليل


ترى ماهو فَلَس ولا بقلبي قـلّـت الأشعار=و لكن واقعي يفرض علي اكتب بلا تعديل


انا راح العقل مني و عندي للجنون اعذار=معاناتي اذا بوصف .. تفوق الوصف و التعليل


من اللي قد وقف مثلي يواجه لعنة الأقدار ؟=رضى يبقى و يتحمل .. عشر اضعاف همه يشيل


من اللي ثبت اقدامه يقاوم شدة التيار ؟=و يعرف ان النخل و هو النخل راح و جرفه السيل


من اللي حب له طفله و حلم من يوم كانوا صغار=يتوج حبه بفرحه .. و امه تحضنه بتهليل


يمر الوقت و سنينه تمر و يستوون كبار=ويتغرب لجل حلمه .. يسابق كل شباب الجيل


و يرجع رافع ٍ راسه بعد ما صار هو طيار =و بقى من حلمه الوردي زفافٍ يرفض التأجيل


يجيها يقول حان الوقت .. تعالي نكشف الأسرار=طفح كيل الصبر ما عاد في صبري و صبرج كيل


و يذكرها بوقت صار مع مر الزمن تذكار=بأيام الطفوله يوم يغرقها غلا و تدليل


يمازحها و تردد له ( ترى الكذاب يروح النار )=يجافيها و تهمس له ( أعرف ان الجفا تمثيل ) !


و تدمع عينهم لثنين .. يهلون الدمع مدرار=ترى الذكرى ولو حلوه .. طواريها تهد الحيل


و تسرح في وسط عينه .. تفكر .. تترجف .. تحتار=يسألها عسى ما شر ؟ ... و يطيح من ايدها المنديل


و تنزل عالركب و تقول .. تسامحني على اللي صار ؟=حشا والله ما خنتك .. و لكنه حصل تبديل !!!!!!!!!!!


تراها غيبتك طالت و تدري وقتنا غدار=كبرت .. و خفت تتأخر .. و خير البر بالتعجيل


و يشهق .. يلمح الخاتم .. يحس القاع تحته دار=ولا يستوعب الموقف بليا شرح او تحليل


يسود الصمت .. ولا كلمه .. و نظره كلها استنكار=شلل صاب اللسان و صاب كفين العتب تكبيل


دقيقه تمر .. طعمها مر .. نهاية عمر .. موت ازهار=خسارة حب .. ضياع فـ درب .. نار تشب .. عذاب و ويل


و يسرح .. لو بعيده تهون .. و لكن كيف بنت الجار !!=و يكسر صمته بصرخه .. تعدت في مداها سهيل


و يفقد وعيه و ينزل على قاع الثرى منهار=مصيبه كيف يتحمل ؟ .. ترى ما بالأمر تسهيل

ما بينه و بين غرفتها .. ممر ٍ و نْخله و جدار=و هذا اللي يعذبه و يزود طينه بتبليل


يشوف اللي سرق عمره .. سكن وياها نفس الدار=غدى جار ٍ و له حق ٍ نزل في محكم التنزيل


و يتخيله يغازلها و يقول انه عليها يغار=و يتردد صدى همسه و لمسه و ضحكه و تقبيل


يناظر دارها و فكره ورا ذيك الستاير حار=و شباك الهوى عتمه بعد ما زادوا التظليل


يقرر زوجها يبني و يرفع مستوى الأسوار=و يتصرف على كيفه .. عنده منهم توكيل


و مكسور الجناح اللي بلا ذنب ٍ يذوق امرار=يصارع حسرته و يجر بعد ذيك الهزيمه ذيل


يفكر كيف طاوعها الضمير تكون شي ٍ ضار !=بعد ما كانت لعمره عمر يحسب مداه طويل


خذت كل ما بقى منه .. و من عقله خذت الأفكار=و برواز الوعد مايل .. خذته تخاف قال و قيل


عطت بروازه لغيره .. و خلت في الحشا مسمار=و آخر كلمه قالتها .. رجاءاً ما ابيك تعيل !!


و رد بكل غضب يسأل ... تحسبيني من اهل الثار؟=انا وقتي غدى ملكي .. و لا يتحمل التعطيل


وداع الله .. و اذا بعدج مرض .. ايماني العطار=انا لي رب ما يهمل .. بقرا كتابه بترتيل


و اذا كانت مسافات المنازل بيننا اشبار=بخليها سفر ايام .. و اساوي كل شبر بميل


و اذا قالوا علي مجنون .. او ملبوس و صابه زار=يناجي شارع ٍ خالي لوحده في توالي الليل


بقول ان الجنون ارحم .. كتبت من الجنون اشعار=و صدق اشعاري يتحدى الذي قال الشعر تمثيل


و اعيش العمر ارددها ( ترى الكذاب يروح النار )=براءه كانت الجمله .. و لكنه حصل تبديل


حكاية عمري من يوم الطفوله لين صرنا كبار=في هذي الصفحه شفتوها و عايشتوها بالتفصيل


ابي شخص ٍ ينورني .. و من ابياتي بس يختار=حرف ٍ ما شكى من هم .. و يبشر مني بتعديل


بعدها بعلن افلاسي .. و بترك عالم الأشعار=لأني ما قدرت اعطي لحزني في الشعر تعليل


و برجع للسرير اللي من غيابي شكى محتار=و اريح عين شوهها سواد ٍ يشبه التكحيل


و في آخر بيت بسألكم .. عرفتوا ليش اناجي القار ؟=قولوا للثريا من تناجي لو خذلها سهيل ![/poem]





م ن ق و ل

الشقردي
03-06-2007, 03:37 AM
اختيار جدا حلو اختي

والمسكين مرده للقار

الوعــ نور ـــد
03-06-2007, 05:23 AM
اختيار روعه خيتو ..

ولاهنتي على النقل ..

سلمت يمناج يالغاليه .. ودام نبض كيبوردج

الجوهرة
03-06-2007, 12:14 PM
تسلم يمناك على هذي القصيدة حلووووة ....!!!!

اللي تعبت وانا اقراها....!!!

الفرفشيه
03-06-2007, 12:24 PM
و في آخر بيت بسألكم .. عرفتوا ليـش اناجـي القـار ؟

بصراحه انا للحين ما عرفت ليش ؟؟ ههههههههههااااااااااااااااي

يعطيج العافيه خيتووووو

بوعلي
03-06-2007, 05:15 PM
اختيار رائع ....
محد ياخذ غير نصيبه ...
ومثل ماهي شافت حالها ...
الشاعر بعد لازم يشوف حاله ....
بدل مايشتكي للقار ...
تسلمين يالكشخه ...
وحياج الله وسط اخوانج ...

عتيج
03-06-2007, 07:00 PM
كل شي حلو في القصيده ,, الا سالفه القار , مخربه كل شي

وحــ كشخه ــده
03-06-2007, 08:42 PM
الشقردي


منوّر الصفحه يالغلا

مشكور على المرور


.................................................. .

نور الوعد

يسلملي قلبج

عنوني

وميرسي عالمرور

.................................................. ....

الجوهره

تسلملي هالطله

ويعطيج العافيه

^_^

.................................................. ........

فرفوشه

يعطيج العافيه

عنوني

ميرسي أوي أوي خاااالص

على المرور

.................................................. ...................

بو علاوي

الله يحيييك

خيّوو

تواجدك فالصفحه أروووووع

وصح كلامك

على قولة عبدالله رويشد

>>اللي نساك إنساه<<

*_*

ميرسي أوي خالص عالمرور

.................................................. ..............

بوسلمان

لحووول

صج لي قالوا سو خير وقطه بحر


مافي شكراً

يسلمووو

يعطيج العافيه

يلا معليه


كفايه تواجدك يالغلا

لاعدمتكـــ

*_^

الــفــيــصــل
03-06-2007, 08:51 PM
تسلمين يالغلا .. ع الموضوع والقصيده الروعه

ارق تحيه

وحــ كشخه ــده
03-06-2007, 08:56 PM
مشكووور

اخوي على المرور

^_^

ام الزري
04-06-2007, 07:19 PM
روعه .. ولا احلى ..

وحــ كشخه ــده
05-06-2007, 01:53 AM
تسلمين


خيتّووو



لاهنتيــــــ

M!ss. FόǾόŠђŸά
25-06-2007, 04:40 AM
دقيقه تمــر..طعمهـا مـــر..نهـايـة عمــر..مـوت أزهــار..
..خســارة حب..ضيــاع فدرب..نـار تشب..عذاب و ويل..

ويســـرح لو بعيـــده تـــــهون ولكــــن كيف بنت الجــــار..
..ويكـــسر صمتـــه بصرخــه تعدت في مدااااها سهيـل..

ويفقــــد وعيــــه وينزل على قـــــــاع الثــــرى منـهــــار..
..مصيــبه كيف يتحــــمل؟! تـــرى ما بالأمــر تسهيــل..

مابينــــــــه وبـــين غرفــتهــــا ...ممـــر ونخـــله وجـدار..
..وهـــــذا اللـــي يعذبــــه و يــــزود طيـــــنه بتبليـــل..

روووعة !!
قصيدة عنوانها الأسى
و القار كان مرسى الحزن !!و ربما كان محطة و صلت له آلام شخص !!
صح لسان شاعرها
وسلمت يمينج على النقل و لا هنتي

مهستر@الله يستر
25-06-2007, 10:01 AM
هذا قصيدة في واجد زين


انت واحد كشخة

انت نفر زين

كخخخخخخخخخخخخخخ

(( متأثر من كثر القعدة مع الصبيان ))



انا ما اقول غير

يضرب الحــــب شو بيزل

احساس الدوحة
25-06-2007, 01:33 PM
تعبيرات حلوه

عجبتني القصيده

تسلمين عالنقل الرائع يالغلا