المساعد الشخصي الرقمي

مشاهدة النسخة كاملة : هل من الممكن ان نتنازل عن كلمة بابا / ماما ؟؟


احساس الدوحة
10-06-2007, 08:12 PM
http://www.9m.com/upload/10-06-2007/0.69201181491641.jpg


كثيرون منا يدعي انه وفيّ لمن يحب

وانه مستعد ان يضحي بحياته من اجل الحبيب ...


http://www.9m.com/upload/10-06-2007/0.94801181491581.jpg

قف بضمير مع نفسك واجب بصدق ..

لو كتب لك الزواج ..

وكتب لك ان يكون/ تكون شريك حياتك

لا يستطيع الانجاب .. ( عقيم / عاقر )


ماذا ستفعل ؟؟


هل سيكون الوفاء طبعك وسترضى بما كتب لك ؟؟

ام ستفضل كلمة ( بابا وماما ) على شريك حياتك ؟؟


http://www.9m.com/upload/10-06-2007/0.1472101181491821.jpg


كان السبب في قضيتي اليوم ..

أمراه زوجها لاينجب

وبقيت معــة عشرون سنةٌ ليس لـ شيء

فقظ لانها تحبــة ولاتريد شي أخر ..

فهل ما زال هناك هذا الوفاء ؟؟

::

::

لكم ارق تحيه ..

زهرةالصبار
10-06-2007, 08:18 PM
رغم إن الموضوع ما يخصني

لأني الحمد لله عندي عيال

لكن أقول على حسب الطرف الثاني لوهو يستاهل التضحية بضحي ليش لا

أما إذا كان ما يقدر ولا يستاهل ليش أضيع شبابي عليه

الشقردي
10-06-2007, 08:32 PM
يتزوج غيرها

عادي ما ارتكب شي حرام

بوعلي
10-06-2007, 08:39 PM
المال والبنون زينة الحياة الدنيا ...
واللي يقول غير هالكلام يقص ع روحه ...
كون الزوجه وافقت تستمر مع الزوج ... هذا شيء راجع لها ..
لكن مب شرط تكون هذي القاعده في كل الازواج ...
ولو فكرت او فكر الزوج في الزواج مره ثانيه .. مابيكون اجرم او ارتكب ذنب

امل منسي
11-06-2007, 12:07 AM
لو اضمن حد بياخذني عقبه بالراحه باتخلى عنه صح بتكون له في قلبي معزه بس الرياييل ينسون بعضهم والعيال اهم

امل منسي
11-06-2007, 12:08 AM
رغم إن الموضوع ما يخصني

لأني الحمد لله عندي عيال





عند عيال :bounce8: :bounce8:

حسبالي توج تحت العشرين

احساس الدوحة
11-06-2007, 10:00 AM
اختي زهره الصبار

فعلا هناك ازواج

يخلون الوحده ما تفكر في الانجاب

ولا في اي شي سوى رضاه

تسلمين عالمرور العطر

احساس الدوحة
11-06-2007, 10:00 AM
اخوي الشقردي

قد يكون التعدد احد الاسباب

ولكن لو كنت متزوجها عن حب واقتناع

راح تقدر تحرق قلبها وتجيب لها ضره ؟؟

اتمنى تواصلك..

احساس الدوحة
11-06-2007, 10:02 AM
اخوي بو علي

ما قلنا انه اجرم لو فكر يتزوج

ولكن ما ذنب الاولى ؟؟

تكتوي بنار الحرمان من الامومه

ونار الضره ؟؟؟

تسلم عالمرور يالغلا

احساس الدوحة
11-06-2007, 10:03 AM
اختي امل منسي

احترم وجهة نظرج

ولكن احيانا هناك ازواج

تستحين تطلبين الطلاق منهم

لانهم ملاك في صوره انسان

وهذا نادر طبعا هههه

الجوهرة
11-06-2007, 10:29 AM
غالبية الحريم ما اقول كلهم يفضلون يقعدون مع ازواجهم اللي ما يجيبون عيال لان الحريم بطبيعتهم حساسات وقلوبهم رحيمة بعكس الرجاجيل اللي بس ما يصدقون الحرمة ما تجيب عيال يروحون يدورون وحدة غير وانا ما اقول انه عيب والا حرام بس فيه فرق بين الحرمة والرجال في الوفا...!!!

احساس الدوحة
11-06-2007, 02:44 PM
اختي الجوهره

صدقتي في هالكلمه

المرأة اكثر وفاء من الرجل

يمكن من احد الاسباب

ان فرصه الزواج للمره الثانيه تكون اصعب

عكس الرجل اللي بكل سهوله

بيلاقي وحده تجيب له عيال غير الاولى

لك ارق تحيه يالغلا

بوعلي
11-06-2007, 05:23 PM
اخوي بو علي

ما قلنا انه اجرم لو فكر يتزوج

ولكن ما ذنب الاولى ؟؟

تكتوي بنار الحرمان من الامومه

ونار الضره ؟؟؟

تسلم عالمرور يالغلا

يعني لا ترحم ولا تخلي رحمة الله تنزل ع الريال ؟؟؟

اذا هي ماتجيب عيال ... ومنعته من الزواج بثانيه بتكون انانيه ...

وماتفكر الا بنفسها ....

ولو ماتقدر تتحمل انه يتزوج عليها ... تطلب الطلاق ...

لكن ماتحرمه من حقه في الابوه ....

احساس الدوحة
11-06-2007, 05:31 PM
اخوي بو علي

ياقساوه قلوبكم يالرياييل

خلاص خله يتزوج

ويطلق الاولى علشان تنتظر نصيبها .....

اشكر تواصلك يالغلا

زهرةالصبار
11-06-2007, 07:54 PM
لو اضمن حد بياخذني عقبه بالراحه باتخلى عنه صح بتكون له في قلبي معزه بس الرياييل ينسون بعضهم والعيال اهم



هههههههههههههههه

أكيد بياخذك احد عقبه مارح تعنسين

وصدقتي الرجال مايقدرون المعروف

زهرةالصبار
11-06-2007, 07:58 PM
غالبية الحريم ما اقول كلهم يفضلون يقعدون مع ازواجهم اللي ما يجيبون عيال لان الحريم بطبيعتهم حساسات وقلوبهم رحيمة بعكس الرجاجيل اللي بس ما يصدقون الحرمة ما تجيب عيال يروحون يدورون وحدة غير وانا ما اقول انه عيب والا حرام بس فيه فرق بين الحرمة والرجال في الوفا...!!!

صدقتي اعرف وحده ضحت ب18 سنة من عمرها مع زوجها ويوم قدر ينجب بعد هالعمر

انتظر سنه وحده ولما ماحملت طلقها وتزوج وحده ثانيه

يعني لا ترحم ولا تخلي رحمة الله تنزل ع الريال ؟؟؟

اذا هي ماتجيب عيال ... ومنعته من الزواج بثانيه بتكون انانيه ...

وماتفكر الا بنفسها ....

ولو ماتقدر تتحمل انه يتزوج عليها ... تطلب الطلاق ...

لكن ماتحرمه من حقه في الابوه ....

أصلا هو لو بغى مارح يشاورها من الأساس

اختي الجوهره

صدقتي في هالكلمه

المرأة اكثر وفاء من الرجل

يمكن من احد الاسباب

ان فرصه الزواج للمره الثانيه تكون اصعب

عكس الرجل اللي بكل سهوله

بيلاقي وحده تجيب له عيال غير الاولى

لك ارق تحيه يالغلا


كلامك عشرة على عشرة

بوعلي
11-06-2007, 08:05 PM
أصلا هو لو بغى مارح يشاورها من الأساس

مب شرط ....

احتمال مايقدم ع هالخطوه إلا بعد موافقتها ...

وهي لو كانت تفكر بعقلها ... مب بقلبها ...

بتخليه يتزوج ...

زهرةالصبار
11-06-2007, 08:10 PM
مب شرط ....

احتمال مايقدم ع هالخطوه إلا بعد موافقتها ...

وهي لو كانت تفكر بعقلها ... مب بقلبها ...

بتخليه يتزوج ...

انتوا يالرجال إذا تزوجتوا تشوتون الحرمة الاولى مثل الكورة

وماتشوفون ولا تسمعون ولا تحسون الا بالثانيه

وكل الأمثلة الموجودةوالنماذج تدل على كذا

مهما قال بعدل ومابتغير الثانيه تلف عليه

الا نادرا

الاولى لها الهم ولها الدين ولها العصبيه ولها الحبسة وتربية العيال

والثانيه لها المال ولها الدلال ولها الفسح والهدايا

كثير كثير قصص من الواقع تحكي معاناة الزوجة الاولى

بوعلي
11-06-2007, 08:14 PM
رجل عن رجل يفرق يازه زه ...
واصابعج مب سوى ...
وبعدين اذا الاولى ماتجيب عيال ...
شلون بتربيهم ؟؟

دروب الحزن
11-06-2007, 10:25 PM
والله ع حسب زوجي أذا احبه ويحبني ومعززني ومكرمني ..

والله انسى الدنيا بمن فيها ولا يهمني لا عيال ولا غيره دام الله ما كتب لنا العيال ..

وطبعا كل امراه عندها كم هائل من الحنان فبعطيه كل حناني واهتمامي وبخليه البيبي مالي مو يقولون الرجال طفل كبير ؟؟ ..

والحب تضحيه أن ماضحيت له لمنو بضحي ؟؟!!! ..

وأنا متاكده مليون بالمئه انه لو كان مكاني بيسوني مثل ماسويت واكثر بعد ..

لجااك دقيقه بقربه تسوى عندي اطفال الدنيا كلهم :) ..

مشكوره يالغلا ع الموضوع ..

احساس الدوحة
12-06-2007, 12:20 AM
اختي دروب الحزن

ساعه بقرب الحبيب

تسوى الدنيا باللي فيها

بس بعد تحس الزوجه

ان هناك شي ناقص

يوم تشوف اثنين متزوجين

وعندهم طفل ينادي بابا وماما

تسلمين على ابداء الراي يالغلا

ام الزري
12-06-2007, 10:52 AM
:icecream:

احساس الدوحة
20-06-2007, 12:44 AM
اختي ام الزري

شنو افهم من هالايقونه ؟؟؟؟؟

خاطرج في ايس كريم هههه