المساعد الشخصي الرقمي

مشاهدة النسخة كاملة : قصيدة الجــــمـــس


مهستر@الله يستر
23-06-2007, 07:03 PM
الله على من صمّم الجمس تصميم
.....................بنغمة تطرب .... محلا صـداها

و شدّ به مـــاطــور مثبت بتحكـيم
.................من فوق الكــراسي .. تحته خفاها

أما القزاوز .... كنها مخـاصيم
..................متخالفة بالخلف ..... محلا غناها

و برّد الماطور .. بسود الخراطيم
................... تزرف من المـا ... داخل حشاها

و ضَبَط البساتن .... كيف تنظيم
................. و بعالي الهدّات ... راح و كسـاها

و عدّل أنواره .. فول(ن) معاديم
................ و حاسب من العـاليـة يعمي سناها

و بعـالي الكبّوت جيم(ن) قبل ميم
................و مقفولة بالسـين .. وكل(ن) قراها

سايقه ما همّه .. حكومة و تعميم
.................. بـايع(ن) روحه....... كنّه رمـاهـا

يقطع مسافات(ن) عنوة لأجل ريم
................... وإلا من الشدود .... درجه ملاها

خمس(ن) بالجيب و خمس(ن) مقاضيم
................... يلاعب النجمة ..وهي في هواهـا

أبو عيون(ن) حمر ...و إفهم يا فهيم
.................. الله يسـامح ناس(ن) راحت وراهـا

ما همّه من المركزخروج(ن) و تختيم
................عالي عراقيب(ن) غصب(ن) رقـاها

ربعه دايم ..........ناس(ن) مكاتيم
.................. تآخذ و تعطي ..... و تلقى عشاهـا

يا راعي البل ...و ركاب(ن) مخاطيم
.................دنّ لي جموس(ن) ..... تبلي بلاهـا

وارد " الجميح "......... كلها تلغيم
..................أبقطع مسافات(ن) ..بعيد(ن) مداها

بنصى هلي والقوم ... وبلقى مراسيم
..............وبشكي عن علوم(ن) محد(ن) دراهــا

يومي بذا الدنيا ..... هـايـم كما الغيم
.................أشرّق وأغرّب ...... وأنا في سماها

عادني صغير السن .. وأبغى تراميم
................ تلعب بي الأيام ......وأنا في رجــاهـا

وأكتم على همّي وأصبر على الضيم
..................خوف(ن) من العذّال ...تبلغ منـاهــا

كلّه سبب خل(ن) ينسى التعـاليـم
...................حتى حلو الأيام .... سجّ و نسـاهــا

يحملّني همومي و عظامي مهاشيم
...............و محد(ن) على كيفه.. حموله شراهـا

هذا القدر يا صاح ..و حنّا مخازيم
.................كل نفس(ن) بذا الدنيا.. تتبع قضاهـا

وأنا ولد عامر ...وإسمي إبراهيم
...................أدوّر العليا ....... مع من رقــاهــا

وأثني على فيصل بحر الصواريم
.................إليا من نوى دار(ن) ...شدّ و لقـاهـا

عسى العدا تفداه و تفدى معاديم
................و تشكي على هم(ن) و تشكي رداهـا

عسى الله ينوّر لي.. ليالي معاتيم
..................منها غدت عيني ..>. تشكي عماها

و دواي على الله ماهوب تطعيم
...............و يا ما جروح(ن) ......... ربي براهـا


وهذي قصيدة لها قصص ومهب قصة وحدة بتلقون بين الابيات بعض التلميحات

وبعض المغازي

ان تعصت عليكم المعاني

اسئلوا ولا يردكم إلا لسانكم



وقائل القصيدة واحد ينقال له إبراهيم ولد عامر مهب معروف لكن بين اهل هجرته وقبيلته ينعرف


وكان صاحب القصيدة يتغزل في بيكب جمس يملكها

وهذي القصيدة قديمة كتبت في بداية الثمانينات يوم كان الجمس اقوى المواتر

مهستر@الله يستر
23-06-2007, 07:12 PM
http://www.majaless.com/up/uploads/4f27fd60b9.jpg (http://www.majaless.com/up)

هدية لعيون


عشاق الجمس

عتيج
23-06-2007, 09:36 PM
عورت قلبي بهلقصيده

مهستر@الله يستر
23-06-2007, 11:00 PM
عورت قلبي بهلقصيده



سلامة قلبك


يا بعد شبببببببد ي



(( اوهو )) بتجيني ... المنسي

وبتقول


مجاملات ومغازلات


كخخخخخخخخخخخخخخ

بريق العيون
24-06-2007, 12:55 AM
مهستـر , شكلك بتفتح معرض سيارات قريبا .............

يوم جايب لنا نيسان , ويوم جايب جمس ,

الله يستر هالمرة شنو ؟؟؟ :bounce:

مهستر@الله يستر
24-06-2007, 01:16 AM
مهستـر , شكلك بتفتح معرض سيارات قريبا .............

يوم جايب لنا نيسان , ويوم جايب جمس ,

الله يستر هالمرة شنو ؟؟؟ :bounce:


هيييييييييييييييييييييييه

هالقصيدة اللي عن الجمس


فيها معاني تعدت الجمس بمراحل


لكن تحتاج من يدقق فيها ويفهمها


باعطيج مثال فقط





يومي بذا الدنيا ..... هـايـم كما الغيم
.................أشرّق وأغرّب ...... وأنا في سماها

عادني صغير السن .. وأبغى تراميم
................ تلعب بي الأيام ......وأنا في رجــاهـا

وأكتم على همّي وأصبر على الضيم
..................خوف(ن) من العذّال ...تبلغ منـاهــا

كلّه سبب خل(ن) ينسى التعـاليـم
...................حتى حلو الأيام .... سجّ و نسـاهــا

يحملّني همومي و عظامي مهاشيم
...............و محد(ن) على كيفه.. حموله شراهـا

هذا القدر يا صاح ..و حنّا مخازيم
.................كل نفس(ن) بذا الدنيا.. تتبع قضاهـا

بريق العيون
24-06-2007, 01:23 AM
هيييييييييييييييييييييييه

هالقصيدة اللي عن الجمس


فيها معاني تعدت الجمس بمراحل


لكن تحتاج من يدقق فيها ويفهمها


باعطيج مثال فقط





يومي بذا الدنيا ..... هـايـم كما الغيم
.................أشرّق وأغرّب ...... وأنا في سماها

عادني صغير السن .. وأبغى تراميم
................ تلعب بي الأيام ......وأنا في رجــاهـا

وأكتم على همّي وأصبر على الضيم
..................خوف(ن) من العذّال ...تبلغ منـاهــا

كلّه سبب خل(ن) ينسى التعـاليـم
...................حتى حلو الأيام .... سجّ و نسـاهــا

يحملّني همومي و عظامي مهاشيم
...............و محد(ن) على كيفه.. حموله شراهـا

هذا القدر يا صاح ..و حنّا مخازيم
.................كل نفس(ن) بذا الدنيا.. تتبع قضاهـا


الله الله ,

ما اقدر اعلق من بعد هالابياات

صح الله لسانك ...

مهستر@الله يستر
24-06-2007, 01:29 AM
الله الله ,

ما اقدر اعلق من بعد هالابياات

صح الله لسانك ...


ترى الناس

ما قامت تشعر وتمدح في المواتر

وتعتبرها الخل الوفي

إلا بعد ما افقدت الامل

في البشر

وبو سلمان صادق لما قال

القصيدة تعور القلب

:asd:

الجوهرة
24-06-2007, 12:15 PM
قصيدة بعيدة عن الرومانسية كلش.....!!!

خلك على المواتر يوم نيسان ويوم جمس.....!!!

مهستر@الله يستر
24-06-2007, 01:48 PM
ليش ... تفتكرين السيارات


ما عندها مشاعر


هذي رومنسية في حق السيارات


كخخخخخخخخخخخخخخخخ

الشقردي
24-06-2007, 02:12 PM
صح لسان الشاعر الشريطي

مهستر@الله يستر
24-06-2007, 05:15 PM
صح لسان الشاعر الشريطي


كخخخخخخخخخخخخخخخخخخخخخخخ

اعجبتني

الشاعر الشريطي


كخخخخخخخخخ

وهم


كخخخخخخخخخخخخخخخخ