المساعد الشخصي الرقمي

مشاهدة النسخة كاملة : شــاعــر الأنســانيه" الأمير عبدالرحمن بن مسـاعد "


لمسة عطر
25-06-2007, 08:18 PM
http://www.majaless.com/up/uploads/1eaee8379a.gif (http://www.majaless.com/up)


""شـــــــاعر الأنســـانيه""
الامير عبدالرحمن بن مساعد

http://www.majaless.com/up/uploads/d843f6802e.jpg (http://www.majaless.com/up)

عرف بشاعر الانسانيه
الشاعر عبدالرحمن بن مساعد فنان حساس
آخر شيء فيه لقب الأمير .. واول شيء فيه لقب الشاعر .
وأستغرب ان يكون في شعره مذاق الحكمه..
واستغرب نبع هذا العطاء الذي يملكه ..
والاغرب من هذا انه لم يعش تجارب كثيره لينظر للحياه هذه النظره.
وقصائده أشعر في بعض الاحوال انها اشبه ما تكون بنوع من الشد و الجميل.

الشاعر عبدالرحمن بن مساعد
بموهبته استطاع ان يمزج بين الوعي والذكاء واهم شيء السخريه.
عبدالرحمن بن مساعد
متمكن من فنه متمكن من أدواته .. واللغه طيّعه بين شفتيه.

كتب العديد من القصائد
الوطنيه
و العاطفيه
و السياسيه
و الاجتماعيه..

كتب عن
يوميات الانساان البسيط
فتحدث عن الفقر
وعن الوداع والالم..

تغنى له العديد من المطربين
من كافة انحاء الوطن العربي
مثل
أصاله نصري, طلال مداح,محمد عبده
كاظم الساهر,نبيل شعيل,رابح صقر
وعبادي الجوهر

كما أقام العديد من الأمسيات
في دول الخليج وفي مصر
و تعرف أمسياته بأنها من أروع الامسيات
لما لها من طابع مميز وروح خاصه
تتسم بالفكااهه والمرح

ومن العبارات التي قيلت في امسياته:

أمسيات الأمير عبدالرحمن بن مساعد أمسيات غير تقليدية
، حضور كثيف, تفاعل صاخب
الشاعر/ رشيد الدهام.


وهاهو اميرنا المبدع الشاعر عبد الرحمن بن مساعد
وهو يعرف عن نفسه ببساطه تامه:

عرفت أنني ولدت في باريس . وباريس مازال لها مكانة خاصة لدى عبدالرحمن بن مساعد . في السنة الأولى من الولادة بعد شهرين تقريبا .. انتقلت مع العائلة إلى بيروت .
وفي هذا المكان اختزنت الكثير من الذكريات . أذكر جيدا أننا سكنا أنا و أبي و أمي و أخوتي في شقة متوسطة المستوى والحجم . هذا المكان يشحن الذاكرة بالكثير من البدايات وأطياف الطفولة .

بدأت المرحلة الدراسية , انتظمت في مدرسة تعتمد في تعليمها الأساسي على الجانب الإسلامي , والدي كان ومازال يهمه
هذا ولم يكتف والدي أطال الله في عمره بالاعتماد على المدرسة ,
بل أخذ يدرسنا الدين الإسلامي بكثافة الجانب , يهمه أن ينمي فينا الجانب الديني , ويعتبره عمود العلم .
حفظت القران صغيرا , وأفادني ذلك كثير , في ثقافتي وفي تربيتي , ولغتي وكذلك أخوتي .

وأكبر تحوّل حدث في حياتي بعد الانتقال هو اكتشافي أنني (أمير) ,
لم يخطر في بالي يوما من قبل أن أكون في مثل هذه المكانة الاجتماعية , فالحياة التي عشتها سابقا تخلو من المميزات .

ولكن اكتشافي أنني أمير لم يخلّ باتزاني , ولم يدفعني لاستخدام صلاحيات لم تكن متوفرة لدي , فأنا أساسا عشت حياة بسيطة لم أحب أن أفرط بها , ولم أضغط على نفسي لأتعامل مع الآخرين برسمية أو تكلف , تمسكت بحياتي السابقة, وتعلمت الاندماج بالآخرين أفضل من الابتعاد عنهم بحجة الوجاهة أو الاحتفاظ بالمنصب, أو القيمة الاجتماعية ..
فالقيمة وجدتها ترتفع وتزداد كلما اقتربت من الناس, وفي الرياض كان الاحترام واضحا لمكانة الإنسان الاجتماعية.

في طفولتي أحببت القراءة, قرأت ديوان المتنبي, وأبي كان حريصا على تنمية هذا الجانب, درسنا القرآن وحفظته, كذلك تفسير ابن كثير والتاج والأحاديث .. هذه مسلمات في القراءة لابد منها, ويكون التنويع في المجالات الأخرى. وفي رمضان خاصة تزداد قراءة القران بتشجيع من الوالد.

وبعد القرآن, بدأ اهتمامي الشديد بالشعر, بدءا بالمتنبي الذي حفظت الكثير من أشعاره فأصبحت أقرأ كل ما يقع تحت يدي.

وعندما بلغ عمري السابعة عشر, بدأت القصائد الشعبية تشدني.عرفتها من خلال الأغاني,
كانت ثقافتي عربية أكثر منها خليجية, في الأغنية لا أسمع إلا أم كلثوم وعبدالوهاب وفيروز .. ولكن قصائد بدر بن عبدالمحسن شدتني,
فبدأت أتابع له بكثافة, لم يكن له ديوان ولكنني أقرأ كل ما ينشره.بدر بن عبدالمحسن بالنسبة لي شيء عظيم, وهو الذي دفعني للكتابة,
رغم أنني كنت أكتب بالفصحى, وأول قصيدة كتبتها بالفصحى عرضتها على مدرس العربي, فقال لي : إن معانيها جيدة, لكنها غير موزونة.

كان الوزن عائقا أمامي, لكنني تجاوزته, لأنني أملك أذنا موسيقية تكشف الخلل, فالموسيقى موجودة في حياتي بشكل أو بآخر,
فأي وزن أحفظه أتمكن منه, وإن كان عندي قناعة أن الشعر هو فكر أكثر من وزن, لذلك لم يعد الوزن هو همي في الكتابة.

أتذكر أن التحول من كتابة الفصيح إلى العامي بدأ عندما أحببت لأول مرة, أحسست أن التي أحبها لن تفهم الفصيح ..

لكن هناك شيئا غريبا .. هو أنني لا أذكر متى خفق قلبي لأول مرة, ولمن ؟
لا أعرف من هي أول حبيبة في حياتي .. تخيلوا ؟!
ربما لأنني كنت أحب الحالة نفسها, وليس المرأة, ربما كنت أرغب أن أكون معذبا, فكانت البداية من هذا المنطق, وشعرت أنني يوما سأكون شاعرا جيدا.

استمريت في كتابة القصائد العامية ..
حتى عرفني الجمهور من خلاله ..
من قصائد الامير عبدالرحمن بن مساعد

:


:


:

http://www.shooq4.com/up/uploads/c4ea41c034.gif (http://www.shooq4.com/up)

لمسة عطر
25-06-2007, 08:19 PM
فقيــر

فــقـيـر وعــنـدي الــمـال iiالـكـثـير

فــقـيـر ومـلـبـسي غــالـي iiحــريـر

ويــاصـاحـبـي الــحـافـي الـفـقـيـر

ابـنـشـدك ابـسـئـلك وشـهـو iiالـحـصير

وابـسـئلك وشـلـون انــا امــر iiوانـهـي

واذا حـكـيت قـبـل انـتـهي مــن iiكـلمتي

يــقــالـلـي ســـــم iiويــصــيـر

ولاشـكـيت مــن غـفـلتي طــول iiزمـنها

يـقـاللي لاتـشتكي مـاخلقت الـشكوى iiلأمـير

وابـسـئـلك وشـلـون انــا مــع كــل iiذا

!!!اقـــول عـــن نـفـسـي iiفـقـيـر؟؟؟

يـاصـاحـبي لاصـــار لـضـحكه iiثـمـن

وصـــارو اصـحـابـي كـثـيربس بـثـمن

والــوفـاء مــابـه وفـــاء الا iiبـثـمـن

ابــسـئـلـك مـــانــي فــقـيـر ii؟؟؟

ولاصـــــارت اقـــوالــي iiحــكــم

ولاقـالـها غـيـري غــدت .. حـكي iiقـديم

ابــسـئـلـك مـــانــي iiفــقــيـر؟؟

ولاصــــرت انــــا مـانـيـب iiانـــا

ولاغلطت قالو صحيح وكل شي اعمله يصبح عظيم

ابـسـئـلك يـاصـاحـبي مــانـي iiفـقـير؟

ويـاصـاحبي ابـنـشدك لـمن جـفتني دنـيتي

وابـتـدا الـدرب الـطويل الـى ابـد iiمـاينتهي

وانـتهي الـعز الـقديم ومـاكنت اظـنه يـنتهي

والـموت بـدد فرحتي .. وحطوني في قبر iiصغير

وحـزنو عـلي وبـكو هلي وناس من ربعي قليل

وارتــــاح مــــن وجــهـي iiكـثـيـر

وبـقـيت وحــدي فـي حـيرتي مـابه iiاحـد

لاطـــال عــمـرك ولاتــحـت iiامــرك

مـاغير انـا وخـوف ولحد وحساب قدامي iiعسير

وقـتـهـا ذكـــرت انــي مــن iiزمــان

يــــوم انــــه امـهـلـني iiالــزمـان

هــذا ظـلـمت هــذا جـرحت يـاما كـذبت

وذنـــوبــي مــاتـحـصـي iiكــثـيـر

وقـتـهـا الا نــدمـت ونـفـسي iiكـرهـت

عـرفت ان الله كـبير وان الـهلاك اصـبح iiاكيد

وانـي انـا مـالي رجـاء..ولاهروب من iiالدجاء

مــن الـجـحيم الا بـأمـل عـنـدي iiوحـيد

ان الله غــــفــــار iiورحــــيــــم

ابـسـئلك يـاصـاحبي عـنـي فــي iiوقـتها

مـــــانـــــي iiفـــقـــيـــر؟؟؟

لمسة عطر
25-06-2007, 08:21 PM
اسألو دمي

اسألوا دمي .. وسعادتي وهمي

اسألوا التوفيق ..

والكدر والضيق

اسألوا الطيب في صفاتي ..

والدعاء اللي في صلاتي

واسألوا شهودي ..

الدموع اللي في سجودي

اسألوهم .. واسألوا دمي ..

عن غلا أمي



مردخاي


سمعتوا قصة مردخاي .. ؟!
من زمان قالوا لخوكم مردخاي
" مردخاي هذا زمانك جاي "
شفت هالخوان قاتلهم .. خذ أرضهم .. اهدم منازل بعضهم .. وشردهم
غيّر معالم ارضهم . .واطمس ملامحهم ..فرّقهم وتصير سيّدهم !!
وامسك بتلمودك ودينك .. وبعّثر مبادئهم
وبعد ماتزرع بذور الحقد فيما بينهم .. وتحصد مشاعرهم
قد ماتقدر حيّد اكبرهم .. رد له كامل حقوقه
واعزف على اوتار فرقتهم
واضرب أغناهم بـ افقرهم
حاربهم بهم .. واشعل معاركهم
وبعد مايستنزفوا قوة بعض ..
خذ مابقى منهم .. وفاوضهم
فاوضهم على الفتات ..
واذا عطوك حق الفتات .. رجّع لهم ربعه
وسالمهم
هذي قصة مردخاي سيد الزمان الجاي
عاجبكم ؟!

لمسة عطر
25-06-2007, 08:21 PM
عجب عُجاب


طيبة قلبها أبيض سحاب
أخلاقها مامثلها .. أخلاقها
أخلاقها تنتظر عشاقها
ومايجون .. !!
ياهي جريحة .. طيبة .. لكن قبيحة
عجب عجاب
وسيم أنيق شاب .. كسبه حلال مشروع ماجرّب الجوع
ناجح مركزه مرموق
ورغم هذا الحزن ساكن عيونه
ماتت امه .. وحبيبته كانت تخونه
عجب عُجاب
كثر الفقر ماله
كل ٍ يبي قربه ورضاه
رغباته قوانين وزلاته صواب
الناس حوله من شمال ومن يمين
يأمر .. يطاع
الدول تحسب حسابه
والكل يخشاه ويهابه
لكن مريض ياعذابه
ممنوع ياكل لو أكل جايز يموت
عجب عُجاب
مرتاح الضمير لاسرق .. لاظلم .. لاحسد
عنده قليل أصحاب
قلبه كبير .. بيته صغير
والمرض عن صحته بعيد
عنده ثلاث اطفال
أحمد وإيمان ويزيد .. وامهم
وكثر السماء يحبهم
لكن فقير مالقا لصوته مسامع
مايملك الا طيبته وملح المدامع
ولو مادفع مبلغ حقير
ينطرد هو والعيال وامهم في الشوارع
عجب عُجاب
عبقري في الطب ملحد
عجب عُجاب
شاعر عظيم داخله فارغ
عجب عُجاب
أمير كذاب
عجب عُجاب
ملايين البشر .. تعبد بقر
عجب عُجاب
ماتصلي فرضها .. وتلبس حجاب
ياصاحبي عطني يقينك والظنون
من ودك تكون ؟!

لمسة عطر
25-06-2007, 08:22 PM
الــبــرواز


قـــلــتــيــلــي iiانــــــســـــى

ومــن يـومـها وانـا كـل لـيلة..قدامي الـبرواز

حـبـر الـعـيون ودمــع الـقـلم.. فـي دفـتري

وصورتك..رغم الألم..ورغم انها خذت من اطباعك كثير

وخــانـت الـبـرواز..اشـوفها فــي خاطري

حــبـيـبـتـي مــابــيــدي حــيــلــة

لاصــرتــي الـصـورة..وعـيوني الــبـرواز

وشــــــلـــــون ابــــنـــســـى

**********

اتــعــبـتـي الـــصــوره iiمــشــاويـر

وتـعـبـت انـــا بـلـقـى لـغـدرك iiمـعـاذير

وصـورتك الـلي سـجنت بـروازها طـول iiالسنين..

كــانــت جــســد وبــروازهـا iiالـــروح

ويــوم انـزعت مـنها الـجسد..تجرحت iiاطـرافها

وبــجــروحـهـا راحـــــت iiلــمــيـن؟

لــــبـــروازهـــا الـــثـــانـــي!!

مـسـكـيـن..بـيسجنك ويــبـقـى iiســجـيـن

مــــــســــــكــــــيــــــن

تــشــبــهــلـك iiاقــداره..خــانــتــه

وصــورتــك يــجــي يـــوم وتـخـونـه

حـبـيـبـتـي..أو لـــلأســف iiحـبـيـبـتـه

لاصــرتــي الـصـورة..وجـفونه iiالــبـرواز

وشــــــلـــــون iiيــــنـــســـى


********

حـبـيبتي لـجـل أنـسى جـرحك iiواسـتريح..ببكي

وبــــعـــد الــبــكــى ..بــبــكــي

وأكـيـد فــي لـحـظة بـتـجي..وبيجف iiدمـعي

وعـنـدهـا صــورتـك الـلـي فــي عـيـوني

بــتـمـوت مــــن ظــلــم iiالـعـطـش..

بـــروازهـــا بــيــصـبـح iiنـــعــش

وبـتمرني الدمعة الأخيرة ...تاخذ معاها صورتك iiوطيح

وكـني بـالمسافة تـطول مابين عيني..ودمعتي..وخدي

وكــنــي بـقـلـبـي الـحـايـر iiالـمـسـكين

نـبـضه يـقول لا تـودع الـفرقى الـدمع iiمـايرقى

وعـنـدها لانـزلـت الـدمـعة لـمـثواها iiالأخـير

وفـــــارقـــــت iiوجـــــهـــــي

بــغـمـض عـيـونـي..واكـسر iiالــبــرواز

وانــــــــــــســــــــــــى

لمسة عطر
25-06-2007, 08:23 PM
....أحبك يا بلادي....

أكثر من ريبة الفقراء ..

من ثري ٍ يجوب أشد شوارع المدينة فقرا

أكثر من حماقة الطغاة

إن هم صدّقوا كل المديح .. شعرا كان أم نثرا

أكثر من ظلم بعضهم .. عندما يغتال من قوت الحصار

لكي يبني قصرا

أكثر من دعاء بعضهم على بعضهم

فجرا كان ذلك ام عصرا

أكثر من انحناء هاماتهم إذا مر

وشتائمهم إذا أدبر

أكثر من فضول المتسكعين ..

إذا رأوا تجمهرا لاثنين أو أكثر

أكثر من نبل الملوك

وفضاضة العسكر

أكثر من نشوة الانتصار .. وقلق الهروب

وتلفت الخائفين

أكثر من صبر النساء .. وشماتة الأعداء

وهم الأغنياء .. ومن حقد الحاقدين في الأنحاء

والأرجاء

أكثر من استعمالنا لكلمة يقولون .. ومن تكيّف القانون

وممن جعلوا الدين كالثياب

أكثر ممن يبيعون المنابر .. ويشترون ذمم الكتاب

أكثر من كذب الشعراء .. وعظام المقابر

أكثر من تنهد السجناء .. وغموض المشاعر

أكثر من أنبائنا المحلية

وافتراءات منظمة العفن الدولية

أكثر من كل المظلومين صبرا

أكثر من كل المحرومين قهرا

أكثر من كل اللئام .. وسذاجة الإعلام

أحبك يا بلادي .. طوعا كان ذلك أم قصرا

لمسة عطر
25-06-2007, 08:24 PM
شبيه الريح

شبية الريح
وش باقي من الآلام
والتجريح
وش باقي من الأحلام
وش باقي من الأوهام
غير اني .. الاقي في هجيرك فيّ
الاقي في ظلامك ضيّ
واوقد شمعتي في الريح
شبية الريح
اذا تسمح بغيب شوي
ابجمع همي الباقي
وادفن صبري الذابل في أوراقي
و برجع لك اذا باقي بنفسك شي

شبية الريح
أنا مقدر أكدر صفوك العاصف
شبية الريح
أنا من لي سوى إحساسك الجارف
بقايا زيف أشواقي
سما أمطار أحداقي
شبية الريح وش باقي
ابي أعرف
متى تسكن رياحك
وابي أعرف
غرورك هو متى يطلق سراحك
وابي أعرف
متى تعصف
متى تعطف
متى تنزف جراحك
وابي أعرف
إذا باقي في بحرك موج اكسر فيه مجدافي
وابي أعرف
إذا باقي في همك هم ماشالته أكتافي
وابي أعرف
إذا باقي في هالدنيا حزن مامرني واستوطن أطرافي
وابي أعرف
إذا باقي من المعجز في هالدنيا
سوى العنقاء
والا الغول
والا خلك الوافي
بقايا زيف أشواقي
سما أمطار أحداقي
شبية الريح وش باقي ؟!

سنيني يم
وقلبي المركب المتعب وانت الريح
مجاديفي عذاب وهم
وزادي الوجد والتبريح
وصبري صبر بحّارة
بغوا في اليم محّارة
غشاهم موج كان من الغضب أغضب
وكانوا للهلاك أقرب
لولا كثروا التسبيح
شبية الريح
حبيبي الأصدق الأكذب
عجزت اوصل شواطي طبعك الأعذب
تعبت أنطر في وسط العاصفة
قلب وشعور وعاطفة
تعبت أجمع ألم كل الموادع
في المواني وأحضن أطيافك
تعبت السهد في ليل الشوارع
والثواني تنطر انصافك
تعبت الظلم واجحافك
شبية الريح
أنا ودي أكدر صفوك العاصف
شبية الريح
أنا كني نسيت إحساسك الجارف
بقايا زيف أشواقي
سما أمطار أحداقي
شبية الريح
كيف أسألك : وش باقي ؟
وأنا الباقي من إحساسي
ذرته الريح

لمسة عطر
25-06-2007, 08:24 PM
ماهو عادي

كان هالليلة بهاكي ماهو عادي
كنتي انتي
وانتي لمّا تكوني انتي
ماهو عادي
كنتي إعجاز وسحرر
كنتي دنيا من طهر
كان نورك في جبين الكون بادي
كان في صمتك طرب
كان في عيونك شغب
كان حسنك للحسن يرسي مبادي
كنتي في أجمل حضورك
كنتي في أعدل غرورك
ولمّا طافتبي عيونك
واستقرت في فؤادي
كنت أنا اتخيلك
وكنت أنا أتأملك
كنت أنا أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي


آه لو باكر لأمسي يلتجي
يترك الليلة ليالي ومايجي
آه أنا من غدر باكر كم أخاف
ياخذك مني وأنا لقلبي شغاف
حزنها في غيبتك مر وشجي
آه أنا من غيرك أنتي وش وجودي ؟
آه أنا كم أبي باكر لو تعودي
آه من ذكرى بتشعلبي سهادي
لمّا كنت أتأملك
ولمّا كنت أتخيلك
لمّا كنت أتأملك وأتخيلك
وأنتي معي
والكون هادي
كان إحساسي مهيب
كنت أحس اني مهاجر أو غريب
وانتي ياعمري بلادي

يا ملاذي ومنتهاي وأولي
إيه أحبك فوق ماتتخيلي
ليت أنا يا بعد قلبي لي قلوب
لجل مافي كل لحظة بك أذوب
كل إجاباتك أنا
لا تسألي
ما أبي شمسك يواريها مغيب
لو جروحي منك
مادودي تطيب
ياللي سعدك منتهى غاية مرادي
آه كم أشتاقلك
آه كم أحتاجلك
آه كم أشتاقلك وأحتاجلك
في القرب والا في بعادي

أنتي إحساسي الأكيد
وأنتي دمي اللي بيجري
في الوريد
أنتي ياعمري بلادي

لمسة عطر
25-06-2007, 08:25 PM
البحـــــــــر

على مدى الأيام .. كان البحر بالنسبة لي
هو البحر
رمل .. أمواج .. صخر
كان البحر بالنسبة لي بس البحر
وعلى مدى الأيام ماقد لمس فيني المشاعر
الا ذاك اليوم .. يوم انك معي
يومها كان الوداع
وكان البحر دفتر والموج بيت من شعر
وبيتٍ ورى بيت .. وموجه ورى موجه
تكتب قصيدة حبنا
وتمحي الجراح بجراح
ومثل الفرح في دنيتي كان الفجر
عمره قصير .. وبكل حب اهدا نسيمه وراح
وتشرق الشمس .. لجل الخلايق كلها تقرا
قصيدة حبنا
ويومها ماكان للشمس اي نور
وبعض السبب كان الوداع
وباقي السبب انتي خذيتي .. من سماها النور
ولجل الصدق .. يومها كنتي انتي الشمس
وكان البحر عينك .. وادموعك امواج الشعر
وخدك الدفتر
آه يا اللقى ماخذت من طبع البحر
ما للبحر آخر
آه يالفراق .. ماخذت من ذوق الفجر
يمرنا عابر
وآه يالعيون اللى انا منها عرفت
ان البحر دفتر وان القصيد امواج
وإن الغرام شاعر
ياعذبة الخد
يا عذبة الخد ياللي اشتاك الصد
اليوم عيدك ..
لا .. انتي عيد اليوم
ياللي عذابي فيك اكثر من سنينك
تصدقي اني في عيدك مادري وش اهديك
اتعبني الأرق باهديك شي مثلك
قالوا لي ورد واتعبني الأرق
قالوا اكيد أرق شي الورد
قلت الاكيد ان انتي أرق
في حل وحيد ..
لو تسمحي لي فيه ..
اهديك انا للورد

لمسة عطر
25-06-2007, 08:27 PM
قالت أحبك

قالت احبك
واحضنتي ثم ٍ قالت من انت ؟؟
وضحكت .. ثم ٍ بكت
ثم ٍ حكت .. ثم ٍ سكتت
ثم ٍ قالت لي من انت !!

اللي جرى .. ماهو غريب
الزمن فعله .. عجيب
نسّاها اسمي ..
نسّاها حبي ..
نسّاها دمعي ..
في يوم انا ..
في احضانها طفل وحبيب !!

ياهي جرحتني .. يوم نكرتني
حاولت اداري عبرتي .. بس ماقويت
خانتي دموعي .. وبكيت
وبعدت عنها واتبعتني وامسكت يدي
واحضنتي ومسحت دمعتي من فوق خدي
رجعت البسمه لشفاي
نسيت انا همّي وشقاي
صرخت للدرب الطويل
لا مانستني .. مستحيل
الزمن او اي شي ..
يقدر يقسيها علي
يقدر ينسيها هواي
وفجاءه سكتت
ثم ٍ ضحكت
ثم ٍ قالت لي من انت ؟



عيونك

عيونك آخر آمالي وليلي اطول من iiاليم
كيف ألقى كلامٍ عذب يوصف دافي iiاحساسي

عشقتك قبل ما اشوفك وشفتك صرت كلي iiحلم
ابي رمشك يغطيني وابيك اقرب من انفاسي

يهمك تعرفي انك قتلتي في سنيني iiالهم
قتلني ضحكك وجدك قتلني لينك القاسي

رميت اقداري في دربك وصرتي في عروقي iiالدم
احبك كثر ماسالت دموع وما نسى iiناسي

يجول الحزن في ضلوعي بردت وذاب فيني العظم
و يا كثر الحطب حولي وعندك انكسر iiفاسي

سألتك بالذي زانك تحبي فيني حتى iiالظلم
تحبي عيوبي وغدري تحبي المر في iiكاسي

انا من كثر ما احبك ابيك كثر رمل iiاليم
وابيك فوق الناس وابي ماينحني iiراسي




قالوا ترى


قالوا ترى مالك امل في قربها لو iiيوم
ابعد وجنّب دربها .. هذا هو iiالمقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم
قالوا ترى في حبها ويل .. وأسى .. و هموم
قلت ان قتلني حبها .. حسبي تقول iiمرحوم
قالوا انسى ذكرها .. منتب بها iiملزوم
قلت ابشروا ياعذلين .. بنسى لذيذ iiالنوم
قالوا بتلقى غيرها .. واترك هواها اليوم
قلت العفو ياحسدين .. ما ابدل قمر iiبنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير iiمحروم
بقضي الليالي انتظر .. صابر على iiالمقسوم
متعلق بطرف الأمل .. يمكن يجيني iiنوم
قالوا ترى مالك امل .. في حبها لو iiيوم
ابعد وجنب دربها .. وهذا هو المقسوم

الجوهرة
25-06-2007, 08:27 PM
تسلمين على هذا التقرير الوافي....!!!

لكن شعره ما يعجبني...!!!

مهستر@الله يستر
25-06-2007, 08:27 PM
بدعتي ... بدعتي


يالفراشــــــــــــــــــــــــــــــة


:003:


:4s2j9s (17):

لمسة عطر
25-06-2007, 08:27 PM
بس معك

بفارق فراقك وباخنق عبرتي
واجرح اضمادي واسافر لك معك

بشد للماضي واقدم ساعتي
واعاند اعنادي واقودك واتبعك

باجامل احزاني واجافي فرحتي
واعادي خلاني واحبك واخدعك

بصير انا طبعك وانتي طيبتي
وبيحزنك ضحكي..وهلي بمدمعك

بسامر دموعي واعزي ضحكتي
وبهدي انا ضلالي..ضلال ياسعك

بلبس انا ذلك.. وقيسي عزتي
وبتصيري ذنوبي وخيري بيطبعك

باحارب في ضعفي وافر في قوتي
والى رضختيلي لموتي بادفعك

ولجل القاء بارحل وتمضي رحلتي
والى حصل شوفك بكون مودعك

اببعد واوصلك وبسبق خطوتي
وبانثرك فيني وانسى اجمعك

بضم أنا هجرك في قربك وحدتي
وتدلك عيوني وقلبي مضيعك

واذا اضلمت دنياي بطفي شمعتي
واذا كثر زادي بجوع وبشبعك

شردتي رقادي وسمعتي نضرتي
وغمضت أنا عيوني لجل ما اسمعك

صرخت في سكوتي ولمستي صرختي
وقربتي وجهك لي لجل ما اصفعك

عند الحزن تثقل خطاكي دنيتي
وعند الفرح قالت خطاكي مسرعك

قصيدتي يكفي..غبية كذبتي
حبيبتي آسف بخونك ..بس معك

لمسة عطر
25-06-2007, 08:28 PM
تعتبر قصيدة تعالي من القصائد القديمة لسمو الأمير
والأغنية الوحيدة التي تغنى بها الفنان الراحل طلال مداح

القى الشاعر هذه القصيدة في أمسية الكويت 1415هـ

تعالي

تعالي مابقى حولي .. سوى ظلي وبُعدك
بَعدك ألهب أيامي أنا قيض الملل
في بُعدك ضاع من ليلي الدفى والأمل
غدت متشابها الأيام .. تلاشى النوم والأحلام
أنا لحالي .. تعالي

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبُعدك

ماغدى للشمس معنى .. من تركتي ..
سوى القيض
وماغدى لليل معنى .. من هجرتي ..
الا الكدر والغيض
وماغدى للأجوبة في خاطري .. الا سؤال !
ليه .. ليـــــــــه ؟!

يالأمان اللي أبيه ..
في غيبتك .. مابه ربيع و ورد
يالأمان اللي أبيه ..
في غيبتك مافي العمر الا الشتا والبرد

من رحلتي .. مابقى في مسمعي الا بُكى الريح
ومابقابي من البُكى .. سوى قلب ٍ جريح
ومابقى حولي أحد يسمع سؤالي ..
من فيني يبالي ؟؟؟
من غيرك في بالي ؟؟

تعالي .. مالقيت أصحاب
يحلف لك .. أنين الباب
انه مابقى حولي .. سوى ظلي وبعدك

تعالي ... تعالي
ضاعت الأحلام ..
وماظني بلاقيها لحالي ..
تعالي .. نبعد الألام من حولك .. وحولي
تعالي ..

لجل حربي مع الغربة .. مع الوحدة ..
أبيلي سلاح حبك ..
لجل حربي مع اللي جاي
بلاقي قوتي في ضعفك
لجل حربي مع نفسي ..
أبيلي سلاح منك
أبيك انتي .. تعالي
أبيك انتي .. تعالي

باكر أجمل .. من خيالك
أو خيالي

تعالي .. وان لقيت أصحاب ..
مايسكت أنيين الباب ..
الا لو لقى حولي دفى حبي وحبك
تعالي

لمسة عطر
25-06-2007, 08:29 PM
تسلم عيوني

ياطيب حظي كان انا حلم دنياك
ياللي تقول اني أمانك وخوفك


تحبني؟ ..أدري حكالي محيّاك
رعشة يدينك وارتباكة حروفك


ياللي الوفا هو بعض أصغر مزاياك
حملي ثقيل ووافياتٍ كتوفك


تشيل همي دوم كنّي أنا اياك
صارت ظروفي مو ظروفي ..ظروفك


إن جيت ابحكي عن بهاك وسجاياك
كيف اوفي أخلاقك وباهر وصوفك


وان جيت الاقي لك خطايا خطاياك
أطيب قلوب الخلق ساكن بجوفك


وشلون ما احبك وهذي سواياك؟!
وشلون ما أهديك عمري فكفوفك؟!


ياقلب قلبي وش حياتي بلياك؟!
تسلم عيوني دامها هي تشوفك






قصيدة كتبها شاعرنا في حرمه الأميرة البندري بنت هذلول بن عبدالعزيز ال سعود .
ألقيت هذه القصيدة لأول مرة في أمسية البحرين 1995

الوداع

الا يا قلب نبضي ..
يا سما دمي ووجداني
فمان اللي عطاكي كل طهر الأرض ..
أنا ماشي ..
هذا كان اخر مانطق قلبي ..
وأول نبض في لساني
وتلاشى النطق ..
وعصر حزن الوداع اللي حضر قلبك دموع ..
بكت ادفى دموع الخلق ..
وسرى في داخلي برد الخشوع
وغير العطر ودموعك وجرحي من وداعك ..
مابقالي ..
استعفر اللي صورك مما طرالي
طرالي يادفى عمري..
وياترحالي وحلي
ارشف دمعك الطاهر .. واغسلبه واصلي
واحمد ربي اللي بك حباني
الا يا ام اجمل من سكن قلبي
ويا داري وعنواني
فمان اللي عطاكي كل طهر الأرض ..
أنا ماشي

لمسة عطر
25-06-2007, 08:30 PM
النظرة الخجولهـ

أٌلقى شاعرنا هذه القصيدة لأول مرة في أمسية جدة عام 1999م

ما سألتوا صاحب النظرة iiالخجولة كيف يسهرني وله وجهٍ iiصبوح
كيف يظلمني وله طهر iiالطفولة كيف يسكنّي وهو دايم iiيروح
وكيف أنا ألقى ربيعه في iiفصوله دام كذبه صادق وصدقه مزوح
له صفاتٍ تورد العاشق ذهوله مستكين و صامت وكله iiجموح
أصعب الأشياء و أكثرها iiسهولة أغمض الأشياء و أكثرها وضوح
سهل تغرم به وصعب انك iiتنوله غامض فـ طبعه و واضح في الجروح
أسعد بشوفه ولكن ما iiأطوله كنّي الوادي وهو أعلى iiالسفوح
يبتسم لا منهم عنّي حكوا له ولا حكوا لي عنه أعماقي iiتنوح
لي بقلبه شي لكن ما iiيقوله وله بقلبي كلّ لكنّي iiأبوح
كنّه الغيمة و انا أرجي هطوله ما نزل غيثه ولا برقه iiيلوح
ما عرفتوا ليه تسهرني iiفعوله وليه يسكنّي وهو دايم iiيروح
هو يبيني بسّ أطباعه iiخجوله وما يبي أغفى وهو وجهه iiصبوح

لمسة عطر
25-06-2007, 08:31 PM
الحرامـــــــي


إحترامي .. للحرامي !!
صاحب المجد العصامي ..
صبر مع حنكة وحيطة ..
وابتدا بسرقة بسيطة ..
وبعدها سرقة بسيطة ..
وبعدها تَعدى محيطه ..
وصار في الصف الأمامي .. !
احترامي .. للحرامي .. !!

احترامي .. للحرامي ..
صاحب المجد العصامي ..
صاحب النفس العفيفة ..
صاحب اليد النظيفة ..
جاب هالثروة المخيفة ..
من معاشه في الوظيفة ..
وصار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي..
يولي تطبيق النظام ..
أولوية واهتمام ..
ما يقرب للحرام ..
إلا في جنح الظلام ..
صار في الصف الأمامي
احترامي .. للحرامي .. !!

احترامي .. للحرامي ..
صاحب المجد العصامي ..
يسرق بهمة دؤوبة ..
يكدح ويملي جيوبه ..
يعرق ويرجي المثوبة ..
ما يخاف من العقوبة ..
صار في الصف الأمامي ..
احترامي .. للحرامي .. !!

احترامي .. للحرامي ..
صاحب المجد العصامي ..
صار يحكي في الفضا ..
عن نزاهة ما مضى ..
وكيف آمن بالقضا ..
وغير حقه ما ارتضى ..
صار في الصف الأمامي ..
احترامي .. للحرامي ..
احترامي للنكوص ..
عن قوانين ونصوص ..
احترامي للفساد ..
وأكل أموال العباد ..
والجشع والازدياد ..
والتحول في البلاد ..
من عمومي للخصوص ..
احترامي للصوص




جميـل ,, محبــط

ارفع حجر تلقى مُغني ... اكتب سطر تصير شاعر
اكسب صحافة .. تصير سيّد للثقافة
جميل هذا الوقت مُحبط

اكتب بما يرضي ضميرك .. تصير حاقد
اشتم بحدة .. تصير ناقد
نافق بشدة .. يصير مستقبلك واعد
جميل هذا الوقت مُحبط

اسرق رغيفين .. تصير المجرم السارق
اسرق ملايين .. تصير الماجد الحاذق
جميل هذا الوقت مُحبط

اشرب على وقت العشا .. كاسة نبيذ
واسمع لشوبان .. وارقص الفالس .. تصير متحضر
اطلق اللحية ورتل القرآن وصل الخمس .. تصير إرهابي
جميل هذا الوقت مُحبط

اجرح يهودي .. تقوم هالدنيا وتقعد
اهتك اعراض .. ثكّل يتامى .. شيل بيت وامحي مسجد ... تقوم هالدنيا وتسكت
جميل هذا الوقت مُحبط

عيش هالعمر الوسيع .. وبعد ماتحياه موت
عيشوا هالعمر الوسيع .. وموتوا
الوعد يوم الوعيد .. يوم تنسى الام الطفل الرضيع
عظيم ذاك الوقت .. منصف



تخــــيّــــلوا

يـاالـلي قـريـتوني شـعـر..
وشـفـتـوا مـلامـح حـبـها..
بـيـن الـمـعاني والـحروف ..

يـاالـلي عـرفـتوني صـبر ..
وفـراق.. وجـروح.. وحـزن ..
وظــروف خـانتها الـظروف..

تـــخـــيـــلـــوا..!!

إن الـقـصيد إلـلـي كـتبت ..
كـــــل الــقـصـيـد ..
أصـــبــح كـــــذب..

تـــخـــيـــلـــوا..!!

أصــدق إحـساس فـزماني ..
يــصــبـح كـــــذب ..

تـــخـــيـــلـــوا..!!

إنـي مـاكنت الوحيد في قلبها ..
تـخـيلوا ..!! إنـي الـوحيد ..
إلـــلـــي أبــــــد ..
مـا قـد سـكن فـي قـلبها ..!!

والغريب .. أحبها .. إلى هلحين ..
أحـــــبـــــهــــا..

تـــخـــيـــلــوا ..!!

مــا ودي جـراحي تـطيب ..
لأنـهـا الـشـيء الـوحـيد ..
إلـلي بـقالي منها .. تخيلوا..!!

لمسة عطر
25-06-2007, 08:31 PM
أجــهـــلـــــــك

أجهلك .. ولي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنا هلك
أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..
أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوعي وحنايا
اتخيل شكوكك وظنك .. اتخيل التقصير منك
حتى الجفى اتخيله .. وكيف انا باتحمله .. واتحملك
أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
وجهك اللي دوم يظهر لما ألقى نشوة الفكرة الجديدة داهمتني
لما القى انكساراتي قصيدة واكتبتني
وجهك اللي دوم يظهر في اعاصيري وسكوني
في الجبال الشاهقة في أجمل خيالي
في السفوح الخافقة بين نبضي وانفعالي
وجهك اللي قد نحته في عظامي والجوارح
وجهك اللي قد حفظته وبتفاصيل الملاح
بالنهار في بسمته .. بالضيا اللي في ورودة
بالعبوس في غضبته .. بالتضاريس وحدوده
من جنوحه في البها .. لين اقصى نقطة في كاسر جماله
للعذوبة .. من شروق النور في ضيه
للشعر في غروبه
من شطوط الكحل في عيونك لنحرك
من بياض الثلج في خدك لجمرٍ قاد في ثغرك
وجهك اللي ما ابد يوم لمحته .. او عرفته
لي سنين اتخيله .. واتخيلك
ياللي كلي بك معرفة .. واجهلك
ما اصعبك .. كيف الاقيك
ما اسهلك .. لو الاقيك
ياللي دوم اتخيلك
مملكة حسن الزمن
وأنا الملك


أستـــاهلــــك

ابسألك .. هو أنا استاهلك ؟!
استاهل الدمع اللي جرّح وجنتك ؟
استاهل اني اعشقك ؟
ابسألك عن حالنا .. انتي وانا
ياللي احس .. انك انا
حالنا ما هو غريب
انـّا نكون متأكدين ان الفراق ما هو بعيد
بالرغم من جرح السنين
عشقنا دايم يزين
ماهو غريب .. اني لو مرة في همي
نسيت وبكلمة جرحتك
قبل ما تتألمين .. اللي ينزف هو دمي
ابسألك ماهو غريب .. استاهلك
ابسألك لو قلت لك ان الحنان اللي في قلبك
ينبت من الصخر الزهر ..
وان النهار اللي في خدودك يخلي النسمة عطر ..
وان العذاب اللي في عيونك يعلـّم الناس الشعر ..
ولو قلتلك اني احبك اكثر من هموم البشر
وكثر الجفا وكثر السهر ... لو قلت لك
وانك اقرب من عيوني للنظر
كل الذي اقدر اقوله
واللي ما اقدر اقوله
استاهلك .. حبيبتي ؟!
وباجاوبك .. للأسف ما به احد يستاهلك

لمسة عطر
25-06-2007, 08:32 PM
قـــــــــــالـــــــــت لـــــــــــــي

قــالـت لـــي مـلـيـت..ودي بــحـد غــيـرك

جـــمـــع جـروحـك..لـمـلـم مــشــاويـرك

واذا قـضـى صـبـرك..جـرب صــبـر غــيـرك

لـــو اشــغـلـك وعــذبــك طـيـفـي..ابـكي

واذا بـكـيت اكـتـب بـدمـعك شـعر اشـكي لـمراسيلك

وبـوعدك اذا صـرخ جـرحك ونـادى..دمعتي تـنزل عليك

بضحك على ايامي معك..واخذ على قلبي عهد مايخلص لغيرك

اعــــذرنــــي ......... مــــلـــيــــت

ماتـبـيـني مـلـت الـصـدق الـمـشـــــاعــــــر....

يانــــور أيــــامي وسـنـيـنـي الـلـي مـضـت....

يـالـظلام الـلـي بـيـديـني..مابقى فـيني بـقايا اتـركيني

ســل الـحـزن لـغـدرك خـنـاجـر ومـالـقاني فـيني

وجــرحـي نـادى..يـامـحاجر الــدمـع مـايـكفيني

ضاعت بداياتي..بقيت نهاياتي واسأل اجاباتي..هو أنا اخطيت

هــو بـقـى فـي الـلي بـيجي يـاليت..ماتت اجـاباتي

قــــــالــــــت لـــي ... مـــلـــيــت

يـا اكـثر جـروحي الاخـيرة..لو عـرفتي اليوم قلب ودعك

يـا آخـر جـروحي الـكثيرة..ماعرفتي اليوم ما عاد اذكرك

ومــا اذكــر مـن الـلي مـضى..الا غـرامك والـفراق

بــــعـــض الـــلــقــاء والاشــتــيــاق

وكـــــــل الاحــاســيــس الــصــغـيـره

يـابرد عـمري ويـاهجيره.. تخـطين لـو يـخطر فـي بالك

انــك فــي بـالي كـل دقـيقة..وانك خـيالي والـحقيقة

وانــي احـبـك مـهما كـنتي..يابرد عـمري وزمـهريرة

ان كــــان قــلـتـي انـــي فـقـدتـك..ماصدقتي

وان كـــــان قــلــتـي مـانـسـيـتك..ماصدقتي

لــو عـرفـتي مـااذكـر مـن الـلي مـضالي الا انـتي

ومـــا اذكـــر مـــن الـلـي مـضـى الا انـتـي

ومـــــا اذكـــــر الا انـــــي بــكــيـت

وفـــي لـيـلـة مـافـيـها وفـاء..قـلـتيلي مـلـيت

يــا انـتـي اخــر أولـي..لاتـصدقي انــي نـسيت

لمسة عطر
25-06-2007, 08:33 PM
يوميات مواطن عربي


السبت ...
ديون ... وأمراض .. وكبت
الأحد ..
منذ اللحظه الأولى ..
وإلى الأبد ..
ينادي .. ولا يسمعه أحد ..
الأثنين ..
القافلة تسير .. لكن الى أين ؟؟
لا جوابٌ يصدح .. ولا كلابٌ تنبح ..
الثلاثاء ..
أصبح ثرياَ .. وازداد عدد الأثرياء
مات خمسة وأربعون مريضا ..
من ندرة الدواء ..
الأربعاء ..
إحتفال .. صاخب .. فاخر .. معطاء
شعر .. وفكر .. وولائم ..
وخطابات وثناءات ..
وجمع من الأدباء ..
هو احتفال مكلف .. ولا يكاد ينتهي ..
لكن ما يأتي به .. من سمعة ..
جدير بالعناء ..
قرية صغيرة هناك ..أهُلكت من وطأة الوباء ..
الخميس ..
كل شيء سعره الى ارتفاع ..
إلا المواطن التعيس ..
قاتل الله .. ابليس
الجمعة ..
إجازة من مجتمع طيب السمعة ..
حكمة السبت
قل لكل من تخشى ... أصبت
حكمة الاحد
اذا طرقت الباب .. وقيل من ؟؟
قل : لا أحد
حكمة الأثنين
انظر بلا عينين .. واسمع بلا اذنين ..
وانطق بلا لسان .. ولا شفتين ..
حكمة الثلاثاء
الثروة تاج على رؤوس الأثرياء ..
لا يراها إلا المرضى والفقراء ..
حكمة الأربعاء
اللهم قني خير الأصدقاء ..
حكمة الخميس
يقول الله سبحانه ..
وأخذنا الذين ظلموا بعذابٍ بئيس
حكمة الجمعة
إلعن الظلام .. لن يجدي أن تشعل شمعة

لمسة عطر
25-06-2007, 08:34 PM
العادة جرت

العادة جرت
كل طالب مجتهد دمه ثقيل

العادة جرت
كل مخلص في الهوى حظه قليل

العادة جرت
العطوف اللي كريمٍ في الجرايد
في الأزقة والحواري له عوايد .. يصبح القاسي البخيل

العادة جرت
جُل من يصبح ثري .. يكتب شعر
والقصائد تحتري اغلى سعر
الشعر اصبح مجلة .. جلها غث وهزيل

العادة جرت
لمّا نسافر كلنا في الصيف .. نمشي مخشبين
كلنا نحكي بفخامة .. نمشي بفخامة .. والابتسامة لما نسّلم
نبتسم كأن فيه مصورين
ورغم اننا نسافر لجل نلقى بعض .. ونعرف بعض
الا اننا لما انتقابل نلتفت متجهمين
ماهو جنون .. ولا عبط
تظهر أغاني من نمط .. أربع سنين انتطالع بالعيون
وفي المواعيد اللي ماادري منهو كان العبقري اللي عطاها
نجلس في نفس الاماكن .. ننتظر نفس الوجيه
تظهر بكامل بهاها
ويبتدي ذاك الحوار السرمدي :
- شف هذاك شلون لابس .. ماهو صاحي
- شف هذاك موجود في كل النواحي
- شف هذيك شلون تضحك .. ياخزياه ياعيباه يالله
- شف هذيك شلون تمشي .. شف هذاك شلون جالس
- شف رفيقك .. ليش عابس ؟؟ خل نروح ونسأله
- لا انتظر هذا ماشي مع هله
وينتهي هذا الحوار السرمدي
فينا نقول : وش هالصخب .. هالديرة مليانه عرب !!
كأننا متفاجئين
ولما نرجع بالسلامة .. العادة جرت .. انا نكون متنكدين
ومافي سبب غير اننا ما كنا حنا
غير اننا لما نسافر .. دايم نكون ممثلين
ولجل نطلع من تقمص دورنا .. لما نرجع
نحتاج نقعد ناطرين أسابيع وأيام .. ونظهر من الانفصام

العادة جرت
انّا نجل الأجنبي .. ونقصي القريب

العادة جرت
انها الايام تمضي ومسجد الاقصى سليب

العادة جرت
كل ما جو الخليج صفي وراق
يبتدي العم سام .. عزف موال العراق

العادة جرت
كل ما اكتب قصيدة .. اوصف الواقع بها
القى جاهل ما اريده .. يعتقد انه لها

العادة جرت
كل ما اكتب يقيني أو ظنوني ..
يكاد المريب أن يقول خذوني

لمسة عطر
25-06-2007, 08:35 PM
ألقى الشاعر هذه القصيدة لأول مرة في أمسية جدة عام 1999 م

كما ألقاها في العديد من الأمسيات

صدّق أو لا تصدّق

صدّق أو لا تصدّق
كل ما تباعدت المسافة بين الرغيف والجوع
تلقى الفرح أصدق

صدّق أو لا تصدّق
لامن غدت كل المشاكل جوع الصغار وسقفٍ يداريهم قبل يصحى النهار
تلقى الشعور أعمق

صدّق أو لا تصدّق
كل ما انقفل درب انفتحت أبواب

صدّق أو لا تصدّق
لو فيه احد طيّب .. للطيبة أسباب

صدّق أو لا تصدّق
قليل من يعفي ويسامح .. كثير وده ينتقم
بس ينتظرله وقت سانح

صدّق أو لا تصدّق
القناعة كنز يفنى
ولو كل من ياخذ قنع .. وكل من ياكل شبع
كان الفرح غطى شوارعنا

صدّق أو لا تصدّق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدّام المراية

صدّق أو لا تصدّق
به مطوّل لحيته .. والثوب يلمس ركبته
وما قرا في الشهر آية

صدّق .. ان الشعر صدقه .. اعذبه
ودي احكيلك حكاية وقبلها ابغى لسؤالي اجوبة
المال هذا هو وسيلة والا غاية ؟!
لو ماهو غاية .. ليه الحروب ؟ .. ليه السلام اللي تمناه الشعوب ؟
ليه الحسد يملى القلوب ؟
وليه الفقير المُعدم الكادح .. بهجته تملى الملاح
لامن لقى ذاك الثري يعطي هاذيك المطربة مليون
وهذا الثري لامن سرى من حفلته .. وقفت سيارته عند الإشارة
وجاه شايب يطلبه .. الهم عاثي في وقاره
دق بـ اصابع مُتعبه .. على الشبّاك
قال : انا يا سدي مديون .. وانت الكريم
يحكون عنك في الجرايد .. وتقال في جودك قصايد
ويُقال انك للأرامل واليتامى عون
ما ابغى منك الا حاجة .. لبس الشتا لجل العيال
الله يسدد لك خطاك .. اعطني مما عطاك
واعتدل راعي الملايين الكثير في جلسته
وعقد حجاجه ثم قال :
ألا ما اثقلك واغباك .. ليه يا اخي ما تشتغل
انت كسول .. ومستغل
وطلّع من المحفظة فكّه .. رماها وقفل الشبّاك
ابغى لسؤالي اجوبة ...
ليه البر والتقوى .. مليان في جرايدنا ؟!
وليه هموم هالشارع ؟! .. بعيده عن قصايدنا ؟!
ليه الفساد .. ليه الكساد ؟!
وليه الحروب ؟! .. وليه الحسد مالي القلوب ؟!
وشهو الجواب ؟!
اتمنى انه مايكون المال هذا هو وسيلة ماهو غاية
هذي الكلمة النبيلة .. اخترعها أغنيا
لجل مسكين ٍ شقى .. يرضى بقليلة

وصدّق انت او لا تصدّق
ماني الشخص المثالي .. كل مافي الأمر اني شاعر ٍ ماهو يبالي
كان صار اللي اقوله علقم ٍ او صار حالي
كل مافي الأمر اني استريح .. لا مشابي مركبي عكس اتجاه الريح
وما ابرّي من الخطى نفسي ..
واللي اجاهربه مثل همسي
صدّق اني ماني الشخص المثالي
كل مافي الأمر اني اجمع احساس الحواري وسط صدري
وانقل الواقع لشعري
كل مافي الامر اني شاعر ٍ مطرود من جنة خيالي
صدّق اني ما قصدت اني اكون
صوت للي مايبون
صدّق اني ماني الشخص المثالي
والا تدري لا تصدّق

لمسة عطر
25-06-2007, 08:36 PM
مجلس رجــــــال

على اليسار مقلـّط .. وعلى اليمين صالة
ضيوف جالسين
قهوجي يلم الفناجين
وينطر اخر ضيف منهم يهز فنجاله
ضيف يقبل من بعيد
يقوم صاحب المجلس طلال لستقباله
شخص جالس على اليمين يهمس لجاره :
" هذا احمد اللي جاي بس ماهو لحاله "
" من معه ؟ "
" يبدولي اطفاله "
ويدخل احمد معه ثلاث اطفال
وعند باب الصالة يستقبله طلال
" السلام عليكم "
الكل يوقف
" هلا والله مرحبا عليكم السلام .. حي الله احمد هلا وسهلا .. تفضل .. كيف الحال ؟ "
" هلا طلال ..اعرّفك على عيالي .. ابني صابر عمره ثمان سنين .. لاتستحي سلّم ياصابر
بنتي هالة .. ست سنين .. سلم ياثامر على الجماعة .. وش هذا اللي في يدك ؟؟
اه .. سجايري والولاعة "
عبدالمعين يطالع الساعة .. ويهمس لجاره
" كيف يجيب اطفاله ؟! .. محد منا معه اطفاله .. ليش يجيب اطفاله "
ويجلس احمد ويجلس حوله عياله
طلال يقول :
" ما شاء الله .. ياحليلهم .. الله يحفظهم ويحرسهم ويحميهم
ماشاء الله يا صابر : ايش هالثوب الجديد "
احمد يقول وملىء وجهه ابتسامة
" هذا صابر موهوب في التقليد قوم ياصابر قلّد اصالة
والا تدري وري عمك كيف يركض سامي الجابر "
ينطلق صابر لخارج المجلس .. يرجع معه كورة يشوتها .. تنزل من السقف ثمان لمبات مكسورة
احمد يقول وملىء وجهه ابتسامة
" شاطر ياصابر ... شفت ياطلال شقاوة هالعيال "
طلال يتمتم :
" ياحليلهم .. الله يحفظهم ويحرسهم ويحميهم "
" تعالي ياهالة سمعيهم و وريهم اغنية و رقصة الخيالة
لا تستحي يا بنت مافيه احد غريب هذا عمك طلال وهذا عمك مثيب
وهذا عمك عبدالمعين وهذا ..... لا مؤاخذة انت مين ؟ "
- انا عبدالكريم
" عبدالكريم .. تخيّل يا اخي ماعرفتك لانك يمكن ملتحي .... لاتستحي يابنت لاتستحي ..
تدري طلال " هالة نجحت بامتياز "
صوت مدوي ينفجر
" اه ياثامر ما اشطنك .. كسّرت القزاز "
احمد يقول وملىء وجهه ابتسامة
" شفت ياطلال شقاوة هالعيال "
طلال يتمتم :
" ياحليلهم ..الله يحفظهم ويحرسهم ..... ؟؟؟؟!!!!
" وش كنت اقول ايوا طلال كنت اقول هالة نجحت بامتياز اعطيتها البارح فلوس
وقلت لها ياهالة ايش ما تبغي اشتري "
طلال يقول
" مبروك .. مبروك .. ايش تبغي تصيري لما تكبري "
هالة تتفل على طلال .. وتقول :
" ايش دخل ابوك "
احمد يقول وملىء وجهه ابتسامة
" شفت ياطلال شقاوة هالعيال "
طلال يتمتم :
"ياحليلهم .. الله يحفظهم ..................... ؟؟!!!
" تعال ياثامر .. عد لعمك من واحد الى العشرة "
ثامر يبتدي يعد
" واحد ..اثنين .. ثلاثة .. سبعة "
احمد يقول وملىء وجهه ابتسامة
" دايم يعد .. ولما يوصل اربعة يلخّبط "
يالله ياثامر من جديد
يبدا ثامر من جديد
" واحد .. اثنين .. ثلاثة .. سبعة "
" شاطر يا ثامر شفتوا كيف لخبط "
ينفتح باب المقلّط ويدخل النادل شايل دخون
والصالة في حالة جنون
احمد يصفق .. صابر وثامر يرقصون
طلال يقوم
" العشاء .. تفضلوا ..الله يحيكم "
احمد يقول
" يالله يا اولاد الله يحميكم .. اتعشوا اول .. بعدين سووا اللي تبون "
يركض الاولاد قبل الضيوف .. وللمقلط يدخلون
صابر ياخذ برتقالة .. يرميها على النادل .. تطيح المدخنة والدخون
ثامر هناك .. يكسر بياله .. ويرمي شظاياه على اللي ياكلون
هالة ترمي على طلال صينية ... وتاخذ علبة مياه غازية
تخضها .. تخضها .. تخضها .....
وترقص رقصة الخيالة .. وتفتح العلبة
احمد يقول وملىء وجهه ابتسامة
" ايوه ... هذي رقصة الخيالة "
والضيوف في ثياب من المياه الغازية يرفلون
مجلس رجال
على اليسار مقلط .. وعلى اليمين صالة
كل شي فيها ماهو على حاله
قزاز مكسور .. سجادة محروقة .. غترة مشقوقة
صينية هناك مرمية ...
ضيوف مبللين بمياة غازية
على وجه عبدالمعين جرح قطعي . .ومهلبيّة
نادل مصاب بحروق من الدرجة الاولى .... وجروح سطحية
كورة ... لمبات مكسورة
يظهر احمد من المقلط وملىء وجهه ابتسامة
" اكرمك الله يا طلال..شايف شقاوة هالعيال
اقول طلال .. اشكر ام العيال نورة .. العشاء كان رائع .. ماقصرت مشكورة
عشاكم ياجماعة بعد اسبوع عندي ... لازم تشوفو ولدي الصغير ؟!!
اخر العنقود .. منصور .. عمره ثمان شهور .. شيطاني يعقد ..اظن له معي صورة
شوف يا طلال هالصورة .. لاتغرك نظرته .. ترى والله ذكي مره
ما يضحك ولا يبكي لما يبدا اخوه ثامر يعد "
طلال صامت ما يرد
وترتسم على وجهة احمد علامة استفهام ويتساءل في داخله
" طلال كن وجهه متغير ..اكيد احد من هالضيوف زعله
مسكين طلال .. دايم في حاله مايخلوه .. زين جبت العيال سلوه "
ويخرج احمد من الصالة .. فخور بعياله
تارك وراه مجلس .... كان مجلس رجال
وعلى اليسار بقايا مقلط ... وعلى اليمين شبه صالة
وش تــبــيــن

وش تبين ؟!
تجرحي ؟! ..
افرحي .. مابقى مني أنا غير الجراح
وش تبين ؟!
تعذبي ؟! ..
ابشري .. الفرح من دنيني ولىَ وراح
والحين سويتي كل اللي تبين ..
اتركيني دمعة في خد الجراح ،،،

الثواني عمر .. والفرقا دهر
والحقيقة كذب .. والدنيا حذر
حبك انتي شمس .. ناسيها الغروب
بالحيل تحرقني .. ولا منها هروب
وش تبين ؟! .. اشكي !؟
والا تبين ابكي !؟
ياللي الملل طبعك ،،
طبعك نسى همي ،،

كانك تبين الكل يدري بقسوتك ,,
عليّ أنا سمي ,,
بَعاهدك أني أقول انك قتلتيني ,,
و اكتبت على صدر السما ..
أصدق قصيدة حزن ,,
واني كثر عشقي لكِ ..كنتي تجافيني
و ان شككوا في ضعفي فيك وفي قسوتك ,,
كونك جرحتيني ,,
أبوعدك أني .. أسقي العِدا دمي

لمسة عطر
25-06-2007, 08:39 PM
تــــخـــــيــــــلوا

يـاالـلي قـريـتوني شـعـر..

وشـفـتـوا مـلامـح حـبـها..

بـيـن الـمـعاني والـحروف ..

يـاالـلي عـرفـتوني صـبر ..

وفـراق.. وجـروح.. وحـزن ..

وظــروف خـانتها الـظروف..

تـــخـــيـــلـــوا..

إن الـقـصـيد إللـي كـتبت ..

كـــــل الــقـصـيـد ..

أصـــبــح كـــــذب..

تـــخـــيـــلـــوا..

أصــدق إحـساس فـزماني ..

يــصــبـح كـــــذب ..

تـــخـــيـــلـــوا..

إنـي مـاكنت الوحيد في قلبها ..

تـخـيلوا .. إنـي الـوحيد ..

إللـــي أبـــــــــد ..

مـا قـد سـكن فـي قـلبها ..

والغريب .. أحبها .. إلى هلحين..

أحـــــبـــــهــــا..

تـــخـــيـــلــوا ..

مــا ودي جـراحي تـطيب ..
لأنـهـا الـشـيء الـوحـيد ..
إللي بـقــالي منها .. تخيلوا..

لمسة عطر
25-06-2007, 08:39 PM
وكتب أيضاً في قضية 11 سبتمبر وإلي كلنا نعرف أحداثها

ســــــبــــــتــــــمـــــبــــر


ما هي حكاية.. خطبة أو مَنْبَرْ..
ولا حكاية..
مجتمع عَنْه التَّرَف أدبرْ..
ولا حكاية مناهج..
فجأة اكتشفوا..
انّها لابد تتغيّر..
ما هي حْكاية بطالة..
ولا هي حْكاية جهالة..
ولا هي حْكاية عمالة..
ولا هي حكاية كراهية تقادم أو وراثة..
ولا هي حكاية صراع بين الثوابت والحداثة..
ولا هي حكاية حقد من أصغر.. على الأكبر..
ما هي حكاية.. وضع بائس..
أو شباب.. مُعْدم ويائس..
فارقوا كل المباهج..
دُرّبُوا في ليل حالك..
وخاضوا لامريكا معارك..
وبعد ما أدّوا الغرض..
صاروا مرض..
ما كوفِئوا.. بما يرونه..
مُسْتَحَق من الثّمن..
وبعد فترة من الزمن..
أصبحوا أعنف وأخطَر..
وأصبحوا بالأمر أخبَر..
خلّطوا حابل بنابل..
وقرّروا يكونوا قنابل..
موقوته من ناس آخرين..
في وقت يأتي بعد حين..
في اللحظة المثلى تُفَجَّرْ..
ما هي حكاية صُدَفْ..
ولا هي تخطيطٍ مُدَبّر
الحكاية ما هي هذي..
الحكاية قد تكون..
أكبر .. أو أصغر..
لمّا تاريخ الحقائق يطمسوه.. بالأدلّة والشواهد
لمّا أولى القبلتين يدنسّوه..
والدنيا تشاهد..
لمّا طفل يموت.. بين أحضان أبوه..
والدنيا تشاهد..
لمّا تنهدّ البيوت.. فوق روس أصحابها..
والدنيا تشاهد..
لمّا يُقْتَل شخص في مسجد.. وهو ساجد..
والدنيا تشاهد..
لمّا تندكّ الكنائس بالرصاص..
والدنيا تشاهد..
لمّا تُفقَد كل آمال الخلاص..
وتضرب الحسرات.. في كل الصدور أطنابها..
لمّا تفقد أم.. نصف أطفالها..
ويصبح زوجها معوّق..
ولا مناص..
تصير الكل في الكل..
وما في في المنزل أكل..
وجيش مدجّج بأعتى السلاح..
يحاصر بابها..
لمّا تصبح كل فكرة للقصاص.. تُهْمَه..
والله أكبر تصبح إرهاب..
لمّا الفلسطيني تُهَان أخته وأمّه..
ويلاقوا لهذا أسباب..
لمّا يومياً تكون المعركة..
ما بين أطفال بحجارة..
ودبّابة..
لمّا يومياً يمارس..هتلر العهد الجديد..
حصاره.. وإرهابه..
لمّا كل هذا البغي.. بكل صفاقه يؤيدوه..
لمّا تاريخ المذابح يطمسوه..
لمّا أولى القبلتين يدنسّوه..
لمّا تُصبح.. سيّدة هذا الزمان..
أمنّا الغولة.. كذّابة..
لمّا تصبح.. أمّة العُرْب الأشاوس..
أُمّة ندّابة..
لمّا كل هذا يصير..
ويَحُدث الحدث الكبير..
يحدث الأمر المحال..
وتصبح إسرائيل..
هي بس وحدها..
المستفيد الأكبر..
ينطرح في كل هالدنيا سؤال..
هي حكاية خطبة أو منبر..؟
أو حكاية مجتمع.. عَنْه التَّرَف أدبر..؟
أوحكاية مناهج.. لابد تتغيّر..؟
ما ندري ليه..؟
جاوب يا سبتمبر..!

لمسة عطر
25-06-2007, 08:40 PM
الــــــــــــخــــــــــلــــــــــــيــــــــج

الخليج خليجنا
بانوا اللي يحسدونه
يبون ثروات الخليج
ويوم الخيلج مرافق الظما والجوع
مادروا به كنهم ما يعرفونه
ويوم أنعم المولى علينا
من غير مَنّ ياما عطينا
خيرنا ما يلحقونه
لو ينكرونه
هيلنا ودخوننا في سماهم ينشقونه
واليوم يوم الله أمر
وحقدهم بان وظهر
كنّي بالخليج يقول: ..
مافات فات .. لا تذكرونه
طيبنا لا ما تغير
وودنا لاهل الوفا اكثر واكثر
ولغير من يوفي لنا
ان صفحنا وان عطينا من طيبنا
يحمدون اللي عطانا ويشكرونه
وان مسكنا ما عطينا
هو خيرنا.. حنا به أولى
جايز لهم وإلا البحر ..
ما اكثر من الما في البحر... يشربونه

لمسة عطر
25-06-2007, 08:41 PM
هذي أحدث قصائد شاعر الإنسانية ,,

قصيدة بعنوان "طابور"
لا تقروا ما بين السطور ..
هذي القصة خيال ..
وما لها أبدا علاقة ..
بالذي دار ويدور..
تبدأ القصة بناقم
كُلَفّ يأدي مهمة ..
وكان بايع مايهمه ..
يموت هو أو يبقى عايش..
سهم مُتَعمد وطايش..
من بعيد يسدده..
ويدمي هذاك الثور..
ثور هائج مندفع مجروح..
هائل القوة..
عدائي غاضب ومغرور..
وطابور..
كلهم ناطر ويرجي..
مايجيه الدور..

وفأول الطابور ..
يوقف ثاني واحد..
حيث الأول .. مالقى أحدٍ يساعد..
انتظر فترة طويلة..
وبعد طول الانتظار..
وعلى الملا فوضوح النهار..
أجهز عليه الثور..
ثاني الطابور أول..
فسّر وحلل وأوّل..
قال أنا مالي هروب..
ودوم تايه في الدروب..
وياما قالوا الناس إني..
في جنوني مافي منّي..
وضعي متدهور ويائس..
ببدأ بخلع الملابس..
قال أنا يا ثور عاري..
وباقتناعي واختياري..
بصبح البقرة الحلوب..
ويترك الطابور.. ويتجه للثور..
ويختفوا خلف التلال..
وماحصل صعبه يقال..
الرقابة لا تجيزه..
يرجع الثور العدائي..
يواجه الطابور..
طابور .. كلهم ناطر ويرجي ..
مايجيه الدور..

أول الطابور .. يحمل في يدة باقة زهور..
بادره لحسن النوايا..
يدري هو ماله مزايا..
شاءت الأقدارُ أمرا..
كانت الأزهار حمرا..
وزادت هياج الثور..
طابور.. كلهم ناطر ويرجي..
مايجيه الدور..

باقي الطابور يرجف..
كلهم يدري ويعرف..
وضعهم حالك وهالك..
ضعفهم ينبي بذلك..
كلهم غارق في أصناف البلاوي..
فقر مدقع .. جهل مفزع .. عقل خاوي..
طابور .. خلفه هلاكه والثبور..
وأمامه الثور الجسور..
طابور .. صمته مثل صمت القبور..
ينطر المنقذ يجي..
ويكف بطش الثور عنهم..
أو ينطر الدنيا تدور..
ويصبح الطابور فجأة..
قوة عظمى !!
ويطحن عظام الثور..
بالدور..
أو ربما .. على الأقل .. يصبح الطابور ثور..
والثور طابور..
لا تقروا ما بين السطور ..
هذي القصة خيال ..
وما لها أبدا علاقة ..
بالذي دار ويدور..
آخر القصة .. كهل مجنون..
يوقف على تلة قريبة..
يصيح بالطابور..
يا طابور:
أنت أول وربما آخر أعاديك..
يا طابور:
كل مابك منك وحدك من صنع أياديك
يا طابور:
أسمع كلام الأقدمين
لربما يهديك..
يا طابور:
أمشي عدل.. يحتار ثورك فيك !!

لمسة عطر
25-06-2007, 08:42 PM
البعض من قصائدهـ منقوله

واتمنى إلا عندهـ إضافه ما يبخل علينا

لتكتمل موسوعهـ قصائدهـ

وسلامتكمـ

http://www.majaless.com/up/uploads/206c560c56.gif (http://www.majaless.com/up)

الشقردي
25-06-2007, 11:02 PM
كفيتي ووفيتي

ما خليتي لنا شي

سلمتي يالغالية

ام الزري
26-06-2007, 12:35 AM
تسلم الايااااادي ..
والله يعطيك العافية ..

احساس الدوحة
26-06-2007, 01:11 AM
تقرير كامل وشامل

وشعره حلو والله

تسلمين يالغلا

لمسة عطر
26-06-2007, 03:11 AM
كفيتي ووفيتي

ما خليتي لنا شي

سلمتي يالغالية



الله يسلمكـ ،،

لا فيه ،، واتمنى اشوف مشاركاتكـ

اسعدني وجودك يالطيب

لمسة عطر
26-06-2007, 03:14 AM
تقرير كامل وشامل

وشعره حلو والله

تسلمين يالغلا


الله يسلمكـ يالغاليهـ ،،،
من الشعراء المفضلين لدي ،،

اتمنى تستمتعي بقصائدهـ

تشكري ع المرور

لمسة عطر
26-06-2007, 03:17 AM
تسلمين على هذا التقرير الوافي....!!!

لكن شعره ما يعجبني...!!!


الناس اذووواق يا سبحان الله

اسعدني مروركـ يالغاليهـ

لمسة عطر
26-06-2007, 03:18 AM
بدعتي ... بدعتي


يالفراشــــــــــــــــــــــــــــــة


:003:


:4s2j9s (17):

تسلملي يامهستر ،،
كلك ذوق يالطيبـ ،،
أشكرك ع مروركـ