المساعد الشخصي الرقمي

مشاهدة النسخة كاملة : اختطاف ايام الاختبارات


shokola
29-06-2007, 04:59 AM
هناااااااااااااااا

واحدن طيبن كاتبن قصتة اختطافه ايام الاختبارات والله الموفق

يقول:


ممكن تحتاجون هالمعلومات في قراءة الموضوع !

# يزيد = نقطة تفتيش = أبو رزان = أخوي
# المختطف يكتب تفاصيل الحادثة بنفسه !

--


>> اعذرونا : نبي نستعمل العامي اسرع واريح لي .. ومايمنع فصيح يافصيح

مقدمه ..

هذه القصه حقيقية بعيدا" عن اي اضافات او نقص معلومات .. علما" اني عايشت القصه من بدايتها
حتى كتب لي النجاه ولله الحمد والمنه


البداية ..

في يوم الاثنين 9 / 4 .. كان علينا ماده كيمياء .. وكنت متعب بعد الاختبار بالحيل .. لذلكـ ماده الثلاثاء مارجعته هاك المراجعه اللي تقول
اييييه .. انا ادرس بالمجلس بعيدا عن الازعاج واريح لي .. فـ بعد صلاة الفجر يوم الثلاثاء رجعت للمجلس براجع ..
طبعااا" كالعاده ابوي بعد صلاة الفجر يجي يشوف انا قايم ولا نايم ..
الشاهد ذاكـ اليوم كنت اراجع وانا منسدح .. مممم علينا توحيد الظاهر يعني حفظ مايحتاج كتابة ولا شي ..
فـ دخل ابوي علي .. وقال : شكلك تبي تنام يـ(يزيد) احم احم اسمي يزيد
لاتنسى تثبت ساعه الجوال على 6:30 .. قلت : ابشر ..
وانا منب نايم بس اريح لي انسدح واراجع .. المهم جت الساعه 6:30 ومشيت للمدرسة .. طبعا باقي على الاختبار (نص ساعه) ..
نقعد قدام المدرسة نسال بعض .. واللي يفيد الثاني واللي عنده سوال مع الشباب ..
وصلت للمدرسة الحمد لله .. وقعدت بالسيارة انا ورزفيزي (صديقي) ندرس .!!


>> حصل اللي حصل !! <<


الساعه السابعه و خمسه وعشرون دقيقة صباحاً

بعد ترصد لاسماء الطلاب من الحضور والغياب .. صنفت من ضمن ( الطلاب الغائبين ) ..
اجرى الوكيل اتصالا" هاتفيا" على والدي .. يقول : ان ( يزيد ) لم يحضر للأختبار ؟!!
أبوي كان نايم .. وحدود الساعه 7:30 الان المفروض يزيد موجود داخل القاعه .!!
فكانت الاجابه من والدي : ان انتظر لابحث عنه في البيت لعله كان ( نائم ) ..
نزل ابوي للمجلس مسرع .. دخل فلم يجد احد .. ذهب الى الغرفه الثانيه ( غرفتي ) فلم يجد الا اخي نائم
بحثوا جميعا" .. من غرفه الى غرفه .. ومن دورة مياه الى دورة مياه ..
ممممم ( يزيد ) غير موجود في المنزل .. ولم يدخل الاختبار ..
اذا" ( يزيـد ) .. حصل عليه حادث سير ..
خرج والدي مسرعا" من البيت منطلقا" مع الطريق الوحيد المؤدي لمدرستي .. لانه جزم على انه قد حصل علي حادث !!
لم يجد شيئا" في الطريق .. فاتجه مسرعا" لمدرستي ..


الوالدة

علمت الوالدة بالخبر بعد الاتصال المفاجئ والمفزع من وكيل المدرسة على والدي .. فبدأت الدموع والصياح وحالات الفزع عليها
اكييييييييد .. يزيد صادم وداخلن المستشفى .. او لا سمح الله قد (توفي) .!!



الساعة الثامنه صباحا"


وصل والدي للمدرسة وبسرعه اتجه للوكيل ..
ابوي : السلام عليكم
الوكيل : وعليكم السلام .. يابو خالد ( اللي هو ابوي ) ابنك ( يزيد ) غير موجود بالمدرسه .!!
ابوي : ولم اجده في البيت .!! وين راح

انطلقوا الى الشارع ..
ابوي يوم يدخل لمح ( موتري ) امام المدرسة لكن على عجل ولم ينتبه له ..
يوم طلعوا .. شافوا الموتر ..
( يزيد ) حضر للمدرسة .. ولم يدخل الاختبار .. والسيارة موجودة ..
لم يبقى الا ان الولد ( هرب , مخطوف , او خرج مع احد زملائة وحصل عليهم حادث )


على اجنحه المدرسة

انطلق والدي والوكيل في جوله على اطراف المدرسة لعلي كنت متواجد هناك .. وحصل لي مكروهـ
(( الممرات _ الفصول غير المستعمله _ دورات المياه _ المختبرات _ حتى خارج المدرسة وما حولها )) وغيرهااا
لم يجدوا اي اثر ( لي ) ..


الفرّاش

سألوا الفراش .. انت شفت راعي السيارة هذي
قال : والله اني اذكر الرجال وانه طيب وماشاء الله عليه
الوكيل : مب وقته يابو محمد .. انت شفته ؟
الفراش : لا اجابه ..


تدخُل المرشد

قبل دخول الطلاب للقاعه يتم تسليم الجولات للمرشد
وجدوا جوالي من ضمن الجولات المتواجده في الكيس !!
وحلوا جزء" من هذا اللغز ..


>> وجود السيارة _ اختفاء الطالب في المدرسة _ وجود الجوال <<


اذا" .. يزيد وعلى بركه الله تم :: خــطــفــه ::


مره اخرى للفراش

طيب يابو محمد .. فيه احد يمر عند المدرسة غريب
الفراش : اي والله دايم يمرون ناس كبار واشكالهم كذا وكذا
معلومه من الفراش : ترا هالوقت يكثر الخطف وتوزيع الحبوب والمخدرات والتفحيط (وقت اختبارات)..



وصلت الفكرة الى ان يزيد ( مخطوف ) ..

الوالد : لاحول ولا قوة الا بالله .. مالنا الا نتصل بالشرطة ونخبرهم بالموضوع
ورجانا بالله كبير .. هم اقدر على هالامور بعد توفيق الله ..



الوالدة

كانت الوالدة الله يحفظه .. تجري مكالمات كثيرة على ابوي تسال وش صار .. هل لقيتوا الولد اولا لا
فكان ابوي مايرد .. حفاظا" على هدوئها واشياء اخرى ..
* اجرت امي اتصالا" اخيرا" على ابوي .. واخيرا" رد عليه
الوالدة : الو هاه وش صار لقيتوا الولد << صوت يصحبه صياح (غير مفهوم ومسموع)
الوالـد : ان شاء الله .. اذكري الله بس هذانا ندوره بالمدرسه المشكله ان السيارة موجوده والجوال حقه موجود بس هو ماندري وينه

امي اظطرت تقوم اخوي .. عشان يشوف وش السالفه ويفزع مع ابوه ..
الوالده : قم يا ولد .. اخوكـ مب موجود بالمدرسة وسيارته وجواله فيه <<(* صوت مصحوب بصياح ) غير مفهوم ومسموع
اخوي : ماستوعب الموضوع .. بكل بجاحه (وشو)
الوالده : قم ياولدي اخوك (يزيد) مهب بالمدرسة بس السيارة عند المدرسة
اخوي : علامات التعجب والاستفهام تدور فوق راسه .. بكل سرعه لبس ثوبه
وبدون مايغسل وجهه ولا ياكل شي .. انطلق لمدرستي ..


المدير يشترك مع الوكيل والوالد

بعد ان علم المدير بالقصه .. حاول مساعده الوالد والوكيل بحثا عن كويس اسمه ( يزيد )
فاكد للوالد انه لابد منها وهي : الاتصال على الشرطه


الساعه : ثمان ونصف

تم الاتصال على الشرطة .. وتم اخبارهم بذلكـ .. وتم تبليغ جميع الجهات المختصه بذلك
( بان الولد مخطوف .. في الحي الفلاني في الساعه الفلانيه .. وامام المدرسة الفلانيه .. وشكل الولد كذا وكذا )..
تم تاكيد البلاغ وتجهزت للانطلاق .. بعون الله تعالى ..
باحثين عن المخطوف في ارض المملكة العربية السعودية في العاصمة الرياض (يزيد) ابو رزان افندم


الوالدة وأخوي

وصلت الاخبار الى الوالدة .. بان ( يزيد ) مخطوف وتم تبليغ الشرطة الـ . . . . ـخ
بعد ان اتصلت على اخوي لدى وصوله للمدرسة ..
امي شبه انهارت .. مساله خطف مب سهله .. قد تصل الى القتل .!!
وراح باله باللي تقراه بالجرايد وما تشاهده في التلفزيون بعد عمليات الخطف انه توصل للقتل ..

يؤيؤ .. يزيد يموت مقتول بعد خطفه ..




كانت المفاجأة .. قاصمة للجميع .. ومغايرة لذلكـ الفلم الهندي





الساعه : ثمان وخمسة واربعون دقيقة

بدء خروج الطلاب من القاعه بعد انتهاء الفترة الاولى ..
انسحب المدير وتواجد في الطابق العلوي لتنظيم خروج الطلاب من الفصول الى الساحه
كانت المفاجأة لمدير مدرستنا الفاضل ..
هي ان : يزيد ابو رزان افندم خرج من قاعه 2ط/2 بعد ان انتهى من اختبار ( التوحيد )!!!




نقطة تفتيش

خلال تواجدي في القاعه لاحظت دخول وخروج بعض المدرسين متسائلين عن طالب يدعى : يزيد
بدون ذكر اسم العائلة .. حتى وصل الامر الى دخول المدير للسوال عن هذا الطالب ..
لم اهتم لذلك الامر .. واكملت حل الاسئلة على بركة الله .. لان في المدرسة طلاب اخرين بهذا الاسم



الخروج

خرجت من القاعه بعد انتهاء الفترة مبسوط من حلي .. رأيت المدير مرتبكـ وواقف امام الفصل اللي اتواجد به
ذهبت اليه مبتسما" لاقول له : وش ابشرك ياستاذ تراي حليت زين يالله لك الحمد
ما ان رأني المدير حتى كادت عينه تخرج من راسه من هول ماشاهد امامه ..
المدير : يزيد وينك ابوك يدورك تحت .. وراك ماختبرت ؟ << صوت عالي مرتبك
انا : ارتبكت وتلعثمت لاني مادري وش السالفه ..!!
قلت : لالا انا توي طالع من القاعه مخلص مختبر
المدير : بنظرة قاسية نظر الي .. وامسك بيدي مسرعا الى الطابق السفلي .. متجها نحو والدي الذي يترقب



طلعنا للساحه والمدير ماسك ايدي .. وانا هاجتن بي مدري وش القصه
يوم شافن ابوي طارت عيونه وقليلا من النظرات اللي توحي بالعصبيه
الوالد : وينك يايزيد << صوت عالي يصحبه خوف
انا : وش اللي ويني .. توي اطلع من الاختبار .!!
الوالد واخوي بصوت واحد : الوكيل يقول انك ماختبرت .. وين كنت ؟
انا : بخوف وارتباك .. وش تبون انتم وش جايبكم للمدرسة .. وش السالفة ياناس ؟؟
الوالد والوكيل : وراك ماختبرت .. طاولك فاضية ؟
انا : تمالكت نفسي .. وبصوت قوي .. انا توي طالعن من القاعه وهذي ورقه الاسئلة .!!



ملاين علامات الاستفهام والتعجب والنقط ان ارت فوق رؤوس الوكيل والوالد والمدير والمشاهدين << هع هع


* اذا هناك خطاء لديكم وفي حسابات الوكيل الكويس ..
الوكيل .. انطلق للمراقب الذي قام باخذ اسماء الغياب والحضور متسائلا"
الوكيل : ياستاذ حمد .. الطالب يزيد موجود .. وعندك غايب كيف !!
حمد : الا غايب .. وهذا الكشف << استاذ حمد مدرس جديد في المدرسة
الوكيل : امسك بيد الاستاذ حمد وانطلقوا نحونا في الساحه بينما كنت اتسال مالقصه ..


الاستاذ حمد والارتباك العظيم

عندما رائني الاستاذ حمد (طبعا لايعرفني) سالني انت يزيد ؟
قلت : ايه
حمد : اختبرت
قلت : ايه
الاستاذ حمد .. عشر طعش علامة استفهام وتعجب تدور فوق راسه .!!


امسك بيدي وانطلقنا للقاعه لأريه مكان جلوسي ..
وصلنا وقلت : هذا مكاني وهذا اسمي وهذا رقم الجلوس حقي
التفت علي بدهشه وقال : انت قاعدن هنا ؟
قلت : ايه
حمد : سال احد المدرسين هذا الطالب اختبر ؟
المدرس : ايه .. اختبر




الخطاء الكبير

تفاجئ الجميع بان الطالب اللي ماحضر الاختبار كان اسمه يزيد .. بس من فصل اخر
وبدال ماياخذ اسمه كـ ( غائب ) .. حط اسمي وحضره هو.!!!

[ طريقه حصول الخطاء الغير مقصود ]

ترتيب الطلاب في الكشف .. على باب الفصل 2ط/2

محمد سعد ..... 3ط/2
نايف عبد الرحمن .... 3ط/2
هيثم علي ...... 3ط/2
يزيد عبد الرحمن ... 3ط/2 <<< هذا الكويس نقطة تفتيش
محمد فيصل ....3ط/3
مطلق احمد ..... 3ط/3
نصار عبدالله .....3ط/3
وليد يوسف .....3ط/3
يزيد خالد <<< الطالب الغائب .. انسحب عن الدراسة لظروفه الخاصه


فـ الاستاذ حمد .. تابع كشف الطلاب بدءً من الاول حتى صادف اسمي واعتمد غيابي
بدل غياب الاخ : يزيد خالد


الإعتذار الحار

مممممم .. الاستاذ حمد _ اربك الجميع _ بسبب سوء الدقه في اخذ الاسماء وسبب فوضى امنيه ايضا"
اول اتصال كان للشرطة .. وتم اخبارهم بان القصه كذا وكذا .. وانه كان تشابه اسماء .. والحمد لله وجدنا الطالب

فما كان من الاستاذ حمد الى التوجه الى الوالد والاعتذار الشديد .. والشديد .. والشديد
الوالد حفظه الله .. تفهم الوضع والقصه واخبره ان الخطاء وارد من اي انسان .. لكن لابد من التثبت من المعلومه



أبو رزان والوالدة حفظها الله

حقيقة .. اول شي قمت به الاتصال على والدتي .. بعد ان اخبرني اخي انها علمت بالوضع
واخبارتها باني بخير وصحه والحمد لله وان القصه كانت مجرد خطاء في تشابه الاسماء وانا بخير الان واختباري موفق
لم تصدق .. لزمنا الحلف والقسم خخخخخخخخخ وتهدئة الوضع ..



الاختبار الثاني ( الفترة الثانية )

بعد انتهاء هذا الفلم .. عاوت النشاط والروح لان لدي اختبار ثاني .. لازم اتفرغ له تماما"
والقصه بمجملها لها الف حساب .. بعد دخولي للقاعه اول من تاكد حضوره وتسجيل حضور هو انا خخخخ
حقيقة .. الاستاذ حمد ماقصر معي بالاختبار .. قال اي شي صعب عليك قلي بس ..
لكن الحمد لله اني استطعت اني احل الاختبار بنفسي لانه كان سهل جدا ..



الخروج النهائي

خرجت للبيت مسرعا .. نحو معلمه مميزه في بيتنا ونحو حنونه مربيه في منزلنا
>> نحو امي الغالية <<
وكان اللقاء بها اشبه بقصه خطف حقيقية .. وعودة حقيقية بعد اطلاق السراح ..

الشقردي
29-06-2007, 02:12 PM
معقولة يا شكوكو

كل هذا يصير بالمدرسة والقاعد بالصف

شي يحير

وقصة تخبل

ام الزري
29-06-2007, 04:34 PM
http://www.majaless.com/up/uploads/b49a139bd2.gif (http://www.majaless.com/up)

الوعــ نور ـــد
29-06-2007, 04:43 PM
قصه غريبه الصراحه ..

والخطا وارد بس مو جي ..

خرعوا العالم ..

shokola
30-06-2007, 12:19 AM
خخخخخخخخخخخ

عادي وحده من صديقاتي حسبوها غايبه

وطقوا على امها

امها كانت بتجيها جلطه من الفجعه!!

احساس الدوحة
30-06-2007, 12:55 AM
كل شي يجوز

massari
30-06-2007, 05:06 AM
اغلب الاحتمالات ممكن تصير والواحد ما يدرى وش ممكن يصير معه

shokola
30-06-2007, 05:53 PM
مساري تراني فاهمه كلامك!!!!

شكرا جوهروه