المساعد الشخصي الرقمي

مشاهدة النسخة كاملة : انواع الدخلاء عند اغلب القبايل


بدوية قطر
14-07-2007, 03:41 PM
انواع الدخلاء عند اغلب القبايل





الاول: الطريد
الطريد هو اذا وقع الشر بينك وبين خصيمك ولحقته وفي اثناء ملاحقه واتجه الى بيت او قطين بدو وهو يستفزع .. هنا انت يجب عليك تمتنع عنه اذا دخل في حدود البيت وحدود البيت
عند البدو هي حذفة عصى من البيت <<< وهذا مقياس المسافه

واذا صوبته وهو حول البيت يجيبون رجال نشيط ويعطونه عصى تقارب عصى الراعي ويخلونه يرميها بكل قوته واذا تعدت المكان اللي صوبت فيها الطريد يركبك الحق ويستقضي منك راعي البيت على حسب العرف اذا ذبحته الرد يكون مربع يعني القضا اربعه الا اذا جا فيها صلحه
واذا هي طقة عصى وتصويب لها غرم مال او صلح

وهذا طريقة دخلته حلوه اذا كان راعي البيت غايب يدخل البيت وانت تلحقه ويقومون الحريم بطرح بيت الشعر عليه كنايه على انه صار من حرمة البيت

اما اذا اصابتك له كانت خارج حدود حذفة العصا فهو ما زبن وخصومته معك تبقى بينكم

الثاني : المنيع
المنيع هو اذا وقعت غزوه او معركه وقط خصمك سلاحه او صوبته وفقد قدرته على القتال هنا يستمنع عليك ولا يبقى له عندك الا حق الدخيل اللي هو الحمايه والعلاج اذا لزم وعقبها تطلقه بدون لا تضره

والثالث واللي له انواع هو دخيل البيت او طريح البيت
اولها اللي يزبن عليك ويطيح في بيتك اولها دخيلك وانت خصمه

هذا النوع من ابرز معاني الشهامه عند اهل الباديه
يعني اذا ذبح واحد احد عيالك تدخله من باقي ربعك وأولياء الدم ثلاث ايام يسمونها المهربات
تعطيه فرصه يهرب فيها الى ان يدخل على ناس يحمونه الى ان تنعقد جلسة القضاء وينحكم له او عليه

وثانيها دخيل" واقف شليل"

وهذا اذا صارت الخصمه بين عيال عمك وانت طرف ثالث يعني ما تقدر تميل مع احد ضد احد في هذه الحاله تدخله" واقف شليل "

وهو انك تدخله بوجهك وترافقه الى ان توصله ناس يزبنونه واذا وصل ينتهي دورك

والثالث طريح البيت وهذا النوع اشدها وطولها مده واكبرها قدر

وهو ان يدخل الدخيل ويطيح في البيت عند راعيه وبكذا يدخله ودايم الناس تدخل على اللي له قدر لان دخيل البيت يبغى غير الحمايه

يبي احد يتوسط ويسوق جاهه وماله ويحاول يحل الموضوع بالحكمه وتراضي او بلقضاء واذا صار الدخيل مظلوم وجايه جور ينصره وتصل للحروب


وهذي القوانين وضعت عشان لا تكون الدعوى متروكه لثورة الغضب وتصير اخطاء وتعالج باخطاء اكبر

ولم توضع لحماية الجاني بقدر ما وضعت لكي تهدء النفوس ويجدون الفرصه والوقت للحل الذي يكون عادل



/


أتمنى يعجبكم الموضوع ,,




:


البدوية

الشقردي
14-07-2007, 03:44 PM
موضوع جدا مميز

يعطيج العافية اختي

بدوية قطر
14-07-2007, 03:48 PM
موضوع جدا مميز

يعطيج العافية اختي



/


التميّز ليس إلا في حضوركـ هناا


وتواصلكـ العطر ,,


:

لاهنت والله

عتيج
14-07-2007, 09:40 PM
نقوه(ن) طيبه يابدويه قطر

ربي يسلمج و يعافيج

بدوية قطر
15-07-2007, 11:05 AM
نقوه(ن) طيبه يابدويه قطر

ربي يسلمج و يعافيج



/


الحلى في تواصلك اخوي بوسليمان

ويسلمكـ ربي دووم


:


بدوية

أماني العاشق
15-07-2007, 12:40 PM
موضوع رائع ومتميز بس عندي سؤال لاني ما فهم تالمعنى مليح ولا تهوني


والثالث طريح البيت وهذا النوع اشدها وطولها مده واكبرها قدر

وهو ان يدخل الدخيل ويطيح في البيت عند راعيه وبكذا يدخله ودايم الناس تدخل على اللي له قدر لان دخيل البيت يبغى غير الحمايه

يبي احد يتوسط ويسوق جاهه وماله ويحاول يحل الموضوع بالحكمه وتراضي او بلقضاء واذا صار الدخيل مظلوم وجايه جور ينصره وتصل للحروب

في مجال تفهميني النقطه هاي اكثر بعد اذنك

الجوهرة
15-07-2007, 01:08 PM
اول مرة اعرف ان الدخلاء انواع....!!!

تسلمين على المعلومة .....!!!

احساس الدوحة
15-07-2007, 01:32 PM
تدرين عاد

اول مره اسمع عن هالسوالف

تسلمين يالغلا

نـــواره
17-07-2007, 01:47 PM
تسلمين اختي بدويه

بالفعل موضوع جدآ مميز

وانا سمعت عنها كثير
:)

ام الزري
19-07-2007, 07:14 PM
الله يحييك على هالموضوع ..
وسلمتي ودمتي

لمسة عطر
19-07-2007, 07:29 PM
فكرتيني بمسلسل راس غليص ،،

تشكري ع المعلومات القيمهـ يا بدويهـ ،،

HanoOoda
19-07-2007, 10:52 PM
شكريا على المعلومات

:banana::banana::banana: