المساعد الشخصي الرقمي

مشاهدة النسخة كاملة : البدون في قطر


وثيقة قطرية
25-07-2007, 04:32 AM
مرحبا
مادري أكتب كتاب إلى حقوق الإنسان وأقولهم عن مشكلتي
بدون في قطر ولا أحمل الجنسية القطرية إلى الآن وقالوا في الصحف وبالذات الراية إنهم بيحلون مشكلة الألفين شخص فقط في قطر من فئة البدون وتحدث وزير الداخلية في وطني الحبيب في شهر 11 / عام 2006 عن البدون لكن أنا أعتقد ومن وجهة نظري الشخصية إنهم حسو فينا إشوية واتركونا .....
يعني شروط منح الجنسية 100 % أستحقة
1 - لا أحمل أي جنسية ولا أنتمي لأي دولة أخرى
2 - عمري 27 سنة من مواليد الدوحة
3- أبوي وجدي بالدوحة عام 1930
5 - لي أخوات وإخوان عمات واعمام يحملون الجنسية القطرية الأصلية قصدي مب بالتجنس
بس أبوي لا يحمل فهل يعقل اني ماعندي جنسية ( وثيقة سفر قطرية فقط )
6 - ملف الجنسية جددناه أكثر من مليون مرة واخرها مع اللجنة الدائمة لمنح الجنسية القطرية
فهل يعقل من أنني لا أحمل الجنسية القطرية وأنا قطري أب عن جد
7 - ناس مثل أيمن جاده و كاظم الساهر وسعد الفهد يمنحون الجنسية وأنا لا ليش والله بصيح


وأنا مابي أتدخل بغيري لكن أحس بضيق

مافي حل إلا الواسطة في حد عنده واسطة لأني بطلع عن طوري تعبت
وعمري 22 سنة كنت تقدمت حق بنت عمتي لكن ارفضو الداخليه ليش اني بدون وهي قطرية
احرموني من بنت عمتي ومن ذاك الوقت مافكرت بالزواج ليش لأنها من عائلة معروفه
وأنا أشفيني ؟؟؟ أستغفر الله اللظيم ولا حول ولا قوة إلا بالله

أرجوكم أرجوكم في حد عنده واسطة أبي أعيش أبي أسافر مثل عيال عمي وعمتي ليش الظلم واحنا في بلد أمن وأمان الله يحفظ بومشعل ويخليه ذخر لنا

في حد عنده أخبار طيبه عن موضوعنا أرجوكم ردو علي ؟؟؟؟؟؟؟؟؟؟؟؟؟؟؟؟؟؟؟؟؟؟

ومابي أثقل عليكم بس لاني متضايق من شذي كتب الرساله
عجبني الموقع لأنه إسمه أهـــــــــــــــــــل الــــــــــــــكـــــــــــرم
وانتو قدها واقدود

أبي واسطة وارجو اني ما أكون ثقيل عليكم وهذا الموضوع اللي كتبته للنقاش وتريحون بالي وتعلموني اذا في أخبار حلوه
والله متضايق
:asd: :asd: :asd: :asd: :asd: :asd: :asd: :asd: :asd: :asd: :asd: :asd: :asd:

ام الزري
25-07-2007, 08:53 AM
الله يهون عليك ان شاء الله ..

مهستر@الله يستر
25-07-2007, 12:06 PM
اترك البشر وانساهم


وخل تعاملك

ورجائك

برب البشر


أهم شي

انك تصلح علاقتك وياه

وتخلص له بالدعاء


وقال السلف : ما وقع بلاء إلا بذنب

وما رفع إلا بتوبة

ولكن علينا في هذا المنتدى ندعي لك

ان الله يفك ضيقتك

ويفرج همك

المرتعشه
25-07-2007, 02:44 PM
اللـــهـ مـــعـــاااك ان شاء الله
والله يفرج همك يااااااارب
ومافي شي تسويه ياخوي غير الدعااااااااء ...

مهدلي
25-07-2007, 07:04 PM
الله يفرج همك

ياسمين قطر
25-07-2007, 07:33 PM
انا ماقولك لاتزعل ولاتضايق بس اظن ان الحكومة اكيد لهانظره ومافي شي بعيد عن الله وانشاالله يعطونكم الجنسية لان عندنا موظف تومعطينة الجواز هو اصلة يمني وانشاللة يعطونكم

HanoOoda
25-07-2007, 10:48 PM
الله يساعدك

وثيقة قطرية
26-07-2007, 06:10 AM
شكرا شكرا شكرا
لـــ أم الزري - ومهستر @ الله يستر - المرتعشة - مهدلي - هانودي
وأقول لياسمين قطر أنا سمعت عن اليمني وماحصل هو وعائلته الجواز بالاجراءات العادية
حصلها بالواسطة ومابي أقول واسطة من والله يوفق الجميع

وأنتو الصراحة على الأقل شلتو اشويه من الضيق اللي فيني وأرجو منكم الدعاء
وأنا بدعيلكم الله يوفقكم ويحفظكم من كل شر آمين آمين آمين

:boat: بعيش في البحر
أو :025:
ويمكن في السما

وشــــــــــــــــــــكـــــــــــــــــــــــــــ ـــرا للجميع

مهدلي
28-07-2007, 12:37 AM
قال الشيخ حمد بن خليفه بن احمد رئيس الاتحاد القطري لكره القدم

ان مدرب منتخب قطر جمال الدين حصل على الجنسيه القطريه

بعد تحقيق قطر ذهبيه الاسياد 2006

المصدر

قناه الدوري والكاس

برنامج المجلس

يستاهل جمال الدين الجنسيه القطريه

من يا لقطر من 16 سنه وهو محقق انجازات

للانديه والمنتخب القطري

منقول من قطر فوتبول ابي اعرف ليش الجواااز صار رخيص كل من هب ودب قام ياخذه واللي مولودين في قطر ماعندهم ؟؟؟

اذا الرياضة تسوي كله هاي عيل اي حد اجنبي خل يدخل ولده النادي ويلعب اوكي بيدخل المنتخب وبيعطونه جوااااز

مهستر@الله يستر
28-07-2007, 12:48 AM
احين انت يالمهدلي

جاي

تقهر الرجال

ولا جاي تنتقد

ولا جاي ايش تسوي


اقول ...

ارجع دكانك

وجهز الباجلة والنخي

حق بكره الصبح

احسن لك

ياعني بالعربي


كل عيييييش

امل منسي
28-07-2007, 12:50 AM
منقول من قطر فوتبول ابي اعرف ليش الجواااز صار رخيص كل من هب ودب قام ياخذه واللي مولودين في قطر ماعندهم ؟؟؟

اذا الرياضة تسوي كله هاي عيل اي حد اجنبي خل يدخل ولده النادي ويلعب اوكي بيدخل المنتخب وبيعطونه جوااااز

وياي وحده في الدوام سوريه عندها جواز امريكي وعطوها جواز قطري ويوم خذته فنشت وراحت سكوتلنده

وثيقة قطرية
28-07-2007, 01:22 AM
ما أقول إلاحسبي الله ونعم الوكيل

اه ياعمري قطر والله اني احب قطر والحب هذا صعب نحصله
نابع من كل قلب لكن من يحس من يقدر

اذا عمامي وعماتي كلهم عندهم واخوهم اللي هو ابوي ماعنده
وتصدقون انه هو اكبر واحد فيهم الله يطول بعمر ابوي ويخليه لنا
علمنا على الصبر والطيب والصلاة في المسجد وقراءة القرآن وصله الأرحام
ماقصر والله

عاداتنا وتقاليدنا قطرية مب مهم الأوراق المهم القلب اللي نابع بحب أهل قطر
وتراب قطر
وعلى أيام الدراسة كانو ربعي يستغربون اشلون أنا ومن عائلة معروفة ماعندي جواز
وللحديث بقية


اه ياعمري قطر

:4s2j9s (3):

احساس الدوحة
28-07-2007, 02:28 PM
انها ليست معاناتك لوحدك

هناك الكثير ممن يعانون من هذه المشكله

صابرون ويحتسبون الاجر

وان شاء الله ربي يفرج همهم

ويفتحها عليك

وان شاء الله قريب تسمع كلام حلو

دام اهلك عندهم يعني لك الاولويه

الله يكون بعون الجميع ..

مهدلي
28-07-2007, 05:02 PM
وياي وحده في الدوام سوريه عندها جواز امريكي وعطوها جواز قطري ويوم خذته فنشت وراحت سكوتلنده

نفسي الشيء دكتورةريلها طلقها راحت ولدت في امريكا وعطوا ولدها الجواز

مهستر@الله يستر
28-07-2007, 05:19 PM
نفسي الشيء دكتورةريلها طلقها راحت ولدت في امريكا وعطوا ولدها الجواز


ايش دخل هالسالفة

في الموضوع

؟؟؟؟؟؟

!!!!

:bangin:

وثيقة قطرية
28-07-2007, 06:13 PM
:f63: انزين في حد يقدر يساعدني ويوصلني للأمير
والله انه الأمير لو عرف بسالفتي واني معروف ماراح يقصر
واني من أصحاب الوثائق القطرية ماراح يقصر
الله يحفظه ويخليلنا ذخر يارب
بس المشكله انه حواليه ناس حساد لاذمة ولاضمير
بس همهم نفسهم وربعهم
الله يخلينا سمو الأمير بومشعل وسمو ولي العهد تميم والشيخ جاسم
وحرم سمو الأمير الشيخة موزة والمياسه والله اللسان يعجز عن التعبير
لهم ما أقول إلا الله يوفقهم ويبعهدهم من كل حاسد
يارب يارب يارب
قولو آمين

وللحديث بقية:f63:

الشقردي
01-08-2007, 07:05 PM
هانت

قريب ان شالله

وثيقة قطرية
01-08-2007, 09:05 PM
هانت

قريب ان شالله


قول والله

مهستر@الله يستر
01-08-2007, 09:07 PM
قول والله

ترى الشقردي

هو راعي المجالس


والظاهر

انه واصل وعنده من العلوم الزينه


عليك به ... وان شاء الله بينحل موضوعك

:crazy:

الشقردي
01-08-2007, 09:22 PM
قول والله



قريب ان شالله

ونحاول ننزل موضوع فيه تفاصيل اكثر قريب

وعقبها بنغير اسمك الى جواز قطري ايش رايك

وثيقة قطرية
01-08-2007, 10:12 PM
قريب ان شالله

ونحاول ننزل موضوع فيه تفاصيل اكثر قريب

وعقبها بنغير اسمك الى جواز قطري ايش رايك


الله يسمع منك
وصج أتمنى إنك تغير اسمي لجواز قطري

وأنا أوعدكم أول ما أحصل الجواز بسوي حفل عشاء لأعضاء المنتدى

ولازم بوسلمان يحضر


ويلقي كلمه خخخخخخخخخخخخ

والرجال عند كلمته
:79_asmilies-com:

الشقردي
01-08-2007, 11:30 PM
الله يوفقك للخير

ولازم تعرف ان حل اي مشكلة مب بيد البشر

بيد رب البشر

واذا بليت فثق بالله وارض به

ان الذي يكشف البلوى هو الله

وثيقة قطرية
01-08-2007, 11:35 PM
شكرا يالشقردي

وبيض الله وجهك

النعمان
02-08-2007, 01:18 PM
اسمع يا اخي الكريم الجنسيه احقك وبو مشعل ما يقصر بس انت وين تشثغل

وثيقة قطرية2
28-05-2008, 11:37 PM
ادعيلنا اخوي يفرجون علينا مشكلتنا كلنا
احنا الوثائق القطرية
يارب

مبتلي بوثيقة
29-05-2008, 12:13 AM
اي والله كلنا متوهقين لانقدر نسااافر ولا شي ولا نحصل شغل
حتى اخوي مخلص الجامعه بتقدير عالي والله لحد الحين مااشتغل قاعد في البيت
وحتى الوثايق مغلينها في التجديد ولاتنفع بشي
ويكتبون لنا في البطاقه الجنسيه ايراني واحنا ولا عمرنا شفنا هالبلد
بس شنسووي مانقدر نقول شي
كلنا مواليد قطر وماعرفنا غير هالبلد واحنا قطرين بكل شي الا الجواز بداله وثيقه

ياريت لو تنحل مشكلتنا والله مالنا غير هالبلد نحبه ونموووت في ترااابه

وثيقة قطرية
04-06-2008, 04:09 AM
اي والله كلنا متوهقين لانقدر نسااافر ولا شي ولا نحصل شغل
حتى اخوي مخلص الجامعه بتقدير عالي والله لحد الحين مااشتغل قاعد في البيت
وحتى الوثايق مغلينها في التجديد ولاتنفع بشي
ويكتبون لنا في البطاقه الجنسيه ايراني واحنا ولا عمرنا شفنا هالبلد
بس شنسووي مانقدر نقول شي
كلنا مواليد قطر وماعرفنا غير هالبلد واحنا قطرين بكل شي الا الجواز بداله وثيقه

ياريت لو تنحل مشكلتنا والله مالنا غير هالبلد نحبه ونموووت في ترااابه


صدقت

وثيقة قطرية2
04-06-2008, 07:15 PM
شوفوا اللي بالصورة هذي وثيقتنا اللي مو مسوية خير فينا
تدرون انا الصراحة مفتشل حتى انا كاتبين لي بالبطاقة ايراني
مع اني مو ايراني
شاسوي
والله احب قطر

مبتلي بوثيقة
04-06-2008, 07:16 PM
الله كريم ان شاء الله
بس ملينا واحنا ننتظر
لين متى .؟؟؟ الله يعلم

أم سعيد
04-06-2008, 09:41 PM
استغفروا الله وبيفرج همكم

الاستغفار سيد الدعاء

وهذا ابتلاء ويمكن فيه الخير

الله يوفقكم ويعطي كل انسان على نياته

فقط لا تيأسون لأن اليأس من رحمة الله كفر

ولأنكم اذا يأستوا بتدمرون حياتكم وما بتحسون

بلذة الحياة وبتعيشون على امل فقط !!

احمدوا ربكم وعيشوا حياتكم واذكروا الله وشوفوا اللي أقل منكم مب لاقين حتى أربع طوف تلمهم !!

εïз وصايف εïз
04-06-2008, 09:57 PM
اي والله ربي يعينكم ..


وربي تستاهلون الجنسيه انتو ادعو ربي .. وصدقووووني .. قريب بتاخذونها ..


سمعت انه في قانون جديد .. وقريت في الجريده .. نطروو شوي .. يمكن ربي يفرجها عليكم ..


وربي كلنا قلوبنا معاكم .. وكلنا نطالب انكم تاخذون الجواز لأن الأحقيه لكم ياللي ما شفتو غير قطر ..

مبتلي بوثيقة
05-06-2008, 03:05 AM
نزلو امية قانون كم مرة
وكم لجنه سووهاا
ماندري وين بنوصل
مانسمع عن حد خذا الا بالواسطه غير جي مافي

لحظة أمل
05-06-2008, 12:06 PM
ثق بالله وحده ولا ترجو إلامن الله وحده ،،، قريبا ان شاء الله سوف يفرج همك وهم الجميع بإذن الله تعالى" آمين"

وثيقة قطرية2
06-06-2008, 01:07 AM
وثيقة قطرية
والله المفروض نكتب لحقوق الانسان بس شلون نوصل لهم

أم سعيد
06-06-2008, 01:10 AM
المفروض من زمان كنتوا كتبتوا لهم !!

والله يوفقكم

εïз وصايف εïз
06-06-2008, 02:51 AM
ثلاث يقربون لي في حقوق الانسان ..


يوم سالت بنت عمتي قالت خل يقدمون ..

مبتلي بوثيقة
06-06-2008, 03:28 PM
مانعرف وين .. عند منو بالضبط

وماعتقد انهم يقدرون يسون شي
هاااي اذا خذوو بكلامنا..

والله مادري يبيله نرووح نجررب

الســــــــــيف
06-06-2008, 07:13 PM
((ومن يتقي الله يجعل له مخرجا)) ضع الله في جميع أمورك فأن قلوب بنو آدم بين أصبعين من أصابعه.

وثيقة قطرية
07-06-2008, 02:57 AM
لاتروحون يا أصحاب الوثائق
سمعت انه الداخليه بيراقبونكم اذا تكلمتو في حقوق الانسان هذا من واحد الله يستر عليه من الدخليه
قال حق اخوي
ويمكن ابعاد للمريخ

والله كريم هذولا مايفهمون غير يعطون اللي مايستحق

وثيقة قطرية2
21-06-2008, 04:02 PM
قبل كم يوم منزلين موضوع بجريدة الراية عن البدون

محد يقدريوصل قصتنا لسمو الامير او الشيخة موزة
تكفون اي حد يعرف يكلمهم عنا

ام سعود
18-07-2008, 05:41 PM
يمكن انا اكثر وحدة حاسة بمعاناتكم لاني مثلكم صاحبة وثيقة الله يكون في عون الجميع

وثيقة قطرية2
01-08-2008, 11:03 PM
عاد اشلون نوصل صوتنا؟

عذابي دنيتي
10-08-2008, 01:03 PM
الصراحه انا توني مشارك في المنتدى
والسبب هالموضوع
لأني اعاني من نفس المشكله

وانا يقولون عني عماني وكاتبين لي عماني
وانا ما شفت عمان الا على خريطة العالم ؟!

واما بالنسبه لحقوق الانسان
فهذه الوزارة مو لنا حنا
هذي حق << اصحاب الجناسي الفلسطينيه والأردنيه وتوابعهم

انا الحين عمري 16 سنه
وبدون . من يوم ما جابتني امي وانا في قطر ما طلعت منها ابد
اهلي كلهم قطرين الا عايلتنا ليش ؟! وقطرين بالولاده مو بالتجنس

والله انه حنا نستحق الجنسيه
انا اجداد اجدادي انولدوا هني وماتوا هني وماحصلوا الجنسيه

ويجونا بو فلس ومصاروه وهالجناسي الغير خليجيه
في خلال يومين يمشي لهم من الدوله راتب ولا جد جدي يحلم فيه
وبيت تقول القصر الأبيض
وسياره تايرها ما اقدر اشتريه !!!

وياما كتبنا مشاكلنا في الجرايد والمجلات
وكل مكان بس (بدون) فايده ؟!؟!؟!

والله العظيم قهر عشان يجي الفلسطيني لقطر حنا نكفله
بعد اسبوع يجينا يقولنا (( بدكوش كفيل )) على ابو انه بيكفلنا

بس ماقول الا الحمدلله على كل حال
زين اللي الجوازات كتبوا لي عماني على اساس ان ابوي من مواليد عمان ؟!
يعني ما نحتاج كفيل

لو مكتوب شي ثاني كان حتى الثانويه عشان ادرسها ابغي كفيل
بس والله حرام
يعني لهالدرجه حنا عاله على المجتمع القطري

الحيوان وانتوا بكرامه قاموا يطلعون له جنسيه وهويه
وحنا انراكض عشان هالعنابي

بس والله حنا مالنا الا قطر
اذا حنا مو قطريين بالجنسيه

فتأكدوا حنا قطريين بـ ولادتنا جسمنا دمنا لحمنا
ويقولون الأولويه لأبناء القطريه

انا امي قطريه وابوها قطري وجدها قطري ..
بس (بدون) فايده

يعني متى بيطلعون قانون ينصفنا
انا طول عمري اسمع بيجنسونا وانا كملت 16 سنه
وما شفت شي

بس شنسوي هذا نصيبنا من الدنيا
الحمدلله على كل حال
مالنا غير الصلاة والدعاء لرب العالمين

وان شاء الله بحيل اللي ماتنام عينه
راح يعطونا الجنسيه

تفائلوا بالخير تجدوه ..

وثيقة قطرية2
11-10-2008, 09:32 PM
ياخي احمد ربك كاتبين لك عماني مو ايراني
غيرك مساكين امثالنا كاتبين لهم ايرانين قهر

بو خنجر
08-01-2009, 01:28 AM
والله قهر

عاايشين في عذااب والسبة هالجواز الايراني

لا دنيا نفس الناس ولا مستقبل

الله يرحمنا برحمته

وان شاء الله قرييييب << دووم نقوولها



بس والله انا عندي سؤال لو حد عنده الجوااب بس


يعني لو عايش في قطر من الخمسينات اقل بعد يمكن الاربعينات
وخدمت قطر وتفديها برووحك لو انطلبت ... .

مب قهر انك انك ماتكون مواطن فيها حالك حال ربعك وقرايبك

واحنا طالبين الجنسية تقريبا بنوصل 30 سنة

وللحين :(

الشكوا لله

وثيقه سفر قطرية
13-01-2009, 12:29 PM
انا ماعاد عندي امل ف هذا الشي
واحنا ابسط حقوقنا مش محصلينها
وكل شي ف صوب والجنسيه الايرانيه ف صووووووووب
من وين طلعت لي مش عارفه بعدي!!!!!!!!!!

دموع ساخنه
17-01-2009, 01:40 AM
الله يفرج همك

بن عزان
19-01-2009, 08:36 AM
الوثايق كثيرة 000والبدون000 والمواليد000 والمقيميين منذُ 50 عام ولهم معاملات جنسية مستوفية الشروط 000 كلهم ينتظرون الفرج والله سبحانه وتعالى مفرج الهم والكرب والدولة تعلم بكل صغيره وكبيره وهنا يجب على جميع الاخوه طالبين التجنس التوجه بالدعاء الى الرزاق الذي بيديه قلوب العباد يصرفها كيف يشاء فادعوا بالرزق الوفير وطبعاً حصولك على الجواز هو رزق كثير واستقرار وشعور بالانتماء لا يوصف اتمنى كل من عاش على تراب هذا الوطن الغالي ان يوفقه الله الى ما يريد 00 والصبر مطلوب ونتمثل بهذا البيت (ضاقت ولما استحكمت حلقاتها فرجت وكنت اظنها لا تفرج)

أم الحنايا
25-01-2009, 10:09 PM
ماعليك ياخوي إلا الصبر ومثل ماعطى غيرك يعطيك ورحمة ربك واسعة والله يفرج همك وهم كل واحد يحمل الوثيقة القطرية واقول ان فرج ربي قريب إن شاءالله

وثيقة قطرية2
11-02-2011, 10:56 AM
خلونا نوقف مع بعض ارجوكم
المواطنين انتوا اخوانا واخواتنا ارجوكم طالبوا لنا بهالشي
انتو عيالهم بيسمعون كلامكم احنا برع الحسبة
اتمنى من اللي يقدر يساعد

واكيد اولا واخيرا مالي انا واخواتي الا الدعاء
اللهم حنن قلوب اولياء امورنا علينا ، انت الرزاق يااكرم الاكرمين ، ياااااااااااااااااااااااارب
اللهم امين

بدون وطن
28-05-2013, 01:31 PM
بسم الله الرحمن الرحيم اعتقد انه كلنا نفس الحاله بس كل واحد له ظروفه والله المستعان .. الله يكتب الي فيه الخير .. انا الي باط جبدي شي واحد والله .. مكتوب لي فشهادة الميلاد ايماراتي وفالبطاقه ايرانيومادري وشو ايماراتي وبعض الاشياء ايراني ..طيب انا الحين ايش موقفي من هذا كله .. طيب ايران انا ماقد عمري سمعت فييها الا توني يوم عمري 16 سنه وانا الحين صاك كم .. طيبه ايماراتي انا ابوي كان عنده الجواز وانتم تعرفون انه ابوي عنده الجواز سابقا قالو لا انتو من ايران طيب الجواز بيدك لا انتو من ايران هذا مزور .. الله المستعان الله يفك ضيقتكم كلكم .. والله يفتح عليكم الي فيه الخير ادعو ربكم وصلو .. والله ان شاء بيسر الامور .. وان مازانت مانقول الا الحمد لله ..واقترح لو مازانت وخلاص .. يسون لنا حفره بسيلين ولا اب اي مكان يعبون جميع البدون او اصحاب الوثايق .. ويرشون علينا ببترول ويحرقونا .. وخلاص يفكوننا من غثى الدنيا مره وحده ..