المساعد الشخصي الرقمي

مشاهدة النسخة كاملة : تصبح على خير ...


بوعلي
25-04-2007, 04:03 PM
افتح شبابيك الهوى جيتـك اليـوم
بحساس من زود الوله عده ايطيـر

جيتك مثل طفلن له ايـام محـروم
عن حضن امـه بعدتـه المقاديـر

وجيتك مثل عودن له ايام مهمـوم
وده يلاقـي باخـر الوقـت تقديـر

وجيتك حضن عاشق وهايم ومغروم
وده يضمك لين تصبح علـى خيـر

متى تحس ان الهوى شي مقسـوم
من قسمة الخالق على خلقه يصير

ومتى تحس اني لك اطيـح واقـوم
واتعب على شانك واقدرك وآغيـر

لي في هواك احلام وامال وعلـوم
واحزاب واصحاب وقصيد وجماهير

وهموم وافكار وهواجيس وحلـوم
وادروب واخطار وعذاب ومشاويـر

وحب وغلا واخلاص ومعاند ولـوم
واحساس واللهام وشعور وتفاكيـر

وصحبة سهر ومقاطعة لذة النـوم
واشواق جياشه وعشَـق وتعابيـر

في ذمتك مابان لـك شـي مكتـوم
من بعد ماصورت الاوضاع تصوير

لاتحسب انك شي عابـر ومعـدوم
وتاريخ حبَك فـاق كـل الاساطيـر

كنـي لقيتـك بأغنيـه لأم كلثـوم
وكني قريتك في روايـة شكــسبيـر

في كل شي اتخيلك واسمعـك دوم
واتأملك في الوقـت الأول ولآخيـر

من ماضي الأيـام لايومـك اليـوم
وغَلاك عندي ماحصل فيـه تغييـر

وانا لك الله مأقبل البيـع والسـوم
ولا ارضى علي ولاعليك المخاسير

لاْني الوحيد اللي على بحرك يعـوم
واللي عرف مرساه في رحلة السير

لحظه حبيبي قبل يسبقنـي النـوم
بضم صَدرك لين تصبح على خيــــــر



مبيوق ...

ام الزري
25-04-2007, 04:07 PM
بقراها قبل النوم ..
وتسلم على السرقة الشريفة ..

بوعلي
25-04-2007, 05:59 PM
العفووو ام الزري ..
عاد لا تنسين تقولين لي رايج قبل النوم ...

الجوهرة
25-04-2007, 06:52 PM
كل الابيات حلوة و بصراحة اختيارك رااااائع للقصيدة ....!!!!

تسلم بو علي...!!! ولا تحرمنا من جديدك.....!!!!!!

امل منسي
25-04-2007, 07:55 PM
قصيده جميله جدا

تسلم بوعلي

الشقردي
25-04-2007, 07:59 PM
الصراحة القصيدة حلوة

لكن اللي خربها

وعكر مزاجي







اسم ام كلثوم

بوعلي
25-04-2007, 09:39 PM
يسلم غاليج اليوهره ..
يسعدني ان القصيده يازت لج...

بوعلي
25-04-2007, 09:40 PM
يسلم غاليج ومغليج الشيخه امل..
منوره ...

بوعلي
25-04-2007, 09:41 PM
شنسوي عاد يالشقردي ...
مزاج الشاعر .. يحب ام كلثوم ....
منور عمي ...

Dark Yunei
26-04-2007, 12:06 AM
قصيدة راااااااائع
^^

مشكور خيو ..

‏فّـٍ ـاَلأحُِلأمٌـِ ـاًرسِْ
26-04-2007, 03:53 PM
روعه القصيده
يسلموو بو علي
^ـ^
ـــــــــــــــــ

زهرةالصبار
26-04-2007, 04:34 PM
قصيدة رائعة كما عودتنا بوعلي

اختيار مميز دائما

بوعلي
26-04-2007, 07:35 PM
تسلمين الغاليه دارك ع الرد ....

بوعلي
26-04-2007, 07:36 PM
العفو يا ملك ... منورني الغالي ...

بوعلي
26-04-2007, 07:37 PM
حضورج مميز زه زه ...
نورتيني الغاليه ...