المساعد الشخصي الرقمي

مشاهدة النسخة كاملة : الــزيــوتــ وأهــمــيــتــهــا ..


DaRla
14-08-2007, 06:32 PM
Hello ~!





ان الزيوت من أهم عوامل بقاء شعرك واستمرار نموه .. لما لها من فائدة كبيره جدا

في حماية الشعر وتغذيته ومعالجته و أطالته ، فهي من أهم مقومات الشعر الصحي

البراق الطويل الخالي من العيوب فان كنت تبحثين عن شعر بهذه المواصفات .. إذن

لا تبخلي عليه بتغذيته بأهم الزيوت واجودها وخصيصا إذا تم تركيبها بمقادير معينه

كي تجمعين أهمها وتحصرين فائدتها بخلطه واحدة يزداد بها شعرك قوه وصحة وطولا

أيضا . وكم تزداد فاعليتها بإضافة بعض الأعشاب المفيدة عليها كي تزيد من مفعولها

فتعطيك نتائج باهرة بوقت اقل هذه بعض الزيوت للذكر لا للحصر المفيده للشعر ..


نبذة مختصرة عن بعض الزيوت وفوائدها:

زيت الخروع :مفيد ومغذي للشعر ويساعد على اطالة الشعر واستخدامه بشكل يومي للرموش يزيد من كثافتها ..

زيت الجرجير : مفيد ومغذي للشعر بالذات الجاف ..

زيت اللوز : من افضل انواع الزيوت المفيده والمغذيه والتي تعطي لمعه للشعر بعد الحمام ..

زيت النخاع : مفيد ومغذي ومطول للشعر ..

زيت الصبار : من افضل الزيوت المفيده للشع رويدخل في خلطات كثيرة للشعر ..

زيت السمسم :مغذي ومفيد لاطالة الشعر ..

زيت اكليل الجبل : مغذي للشعر ويمنع التساقط ..

زيت دابر املا : مغذي ومطول لكن مع الاستعمال يغمق لون الشعر ..

زيت الحيه : يستخدم لتدليك الفروه وتغذيته ..

زيت الذره : خفيف جدا ويسهل امتصاصه الفروة مغذي جيد ومفيد ، ويساعد على إطالة ونعومة الشعر ومنع التقصف ..

زيت تباع الشمس : زيت خفيف جدا للشعر كعناية وتغذيه ورعاية ..

زيت الكثيرا : زين نبتت الكثيرا الذي عرفت بفوائدها للشعر في الكثافة والاطاله ..



هذه نبذه مبسطه لبعض الزيوت المتداوله ، فالزيوت كثيره

بكثرة الاعشاب ، وتختلف نوعيتها وجودتها باختلاف مصدرها ومنشأها ، لذا عليك ان

تراعي في اختيارك للزيوت بما يتنساب مع طبيعة شعرك وتكيفه معه ..


وعند دمج الزيوت علينا مراعاة امور كثير ومنها ان يتم دمج الزيوت في قنينة زجاج

وليس بلاستيك ، بالاضافه ان تحطي بعين الاعتبار ان تكون نسبة الزيوت الباردة اكثر

من نسبة الزيوت الحارة ، وان تكون هذه الزيوت جيده وليست مقلده كما يوجد في

بعض الاسواق مما ينتج عنها تساقط الشعر ..

what ever
14-08-2007, 07:00 PM
يبي لي اجرب كم نوع منهم واسوي لي خلطه ..
خاطري شعري يطول بسسسسسسسسسسرعه ويصير كثيف ..
يسلمووو دارلونا ..

الشقردي
14-08-2007, 07:01 PM
ذكرتيني بدعايات الهنود قبل عشرين سنة

عن الزيوت اللي تطول الشعر

ولا طالت شعورنا ولا شي

الا كل مالها وتحت

لين ما صارت القرعة تلق

what ever
14-08-2007, 07:04 PM
فيه دوا يمدحونه .. اسمه hair grow
يحطونه على الراس المقرع ..
ينبت مكانه شعر ^^..
جربه .. يمكن تنحل عقدة القرعه ..

زهرةالصبار
14-08-2007, 07:07 PM
زيت الصبار : من افضل الزيوت المفيده للشع رويدخل في خلطات كثيرة للشعر ..



لحد يستعمل زيتي

أنا الزيت يساقط لي شعري

تمر علي سنين ما أزيت فيها


صدقيني لا الزيوت ولا الخلطات تنفع للتكثيف والتطويل والتنعيم

أنا قعدت سنة كاملة اجرب بشعري وبشعر بنتي كل يوم خلطة

خلطت كل انواع الزيوت اللي أجيبه طازه من المعصرة واللي اوصي عليه واللي من الصيدليه واللي من العطار

والجرجير طازه اخلطه والزبادي والبيض والحناء والثوم والبصل وكل شيء سمعت عنه

وماخليت ولا بقيت وبنهاية السنة إكتشفت ان لا شعري ولا شعر بنتي تغير ولا كثر كنت ابيه يكثر وبس

ومن بعدها حطيت اكس على كل الخطات

وقلت كلن يورث شعره من أمه وأبوه بمحاسنه ومساوئه لا يتعب نفسه

الشقردي
14-08-2007, 07:08 PM
فيه دوا يمدحونه .. اسمه hair grow
يحطونه على الراس المقرع ..
ينبت مكانه شعر ^^..
جربه .. يمكن تنحل عقدة القرعه ..

عاد تصدقينهم انتي

لو صج

ما لقيتي قرعة تلق بالديرة

صدقيني لين ظهرت الصلعة يمدحون الكشخة بالغترة والعقال

DaRla
14-08-2007, 07:26 PM
يبي لي اجرب كم نوع منهم واسوي لي خلطه ..
خاطري شعري يطول بسسسسسسسسسسرعه ويصير كثيف ..
يسلمووو دارلونا ..

ايه جربي :p

DaRla
14-08-2007, 07:28 PM
ذكرتيني بدعايات الهنود قبل عشرين سنة

عن الزيوت اللي تطول الشعر

ولا طالت شعورنا ولا شي

الا كل مالها وتحت

لين ما صارت القرعة تلق


هذا قبل عشرين سنه ,, الحين تغيرت الخلطات p=

جرب شخسران ..

DaRla
14-08-2007, 07:33 PM
لحد يستعمل زيتي

أنا الزيت يساقط لي شعري

تمر علي سنين ما أزيت فيها


صدقيني لا الزيوت ولا الخلطات تنفع للتكثيف والتطويل والتنعيم

أنا قعدت سنة كاملة اجرب بشعري وبشعر بنتي كل يوم خلطة

خلطت كل انواع الزيوت اللي أجيبه طازه من المعصرة واللي اوصي عليه واللي من الصيدليه واللي من العطار

والجرجير طازه اخلطه والزبادي والبيض والحناء والثوم والبصل وكل شيء سمعت عنه

وماخليت ولا بقيت وبنهاية السنة إكتشفت ان لا شعري ولا شعر بنتي تغير ولا كثر كنت ابيه يكثر وبس

ومن بعدها حطيت اكس على كل الخطات

وقلت كلن يورث شعره من أمه وأبوه بمحاسنه ومساوئه لا يتعب نفسه


لوول حده يائسه ..

شوفي .. انا عني ,, ما استخدم الزيوت ,, شعري ما يحتاي ..

بس اعرف وايد ناس يحطون الزيوت وتنفع معاهم ..

بس مرات المفعول يكون بطيء .. يعني يبيلج مده على ما تلاقين نتيجه زينه ..

ومرات يختلف من شخص لـ شخص ..


بس تصدقين .. يمكن من كثر ما تحطين شعرج صار فيه مناعه لوول p=

زهرةالصبار
14-08-2007, 07:41 PM
أقول لك سنة كاملة

يمكن تنفع الزيوت مع الشعر الجاف

what ever
14-08-2007, 07:45 PM
زهوره .. جربي حمامات الزيت .. خلي حد يسوي لج ..
التدليك يحرك الدوره الدمويه وينشط نمو الشعر ..
وكل اللي يسوون يصير شعرهم كثيف بعد فتره ..

DaRla
14-08-2007, 08:04 PM
زهوره .. جربي حمامات الزيت .. خلي حد يسوي لج ..
التدليك يحرك الدوره الدمويه وينشط نمو الشعر ..
وكل اللي يسوون يصير شعرهم كثيف بعد فتره ..

ايه هالطريقه زينه ,,

انا بغيت اسويها مره بس تعييزت وحسيت اني ماحتاج ..

جربي زهوره شوراج :p

بس لازم تداومين عليها فترة ...

عتيج
15-08-2007, 01:01 AM
انا مجرب زيت الخروع

و مسوي نتايج خطيره


بس لحد يتطنز خخخخ

زهرةالصبار
15-08-2007, 01:04 AM
خلاص شبعت تجارب

وشعري بدون تجارب احلا واجمل

وحمامات الزيت أستعملها

وإذا صبغت اروح للطبيب يعطيني مقوي لشعري وبس

احساس الدوحة
15-08-2007, 01:20 AM
صدقيني لين ظهرت الصلعة يمدحون الكشخة بالغترة والعقال

صاج الشقردي

الرياييل يخشون القرعه بالغتره

والحريم بالشيله ههه

تسلمين عالتقرير يالغلا

في ناس تناسبهم الزيوت

وفي ناس ما تمشي معاهم

لك ارق تحيه

DaRla
15-08-2007, 01:23 AM
انا مجرب زيت الخروع

و مسوي نتايج خطيره


بس لحد يتطنز خخخخ

ورنا خنشوف :devil_2:

DaRla
15-08-2007, 01:25 AM
خلاص شبعت تجارب

وشعري بدون تجارب احلا واجمل

وحمامات الزيت أستعملها

وإذا صبغت اروح للطبيب يعطيني مقوي لشعري وبس


عاد خبري الي يصبغون لازم يحطون زيوت ,, والا بيصير الشعر حده جاف ..

DaRla
15-08-2007, 01:26 AM
صاج الشقردي

الرياييل يخشون القرعه بالغتره

والحريم بالشيله ههه

تسلمين عالتقرير يالغلا

في ناس تناسبهم الزيوت

وفي ناس ما تمشي معاهم

لك ارق تحيه



yup :p

نورتي حبيبتي ...

ام الزري
24-08-2007, 06:10 AM
مافي احسن من زيت الناريل