المساعد الشخصي الرقمي

مشاهدة النسخة كاملة : سؤال تعتبت من كثر ما اسأله


راعية العراوي
27-08-2007, 12:50 AM
متى يفتحون دوار اللاندمارك

اللي المفروض الحين لو في ضمير

المفروض انهم بنوا سكة حديد ويمر حولها 20 شارع

يعني شارعين مادري 3 وموب قادرين يخلصونهم !!

الشقردي
27-08-2007, 01:04 AM
الحين المشكلة في هالشارع

تعرفين المشاريع عندنا مثل السلحفاة

يعني بو سنة ياخذ له عشر سنين

والحسابة بتحسب

راعية العراوي
27-08-2007, 01:07 AM
الشقردي

لي متى هالاهمال

يعني فلوس تنصرف بالهبل

وجهد ووقت

ولا اخر شي يوم يفتحون الشارع

بعد يومين تلقى فيه حفرة

عتيج
27-08-2007, 01:12 AM
كنت في البحرين في شهر 4 الي طاف

و توني راد منها من كم يوم

في هلاربع شهور ,, شالو 4 دواوير و حلوهم لاشارات ضوئيه



و حالياً شغالين على اشارات جسر ستره,, و السير هناك ماشي و من احسن مايكون

تقريبا ماتحسين لا بتحويله ولا بأي شي

و في دبي نفس الكلام

تغيبين عنها سنه ,, و تردين لها تحسين بأن الشوارع تغيرت

الا عندنا ,,

و السر شنو ,, هذا الي مايعرفه غير رب العالمين

يعني استهتار و اهمال بهذا الشكل ,, ماعتقد بتحصلين في العالم كله مثل الي حاصل عندنا

ام الزري
27-08-2007, 01:17 AM
راعية العراوي ...
ذا الشارع اقصد المشروع حالة حال غيره من المشاريع النايمة

بنت قطر
27-08-2007, 01:17 AM
مانقول الا الله يعينا والله يعيين سياراتنا

الجوهرة
27-08-2007, 01:33 AM
وعقب هذا التأخير يا ريت الشارع يكون عدل...!!!

راعية العراوي
27-08-2007, 01:53 AM
بوسلمان

بعطيك مثال


تكملة اللاندمارك اللي الحين يبنونها

بدوا فيها بعد اغاق الدوار

والحين تقريبا بيخلصون

وبيفتحون القسم الجديد

ودوار اللاند مادري متى بيخلص

راعية العراوي
27-08-2007, 01:54 AM
ام الزري

:4s2j9s (30):

طالما يغرفون من هالفلوس

ولارقيب ولاحسيب

اكيد المشروع بينام

راعية العراوي
27-08-2007, 01:55 AM
بنت قطر

خذي لج عراوي

بترتاحين

راعية العراوي
27-08-2007, 01:56 AM
الجوهرة

مستحيل يكون عدل

لازم يسوون لنا برنامج الحصن فيه

تمشي تمشي وفجآة تطيح في حفرة

:4s2j9s (34):

عذبة الروح
27-08-2007, 09:09 AM
مالنا إلا الصبــــــــــر

وبنشوف آخرها وين..

يقولون.. اللي يبي الدح مايقول أح..

هذا ثمن التطور في البلاد..

راعية العراوي
27-08-2007, 01:37 PM
عذبة الروح

التطور البطيئ جدا قصدج

:ranting2: :ranting2:

عذبة الروح
27-08-2007, 02:50 PM
عذبة الروح

التطور البطيئ جدا قصدج

:ranting2: :ranting2:

معليه..

بس بعد برجع وبقول..

يستاهل الأنتظار..

شوفي أحنا وين وغيرنا ويييييييييييييين

الأشهب
28-08-2007, 12:22 AM
ترى فتحوا جزء بسيط منه

من ورى صوب كرك النعيمي

بس لازم يكون عندج عراوي :010:

عشان التنقز بالموتر

ياراعية العراوي :crazy:

صية الفريج
30-08-2007, 11:10 AM
هي جات على هالشارع << كلهم الشوارع مثل بعض

واذا عدلوا شارع مايمر عليه اسبوع الا تلاقينهم بيفتحون فيه شارع فرعي

واللي يقهر اذا ابتدت المدارس اشبيكون حالنا في الزحمه

احنا التطوير اللي احنا فيه يجبرنا نقعد اسنين ليما يتعدل شارع