المساعد الشخصي الرقمي

مشاهدة النسخة كاملة : قالولي عنك يالرنج... خــــــــــوان ..!!!


عذبة الروح
30-08-2007, 11:34 AM
http://qatar2.com/up/uploads/29aba01a00.jpg (http://qatar2.com/up/)







قالو عنك يالرنج خوان
وغلطان ساعة قلت بشريك


واليوم أشوفني صرت ندمان
لوّل قلت من يساويك


وياما مدحتك بين العربان
وألحين شوف إشلون بشنيك


موتر جديد ودوم خربان
اتعبتني من كثر ما أعطيك


من كل راتب النص نقصان
شي للغسيل وشي تشييك


ومن فوق هذا دوم عطشان
لو هو بحر ما ظني يسقيك


كل يوم أعبي ترس خزان
وأقول تستاهل وأغذيك


واللي يشوفك قال فنان
ياليت لو عندي شراويك


عقيتني في وسط كثبان
وين الجسارة اللي تحليك


ما دمت عالشارع وخربان
والونش دومه اللي يوديك


لو إني شريت الونش كسبان
أهون عليه من بلاويك


بذكر لكم قصة يالأخوان
يوم إخترب أمسات البريك


إمن الوكالة خذت سامان
ب7000 سفايف ويش أسميك


لو بوصفك بالوصف نيران
تحرق ولا تشبع ويرضيك


الله يغشك ولد حمدان
هو اللي قنعني وقلت بشريك


وإلا ترى فالقلب نـيـسـان
فيه ابركه والخير ما فيك


ولي ياخذه بالفعل كسبان
في كل موقع ما با يخزيك


ما هو شراتك دوم عثران
كل العرب بالشين تطريك


وعسى حريقة تشب بالألمان
لي صنعوا كشرة وتغريك


عساك يالرنج طوفان
غلطان من يدفع ويشريك


عليك يالشراي بـنـيـسـان
لي من عذبته قال لبيك








http://qatar2.com/up/uploads/252639e5f6.jpg (http://qatar2.com/up/)


منقوووولة على لســــــــان واحد شبعان مصايب من الرنج..:sport_boxing:

خخخخخخخخ

عتيج
30-08-2007, 11:42 AM
ههههه

شكل الرنج بهدله

ودامه راعي نياسين .. شله راز عمره و رايح ياخذ له رنج

صية الفريج
30-08-2007, 11:43 AM
قولي له ياخذ جمس ابرك له


مشكوره اختي عذبه صج ضحكتيني

what ever
30-08-2007, 02:54 PM
خخخخخخخخخخ ..
شكله يبي يسوي دعاية للنيسان ..
يسلمووو على القصيده الحلووه ..

الجوهرة
30-08-2007, 08:20 PM
صح لسانه والله ...!!!

شكله طفش من بلاوي الرنج...!!!

واشحاده دامه في قلبه النيسان....!!!

ام الزري
30-08-2007, 08:26 PM
هههههههااااااااااااااااااااي
شور رفيقه بوحمدان غلط وعوج ...

زهرةالصبار
30-08-2007, 08:35 PM
هههههههههههههههههه

ياحليله ذكرني باخوي مع اللكزس

الشقردي
01-09-2007, 09:41 PM
شكل عويشق هو اللي كاتب القصيدة

معــاند جــروحه
04-09-2007, 03:50 AM
يسلموو أختي ع القصيده ..

لا وين حلاته الرنج والله هذا هوه لاخرابات ولا شي لكن اللي يحشم السياره تحشمه والحمدلله الأمور كلها زينه بس أذا قصيده قبل كم سنه يمكن يوم الماكينه بريطانيه الحين المكاينه ألمانيه

عذبة الروح
04-09-2007, 01:19 PM
تسلمووووون على الردود

معاند جروحه..

يمكن القصيدة صج قديمة..

شرايك تسأل كاتبها؟؟:em05:

احساس الدوحة
04-09-2007, 02:00 PM
ههههه

من قاله يشتري رينج

تسلمين يالغلا