المساعد الشخصي الرقمي

مشاهدة النسخة كاملة : أقصد نصايح


مهستر@الله يستر
11-09-2007, 05:41 PM
هذه قصيده للشاعر / سليمان بن شريم ،،، حيث فيها من الحكم والنصايح
الشي الكثير ،،، واعجبتني ارجوا ان تحوز على رضاكم

يامل عين ِ في محاجيرها شوك *** والقلب به عت لذة النوم دكّاك
لى داك في قلبي من الهم داكوك *** جاوبت طربان الحمايم والادياك
عزّي لحالك ياعزيز وانا ابوك *** كان الزمان اللي وطاني توطاك
امشي وكني ياعزيز بتابوك *** في حبس جبار تحت حكم الاتراك
على عشيرِ دونه الباب مصكوك*** ماغير امره واتعداه مناك
وقعدت انا في تالي الوقت مملوك *** دورة زمان بين جاك وتعداك
افهم وصاتي ياعزيز وانا ابوك *** دامك صغير وغايه العلم يقراك
تراه ماينفعك عمك ولاخوك *** لى صار ماتقضي لزومك بيمناك
وربعك الى بأن الخلل فيك عافوك*** اقرب قريب لك من الناس يشناك
وان كثر مالك صدقوا لك وطاعوك *** وان قل مابيديك شانت سجاياك
لو تطلب الماء عندهم كان ماسقوك *** ابعد مزارك عن وطنهم ومرباك
وان طاب حظك صدقوا لك وزاروك *** وان بار كل مايبي غير فرقاك
والى اعترض لك من صروف النيا صوك *** كل تبرى منك ماهو وياك
وهراجة المجلس الىجيت وروك *** منازل تطرب نظيرك بدنياك
واللي يجي من رفقته ريب وشكوك *** احذر عنه بالحال لياك لياك
والى جفوك اهل الوطن واستحفوك *** اشلع غريسك ثم اهدم ركاياك
وعطهم مجازاهم والى منهم جوك *** واغلق ضميرك لاتعلم بقصياك
تراك لو تمشي على الرجل صعلوك *** احسن من اللي تلتجي له وياطااك
خدمتك شيخِ كنك العبد مبروك *** يامرك فيما يشتهي ثم ينهاك
وترى الملوك اليا صفوا لك وحبوك *** اصغر خدمهم ينتقم لك وينفاك
والى جفوك اهل الوظيفه وعافوك *** خفت موازينك وكل تهقواك
الى قضوا منك اللوازم وخلوك *** تفرقوا وانت احتمل كل ماجاك
كنك سراج البيت للنور شبوك *** والى قضى الوارد حدا الربع طفاك
والاكما ليمونه الحمض مصوك *** والى قضى منها الطعم طواحو ذاك
واعرف تراك مبرقع منه مشبوك *** وحدرك في حبل الندامه ولا ارقاك
وان طبت ماحبوك وان جرت زاروك *** وتقضي حياتك ناقل ِ داك برداك
واصحى لخلان الرخا لو تغالوك *** اعرف ترى اطيبهم الى احتجت يجفاك
كنك خوي مقيط دهووك واغووك *** حقك عطاك رشاك واقفى وخلاك
واحذر عن العيله ترى الحق مدروك *** مثل العمل يدركك مامنه فكاك
وان كان عدوانك على الضيق حدواك *** فاخصم طلابتهم بعجفاك واقداك
وان كانهم في واضح الحق ماشوك *** ناظر مطاليع الفرح قبل مبداك
وان طاعوا لابليس ثم استهانوك *** فاصبر على البلوى ودفنك رزاياك
وزرهم تراك اليا توانيت زاروك *** ان مابديت بصاحب السو يبداك
ان كانهم ماطاعوا لك وعافوك *** اضرب على الكايد ليا عميت ارياك
لو هذبوالك بالمصايب وضدوك *** مل سذبحونك قبل تدني مناياك
واحلم عن الجاهل ترى الحلم مبروك *** وقم للضعيف اللي من الضيم ينخاك
وادمح خطا جيران بيتك الى اذوك *** ترى القصير وحرمة الجار بحماك
عطهم جميع حقهم لو تناسوك *** في كل مايصلح بدينك ودنياك
وقم للرجال الى عنوا لك وضافوك *** اغلى كرامتهم حجاجك وبشراك
واعرف ترى مالك من الضيف مشروك *** لولاه يطلب حاجته فيه ماجاك

احساس الدوحة
11-09-2007, 06:16 PM
واحلم عن الجاهل ترى الحلم مبروك *** وقم للضعيف اللي من الضيم ينخاك
وادمح خطا جيران بيتك الى اذوك *** ترى القصير وحرمة الجار بحماك

احلى نصيحه

تسلم يالغلا

نقل رائع

الشقردي
11-09-2007, 07:58 PM
صح لسانه الشاعر

وتعجبني قصائد الحكمة والنصح

لا هنت يا مهستر

وجــدان الدوحــة
11-09-2007, 08:24 PM
صحـ لسانهـ

اشكر ذائقتكـ في الإختيار

.

دوم مو يوم
وجــدان

what ever
11-09-2007, 08:46 PM
ابيات كلها حكمه ..
ابدعت بالاختيار يامهستر ..

مهستر@الله يستر
12-09-2007, 07:53 AM
احلى نصيحه

تسلم يالغلا

نقل رائع



:4s2j9s (17):

مهستر@الله يستر
12-09-2007, 07:54 AM
وتعجبني قصائد الحكمة والنصح



وهذا اسمى دور للشعر

النصح ونشر الفضيلة

مهستر@الله يستر
12-09-2007, 07:55 AM
اشكر ذائقتكـ في الإختيار


اشكر لج مرورج

مهستر@الله يستر
12-09-2007, 07:56 AM
ابيات كلها حكمه ..
ابدعت بالاختيار يامهستر ..

كل الشكر لج

على تشجيعج

وتواصلج

أماني العاشق
12-09-2007, 09:49 AM
عطهم جميع حقهم لو تناسوك *** في كل مايصلح بدينك ودنياك
وقم للرجال الى عنوا لك وضافوك *** اغلى كرامتهم حجاجك وبشراك
واعرف ترى مالك من الضيف مشروك *** لولاه يطلب حاجته فيه ماجاك

نصائح وحكم روعه
صح لسان قايله
وسلمت يداك على هذا النقل الرائع يا رائع
كل التقدير لك اخوي مهستر الله يستر

ام الزري
13-09-2007, 06:25 PM
مشكور على القصيدة اللي كلها حكم ..
وعساك على القوة

مهستر@الله يستر
17-09-2007, 09:04 AM
نصائح وحكم روعه
صح لسان قايله


نورتنا بطلتك

مهستر@الله يستر
17-09-2007, 09:05 AM
مشكور على القصيدة اللي كلها حكم ..
وعساك على القوة

كل الشكر لج

على التواصل