المساعد الشخصي الرقمي

مشاهدة النسخة كاملة : قصة حصلت على أحد شواطئ الخليج


أمواج
23-09-2007, 10:42 AM
القصة حصلت على احد شواطئ الخليج

--------------------------------------------------------------------------------

القصة حصلت على أحد شواطئ الخليج


فيه اثنين شباب راحوا البحر جلسو على الشاطئ ومعاهم عشاهم. وهم جالسين يتعشون جتهم عجوز كبيره في السن

وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح وماأكلت شئ

جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت. وبعد ما تأخر

الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في

الليل وجاء واحد من الشباب وقال لها عندك رقم ولدك نتصل عليه نخليه يجي آخذك . قالت العجوز إيه معي الرقم في

ورقه . ولما طلعت الورقه . ايش تتوقعوا مكتوب فيها ؟؟؟؟؟ مكتوب ( من يجد هذه المرأه يآخذها لدار العجزه) انصعقوا

الشباب من المكتوب في الورقة وجلسوا ساعة يترجون العجوز تمشي معاهم. ويحاولون فيها إنهم يوصلوها أي مكان

هي تبيه . أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي.وكانت تقول

ولدي راح يجي يآخذني وأنا راح استناه .

لاتدري المسكينه إن ولدها تنكر لها ورماها في الوقت الي هي فيه محتاجه له.المهم راحوا الشباب عنها وتركوها

على أمل إن ولدها راح يأتي ليآخذها حسب وعده لها. فيه واحد من الشباب جلس يتقلب في الفراش وماقدر يرقد يفكر في

مصير العجوز المسكينه وقام من فراشه وغير ملابسه وركب سيارته وراح للشاطئ. ولما وصل. رأى الاسعاف والشرطة

والناس مجتمعين ودخل بينهم شاف العجوز قد فارقت الحياه ولما سألهم عن سبب وفاه العجوز قالو له أرتفع معها

الضغط وماتت.

ماتت من خوفها على ولدها يمكن يكون صار له شئ. ماتت وهي تنتظر ولدها يأتي ليأخذها. ماتت الله يرحمها


الجنة تحت أقدام الأمهات والبر يطيل العمر

منقول

احساس الدوحة
23-09-2007, 10:51 AM
سمعت هالقصه من قبل

وكل مره اسمعها

وتدمع عيني

حسبي الله على عيالها

شكرا يالغلا

الشقردي
23-09-2007, 11:04 AM
قصص غريبة على مجتمعنا

لكن تبدلت الاحوال

وصار العقوق امر عادي عند الابناء

الله يستر علينا لا كبرنا

أمواج
24-09-2007, 08:47 PM
سمعت هالقصه من قبل

وكل مره اسمعها

وتدمع عيني

حسبي الله على عيالها

شكرا يالغلا


العفو أختي يكفي مرورك يعطر صفحتي المتواضعه ..


قصص غريبة على مجتمعنا

لكن تبدلت الاحوال

وصار العقوق امر عادي عند الابناء

الله يستر علينا لا كبرنا

آآآمين الله يستر مشكور أخي على المرور ..

بريق العيون
24-09-2007, 08:50 PM
حسبـي الله ونعم الوكيل.!!

أمواج
25-09-2007, 12:16 AM
حسبـي الله ونعم الوكيل.!!

مشكوره أختي على المرور ..