المساعد الشخصي الرقمي

مشاهدة النسخة كاملة : شسالفه المرور في الديره


عتيج
25-12-2007, 07:47 PM
بدون مقدمات

السالفه و مافيها

اني استلمت اليوم مسج الساعه 9:02 دقيقه بمخالفه عدم ارتداء الحزام في منطقه مدينه خليفه و قدرها 500 ريال

و عقبها بشوي ,, جاني مسج ثاني بنفس المخالفه و ي عدم ارتداء الحزام الساعه 9:20 دقيقه و لكن في مدينه الرويس

قلت اكيد الموضوع فيه شي غلط ,, فدخلت اشيك على موقع الداخليه ,, و فعلا ,, لقيت ان المخالفتين مسجلات على السياره و بفارق 18 دقيقه بينهم

الحين ماقول الا اللهم لااعتراظ على قيمه المخالفه ,,

و ماعندي مانع ادفع قيمه مخالفه الحزام الي انأخذت علي في مدينه خليفه

لكن مخالفه الرويس شسالفتها ,,:ranting2:

انا ناوي امر على اداره المرور و اطلب اني اشوف الاخ العبقري الي سجل علي المخالفه

و ابيه يجاوب علي ,, هل بالامكان ان اقطع المسافه من دوار جسر الجوازات الى مدينه الرويس في شمال قطر و في 18 دقيقه !!!!!!!!

و هذي نسخه من جوجل ايرث لخريطه قطر :ranting2:

http://www.majaless.com/up/uploads/353296a526.jpg (http://www.majaless.com/up)

و اذا اقنعني بأمكانيه الوصول في 18 دقيقه ,, بدفع له المخالفه ,, و ببيع موتري و بشتري من المواتر الي توصل الاوادم لاخر الديره في 18 دقيقه



و ياجماعه , الي عنده خبره في هلامور يخبرنا شنسوي ,, و شلحل مع ربعنا في المرور



حسبي الله و نعم الوكيل :ranting2:

M!ss. FόǾόŠђŸά
25-12-2007, 07:51 PM
18 دقيقة !!!

ولا ومع زحمة شووارعنا :)


الله يعينك بوسلمان !

عتيج
25-12-2007, 07:53 PM
18 دقيقة !!!

ولا ومع زحمة شووارعنا :)


الله يعينك بوسلمان !

يعني افهم انج متضامنه معاي :4s2j9s (25):


والله شي يحير ,,

بس شنقول

الشكوى لغير الله مذله

..الجوري..
25-12-2007, 07:53 PM
ماقول غير حسبي الله عليهم..
ووالله صارو المروور يبطون الجبد..
والله ياخذهم ان شاء الله..
يــرفعون الضـغط

عتيج
25-12-2007, 07:55 PM
ماقول غير حسبي الله عليهم..
ووالله صارو المروور يبطون الجبد..
والله ياخذهم ان شاء الله..
يــرفعون الضـغط

سكتي والله ,, تراني مقهور ..بنلقاها من البيض ,, و الا من اجارات البيوت و الا من اغراظ الجمعيه و الا من المرور
و الا من وين و الا وين

بقايا انسان
25-12-2007, 07:56 PM
شكلك اذا ما خاب ظني ،، انك كنت في رويس تسوق تريلا وموترك سارقه السايق يروح يشتري له جباتي وعلبتين دهن تاتا،، وكرتون بيض مع انه صار يقارن بسعر الذهب هالأيام :em03:

وبعبقريتهم سجلوا المخالفتين على موترك

والله ياخوك هالأمور ما مرت علي من قبل بس يبيلك تشوف هالنابغه من يكون،، يمكن يطلع صح وانت تطلع غلط مثل مايسوون كيوتل :4s2j9s (13):

ياخي احتمال في نسخة ثانية من رقم اللوحة في رويس،، وتعتبر هاذي عبقرية جديده بحكم بعد المسافه بين الدوحة ورويس :4s2j9s (25):

M!ss. FόǾόŠђŸά
25-12-2007, 07:57 PM
يعني افهم انج متضامنه معاي :4s2j9s (25):


والله شي يحير ,,

بس شنقول

الشكوى لغير الله مذله

شلون ماتضامن الله يهداك

من قرب المسافة بين الدوحة و رويس ؟؟؟؟؟؟؟؟؟؟؟؟

شهالموتر الي بيقطع هالمسافة ب 18 دقيقة !!

الله يخليهم يقولون لنا عنه باشترية لأن الصراحة اعاني من ازمة
التأخير ع الدوام و السبة شوارعنا :frown(1):

امل منسي
25-12-2007, 08:00 PM
يمكن هاي انت بس فرع رويس ههههههههههههههههه

..الجوري..
25-12-2007, 08:01 PM
سكتي والله ,, تراني مقهور ..بنلقاها من البيض ,, و الا من اجارات البيوت و الا من اغراظ الجمعيه و الا من المرور
و الا من وين و الا وين

الله يعينك بس
يفكرون فلوس الدنيا كلهاا عندناا
ومساكين اللي رواتبهم مايتعدى 3 الاف
يدفعون حق الايجارات ولا يصرفون ع عيالهم ...
يالله الله المستعان

عتيج
25-12-2007, 08:02 PM
شكلك اذا ما خاب ظني ،، انك قاعد في رويس تسوق تريلا وموترك سارقه السايق يروح يشتري له جباتي وعلبتين دهن تاتا :em03:

وبعبقريتهم سجلوا المخالفتين على موترك

والله ياخوك هالأمور ما مرت علي من قبل بس يبيلك تشوف هالنابغه من يكون،، يمكن يطلع صح وانت تطلع غلط مثل مايسوون كيوتل :4s2j9s (13):

ياخي احتمال في نسخة ثانية من رقم اللوحة في رويس،، وتعتبر هاذي عبقرية جديده بحكم بعد المسافه بين الدوحة ورويس :4s2j9s (25):

يامثل ماتفضلت و أدليت بدلوك :1aa:
,, و الا الربع اخترعو آله تقطع بك المسافات و في دقايق معدوده ,,و هلآله في موتري و انا خبر خير :em05:

امر على المرور ,, و اخبرك شبيصير معاي ان شاء الله


بس تعال ,, وين امر عليهم ,, المعموره و الا مدينه خليفه :glare:

عتيج
25-12-2007, 08:03 PM
شلون ماتضامن الله يهداك

من قرب المسافة بين الدوحة و رويس ؟؟؟؟؟؟؟؟؟؟؟؟

شهالموتر الي بيقطع هالمسافة ب 18 دقيقة !!

الله يخليهم يقولون لنا عنه باشترية لأن الصراحة اعاني من ازمة
التأخير ع الدوام و السبة شوارعنا :frown(1):

الجواب عند الاخ الظريف الي سجل المخالفه علي

ان شاء الله اقدر اشوفه ,, و ان قدرت ,, بصوره و بحطه لكم في المنتدى :poster_vt:

..الجوري..
25-12-2007, 08:04 PM
مـر ع المعموره ومدينه خليفه ^_^
خخخخخخخ

عتيج
25-12-2007, 08:05 PM
يمكن هاي انت بس فرع رويس ههههههههههههههههه

أيييييييييييييييييييييه

قالوها المصريين

الي ايدوو في النار ,, مش زي الي ايدوو في الطحين :blowup:

انزين ممكن سلف 500 ريال :4s2j9s (25):

..الجوري..
25-12-2007, 08:06 PM
عطني رقم سيارتك وانا اتأكد http://www.majaless.com/vb/images/smilies/1aa.gif

عتيج
25-12-2007, 08:07 PM
الله يعينك بس
يفكرون فلوس الدنيا كلهاا عندناا
ومساكين اللي رواتبهم مايتعدى 3 الاف
يدفعون حق الايجارات ولا يصرفون ع عيالهم ...
يالله الله المستعان

تهقين لو دعيت عليه ,,طبعا اقصد الي سجل علي المخالفه ,, بينفع :boat:

عتيج
25-12-2007, 08:08 PM
عطني رقم سيارتك وانا اتأكد http://www.majaless.com/vb/images/smilies/1aa.gif

اذا شغاله في المرور ,, خبريني ,, عشان احذف الموضوع :flybye:

..الجوري..
25-12-2007, 08:08 PM
تهقين لو دعيت عليه ,,طبعا اقصد الي سجل علي المخالفه ,, بينفع :boat:

مـاتوقع :frown(1):

بقايا انسان
25-12-2007, 08:09 PM
يامثل ماتفضلت و أدليت بدلوك :1aa:
,, و الا الربع اخترعو آله تقطع بك المسافات و في دقايق معدوده ,,و هلآله في موتري و انا خبر خير :em05:

امر على المرور ,, و اخبرك شبيصير معاي ان شاء الله

بس تعال ,, وين امر عليهم ,, المعموره و الا مدينه خليفه :glare:

انصحك بمدينة خليفة ،، لأن النوابغ هناك بالكيلو وفي المعمورة بالطن،، كخخخخخخخخخخخ :em03:

وياليت تجيب لي السيره الذاتية الخاصة بالعبقري ،، عل وعسى يطلبونه المخابرات الروسيه :ANSmile04:

..الجوري..
25-12-2007, 08:10 PM
اذا شغاله في المرور ,, خبريني ,, عشان احذف الموضوع :flybye:

للاسف مب شغاله ف المروور :frown(1):
خخخخخخخخخخخخخ

عتيج
25-12-2007, 08:11 PM
مـر ع المعموره ومدينه خليفه ^_^
خخخخخخخ

من قرب الاماكن

و الا من قله الزحمه

لو بسويها ,, باخذ لي فوق ال 3 ساعات

و القهر ,,شكلي بدفع المخالفتين و انا اضحك

:blowup:

عتيج
25-12-2007, 08:12 PM
مـاتوقع :frown(1):

ليش ماتتوقعين ,, مب دعوه المظلوم مستجابه :poster_war:

..الجوري..
25-12-2007, 08:14 PM
من قرب الاماكن

و الا من قله الزحمه

لو بسويها ,, باخذ لي فوق ال 3 ساعات

و القهر ,,شكلي بدفع المخالفتين و انا اضحك

:blowup:

مانقول الا حسبي الله عليهم..

عتيج
25-12-2007, 08:14 PM
انصحك بمدينة خليفة ،، لأن النوابغ هناك بالكيلو وفي المعمورة بالطن،، كخخخخخخخخخخخ :em03:

وياليت تجيب لي السيره الذاتية الخاصة بالعبقري ،، عل وعسى يطلبونه المخابرات الروسيه :ANSmile04:

كيلو , و طن !!! شسالفه بقوش .. ماني برايح اشتري سماد ترى :0051:



و رفيجنا , ان ماخذوه الروس ,, بيطيرونه الاميركان <<< الحين خوفك ننسجن و نصير شهداء الكامري :dancing:

..الجوري..
25-12-2007, 08:15 PM
ليش ماتتوقعين ,, مب دعوه المظلوم مستجابه :poster_war:

مادام ان جي....

ادعي عليهم

وانا بساعدك

^_^

عتيج
25-12-2007, 08:15 PM
مانقول الا حسبي الله عليهم..

قلتها ,, و من قلبي :frown(1):

عتيج
25-12-2007, 08:16 PM
مادام ان جي....

ادعي عليهم

وانا بساعدك

^_^


ليكون داشه على طمع :deal:


خلاص,, ابتدي انتي ,,و انا من عقبج :sport_boxing:

عتيج
25-12-2007, 08:18 PM
للاسف مب شغاله ف المروور :frown(1):
خخخخخخخخخخخخخ

استانست ,, و قلت واسطه و بتنحل المشكله و بتطيح المخالفه ,,:em03:

طلعتي ماتشتغلين هناك :056:

بقايا انسان
25-12-2007, 08:18 PM
و رفيجنا , ان ماخذوه الروس ,, بيطيرونه الاميركان <<< الحين خوفك ننسجن و نصير شهداء الكامري :dancing:

أقول،، احذف الموضوع واعتبرني ما كتبت شي ولا قلت لك شي

وانصحك توديله علبة زلابيه وعلبتين رهش تقديراً لجهوده المبذوله

واذا تبي مرافق ،، تراني موجود بس من بعيد لين بعيد :em03:

عويشق
25-12-2007, 08:19 PM
ماشفت شي يابوسلمان

كلن يسجل المخالفات على هواه

اسمع السالفه ... واحد من الربع جاله مسج عليه مخالف حزام الساعه 6 ونص الصبح
يوم الاحد 2-12 .. الرجال استغرب لان موتره في نفس التاريخ والوقت كان بالوكاله
وعنده الفواتير تثبت ان الموتر كان بالوكاله بتاريخ دخول 1-12 وخروج 3-12 :mad:

الله يعينك على المرور وشكلك في الاخير بتدفع لان التفاهم معاهم راح يجيبلك صداع مزمن

جرب واشتكي في العضيد :banana:

HanoOoda
25-12-2007, 08:20 PM
لحظه لحظه لحظه


وين الدليل انك ماكنت لابس حزام


عندنا في البحرين .. المرور يوقفك و يعطيك مخالفه


يعني مايصير يعطيك نظره و يخالفك

وليش قاعد يلحقك


يمكن مسكين كان يبغي يرقمك .. بس انت ماعطيته ويه

فطنقر و عطاك مخالفه




انت لما تروح المرور .. قول لهم وين الدليل

ماخبر في كاميرات تصيد الي مايلبس حزام



تحمل تدفع لهم


لان مو معقوله مخالفة نظره

عتيج
25-12-2007, 08:20 PM
أقول،، احذف الموضوع واعتبرني ما كتبت شي ولا قلت لك شي

وانصحك توديله علبة زلابيه وعلبتين رهش تقديراً لجهوده المبذوله

واذا تبي مرافق ،، تراني موجود بس من بعيد لين بعيد :em03:

ههههههههههههههههه

من اولها شرده يابقوش

خبري بأهل الوكره اهل فزعه ,, وين ,, و وين الرفجه

أييييييه


خلني على رفيجي عويشق عيل ابرك :4s2j9s (13):

الشقردي
25-12-2007, 08:22 PM
انا شاك انه الاشهب له يد في الموضوع

عتيج
25-12-2007, 08:23 PM
لحظه لحظه لحظه


وين الدليل انك ماكنت لابس حزام


عندنا في البحرين .. المرور يوقفك و يعطيك مخالفه


يعني مايصير يعطيك نظره و يخالفك

وليش قاعد يلحقك


يمكن مسكين كان يبغي يرقمك .. بس انت ماعطيته ويه

فطنقر و عطاك مخالفه




انت لما تروح المرور .. قول لهم وين الدليل

ماخبر في كاميرات تصيد الي مايلبس حزام



تحمل تدفع لهم


لان مو معقوله مخالفة نظره

هيييييييييع هيييييييييييييع << على قوله وحده من الربع

الي تقولينه في البحرين

هني السالفه غير

اغلب الاوقات ,, تدفعين و انتي مبتسمه:icecream:


لا ,, و تشكرينهم بعد :169:

عتيج
25-12-2007, 08:24 PM
انا شاك انه الاشهب له يد في الموضوع

يسويها ,, انسان ظار و مايجي منه الا المظره :deal:

عتيج
25-12-2007, 08:26 PM
ماشفت شي يابوسلمان

كلن يسجل المخالفات على هواه

اسمع السالفه ... واحد من الربع جاله مسج عليه مخالف حزام الساعه 6 ونص الصبح
يوم الاحد 2-12 .. الرجال استغرب لان موتره في نفس التاريخ والوقت كان بالوكاله
وعنده الفواتير تثبت ان الموتر كان بالوكاله بتاريخ دخول 1-12 وخروج 3-12 :mad:

الله يعينك على المرور وشكلك في الاخير بتدفع لان التفاهم معاهم راح يجيبلك صداع مزمن

جرب واشتكي في العضيد :banana:

أيييييييييييييييييييييييييييييييييييييه

الي يسمع سالفه رفيجك ,, تهون عليه سالفته ,, :frown(1):

HanoOoda
25-12-2007, 08:28 PM
هيييييييييع هيييييييييييييع << على قوله وحده من الربع

الي تقولينه في البحرين

هني السالفه غير

اغلب الاوقات ,, تدفعين و انتي مبتسمه:icecream:


لا ,, و تشكرينهم بعد :169:

قول لهم مافي دليل

قول لهم ثوبي بيج و حزامي بيج



خل يولون

انا مابيك تطلع من هناك الا ومسوي هوشه و مقيم الدنيا

عتيج
25-12-2007, 08:30 PM
قول لهم مافي دليل

قول لهم ثوبي بيج و حزامي بيج



خل يولون

انا مابيك تطلع من هناك الا ومسوي هوشه و مقيم الدنيا

مع اني داري ان السالفه مامنها فايده ,,

لكن بنجرب سالفه البيج :dancing:

عويشق
25-12-2007, 08:38 PM
قول لهم مافي دليل

قول لهم ثوبي بيج و حزامي بيج



خل يولون

انا مابيك تطلع من هناك الا ومسوي هوشه و مقيم الدنيا


بقولون له عاااادي خذ راحتك لاتدفع

والمخالفه بتقعد تزيد عليه كل شهر تاخير دفع :dancing:

عتيج
25-12-2007, 08:45 PM
بقولون له عاااادي خذ راحتك لاتدفع

والمخالفه بتقعد تزيد عليه كل شهر تاخير دفع :dancing:

ياخوي ماينعد هذا ربى ؟؟ :4s2j9s (13):

HanoOoda
25-12-2007, 08:52 PM
مع اني داري ان السالفه مامنها فايده ,,

لكن بنجرب سالفه البيج :dancing:

واذ مافادت سالفة البيج


قول لهم انا ماشفت Robocop يلحقني

واذا ماعرفوه


اطبع لهم هذي الصوره

http://www.kelwick.karoo.net/Images/Classic%20Pics/Robocop%2005.jpg

بقولون له عاااادي خذ راحتك لاتدفع

والمخالفه بتقعد تزيد عليه كل شهر تاخير دفع :dancing:

يمه منهم

:056:

عتيج
25-12-2007, 08:54 PM
واذ مافادت سالفة البيج


قول لهم انا ماشفت Robocop يلحقني

واذا ماعرفوه


اطبع لهم هذي الصوره

http://www.kelwick.karoo.net/Images/Classic%20Pics/Robocop%2005.jpg



:056:


شكلج ناويه علي :4s2j9s (13):

..الجوري..
25-12-2007, 09:16 PM
ليكون داشه على طمع :deal:


خلاص,, ابتدي انتي ,,و انا من عقبج :sport_boxing:

^_^
دعيت وخلصت
يلا دورك
خخخخخ

عتيج
25-12-2007, 09:18 PM
^_^
دعيت وخلصت
يلا دورك
خخخخخ

ههههههه

ان شاء الله

..الجوري..
25-12-2007, 09:22 PM
استانست ,, و قلت واسطه و بتنحل المشكله و بتطيح المخالفه ,,:em03:

طلعتي ماتشتغلين هناك :056:

لو كنت هناك كان دفعتك 10000 ريال خخخخخخخخخخ
((امزح))

عتيج
25-12-2007, 09:23 PM
لو كنت هناك كان دفعتك 10000 ريال خخخخخخخخخخ
((امزح))

انتي كريمه ,, و بوسلمان يستاهل :4s2j9s (25):

بنت قطر
25-12-2007, 10:49 PM
ههههههههه

اللهم لاشماته

ولا يهمك يا بوسلمان ترا اذا بغيت مساعده انا عندي واسطه قويه في المرور انت امر بس ولا يردك

الا لسانك

الجوهرة
25-12-2007, 10:49 PM
بصراحة المرور بدوا يتسببون على العالم......!!!

وانت اول ما ابتدوا فيك....!!!

الله يعينك...!!!

ام الزري
25-12-2007, 11:04 PM
بوسلمان ..
حتى لو عندك بوغاتي ماوصلت بهالسرعة لرويس ..
وينه الخرجي مايشوف المخالفات اللي مالها سنع واللي ذبحت المساكين ..
الله المستعان

عتيج
26-12-2007, 07:48 AM
ههههههههه

اللهم لاشماته

ولا يهمك يا بوسلمان ترا اذا بغيت مساعده انا عندي واسطه قويه في المرور انت امر بس ولا يردك

الا لسانك

انا واسطتي رب العالمين ,, هو الي بياخذ حقي و حق غيري من كل ظالم





<< انزين ممكن نكمل على الخاص :em05:

عتيج
26-12-2007, 07:58 AM
بصراحة المرور بدوا يتسببون على العالم......!!!

وانت اول ما ابتدوا فيك....!!!

الله يعينك...!!!

لاني فقير(ن) مسكين :flybye:

عتيج
26-12-2007, 07:59 AM
بوسلمان ..
حتى لو عندك بوغاتي ماوصلت بهالسرعة لرويس ..
وينه الخرجي مايشوف المخالفات اللي مالها سنع واللي ذبحت المساكين ..
الله المستعان

صباح الخير سعاده مدير اداره المرور :ANSmile04:

الوعــ نور ـــد
26-12-2007, 08:43 AM
بو سلمان روح وتفاهم معاهم ..

انا ابوي عطوه مخالفه غبيه انه مقعد ياهل جدام ..

وحنا ماعندنا يهال بالبيت .. وغيره ابوي كان مسافر ها الوقت والموتر صاف بالبيت ..

وماعندنا حد يسوق الموتر ..

المهم راح لهم وفهمهم وكلمهم وود جوازه اثبات انه برع البلاد مع شهادات الميلاد انه ماعندنا نونو بالبيت ^_^ .. ولا حد فينا معرس وعندنا ياهل ..

بالعربي حكر لهم ..

بعد طلوع الروح الموظف فهم وشال المخالفه :)

عتيج
26-12-2007, 10:13 AM
بو سلمان روح وتفاهم معاهم ..

انا ابوي عطوه مخالفه غبيه انه مقعد ياهل جدام ..

وحنا ماعندنا يهال بالبيت .. وغيره ابوي كان مسافر ها الوقت والموتر صاف بالبيت ..

وماعندنا حد يسوق الموتر ..

المهم راح لهم وفهمهم وكلمهم وود جوازه اثبات انه برع البلاد مع شهادات الميلاد انه ماعندنا نونو بالبيت ^_^ .. ولا حد فينا معرس وعندنا ياهل ..

بالعربي حكر لهم ..

بعد طلوع الروح الموظف فهم وشال المخالفه :)
اوووه

يعني الكل يشتكي

وين راح ,, خل اروح اتابع سالفتي :4s2j9s (25):


انزين ,, اخرتها

يعني فلوس الناس ماهي بلعبه عشان يصلخونا مخالفات مالها معنى

على الاقل يدربون افرادهم قبل لايهدونهم في الشوارع تخالف خلق الله

أسرار
26-12-2007, 10:52 AM
بوسلمان هداك ربي

قالو لك انك رحت في الموتر؟؟؟

قالو ان عليك مخالفتين
وهم صاجيّن ربما


يمكن انت كنت تستقل طيارتك الهليكوبتر ذاك اليوم

http://bestanimations.com/Military/Helicopters/Blackhawk-01-june.gif

:4s2j9s (10):

بس الكبر شين

تذكر يابوك قبل لا تظلم شرطي المرور:frown(1):


لا تنسى انهم في خدمة...الشعب:poster_vt:

بقايا انسان
26-12-2007, 11:14 AM
دورت عليك يازلمه من شوي وماكنت من ضمن المتواجدون حالياً

وزاد خوفي عليك والقلق،، وقلت ماودي أزورك وأجيب لك تمباك ايراني للقدو وأشوفك تاكل عدس

:ANSmile04:

عتيج
26-12-2007, 11:15 AM
بوسلمان هداك ربي

قالو لك انك رحت في الموتر؟؟؟

قالو ان عليك مخالفتين
وهم صاجيّن ربما


يمكن انت كنت تستقل طيارتك الهليكوبتر ذاك اليوم

http://bestanimations.com/Military/Helicopters/Blackhawk-01-june.gif

:4s2j9s (10):

بس الكبر شين

تذكر يابوك قبل لا تظلم شرطي المرور:frown(1):


لا تنسى انهم في خدمة...الشعب:poster_vt:

اسرارووه :dancing:

لو ادري ان مخالفاتي بتخليج تدشين المنتدى ,, كنت من زمان طلبت من المرور يخالفني << :4s2j9s (13):


رايج ادفع و انا ساكت ..:frown(1):

هذا بدال ماتقولين لي ابشر ,, بدفع عنك ,, او بكلم لك حد يقط المخالفه :poster_vt:

عتيج
26-12-2007, 11:17 AM
دورت عليك يازلمه من شوي وماكنت من ضمن المتواجدون حالياً

وزاد خوفي عليك والقلق،، وقلت ماودي أزورك وأجيب لك تمباك ايراني للقدو وأشوفك تاكل عدس

:ANSmile04:

ان صادوني ,, جبت ريولك و بقول لهم انك انت الي حرظتني اني انزل الموضوع :056:


و خل البهلواني حزها يجيب لنا القدو , و اللزي منوو :dancing:

أسرار
26-12-2007, 11:36 AM
اسرارووه :dancing:

لو ادري ان مخالفاتي بتخليج تدشين المنتدى ,, كنت من زمان طلبت من المرور يخالفني << :4s2j9s (13):


رايج ادفع و انا ساكت ..:frown(1):

هذا بدال ماتقولين لي ابشر ,, بدفع عنك ,, او بكلم لك حد يقط المخالفه :poster_vt:



ابشر

مب دافعة عنك


وحتى انت مب دافع

المفروض ما تدفع قسم بالله
مب بكيفهم


يجب ان ننتفض نفضة جماعية
ضد الظلم
والطغيانhttp://kshcool.rjeem.com/Agif/Smiles/image/h55.gif (http://www.kshcool.com)


ليمتى بنسكت؟؟؟؟؟
ليمتى واحنا ننطق على روسنا؟؟؟
http://kshcool.rjeem.com/Agif/Smiles/image/h42.gif (http://www.kshcool.com)

يقول لك المثل البيزنطي:نحن بضعفنا نجعلهم أقوياء




اقول بوسلمان
لا تدفع
وتمرّد
واغضب
وإثأر

ووووو
عاد عقب عطنا تقرير مفصل عن رحلتك الى ماوراء الشمسhttp://kshcool.rjeem.com/Agif/Smiles/image/m24asmilies-com.gif (http://www.kshcool.com)
ليمتى بنتم ننطق على روسنا

احمد
26-12-2007, 03:52 PM
يا رجال عادي

بتصير من فتره عمي كان عليه مخالفة وكان مسافر
وسيارته كانت في كراج بيتهم ومسكر عليه

بتصير في احسن الاماكن..

بتلاقي
ياما الاخ اللي اخذ الرقم بده نظارة
او واحد مقهور منك

...
عادي..

انا بحكي ادفع وانت ساكت

الوعــ نور ـــد
26-12-2007, 07:08 PM
بو سلمان يقول لك الوالد انه راح مرور مدينة خليفه

عتيج
26-12-2007, 07:15 PM
ابشر

مب دافعة عنك


وحتى انت مب دافع

المفروض ما تدفع قسم بالله
مب بكيفهم


يجب ان ننتفض نفضة جماعية
ضد الظلم
والطغيانhttp://kshcool.rjeem.com/Agif/Smiles/image/h55.gif (http://www.kshcool.com)


ليمتى بنسكت؟؟؟؟؟
ليمتى واحنا ننطق على روسنا؟؟؟
http://kshcool.rjeem.com/Agif/Smiles/image/h42.gif (http://www.kshcool.com)

يقول لك المثل البيزنطي:نحن بضعفنا نجعلهم أقوياء




اقول بوسلمان
لا تدفع
وتمرّد
واغضب
وإثأر

ووووو
عاد عقب عطنا تقرير مفصل عن رحلتك الى ماوراء الشمسhttp://kshcool.rjeem.com/Agif/Smiles/image/m24asmilies-com.gif (http://www.kshcool.com)
ليمتى بنتم ننطق على روسنا

ان مادفعتي ,, مابيجددون الاستماره

و ان ماجددوها ,, عقب فتره بيصير عليج مخالفه تأخير في تجديدها

و السالفه ماشيه


نحاول نقنعهم

و ان ماصار ,,

الشكوى لله

عتيج
26-12-2007, 07:16 PM
يا رجال عادي

بتصير من فتره عمي كان عليه مخالفة وكان مسافر
وسيارته كانت في كراج بيتهم ومسكر عليه

بتصير في احسن الاماكن..

بتلاقي
ياما الاخ اللي اخذ الرقم بده نظارة
او واحد مقهور منك

...
عادي..

انا بحكي ادفع وانت ساكت

هذا ظنك ,, يعني مافيش فايده :mad:

عتيج
26-12-2007, 07:18 PM
بو سلمان يقول لك الوالد انه راح مرور مدينة خليفه

عاد انا مسكين ,, ماعرف اهاوش

شرايج تكملون احسانكم ,, و تخلين الوالد يجي معاي :banana:

أصايل
31-12-2007, 02:06 AM
ماقلت لنا يا بو سلمان :4s2j9s (10):

شسويت ويا المرور :ermm: ؟

اقنعتهم واللا اقنعوك :bash: ؟؟؟

ترى من كم يوم احاتيك من خلف الكواليس :asd: ,,,

عتيج
31-12-2007, 09:45 PM
ماقلت لنا يا بو سلمان :4s2j9s (10):

شسويت ويا المرور :ermm: ؟

اقنعتهم واللا اقنعوك :bash: ؟؟؟

ترى من كم يوم احاتيك من خلف الكواليس :asd: ,,,

الحمد لله ,, ابشرج

بيكنسلونها

اقتنعو بأستحاله الوصول للرويس في 18 دقيقه

بس للاسف ,, ماكملت الفرحه

الي يكنسل المخالفات كان مأجز :blowup:

will keep u updated :all2:

thanks & best regards اختي اصايل

what ever
31-12-2007, 11:06 PM
الله يعينك ..

وانشالله تتكنسل المخالفه ..

بس اش حقه مو رابط الحزام ؟؟

تخاف الثوب يتعفس ؟؟

همسات الروح
01-01-2008, 04:01 PM
ربنا يرحمنا يا اخي اشكرك

Unknown
02-01-2008, 03:31 PM
اذا تأكدت انه الغلط من العسكري
ما عليك الا تروح تكتب تقرير وتدخل على مدير المرور لو تقدم تقريرك
والله يعينك