المساعد الشخصي الرقمي

مشاهدة النسخة كاملة : مازالت على علاقة معه حتى بعد ان تزوجت !!!


احساس الدوحة
07-05-2007, 02:17 PM
السلام عليكم ورحمة الله وبركاته

جاءت لي لتشتكي

كتبت قصتها علشان تناقشوني فيها ..

http://www.majaless.com/up/uploads/fb5cd1545e.gif

تقول الاخت ...

تزوج اخي منذ خمسة سنوات

من فتاة عاش معها قصه حب طويلة

انجب منها ثلاث اطفال

اكبرهم في الروضة واصغرهم عمره شهرين

قبل يومين جاءت زوجتة لزيارتنا

وعند ذهابها نسيت جوالها عندي

فقمت بالاحتفاظ به حتى تسليمها اياه

ولكنها اثارت شكي عندما اتصلت بعد نصف ساعه

تلح علي باغلاق هاتفها ..

http://www.majaless.com/up/uploads/fb5cd1545e.gif

الفضول ذبحني و ( هنا البدايه )

فتشت في المسجات

طلعت مسجات حب ومواعيد غرام

صعقت ...

انها زوجة اخي والرقم الذي يأتي منه المسج

ليس رقم اخي !!!!!

اخذت الرقم واتصلت من جوالي

واذا به صوت خشن ..!!

اعتذرت وسكرت الخط ..

اتصلت من جوالها فرد وقال :

هلا حبيبتي !!!!!!!!

صعقت .. انها زوجة اخي ..

بعد البحث والتأكد

اكتشفت انه صديقها القديم قبل ان تتزوج اخي

وانها مازالت على علاقه معه حتى بعد الزواج

http://www.majaless.com/up/uploads/fb5cd1545e.gif

صارحتها وزعلت لفضولي وتفتيش جوالها

ولكن لم تنكر العلاقه ووعدتني بقطعها

والتستر عليها

http://www.majaless.com/up/uploads/fb5cd1545e.gif

بعد مرور شهور تكرر نفس المشهد

ومسجات غراميه من نفس الرقم

.........

جاءت تشتكي لي من حيرتها

هل تخبر اخاها فتهدم بيته وتشتت اطفاله ؟؟

ام تسكت وتكون شيطان اخرس ؟؟

::

::

بعد سماع ارائكم سوف اكتب لكم

ماذا نصحتها ان تفعل ...


http://www.majaless.com/up/uploads/fb5cd1545e.gif

للجميع ارق تحيه

احمد
07-05-2007, 02:42 PM
من جهتي ما حافظت على شرف اخوي واذا عندها علاقات قبل الزواج خلاص يتسكر المضووع ما دام تزوجت

ولكن هنا زادت وكبرت القصة والحب القديم ووراها 3 اولاد..

لازم ما تبقى ولا دقيقة في كنف اخيها..

هذا رائي..

لانه مع كشفها رجعت وعادتها

ام الزري
07-05-2007, 03:46 PM
مشكورة على الطرح القيم والمفيد ..

زهرةالصبار
07-05-2007, 04:13 PM
أكيد لازم يعرف لانها خاينه

وممكن العيال مايكونون عيال اخوها

مدام مو راضيه تتوب وتستر على نفسها

المفروض تهددها بالفضيحه لو ما بطلت وتحاول بطريقتها

تعرف كل شيء عن الشخص الغريب بحيث تجيب بياناته

عشان يكون سلاحها

أقوى بالتهديد وترتدع زوجة اخوها

تحياتي

‏فّـٍ ـاَلأحُِلأمٌـِ ـاًرسِْ
07-05-2007, 10:16 PM
الله لا يجيب هاليوم لنا
يسلمووو اختي احساس
وعساتس على القوة
^ـ^"
ــــــــــــــ

عتيج
07-05-2007, 10:46 PM
ببساطه , لاتستحق ان تحمل اسم اخوها

خاينه .. و الخيانه مالها عذر

تخبر اخوها ,, و بشكل مباشر ,,

و الا بتنعد شريكه لها

احساس الدوحة
07-05-2007, 11:46 PM
اخوي احمد

احترم رايك

لك ارق تحيه

احساس الدوحة
07-05-2007, 11:48 PM
اختي ام الزري

ولكن ما سمعنا رايج ؟؟

لك ارق تحيه يالغلا

احساس الدوحة
07-05-2007, 11:51 PM
وتحاول بطريقتها

تعرف كل شيء عن الشخص الغريب بحيث تجيب بياناته

عشان يكون سلاحها

أقوى بالتهديد

اختي زهره الصبار

فكره والله ..

تسلمين عالمرور والتعليق

احساس الدوحة
07-05-2007, 11:51 PM
اخوي ملك روما

الله يبعد عنك هاليوم

ولكن هي جاءت تشتكي

فبماذا تنصحها ؟؟ تسكت ام تصرخ ؟؟

لك ارق تحيه

احساس الدوحة
07-05-2007, 11:53 PM
اخوي بو سلمان


احترم رأيك

لك مني ارق تحيه يالغلا

رحيق القلم
08-05-2007, 12:00 AM
تصدقين

هالقصه صايره في الصج
ناس اعرفهم
تدرون البنت شسوت
ما قالت حق اخوها ولا شي
كلمت البنت والبنت وعدتها تقطع علاقتها معاه
لكنها تمت معاه
هالبنت كانت تيي تسألني اقول حق اخوي او لا
عاد انا من طيبتي قاليت لها حرام عندها عيال
بس مع مر الزمن وتهديدات البنت
صج تابت وتركت اللي تمشي معاه
مدري تهاوشو مدري شسالفه
وتوته توته خلصت الحتوته حلوه والله فتوته

مشكووووره اختي
افضل تتم تهدد بس بشكل مو جاد لكن ما تحسسها انها مو جاده
علشان تخاف وتتركه
وبث

امل منسي
08-05-2007, 12:00 AM
تكلم والده زوجه اخوها وتقولها القصه او واحد من اخوان زوجه اخوها لان الوحده مايردها الا اخوانها وطبعا الاخوان مراح يرضون على سمعتهم فبسنعون اختهم من جهه وبيحاولون يحافظون على حياتهم الزوجيه من جهه اخرى

ومن جهه اخرى اذا الاخوان هددو اختهم وماتابت واكتشف الزوج بعدها الخيانه راح تصبح منبذوه من الطرفين وهي الخسرانه في الاخير

احساس الدوحة
08-05-2007, 12:06 AM
اختي رحيق القلم

في حريم ما ينفع معاهم التستر والتهديد

لك ارق تحيه يالغلا

احساس الدوحة
08-05-2007, 12:08 AM
اختي امل منسي

رايي هو كان نفس رايج تقريبا

لك مني ارق تحيه يالغلا

الفرفشيه
08-05-2007, 12:25 PM
شوفي حبوبه ..

انا من وجهة نظري انها تهددها بشكل قوي

يمكن انها تستحي شوي على ويها وتخاف وتترك الحبيب

بس لو خبرت اخوها هنيه عاد بتسبب مشاكل مالها اول ولا تالي

وبعدين الضحيه بيكونون العيال .. وهم مالهم ذنب..


اما الطريقه الثانيه في نظري هي

انها تعطي حد من اخوان زوجة اخوها الرقم وتقولهم القصه

وهم يتصرفون مع اختهم ومع صاحب الرقم ..

وتقولهم لا تخلون اخوي يدري عشان ما تكبر السالفه ويطلقها ويتشردون اليهال..





ولج ارق تحيه..

وعسى الله يهدي الزوجه ..

احساس الدوحة
08-05-2007, 01:33 PM
اختي الفرفشيه

رايج هو نفس رايي

تسلمين يالغلا

الشقردي
08-05-2007, 01:39 PM
اشوف انه تعطيها طراق

وتخبر اخوها

احساس الدوحة
08-05-2007, 06:32 PM
اخوي الشقردي

عاد ما تلاعب انت ..

تسلم عالمرور وابداء الراي

دروب الحزن
09-05-2007, 07:54 AM
والله هالموضوع حساس خاصه أن عندها أولاد وانتي قلتي بدايه الموضوع ان أخو البنت ماخذ زوجته عن حب طويل يعنى اكيد بينصدم بزوجته ..

بس أنا من راي أنها تمسك عليها شويه فضائيح وتهددها وتنتظر شهرين او ثلاثه أذا شافتها ما تابت , تخبر أخوان الحرمه تقولهم اختكم خاينه وانا مارضيت اخبر اخوي عسب عياله وأنا متاكده انا أخونها بيقومون بشغل المناسب بس بعد أذا ماتابت فمالها الا انها تخبر أخوها وتقوله لان هي حاولت تستر ع حرمته اخوها بس حرمت اخوها مو وجه ستر ..

مشكوره أختي أحساس وان شاء الله تنفك كربه ربيعتج ..

احساس الدوحة
09-05-2007, 12:56 PM
اختي دروب الحزن

رأيك صائب

وهذا ما قلته لها تقريبا

لك ارق تحيه يالغلا

الــفــيــصــل
09-05-2007, 01:03 PM
امممممم

موضوع صعب صراحه .. وحزتها الواحد مايدرى شبيسوى

اصعب شئ الخيانه .. ولج كل التقدير .. وادرى تبين رايى بس ماعندى شئ اقوله

ارق تحيه يالغلا

احساس الدوحة
09-05-2007, 07:37 PM
اخوي الفيصل

مرورك عطر متصفحي

وكنت اتمنى فعلا اسمع رايك

لك مني ارق تحيه يالغلا

احساس الدوحة
13-05-2007, 01:58 PM
اخواني واخواتي

لكل من مر من هنا

احب اقولكم رأيي المتواضع لاخت الزوج ..

****

حاولت احل الموضوع بقدر الامكان بالكتمان

منعا لشتات اسره وتشرد اطفال لا ذنب لهم ..

::

::

* تم الاتصال بصديق الزوجه وتهديده بفضحه عند اهله وزوجته

( طلع متزوج )

وطلبنا منه لو اتصلت فيه يقوم هو باقفال الخط وقطع العلاقه

* تهديد الزوجة بتبليغ ابوها واخوانها .. قبل زوجها

* احضار اثبات من عند محامي تثبت احقية الاب

للابناء في حال ثبوت تهمه عليها ..

* بعد التهديد للزوجه والعاشق الولهان

اختفى هو خوفا على حياته

وخافت هي من اهلها

والحمدلله راقبناها لفتره وتابت

والزوج لا يعلم حتى اليوم

وما زلنا نراقبها ..

وقالت لها اخت الزوج انها الفرصه الاخيره ..

والله يهديها يارب وتكون نزوة وانتهت

::

::

تفاعلكم رائع يالغاليين