المساعد الشخصي الرقمي

مشاهدة النسخة كاملة : اريد حلاً


بومحمد
10-02-2008, 09:27 AM
بسم الله الرحمن الرحيم

اخواني واخواتي الاعزاء اسمحو لي بطرح هذا الموضوع علي وعسى احصل على حل لاني عجزت وانا ابحث عن سبب يقنعني بأني انا المخطي حتى اريح ظميري من الحاله التي اعيشها منذ حدوث هذه السالفه ولا اطول عليكم .

فانا لي صديق عزيز على وكنا زملاء في العمل حبيت هذا الشخص واخلصت له لدرجة اننا كنا نقضي اكثر الاوقات مع بعضنا البعض سواء داخل البلد او خارجه ولكن جئنا في يوم الى الدوام واصبح زميلي متهم بأمور ليس له ذنب فيها اي نعم هو يمكن كان مقصراً في عمله بعض الشي وهذا انا شخصيا من حبي له حذرته ولم يفد ولكن المصيبه الكبرى انني انا اصبحت المتهم الاول في هذه القضيه في ليله وضحاها ولا اعلم كيف ولكن بعد التحري اتضحت الصوره لي بأن هناك اناس هم السبب في هذه المشكله وهم بشكل دائم يحرضون صديقي على وياغافل لك الله وتصور انك تكون منبوذ بين اصدقائق في يوم و ليله وترى الناس الذين كانوا حولك بل كانوا يجلسون على مقعدك في غيابك واليوم يمرون عليك وكانهم لايعرفونك كم هو مؤلم هذا الموقف .

ولكني حاولت الوصول الى صديقي بشتى الطرق حتى اني بعثت له رساله اس ام اس وشرحت له الوضع وقلت له انني مستعد لمناقشة الموضوع وياك واذا ثبت اني انا المخطي لك ماتطلبه مني ولكنه لم يجيب على وهو مشاهدني يوميا لان مكتبه امام مكتبي ولكننا لا نتكلم مع بعضنا البعض ولا انسى دور الاخوان الا عزاء الذين حاولو الصلح بيننا ولكنهم فشلوا بشتى الطرق .

افيدوني ماذا افعل حتى اني ارتاح من هذا الموضوع وكيف اثبت له اني بريء من التهمه التي نسبة لي بالظلم وسامحوني على الاطاله

شقره بنت كحيلان
10-02-2008, 09:56 AM
"المتــهم بريء حتى تثبت ادانتـــه "

المعــــنى ....

انا اشوف انه لا يحق له ان يتهمك بدون اي دليل سابق ... هل هو عنده دليل عليك ومجرد تحريض بعض الاشخاص لا يعطيه الحق في اتهامكـ بحكم الصداقه والمعزه اللي بينكم
برأيي ان تحاول اقناعه مره اخيره خصوصا انه لايملك دليل عليكـ ولا يحق له اتهامكـ فأن لم يقبل
ستكون فعلت مايمليه عليك ضميركـ ومع مرور الوقت راح يعرف من المخطىء في هذه المسأله ....!!

احساس الدوحة
10-02-2008, 10:45 AM
انا اقولك ..

انت سويت اللي عليك وحاولت

اتركه ومع الايام بيتأكد من معدنك

وبتتضح له الصوره

وساعتها هو الندمان انه خسرك

كرامة الانسان تأبى انه يرمي حاله على ناس

ظلموه وما عطوه فرصه يبرر موقفه

ودايما واثق النفس يمشي ملكا

دام انت واثق انك ما غلطت

لا تعطي الموضوع اي اهتمام

هذا انسان ينصاع لكل ما يسمع

وما يصلح يكون صديق ..

ولازم تشكر الله ان الايام اثبتت لك معدنه

الصديق يشره على صاحبه ويقعد معاه ويناقشه

اهم شي تكون بريء صج هههههه

الحزين
10-02-2008, 11:00 AM
انا اقولك ..

انت سويت اللي عليك وحاولت

اتركه ومع الايام بيتأكد من معدنك

وبتتضح له الصوره

وساعتها هو الندمان انه خسرك

كرامة الانسان تأبى انه يرمي حاله على ناس

ظلموه وما عطوه فرصه يبرر موقفه

ودايما واثق النفس يمشي ملكا

دام انت واثق انك ما غلطت

لا تعطي الموضوع اي اهتمام

هذا انسان ينصاع لكل ما يسمع

وما يصلح يكون صديق ..

ولازم تشكر الله ان الايام اثبتت لك معدنه

الصديق يشره على صاحبه ويقعد معاه ويناقشه

اهم شي تكون بريء صج هههههه
:poster_dont: انا معاج بل راي يا اختى احساس

بومحمد
10-02-2008, 11:50 AM
اشكرج يااخت احساس على مرورج بس انتي عندج واحد في المائه شك اني اكون مذنب في هذه القضيه لا مااعتقد ذلك وانتي عارفه ليش لاني اخبرج انج ذكيه جداً وتفهمينها على الطاير ويعطيج الف عافيه وشكراً على النصيحه

بومحمد
10-02-2008, 11:53 AM
شكراً ياشقره على مرورج اكيد انا سويت اللي على بس تدرين ليش كتبت الموضوع في المنتدى ابي اثبت لنفسي اني عملت اللي يملي على ضميري وهذا انتو اثبتوا لي ذلك وجزاج الله الف خير على رايج وتسلمين

بومحمد
10-02-2008, 11:55 AM
اشكرك ياخوي الحزين على مرورك وشاكر لك وقوفك معاي دوماً والى الامام

احساس الدوحة
10-02-2008, 12:05 PM
اشكرج يااخت احساس على مرورج بس انتي عندج واحد في المائه شك اني اكون مذنب في هذه القضيه لا مااعتقد ذلك وانتي عارفه ليش لاني اخبرج انج ذكيه جداً وتفهمينها على الطاير ويعطيج الف عافيه وشكراً على النصيحه

هلا اخوي بو محمد

ولاني ذكيه وافهمها عالطاير

اقولك ..

احساسك بتأنيب الضمير

وعدم قدرتك على تبرير موقفك

ومنعك من الفرصه لتوضيح برائتك

وصدق نيتك

يدل على شي واحد ..

انك حساس وان معدنك واصلك طيب

وثق ان هو الخسران ..

الشقردي
10-02-2008, 12:09 PM
وانا رأيي من رأي اختي احساس

واللي ما يحط اعتبار لصداقة

ما يعتبر صديق

انا لو وصلني كلام عن صديقي بالشين

لو اني اعزه مااراتاح الا لما اروح


واتواجه معاه واعرف منه الحقيقة


عطه السين

بومحمد
10-02-2008, 12:53 PM
كذي اختي احساس انتي اثبتي لي انج احساس اللي عرفتها بذكائها وسرعة بديهتها لفهم المواضيع هذا خبري فيج كنت حاب اعرف رايج ولا اكثر وتسلمين اختي على المرور

بومحمد
12-02-2008, 08:26 AM
اشكرك اخوي الشقردي على ابداء رايك ومرورك عساك على القوه دايماً

وجه السعد
13-02-2008, 01:16 AM
يابومحمد انا عندي حل لاني عارف السالفه بس مابي اتدخل
بس بنصحك نصيحه واعتبرها من اخوك الصغير مش الحين يوم اتلاقى معاك يمكن في العنه اذا ماسافرت

تبنجــت بهواكـم
13-02-2008, 02:24 AM
يا بو محمد انا راي مثل اختي احساس الدوحه و وانت بصراحه ما قصرت و اللي عليك سويته وفي الاخير اهو الندمان وبيعرف الصج من الجذب وبيبنله كل شي في النهايه....

بومحمد
13-02-2008, 09:53 AM
اشكرك ياخوي الشقردي على المرور

بومحمد
13-02-2008, 09:58 AM
اشكركم يا اخواني وجه السعد وتبنجت على مروركم الدائم

الـ غ ـالـي
18-02-2008, 07:49 AM
سويت اللي عليك يابومحمد بيض الله وجهك

ويمكن كل واحد منكم له وجهة نظر يشوف انها صح

بس الغلط في عدم المواجهة والتهرب واتخاذ القرار من غير ماتسمع الطرف الاخر

وخير مثال موضوع الفيل

http://www.majaless.com/vb/showthread.php?t=9354

تحياتي

غ

بومحمد
18-02-2008, 08:44 AM
سويت اللي عليك يابومحمد بيض الله وجهك

ويمكن كل واحد منكم له وجهة نظر يشوف انها صح

بس الغلط في عدم المواجهة والتهرب واتخاذ القرار من غير ماتسمع الطرف الاخر

وخير مثال موضوع الفيل

http://www.majaless.com/vb/showthread.php?t=9354

تحياتي

غ تسلم ياخوي الغالي

ليتك معي!!!
20-02-2008, 12:29 PM
والله ياخوي بومحمد كلام الاعضاء صح وعلى عيني وراسي

بس لو انا في مكانك وفي نفس الوقف وفي نفس المكتب والله يمكن اسكر باب المكتب واقوله الي في خاطري كله واواجهه حتى لو ماقال اي شي ولا رد علي بس اهم شي اكون واجهته وطلعت الي في قلبي وفي الاخير اقوله ترى انا قلت لك هالكلام موب عشان شي بس عشان اريح ضميري وانت كيفك تبي تقتنع في كلامي الحمد لله واذا تبي تسمع كلام غيري كيفك..

وتقبل مروري ياخوي..

فيريرو دبي
20-02-2008, 12:51 PM
بومحمد انا اقوووول انته اللي عليك سويته وحاولت اكثر من مره وبعدة طرق بس الظاهر راكبه راسه السالفه انا اقووول اتخليه وصدقني رااااح يجي يوم ويعرف منو كا على حق وصواااااب وراااح يندم وبعدين الكره في ملعبك يالحبيب


فيريرو دبي