بسم الله الرحمن الرحيم

السلام عليكم ورحمة الله وبركاته

أسعد الله مسائكم وصباحكم بالخير والسعادة والافراح

اليوم جبت لكم طريقة حلا (الشمواة )

أتوقع البعض يعرفه بس قدمته لكم بطريقه مختلفه ومميزة

بلمسات بنت شيووخ




المقادير والطريقة:




الطبقه الاولى :

كيك اليمامه بالشكولاته بصراحة مدري كم حبة >>لحظات أروح أعد اكياس الكيك وجايه


<<توهقت

المهم ترصرصين الكيك لما تتغطى الصينية

تحضرين صينية ذات القاعدة المتحركة حجم كبير وتفكين الكيكه الوحده الى نصفين وتضعين الجزء اللي فيه الكريمه لاعلى



ممكن تستخدمين صينية بايركس بصراحة اسهل في رص الكيك

الطبقة الثانية :

ضعي بالخلاط: ((علبة بسكوت (الشاهي)17 حبة +علبتين قشطة + واللي حاب يحط ملعقة نسكافيه ))..

اخلطيها جيدا بالخلاط حتى تتمازج مع بعض جيدا ثم اتركيها جانبا..




الطبقة الثالثة :

ضعي في قدر: ((4ملاعق كبيره حليب بودره+كأسين ماء+2باكيت كريم كاراميل)).




حطيها على النار مع التحريك واذا فارت صبيها على الخلطه الثانيه واعيدي خلطهما بالخلاط زييين الين يتجانس الخليط



بعدين صبيه على الكيك ..





بعدين جيبي شكولاته بودره وحطيه بمنخال وبعدين رشيه فوق الخليط الين يتغطى الوجه وحاولي تكثرين شوي عشان يطلع مثل الشمواه





بعدين دخليه الثلاجه

وانا بمناسبة اليوم الوطني لبلادنا الغاليه الله يحفظها من كل سوء

حبيت ازيين الحلا بهالطريقة

طبعت شعار السيفين والنخلة

وقصيت الشعار مثل مو موضح بالصوره




حطيت الورقه على الحلا

جبت سكر ناعم ونخلته على الحلا وفوقه الورقه



بعدها رفعت الورقه بحرص عشان مايخرب الشكل

وطلع بهذا الشكل ..



وهذا هو الشكل النهائي ان شاء الله يعجبكم^ـ^






ثم قطعيه وقدميه مع القهوه او خليه حلا عشا


أتمنى ان الحلا اعجبكم ..

تقبلو تحياتي,,,

بنت شيووخ

قد جربت حلى الشامواه روووعه بس حلووه فكرت السيفين والنخله